ރާއްޖޭގައި މިހާރު ފެތުރެމުންދާ ހުމުގެ ރޯގާއާ ގުޅިގެން، އޭޑީކޭ އިން ސޯސަންގޭގައި ކުރިއަށް ގެންދާ ފްލޫ ކްލިނިކްގައި ހިދުމަތް ދެނީ.---ފޮޓޯ: ހުސެއިން ވަހީދު/މިހާރު
16 މާޗް 2017 - 14:32
15 comments
ސްވައިން ފްލޫ ނުވަތަ އެޗް1އެން1 ޖެހޭ މީހުންގެ އަދަދު އިތުރުވަމުން ދިޔަ ނަމަވެސް، އެ ބަލި ކޮންޓްރޯލް ކުރެވޭނެ ކަމުގެ ޔަގީންކަން އެބައޮތް ކަމަށް ހެލްތު މިނިސްޓަރު ނާޒިމް އިއްޔެ ވިދާޅުވެއްޖެ އެވެ.
"މިހާރު" އަށް ދެއްވި އިންޓަވިއުއެއްގައި ނާޒިމް އެހެން ވިދާޅުވިއިރު، އެޗްޕީއޭއިން މިއަދު އާންމު ކުރި ހިސާބުތައް ދައްކާ ގޮތުން އިއްޔެއާ ހަމަ އަށް 335 މީހަކު ވަނީ ސްވައިން ފްލޫ އަށް ޓެސްޓުކޮށްފަ އެވެ. އޭގެ ތެރެއިން 105 (33 ޕަސެންޓް) މީހުން ސްވައިން ފްލޫ އަށް ޕޮޒިޓިވް ވި އެވެ. ހާލު ބޮޑު ހަތަރު މީހަކަށް އައިޖީއެމްއެޗުން ފަރުވާ ދެމުން އަންނަ އިރު، އޭގެ ތެރެއިން ދެ މީހަކު ސްވައިން ފްލޫ އަށް ޕޮޒިޓިވް ވެފައިވާ ކަމަށް އެޗްޕީއޭ އިން ބުންޏެވެ. ދެ މީހަކު ވަނީ މި ބަލީގައި މަރުވެފަ އެވެ.
ހެލްތު މިނިސްޓަރު ވިދާޅުވީ ހުމުގެ ރޯގާ އާންމުވަމުންދާތީ، ސިއްހީ ހިދުމަތް ފަސޭހައިން ލިބޭނެ ނިޒާމު ގާއިމްކޮށްފައިވާ ކަމަށެވެ. އޭނާ އެ ފާހަގަކުރައްވަނީ އައިޖީއެމްއެޗާއި އޭޑީކޭ ހޮސްޕިޓަލުން ފްލޫ ކްލިނިކްގެ ހިދުމަތް 24 ގަޑިއިރު ދޭ ކަމެވެ. އޭގެ އިތުރުން ވެކްސިނާއި ބޭސް ހުސްވުމެއް ނެތި ލިބެން ހުރުމެވެ.
ހެލްތު މިނިސްޓަރު ނާޒިމް އިއްޔެ "މިހާރު"އާ ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
"ތިންވަނަ ކަމަކީ ހުރިހާ ހެލްތު ޕްރޮފެޝަނަލްސް މިކަމަށް ހުސްވެ ތިބުން. ހަތަރުވަނަ ކަމަކީ އިތުރަށް ބޭނުންވާ ބޭސް ގެނައުމުގެ ނިޒާމް މިހާރު ވަނީ ހަމަޖެހިފައި. އެ މީހުންނާ ގުޅުން އެބައޮތް،" ނާޒިމް ވިދާޅުވި އެވެ.
"ކޮމިއުނިކޭޓް ކުރުމާއި ފައިސާ ދައްކާ ކަމަށް ވަންޏާ ފައިސާ ދެއްކުމާއި ޝިޕްކުރުން ވެސް ކުރިއަށް ދޭ. މިއަދު އަޅުގަނޑުމެންގެ ޓެކްނިކަލް ޓީމުން ކަލްކިއުލޭޓް ކޮށްފި، މުޅި ރާއްޖޭގައި ތިބި ހުރިހާ މާބަނޑު މީހުންނާއި ކުޑަކުދިންނަށް ވެކްސިން ޖަހާ ކަމަށް ވަންޏާ ބޭނުންވާނެ ވަރު. އެއް ލައްކަ ޑޮލަރުގެ އެއްޗެހި ގެންނަން ބޭނުންވެއްޖެ ނަމަ އެކަން ކުރަން ވެސް މިތިބީ ތައްޔާރަށް."
ޑޮކްޓަރުންނާ ހަވާލާ ދެއްވައި ނާޒިމް ވިދާޅުވީ މިފަަދަ ރޯގާތައް އާންމު ގޮތެއްގައި 1-2 ހަފުތާ ތެރޭގައި ހަމަޔަކަށް އެޅޭނެ ކަމަށެވެ. ނަމަވެސް ބޮޑު ބައްޔެއްގައި އުޅޭ މީހުންނަށް ހުމުގެ ރޯގާ ޖެހިއްޖެ ނަމަ ސީރިއަސް ވާނެ ކަމަށް ޑޮކްޓަރުން ވިދާޅުވާ ކަމަށް އޭނާ ވިދާޅުވި އެވެ.
ނާޒިމް ވިދާޅުވި ގޮތުގައި މިވަގުތު ބޮޑަށް ބޭނުންވަނީ އެންމެ ބޭނުންވާ މީހުންނަށް ވެކްސިން ދިނުމެވެ.
އޭނާ ވިދާޅުވީ އެޗް1އެން1 އާ މެދު މިއަދު ދުނިޔޭގައި ދެކެނީ، ދޫނި ރޯގާ ފެތުރުނުއިރު އޮތް ފަދަ ބިރުވެރި ކަމެއް ނޫން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲނާފިޒު
17 March 2017
މިނިސްޓަރު ނާޒިމު ތިހެން ބުންޏަސް އަހަރުމެން ޤަބޫލެއް ނުކުރާނަން، އެހެނެއް ނޫން މެޑަމް ބުނެއްޖެއްޔާ އަހަރުން ދެން ޖެހޭނީ ހަމަ ޤަބޫލުކުރަން، ހީހީހީ.
ސިންތިލީ ވޫމް
16 March 2017
ﷲގެ އރާދަފުޅުން އެކަން ވާނެ ކަން ޔަގީއަޅުގަޑައްވެސް. ނާޒިމް މޮޅުކަމަކުން ނޫން. ނާޒިމް އިސްތިޔުފާދީ މިހިސާބަ ކަން ދިޔަ އިރުވެސް ހަގީގަތުގަ ރަގަޅުމަުލޫމާތެއް ނާޒިމް މަކައް އަދިވެސް ނުދެވޭ ބޭނުން ވާ މީހުން ނަކައް!!!
ޕޮގުބާ
16 March 2017
ކޮމެންޓް ކުރާ ބޭފުޅުން ކުފުރު ނުވާތި ނުރަށްކާތެރި ބަލިތަކާ ރޯގާތަކަކީ މާތްﷲ މިދުނިޔޭގަ ލައްވާފަވާ އެޗެއް މިޔަކީ ވަކިމީއެއްގެ ސަބަބުން ނޫނީ ވަކިބައެއްގެ ސަބަބުން ދިމާވެގެންއުޅޭ ކަމެއްނޫނެ މީމާތްﷲ އިރާދަކުރެއްވިގޮތް ކޮންމެކަމަކީވެސްއިމްތިހާނެއް ކެއްތެރިވާންވީ
ކޮންކޮން
16 March 2017
ރާއްޖޭގަ ހިނގާ އަލިފާނުގެ ހާދިސާތައްވެސް ކޮންޓްރޯލްވޭ. ކޮންޓްރޯލްވާއިރު އޮންނަނީ ތަން އަޅިއަށްވެފަ.
ޔާނު
16 March 2017
ބޭސްކާމީހުން ރަނގަޅުވެ ދެން ކޮބައި ކުރެވުނު ކަމެއް
ކަަމަނަ
16 March 2017
އާނ ތިކަން ހުއްޓުވޭނެ ޔަޤީން އެކަމަކު ކިތައް މީހުންގެ ފުރާނަ ދާ ފަހުންތޯ. ދެން ބުނާނެ ތިމަންނަމެންނަށް ކުރެވޭނީ މަސަކަތޭ ޝިފާ ދެއްވާނީ ﷲ އޭ!!!!!!
ވަރަށްކޮންސާންވެފަ
16 March 2017
"ނަމަވެސް ބޮޑު ބައްޔެއްގައި އުޅޭ މީހުންނަށް ހުމުގެ ރޯގާ ޖެހިއްޖެ ނަމަ ސީރިއަސް ވާނެ ކަމަށް ޑޮކްޓަރުން ވިދާޅުވާ ކަމަށް އޭނާ ވިދާޅުވި އެވެ." އެހެން ވިއްޔާ ހިތުގެ ބަލި، ހަކުރު ބަލި ފަދަ ބަލި ބަލީގައި ދާއިމަށް ބޭސްކުރާމީހުން ހަދާނެ ގޮތެއްވެސް ސަރުކާރުން ހަމަޖައްސަދޭންވާނެ ދޯ؟ މިހާރު ނޫހުން މިކަމާ ތަންކޮޅެއް ވަރުގަދަޔަށް އުޅެދީބަލަ.
އަހްމަދު
16 March 2017
އަޅުގަނޑު މިނިސްޓަރަށް %1000 އިތުބާރު ކުރަން! ސުކުރިއްޔާ ގައުމު
ބޭރު
16 March 2017
މިފަަދަ ރޯގާތައް އާންމު ގޮތެއްގައި 1-2 ހަފުތާ ތެރޭގައި ހަމަޔަކަށް އެޅޭނެ ކަމަށްވާނަމަ ދެން މާ ބޮޑު ކަމެއް ކުރާކަށް ނުޖެހޭތާ! ޖެނުއަރީން ފެށިގެން އަމިއްލައަށް ކޮންޓްރޯލް ވާން ދޫކޮށްލައިގެން ތިބައެއްނޫންތޯ ބަޔަކު މީހުންގެ ފުރާނަ އެ ދިޔައީ! އެތައްބަޔަކު ބަލި އެނދުގައި ތިބެން ޖެހުނީ! އާންމުންނާ ހަމައަށް ޚަބަރު އައިސް އާންމުން ޕްރިކޯޝަންތައް ނަގަން ފެށުމުން ބަލި ކޮންޓްރޯލްވާނެއެވެ. ދެރައީ ޚަބަރެއްނުވެ ވާނެއެއްޗެއް ވާން ނުވަތަ އަމިއްލައަށް ކޮންޓްރޯޅް ވަންދެން ދޫކޮށްލީމައެވެ.
އެމް
16 March 2017
އިރާދާކުރެއްވިއްޔާ.... ހަނދުމަފުޅު ބަހައްޓަވާ...