ސައުދީ ރަސްގެފާން ސަލްމާނާއި ޝީ ޗިންޕިން ބެއިޖިންގައ. --ފޮޓޯ:ރޮއިޓާސް
16 މާޗް 2017 - 16:29
4 comments
ބެއިޖިން (މާޗް 16) - ސައުދީ ރަސްގެފާން ސަލްމާން ބިން އަބްދުލް އަޒީޒް އޭޝިއާގެ ގައުމުތަކަށް މިހާރު ކުރައްވާ ދަތުރުފުޅުގައި ޗައިނާ އަށް ވަޑައިގެން ދެ ގައުމުގެ ވިޔަފާރީގެ ގުޅުން ބަދަހި ކުރުމުގެ ގޮތުން 65 ބިލިއަން ޑޮލަރުގެ އަގުހުރި އެއްބަސްވުންތަކެއްގައި ސޮއިކޮށްފި އެވެ.
ތެލަށް ބަރޯސާވުން ކުޑަކުރުމުގެ ގޮތުން ސައުދީން ފަށާފައިވާ އިގްތިސާދީ އިސްލާހީ ޕްރޮގްރާމުގެ ދަށުން ދުނިޔޭގެ އެކި ގައުމުތަކާ އެކު ވިޔަފާރީގެ އާ އެއްބަސްވުންތައް ގާއިމް ކުރަމުންދާ އިރު ޗައިނާ އަކީ ސައުދީގެ އިގްތިސާދުގައި މުހިންމު ދައުރެއް އަދާކުރާ ގައުމެކެވެ. ޗައިނާ އަކީ ސައުދީގެ ތެޔޮ އެންމެ ގިނައިން އެތެރެކުރާ ގައުމެވެ. އަދި އެއީ ދުނިޔޭގެ ދެ ވަނަ އަށް އެންމެ ބޮޑު ތެލުގެ މާކެޓް އޮތް ގައުމެވެ. ރަސްގެފާނުގެ މި ދަތުރުފުޅުގައި ސައުދީ ސަރުކާރުގެ ކުންފުނި އަރާމްކޯގެ ހިއްސާ އަންނަ އަހަރު ވިއްކަން ތައްޔާރުވާ އިރު އެކަމުގެ މައުލޫމާގު ޗައިނާ ކުންފުނިތަކަށް ދިނުން ވެސް ހިމެނެ އެވެ.
"ސައުދީ ރަސްގެފާން ޗައިނާ އަށް ދަތުރުފުޅެއް ކުރެއްވުމަކީ ދެ ގައުމުގެ ގާތް ގުޅުން އިތުރަށް ބަދަހިވެގެންދާނެ ކަމެއް،" ޗައިނާގެ ރައީސް ޝީ ޖިންޕިން ވިދާޅުވި އެވެ.
ޗައިނާގެ ފޮރިން މިނިސްޓަރު ޒަން މިންގް ވިދާޅުވީ ދެ ގައުމުގެ މެދުގައި ސޮއިކުރި އެމްއޯޔޫތަކުގެ އަގު 65 ބިލިއަން ޑޮލަރަށް އަރާނެ ކަމަށެވެ. ނަމަވެސް މި އެއްބަސްވުންތަކާ ގުޅޭ ތަފްސީލެއް އޭނާ ނުދެއްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަކުރު އެންޑް ޒުބޭރް
16 March 2017
މިހިސަބަށް އަންނަންވާއިރަށް ޕުރޮޖެކްޓެއް ހިންގާލެވޭހާ ލާރި ހުންނާނެބާ؟
ދަގަނޑު ދަހަނާ
16 March 2017
ބަކުރު އެންޑް ޒުބޭރު ތިކުރީ ރަނގަޅު ސުއާލެއް! އެއްބަސްވުންތަކުގައި ބޮޑެތި އަދަދުތައް ޖަހާ ސޮއިކުރުމަކީ ފައިސާ ހުސްވާނޭ ކަމެއް ނޫން. ފައިސާގެ ބޭނުންޖެހޭނީ އެ ޕްރޮޖެކްޓްތައް ހިންގަން ފަށާ ހިސާބުން. އެއްޗެއް މިހާހިސާބަށް ލިބިފައިވަނީ މެލޭޝިޔާގެ ބޮޑުވަޒީރަށް. އެވެސް މިދަތުރުފުޅާ ގުޅޭކަމެއްނޫން. ދެން އަރަމްކޯގެ ވާހަކަ އެއޮތީ ޖަހާފަ ހިއްސާ ވިއްކަނީއޭ. ހިއްސާ ވިއްކާނީ ފައިސާނެތިގެން ފައިސާ ބޭނުންވީމާދޯ؟ ދެން ވިސްނާލާ ފައިސާ ހުންނާނެކަން ނުވަތަ ނޫންކަން. ރަސްގެފާނު އާލާސްކަންފުޅާ އުޅުއްވަމުންވެސް އޭޝިޔާގެ ބޮޑެތި އިގްތިޞާދު ތަކަށް ދަތުރުފުޅު ކުރައްވަން ޖެހިވަޑައިގަތީ ކޮންކަމަކުކަން އެނގޭ ބަޔަކަށް އެނގޭނެ. އަހަރެމެންނަށް 1 ޑޮލަރ ފެނުނަސް ވަރަށްގިނަކަމަށް ބެލެވިދާނެ.
މޫސާބޭ
16 March 2017
ދުނިޠޭގެ ވިޔަފާރީގައި ރާއްޖޭގެ ހިއްސާ އިތުރުވަމުން އެބަދޭ. އަލްޙަމްދުލިﷲ. ލިބޭ ފުރުޞަތުތަކަށް އަޅުގަނޑު ދިވެއްސެއްގެ ހައިސިއްޔްތުން މަރުޙަބާ ކިޔަން
ގޮނާނީޑް
16 March 2017
އޫލަލާ.. ސައުދީ- ޗައިނާ ގެ ގުޅުމުގެ ތެރޭން 65 ބިލިއަން ޑޮލަރުގެ އިންވެސްޓްމަންޓަށް ދެގައުމުން ދިއުމުން ދެން މަމެން ޗައިނާގެ ސިލްކް ރޫޓް ގައި ބައިވެރިވުމުން ޗައިނާ އާއި މަމެންނާއި ސައުދީ އާއި އިންޑިއާ ކަނޑުގައި އާއި އަދި ޕެސިފިކް ކަނޑުގައި އާއި އަދި ބްލެކް ސީގައި ތިބެ ބޯ ހިއްލާލުމުން ދެން އިނގިރޭސިން އަނގަވަތަށް ވެއްޓޭނެއެވެ. މިއުޅެނީ ދެން ދުނިޔެ އަށް ނިއު ވޯލްޑް އޯޑަރ އެއް އަންނަން ދޯ. އޯއޯއޯ އޯއޯއޯ ސައުދީ ކިންގް. ޔޫ ކޭން ޗޭންޖް ދަ ވޯލްޑް. ސަމްވަން އިޒް ހައިޑިންގް އަވަރ ޓްރުތް ބަޓް ވީއާރ ގޮނާ އަންފޯލްޑް ދަ އައިކަވަރ ފްރޮމް ދެމް. އައި އޭމް ގޮނާ ނީޑް ސަމްކައިންޑް އޮފް ސައިން...