ތައިލެންޑްގެ ސެންޓާރާ ކުންފުނިން ރާއްޖޭގައި ހިންގާ ސެންޓާރާ ގްރޭންޑް ރިސޯޓް: އެ ކުންފުނިން ރާއްޖޭގައި އިތުރު ދެ ރިސޯޓް ހަދަން ވަނީ ނިންމާފައި. ފޮޓޯ: ސެންޓާރާ
20 މާޗް 2017 - 10:14
9 comments
ތައިލެންޑް މަޝްހޫރު ހޮޓެލް ޗެއިން، ސެންޓާރާ ހޮޓެލްސް އެންޑް ރިސޯޓްސްއިން ރާއްޖޭގައި އިތުރު ދެ ރިސޯޓް ޕްރޮޖެކްޓް ހިންގަން މި އަހަރުގެ ތެރޭގައި ސޮއިކުރާނެ ކަމަށް ބުނެފި އެވެ.
ބެންކޮކް ޕޯސްޓްއަށް ދެއްވި އިންޓަވިއުއެއްގައި އެ ކުންފުނީގެ ސީނިއާ ވައިސް ޕްރެޒިޑެންޓް ފޯ ބިޒްނަސް ޑިވެލޮޕްމަންޓް ސުޕްރަތު ޗިރަވަތު ވިދާޅުވީ ރާއްޖޭގައި އިތުރަށް އިންވެސްޓްކުރަން ބޭނުންވާ ކަމަށެވެ. އެގޮތުން އެ ކުންފުނިން އަމިއްލަ އިންވެސްޓްމަންޓަކާއި މެނޭޖްމަންޓް ޕްރޮޖެކްޓެއް ހިންގަން މިއަހަރުގެ ތެރޭގައި ސޮއިކުރެވޭނެ ކަމަށް ވެސް އޭނާ ވިދާޅުވި އެވެ.
"އަޅުގަނޑުމެން ބޭނުންވޭ މިހާރަށް ވުރެ ގިނައިން ރާއްޖޭގައި އިންވެސްޓްކުރަން. އޭގެ ތެރެއިން އެއް ޕްރޮޖެކްޓަކީ އިންވެސްޓްމަންޓެއް އަދި މެނޭޖްމަންޓް ޕްރޮޖެކްޓެއް ވެސް ލިބިފައި އެބަ އޮތް،" ސުޕްރަތު ވިދާޅުވި އެވެ.
ތައިލެންޑްގައި ހިންގާ ހޮޓާތަކަށް ވުރެ ބޮޑު އަގުގައި ކޮޓަރި ވިއްކޭ ކަމަށާއި އަދި ބޭރުގެ އެކި ގައުމުތަކުގައި ހިންގާ ހޮޓާތަކުން ލިބޭ އާމްދަނީ ވެސް ބޮޑު ކަމަށެވެ. އޭގެ ތެރެއިން ވެސް އެންމެ ބޮޑު އާމްދަނީއެއް ލިބެނީ ރާއްޖެއިން ކަމަށް ވެސް އޭނާ ވިދާޅުވި އެވެ.
"ރާއްޖޭގައި ވާދަވެރިކަން ވަރަށް ބޮޑު. އަޅުގަނޑުމެން އެތަނަށް [ރާއްޖެއަށް] ވަރަށް އާ. އެހެން ނަމަވެސް އަޅުގަނޑުމެންގެ ޓީމަށް އެނގޭ ރާއްޖޭގެ މާކެޓް އޮތް ގޮތް ވެސް. އަދި އެތަންތަނުން ރަނގަޅު އާމްދަނީއެއް ލިބުމުގެ އިތުރުން ނަމަށް ވެސް ކުރާ އިތުބާރު ބޮޑު،" ސުޕްރަތު ވިދާޅުވި އެވެ.
ތައިލެންޑަށް ނިސްބަތްވާ ކުންފުނިން ރާއްޖޭގައި މިހާރު ވެސް ދެ ރިސޯޓެއް ހިންގަ އެވެ. އެގޮތުން އދ. މައްޗަފުށީގައި ސެންޓާރާ ގްރޭންޑް އަދި ކ. ގިރާވަރުގައި ސެންޓާރާ ރަސްފުށިގެ ނަމުގައި ފަސްތަރީގެ ރިސޯޓެއް ދަނީ ހިންގަމުންނެވެ. އެ ކުންފުނިން ދުނިޔޭގެ ދިހަ ގައުމެއްގައި 65 ހޮޓާ ހިންގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތިރަޔުތް
21 March 2017
ސެންތާރާއިން ރިސޯރޓްތައް ހަދަން ކިޔަކިޔަތިއްބާ އެހެންމީސްމީހުން މިކަންތައްނިއްމަނީ....
ޢަލީ
20 March 2017
ކޮބައިތަ ރިސޯޓުހިއްސާ ޔާމިނު ރިޔާސީ ވައުދު ވާނެ ވޯޓު ކައިރިވީމަ އެކަކުވެސް ޔާމީނައް ވޯޓު ނުލާތި އެއީ ވައުދާ ހިލާފު ވާނެ އެއީ އަހުދެއް ވެއްޖެ ނަމަ އަހުދާހިލާފު އަމާނާތެއް ހަވާލު ކޮއްފިނަމަ ތިޖޫރީ ފޫދާނެ އެފަދަ ބަޔަކައް ވެރިކަން ދޭކައް ނުވާނެ
ިއިދުރީސް
20 March 2017
4 ތަރީގެ ރެސޯޓެއް ރަސްފުއްޓަކީ
އޯސަމް
21 March 2017
4 ސްޓަރ ޕްލަސް
ބިކަރައްޔިތު
20 March 2017
ދިރިއުޅޭނެ ގެއެއް އަޅަން ބިންކޮޅެއް ހޯދަން ދިޔައިމަ ކޮންމެވެސް ބަހަނާއެއް ދައްކާފަ ސަރުކާރުން ރެކޭނެ. އެއީ ހުޅުމާލޭގެ އެޕާޓްމެންޓުތަކަށް ޑިމާންޑް ބޮޑުކުރަން. ބޭރުކުންފުންޏެއް ފައިސާކޮޅެއް ދިއްކޮއްލާއިރަށް މާލޭގެ މައިޒާން މައިޒާން ހަދާފައިނަމަވެސް ދޭނެ. އަހަރެމެން ނޫނީ އަމިއްލަ ވަޒަނުގައި ބިކަވެގެން އުޅެންޖެހޭ ބަޔަކުނުތިބޭނެ
އަހުޔާން
20 March 2017
ކީއްވެ ނަހަދަންވީ؟ ދިހަ ވަރަކަށް މިލިޔަން ހަރަދު ކޮށްފަ ކުރިއަށް އޮތް 99 އަހަރަށް ބިލިއަނުން ފައިދާ ހޯދެން އެބަ އޮތް.
އުމަރު
20 March 2017
ބަލަ ދެން ލާހިކައެއްނޫން ދިވެއްސަކަށް ރިސޯޓެއް ހަދަން، ދެން މުޅިން އަޑުއިވޭނީ ތިޔަގޮތަށް އަވައްޓެރި ޤައުމުތަކުގެ ކުންފުނިތަކާއި ބޭރުގެ ކުންފުނިތަކުން ރިސޯޓްތަށް ހަދާވާހަކަ، އެމީހުންނަށް މޭޒްދަށުން ރާއްޖޭގެ ރަށްތަށްދޭންވެގެންނޫންތޯ ބީލަމަކާނުލައި ރަށްތަށްދޭގޮތަށް ހެދީ، އަދި އެކަންކޮށްފައި ދިވެހި އެތަކެއް ރިސޯޓްއޯނަރުންވަނީ އިނދެޖައްސާލާފައި އަދި ދިވެއްސަކުގެ ސިޓީއަކަށްވެސް ޖަވާބްނުދޭގޮތަށް ސަރުކާރު އޮތީ ރާވާފައި، މިހެންވެ ޑޮލަރު މައްޗަށްދަނީ، މިހެންވެ ދިވެހިންގެ ވަޒީފާ ގެއްލެނީ، މިހެންވެ ދިވެހިން ނިކަމެތިވަނީ، ދިވެހިންނަށް ރަނގަޅަށް އެއްކަމެއްވެސް މަޖިލިހުން ނުކުރޭ
ޢަލީ
20 March 2017
އުމަރާ މިހާރު ރާއްޖެއަކުނެތް ތިކަން ކުރެވޭވަރުގެ މީހަކު، އެންމެންގޮސް ސިޔާސީވެގެން އަތުގަ އޮންނަ ލާރިކޮޅު ބަހާ ހުސްކުރަނީ ވެރިކަމާހެދި.
ލަބީދް އެންޑް ކަބީރް
20 March 2017
ނޫނޭ އަދިވެސް ސަރުކާރަށް ތާއީދުކުރާ އޯނަރުންނަށް ޗާންސު އޮންނާނެ.