ހުކުރު ވަގުތަށް ފިހާރަ ބަންދުކޮށްފައި ހުއްޓާ ޓިނު ނަގައިގެން ވަދެ ވައްކަންކޮށްފި

އިފްރާޒް އަލީ، މިހާރު

13 ޖޫން 2025 - 21:53

މާލޭގެ ފިހާރައެއް ހުކުރު ވަގުތަށް ބަންދުކޮށްފައި ހުއްޓާ އެތަނުގެ ފުރާޅުން ޓިނު ނަގައިގެން ވަދެ މިއަދު ވައްކަންކޮށްފި އެވެ.

ފުލުހުން ބުނީ މާލޭގައި ހުންނަ އެމްޓީސީސީ ވިލިމާލެ ފެރީ ޓާމިނަލްގައި ހިންގާ ފިހާރައިން ވައްކަންކޮށްފައިވާ މައްސަލައެއް ރިޕޯޓްކޮށްފައިވާ ކަމަށެވެ.

އެ ފިހާރައިން ވައްކަންކޮށްފައި ވަނީ ހުކުރު ވަގުތަށް ބަންދުކޮށްފައި ހުއްޓާ އެތަނުގެ ޓިނު ނަގައިގެން ވަދެ ކަމަށާއި އެ ފިހާރައިން ފޯނަކާއި ފައިސާ ވަގަށް ނަގާފައިވާ ކަމަށް ވެސް ފުލުހުން ބުންޏެވެ.

ނަމަވެސް، ވަގަށް ގެންދިޔައީ ކިހާ އަދަދެއްގެ ފައިސާ ކަމެއް ފުލުހުން އަދި ނުބުނެ އެވެ.

ވިލިމާލެ ފެރީ ޓާމިނަލްގައި ހިންގާ އެ ކުޑަ ފިހާރައަކީ 24 ގަޑިއިރު ހިދުމަތް ދޭ ތަނެކެވެ. އެތަން ބަންދުކުރަނީ ހުކުރު ވަގުތަށް އެކަންޏެވެ.

ފުލުހުން ބުނީ އެ މައްސަލަ ތަހުގީގު ކުރަމުންދާ ކަމަށެވެ.

ކުށްކުރުން ފުލުހުން ވައްކަމާއި ފޭރުން

7 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުދުގުދާބެއްޔާ

14 June 2025

އަތޮޅު ރަށަކައް ނިސްބަތްވާމީހެއްނަމަ 5-2އަހަރާ ދެމެދުގެ މުއްދަތަކަށް މާލެ ނާދެވޭ ގޮތައް ރަށައް ޑީޕޯރޓް ކޮއްލާ ގަވައިދެއް ހަދަނިކޮއް މިކަން ހައްލުކުރެވިދާނެ!މާލޭ މީހެއް ވެއްޖެއްޔާ މާލެއިން ބޭރަށް ނުވެވޭގޮތައް! ރަށެއްގަ މާލޭމީހަކު މިގޮތައް ވައްކަން ކުރާނަމަ އެރަށަކައް އެމީހަކަށް ހަމަ އެމުއްދަތުގަ ނޭރޭގޮތައް ހަދަނިކޮއް ރަގަޅުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޒބ

14 June 2025

އަދުރޭ ނޫންވީމަ ވ.އުފާވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

14 June 2025

40 ފަހަރު ހައްޔަރު ކުރެވިފަ 20 މައްސަލަ ސަރީއަތަށް ފޮނުވިފަތިބިމީހުން. އެކަމަކު ސަރުއީދާއިރާގެ ނަޒާހަތްތެރިކަމާ ޑިމޮކްރަސީގެ ބޮޑުކަމުން ކޮރަޕްސަންގެ ސްޕެލިންގްވެސް ނޭގޭތީ އެންމެން މާލެތެރެއަށް ދޫކުރެވިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންދީ(ލ)

15 June 2025

ޝަރުއީދާއިރާގެ މައްސަލަ މިކަމުގަ ކުޑައީ، މައްސަލަބޮޑީ ރައްޔިތުންގެ މަޖިލީހާއި ފުލުހުންގެ. މިސާލަކަށް ދެއުޅި އެއްނުވާ މަދަނީ އިޖުރާއަތެއް ފާސްކޮށްލީ ކޯޓުތަކުން ފޮނުވި އިސްލާހުތައް ޑަސްބިނަށް ލާފަ، ދެން ކިތަންމެ ރީއްޗަށް ލިޔެފަ، ކިތަންމެ ގަރުނެއްވެފަ އޮތަސް ފުލުހުން އަމަލުކުރާގޮތުން ހީވާނީ ހަމަ އަލަށް ކަމެއްކުރާ އެމެޗާރއެއްހެން. މީ ހާލަތަކީ، އެނގޭނީ ހިތުހުރި އެއްޗެއް ނުގޮވާ ވިސްނާ ދިރާސާކުރާ މީހަކަށް.