ޚަބަރު / އަލިފާނުގެ ހާދިސާ

ހުޅުމާލޭ ފްލެޓެއްގައި ރޯވެ ބޮޑެތި ގެއްލުންތަކެއް، މިއީ ރޯވި ތިން ވަނަ ފަހަރު

ހުޅުމާލެ 1 ގައި ހުންނަ ފްލެޓެއްގައި ރޯވި ހާދިސާގައި ގެއްލުންވެފައި.

ފާތިމަތު އަޖްފާން، މިހާރު

13 ޖުލައި 2025 - 11:49

52 comments

ހުޅުމާލެ 1ގެ ފްލެޓެއްގައި މިއަދު ހެނދުނު އަލިފާން ރޯވެ، ބޮޑެތި ގެއްލުންތަކެއް ވެއްޖެ އެވެ.

އަލިފާން ރޯވެފައި ވަނީ "ޗައިނާ ފްލެޓް" 94 ގެ ދެ ވަނަ ފްލޯގެ ތިން ވަނަ އެޕާޓްމެންޓުގައި ކަމަށް އެމްއެންޑީއެފުން ބުންޏެވެ.

އެ ސަރަހައްދުގައި ދިރިއުޅޭ މީހުން ބުނީ ބިދޭސީން ދިރިއުޅޭ އެތަނުގައި މީގެ ކުރިން ވެސް ދެ ފަހަރަށް ރޯވި ކަމަށެވެ. އެހެންވެ އެތަން އާންމުންނަށް ބޮޑު ނުރައްކަލަކަށް ވެފައިވާ ކަމަށް ބައެއް މީހުން ބުންޏެވެ.

އެމްއެންޑީއެފުން ވެސް ބުނީ ރޯވި ތަނުގައި 11 ބިދޭސީއަކު ދިރިއުޅެމުންދާ ކަމަށެވެ.

އެތަނުގައި ރޯވި އަލިފާން މިހާރު ނިއްވާލާފައި ވާއިރު އެމްއެންޑީއެފުން ބުނީ ހާދިސާގައި މީހަކަށް ގެއްލުމެއް ނުވާ ކަމަށާއި އެކަމަކު ދުމުގެ އަސަރުކޮށް، އެޕާޓްމަންޓަށް ބޮޑެތި ގެއްލުންތަކެއް ވެފައިވާ ކަމަށެވެ. އާންމުވި ބައެއް ވީޑިއޯތަކުން ފެންނަ ގޮތުގައި އެންމެ ބޮޑަށް ރޯވެފައި ހުރި ވަގުތު ކުޑަދޮރުން އަލިފާންގަނޑު ބޭރަށް ވެސް ނުކުމެފައި ހުއްޓެވެ.

ހުޅުމާލެ 1 ގައި ހުންނަ ފްލެޓެއްގައި ހިނގި އަލިފާނުގެ ހާދިސާގައި އިމާރާތުގެ ބޭރަށް ދުމުގެ އަސަރުކޮށް ގެއްލުން ވެފައި. -- ފޮޓޯ: މިހާރު

އެމްއެންޑީއެފުން އާންމުކުރި ފޮޓޯއިން ފެންނަ ގޮތުގައި ބަންކް ބެޑް ޖަހައި ގިނަ ބަޔަކަށް ނިދޭ ގޮތަށް ހަދާފައިވާ އެތަނުގައި ރޯވުމުގެ ގޮދަޑިތަކާއި އެތަނުގައި އެހެން ބައެއް ތަކެތި ވެސް ވަނީ އަނދައިފަ އެވެ. އަދި ދުމުގެ އަސަރު ވަރަށް ބޮޑަށް ކޮށްފައި ހުއްޓެވެ.

މިދިޔަ ބުރާސްފަތި ދުވަހު ވަނީ ހުޅުމާލޭގައި ހުންނަ އެންސިސް ކުންފުނީގެ ގުދަނެއްގައި އަލިފާނުގެ ބޮޑު ހާދިސާއެއް ހިނގައިފަ އެވެ. އެ ތަނުގައި ރޯވި އަލިފާންގަނޑު ނިއްވާލިއިރު ތަން ހުރީ ބޭނުން ނުކުރެވޭ ވަރަށް އަނދައިފަ އެވެ.

އަލިފާނުގެ ހާދިސާ ހުޅުމާލެ އެމްއެންޑީއެފް

52 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުލިދައްކާ މީހާ

14 July 2025

ފްލެޓް ދެނީ ބިދޭސީން އުޅޭން ކުއްޔަށް ދޭންތަ ނޫނީ ދިރިއުޅޭނެ ތަނެއް ނެތިގެން އުޅޭ މީހުން ދިރިއުޅޭންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

14 July 2025

ތިންފަހަރަށް އަލިފާނުގެ ހާދިސާ ތަކުރާރުވާއިރު އެތާނގައި ދިރިއުޅެނީ ތަނުގެ ވެރިންނޫންކަން ފާޅުކަން ބޮޑުކޮށް އެންގެންއޮތްއިރު ވެސް މިހާތަނަށް އެއްވެސް ކަހަލަ ފިޔަވަޅެއް ނޭޅި އޮތީކީއްވެބާވައެވެ. މިގައުމުގައި ގާނޫނުތަކާއި ގަވާއިދުތަކާއި އުސޫލުތައް މިހަދަނީ ވަކި ބަޔަކަށް ވަކިހާލަތެއްގައި ޢަމަލުކުރަން ނޫން ބާވައޭ ހީވާވަރުވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިބޯނި

14 July 2025

ސޯސަލް ހައުސިންގ ފްލެޓް ތަކުގައި ބިދޭސީންގެ ލޭބަރ ކުއާޓަރ ހެދިގެން ނުވާނެ, މިކަން އެޗް ޑީ ސީން ބަލަން އެބަ ޖެހޭ, ހުރިހާ ކަމެއް ގޯހުން ގޯހަށްދާން ދޫކޮށްލައިގެން ތިބުންމީ ވަރަށް ނުރައްކާތެރި ކަމެއް, ވަގުތު އޮވެ ފިޔަވަޅު އެޅުން އައުލާކަން ބޮޑީ،,

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްމަޓީ

14 July 2025

އަދިނާޅާނެ، މީހަކު މަރުވީމަ ފިޔަވަޅުއަޅާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން

13 July 2025

ކިހާދެރަކަމެއް ބޯހިޔާވެހިކަން ނެތިގެން ހޯދާފައި ހުރި ފުލެޓް މިހުންނަނީ ބަންގާޅީން ނަށް ކުއްޔަށް ދީފައި ، އެމީހުންނަކީ ދިވެހިންނާއި އެކު އުޅެވޭވަރު ބައެއްނޫން ސަރުކާރުން ތިފުލެޓް ވެރިޔާ އަތުން ތަން ނަގާ ، މިގޮތަށް ކުއްޔަށް ދީގެން އުޅޭ ހުރިތަނެއް ސަރުކާރުންނަގާ ބޭނުން ޖެހިފައި ތިބި ދިވެހި އާއިލާތަކަށް ދިނުމަށް ގޮވާލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސދަދ

13 July 2025

އުޅޭނެ ތަނެއް ނެތިގެން އުޅޭ މީހުންނަށް އަޅާފައި ހުންނަ ފްލެޓުތަކުގައި ބިދޭސިން ދިރިއުޅޭ މައްސަލަ ބަލަން ނުވޭބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވނވޖވހވ

13 July 2025

ރާއްޖޭގަ ވަޒީފާ އަދާކުރާ މަސައްކަތު ބިދޭސީ ވަކިވަގުތެއްގަ ނޫނީ މާލެ ނާދެވޭގޮތަށް ތިލަފުށިކަހަލަ ރަށަކަށް ބަދަލުކުރަންޖެހޭ. ރާއްޖެ ގޮތަށް ދުބާއީ އަކީވެސް ބިދޭސީ މަސައްކަތްތެރިން ގިނަގައުމެއް. އެގައުމުގެ އާއްމުންނަށް އެކިގޮތްގޮތުން ވާދަތި ދަކަށް ހައްލު ހޯދުމަށް ދުބާއީގަ ކަންކޮށްފަ ވަނީ މިބުނިގޮތަށް. އަޑުއެހިން ރ ޔާމިންގެ މިވިސްނުން ހުރިކަމަށް. ޔާމިންނޫނީ ހަގީގަތުގަ ދިވެހިންނަށް ހެޔޮއެދުނު ގައުމު ތަރައްގީކުރި ވރތިޔަކުނާދޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތުލަހަރޭ

13 July 2025

ތިޔައީ ބިދޭސީންނަށް ދީފައިހުރި ސޯޝަލް ހައުސިންގަކީތަ؟!!! ހާދަ ހީވެޔޭ އެޗުޑީސީއަށް ދައްކަންޖެހޭ ލާރިވެސް ނުދައްކާހެން ހުންނާނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު އަލީ އިބްރާހިމް

13 July 2025

ގެދޮރުގެ ދަތި ކަމާ ހެދި ފްލެޓަށް ކުރިމަތިލާ އެތާ ނޫޅެ ކުއްޔަށް ދީފައިވާ ތަންތަން ބަލާ ފިޔަވަޅުތަނެއް އަޅަން އެބަ ޖެހޭ . ބޭރު މީހުންނަށް މިހެން ދިނީމަ އެމީހުން އެދުމަތީގަ އޮވެ ސިނގިރެޓް ބޮމުންގޮސް ނިދެނީ. ދެން ފެންނަނީ ގޮދަޑީގަ އަލިފާން ހިފާތަން . ނޫނީ ރޫމުގަ ކައްކަނީ . މީ ހުންނަނީ ކުއްޔަށް ދޭ އިރުވެސް ވިސްނަން ވެެއްޖެ ކަމެއް. މީގެ ސަބަބުން އެތައްބައެއްގެ ދިރިއުޅުން ނުރައްކަލަށް ހުށަ ހެޅޭ އިރު ތަނުގެ ވެރިންގެ ޒިންމާ އަކީ ކޮބައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

13 July 2025

މިއީ އެޗްޑީސީގެ ފަރުވާ ކުޑަ ކަމެވެ. އަހަރަކު 1 ފަހަރު ނަމަވެސް ސާވޭ ކޮށްލާ ނަމަ އެވެ. ދެން ކުލި ނުދައްކާ ވާހަކަ ބުނާނެ އެވެ. އެތާ އުޅޭ ބައެއްވެސް އެޗްޑީސީ އަކަށް ނޭނގެ އެވެ. ތަނުގެ މުއްދަު ހަމަ ވަނީ 20 ނޫނީ 25 އަހަރުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަކަމަ ނެތޭ

13 July 2025

މާލޭގައި އުޅޭތާ 50 އަހަރާ ކައިރިވީ. އުޅެނީ ކުއްޔަށް. އުމުރުގެ ބޮޑުބައެއް މާލޭ ސަރުކާރަށް ހިދުމަތްކުރިން. ރަށުގައި ދިރިއުޅޭ މައިންބަފައިން ބޭސްފަރުވާއަށް ގެނެސްވެސް ބައިތިއްބަންޖެހެނީވެސް ބޮޑު ކުއްޔަށް. އަހަރެންގެ ދަރިއަކު ނެތީމަ ފުލެޓެއް ނުދޭ. އެކަމަކު ދަރިން ތިބި މީހުންނަށް ފުލެޓު ދިނީމަ ކުއްޔަށް ދީފަ އުޅެނީ ލަގުޒަރީ އެޕާޓުމަންޓުގައި ނޫނި ބޭރުގައި. މިއީ ކޮން ހަމައެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލައިލުންވެސް ނެތީ

13 July 2025

އަޅުގަނޑުގެ މަައިންބަފައިން މާލޭގައި މެދުނުކެނޑި ދިރިއުޅޭތާ ފަންސާސް އަހަރު ވެއްޖެ. ދަރިން ތިއްބަސް މިހާރު ބުނަނީ ޝަރުތު ހަމަނުވެޔޭ. ރާއްޖޭގެ އެއްވެސް ތަނެއްގައި ބޯހިޔާވެހިކަމެއް ނުހުރޭ. ޝަރުތު ކަނޑައަޅާ މީހުން އެއްވެސް ވަރަކަށް ދިރާސާއެއްވެސް ނުކުރޭ. ވަރަށް ވޭންހުރި ކަމެއް މިއީ.