ރާއްޖޭގެ ކޯޗު ޝަރަފް އިއްޔެގެ މެޗުގައި ޓީމަށް އިރުޝާދު ދެނީ. --ފޮޓޯ: ނިޝާން އަލީ/ މިހާރު
23 މާޗް 2017 - 09:25
19 comments
އޭވީސީ ސެންޓްރަލް ޒޯން ވޮލީބޯޅަ މުބާރާތުގައި އިއްޔެ ހަވީރު ކިރްގިސްތާނާ ދެކޮޅަށް ރާއްޖޭން ފުރަތަމަ ދެ ސެޓުގައި އެހާ ބޮޑަށް ވާދަކޮށް ލީޑު ވެސް ނަގާފައިވަނިކޮށް ރާއްޖެ އަށް މެޗު ގެއްލުނީ ސެޓު ނިންމަން ނޭގިގެން ކަމަށާއި ރާއްޖޭން ދަސްކުރަންވީ ސެޓު ނިންމަން ކަމަށް ކޯޗު މުހައްމަދު ޝަރަފް ބުނެފި އެވެ.
އިއްޔެގެ މެޗުގެ ފުރަތަމަ ސެޓުގައި ރާއްޖޭން ކިރްގިސްތާނުގެ މައްޗަށް ވަރަށް ބޮޑަށް ކޮންޓްރޯލް ހޯދައި ބޮޑު ލީޑެއްގައި ވެސް އޮތެވެ. ދެ ސެޓު ވެސް ރާއްޖެ އަށް ގެއްލުނީ ފަހު ވަގުތެވެ. ތިން ވަނަ ސެޓުގައި ރާއްޖޭގެ ކުޅުން ދަށްކޮށް ދިޔައިރު މި ސެޓު ކިރްގިސްތާން ވަނީ ފަސޭހަކަމާ އެކު ގެންގޮސްފަ އެވެ.
ޝަރަފް ބުނީ ފަހު ސެޓުގެ ނަތީޖާ އެހާ ބޮޑަށް ނުގުނާނެ ކަމަށާއި ފުރަތަމަ ދެ ސެޓުގައި ވީ ގޮތުން ކުޅުންތެރިންނަށް ނަފުސާނީ ގޮތުން ކުރި އަސަރު ފަހު ސެޓަށް އައިއިރު ރިކަވާނުވީ ކަމަށެވެ.
"ފަހު ސެޓުގައި އެއްވެސް ވަރަކަށް ނުކުޅެވުނު. ކިރްގިސްތާން އެހާ ބޮޑަށް ކުޅެން ނުޖެހުނު ރާއްޖެ ނުކުޅޭތީ. ފުރަތަމަ ސެޓުގައި އެހާ ބޮޑަށް ވާދަކޮށްފައި، ލީޑުގައި ވެސް އޮވެފައި ސެޓުގެ ތެރޭގައި މިސްޓޭކެއް ވެސް ނެތި، އެންމެ ފަހު ގަޑީގައި ހެދުނު މިސްޓޭކަކުން ސެޓު ގެއްލުނީ. ދެ ވަނަ ސެޓު ވެސް ރަނގަޅަށް ފަށައި ލީޑުގައި އޮއްވާ ފަހު ވަގުތު ގެއްލުނީ. ކުޅިވަރުގައި ނުބުނެވޭނެ އެއީކީ ނަސީބެކޭ. އެއީ ވިސްނަން ޖެހޭ ކަމެއް އަޅުގަނޑުމެން. ސެޓު ނިންމަން ދަސްކުރަން ޖެހޭ. ސެޓު ނިންމުން މައްސަލައަކަށްވީ."
ޝަރަފް ބުނީ މި މެޗުން ބަލިވުމަކީ އަމާޒަށް ވާސިލްވުމަށް އެޅުނު ހުރަހެއް ނޫން ކަމަށާއި މި މެޗުން ބަލިވިޔަސް ޔަގީންވީ ކަމަކީ ރާއްޖެ އަށް ރަނގަޅަށް ވާދަކުރެވޭކަން ކަމަށެވެ.
"މީގެ ކުރީގެ ތަޖުރިބާއަށް ބަލާއިރު ދިވެހި ޓީމަށް ފުރަތަމަ މެޗުގައި މިފަދަ ކަންތައް ދިމާވާނެ. އެކަމަކު މި ފަހަރު އުއްމީދުކުރީ މިކޮޅުގައި ކުޅޭތީއާ އެކު އެތަން ނުދައްކާނެ ކަމަށް. އެކަމަކު އެހެން މިވީ މި ފަހަރު ވެސް. ސީދާ ތިން ސެޓުން ބަލިވުމަކީ ގޯސް ނަތީޖާއެއް އެކަމަކު ކުޅުމަށް ބަލާއިރު ހާއްސަކޮށް ފުރަރަމަ ދެ ސެޓުގެ ސްކޯއަށް ބަލާއިރު ގޯހެއް ނޫން. އެ ދެ ސެޓު ނުނިންމުނީ ކީއްވެތޯ އެއީ އަޅުގަނޑު، އަޅުގަނޑާ ވެސް ކުރާ ސުވާލެއް. އެކަމަކު އެކަން ރަނގަޅުކުރާނަން ދެން އޮތް މެޗަކަށް،" ޝަރަފް ބުންޏެވެ.
ޝަރަފް ބުނީ މި މެޗުގައި އޭނާ ނެގި ރިސްކަކީ ޒުވާން ކުޅުންތެރިޔާ އާދަމް ފައިރޫޒް އެރުވުން ކަމަށާއި އޭނާ ދެއްކި މޮޅު ކުޅުމާ އެކު އެ ރިސްކު ކާމިޔާބުވި ކަމަށެވެ. އަދި ރާއްޖޭން މި މެޗުގައި ރަނގަޅަށް ބްލޮކްކުރި ކަމަށާއި ޓެކްނިކަލީ ބަލާއިރު އެއީ ރާއްޖެ އަށް ލިބުނު ކުރިއެރުމެއްކަން ވެސް ޝަރަފް ފާހަގަކުރި އެވެ.
ރާއްޖޭން ކުޅޭ ދެ ވަނަ މެޗުގައި މާދަމާ ހަވީރު ނުކުންނާނީ ނޭޕާލާ ދެކޮޅަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު
24 March 2017
ވ ދެރަވި ފުރަތަމަ ދެސެޓްމޮޅަށްކުޅެ ނުލިބުމުން ފަހުވަގުތު ހިތް ނުތަނަވަސްވަނީތަ ކެތްތެރި ވެގެން ކުޅުނުނަމަ ދޯ ރަގޅުވީސް އިރާދަ ކުރެއްވިއްޔާ ނޭޕާލް މެޗުން ކާމިޔާބު ލިބޭނެ. ހިތްވަރާއެކު މޮޅުކުޅުމެއދައްކާނެ ކަމށް އުއްމީދުކުރަން.
ހުސެއިނީ
23 March 2017
ބުލޮކް ރަނގަޅޭ ބުނިއިރުގަ ޕިސްޕިސް ކިިތައް ބުލޮކް ކުރެވުނު އެންމެ ދެތިން ބުލޮކް ކުރެވުނީ. ރާއްޖެއަށް ގިނަޕޮއިންޓް ލިބިފައިހުރީ އަނެއް ޓީމުން މިސްކުރި ސާވިސް ތަކުން.
ކުޅުންގެރިން
23 March 2017
ލޯންގޭ އެއީ ކީއްކުރަން އަރުވާ މީހެއް ކުރިހާ ސައުއެއް ބޭރަށް، ހުންނަ މީހެއް ނަމުން މަޝްހޫރު ވީމަތަ؟ ކޯޗުގެ ބަހެއް ނުވިކޭ ހުރިހާ އެންމެން އިރުޝާދުދޭ ކާކުގެ ބަހެއްކަމެއް ނޭންގެ އަހަންވީ.
ބީތަލްހަރާމީ
23 March 2017
ދެން މެޗު، މުބާރާތް ނިމޭ އިރުވެސް ތިވަރުގަ އުޅޭނީ، ޖަޕާނު ކޯޗުވަރު ކޯޗެއް ނެތް، އޭނާ ފޮނުވާލީމަ ރީތި ވެއްޖެއްނު.
މުހަމަދު
23 March 2017
ޝަރަފު އަށް އަސްލު ނޭގޭ ވާނުވާ އެއް. މުޅި މެޗުގަ ކިތައް ބުލޮކު ދިވެހި ޓީމަށް ކުރެވުނުތޯ؟ ކުޅުން ތެރިން ފެނުނީ އަންފިޓުކޮއް ނެތް ބުންވަރެއް އެހެންވެ ސެޓު ނުނިންމެނީ. ދެން އަހަރެމެންގެ ފަސްގަނޑުގަ ލޯ ކުރިމަތީ ކުޅުނީ މަ މިހެން ބުނަން ޖެހެނީ. މޮޅުވެވޭނީ ވަރަށް މަސައްކަތް ކޮއްގެން ސްޕިރިޓު ވަރުގަދަ ވެގެން. ރިސްކު ނަގައިގެން ސެޓެއް ލިބުނު ނަމަ ތާހިރު ވީސް. ވަރަށް ސަލާމް
ބުމަ
23 March 2017
ޝަރަފު އިސްތިއުފާ އަދި ބަޓިސް ވެސް އިސްތިއުފާ
ޕޮގޭ
23 March 2017
ސަރަފު ކީވެތޯ ތިހާމޮޅުއިރު ސެޓްނިއްމަން ކުޅުންތެރިންނަށް ދަސްކޮޢްނުދެނީ ދެންތިބުނީ ކުޅުންތެރިންތިބީ ނަފްސާނީގޮތުން އަސަރުކޮއްފައެ އެހެންވީޔާމް ހުރިހާކުޅުންތެރިންވެސް ނަފުސާނީ މައްސަލަހުންނަނީތާ މިފަދަސަރަފުވެރި މުބާރާތެއްގަ ނަފުސާނީ މައްސަލަހުރި ކުޅުންތެރިން ސްކޮޑަށް ނެގުމަކީ މެޑިކަލްޓީމް އިސްތިުފާދޭންޖެހޭކަމެއް ތިކަމުގަ ޒިންމާވާންޖެހޭ އެހެންފަރާތްތަކަށްވެސް އަދަބު ދޭންޖޭނެ
ހަސަން
23 March 2017
ރާއްޖެއިން ބޭރުގަ ކުޅުނު މެޗެއް ނަމަ ތިހެން ބުނެފަ ސަލާމަތް ވެވުނީސް އެކަމަކު އަހަރުމެން ލޯ ކުރިމަތީގަ ކުޅުނު މެޗެއްވީމަ ތިބުނި އެއްޗެއް ގަބޫލް ކުރެވޭކަށް ނެތް. ބްލޮކް ރަނގަޅޭ ބުނާއިރު ތިން ސެޓްގަ އިދިކޮޅު ޓީމުގެ 8 އެޓޭކަށްތުރެ ގިނައިން ބްލޮކްވެފަ ނީންނާނެ. ޗެލެންޖުކުރަން ބޭނުމިއްޔާ ހިނގާ މެޗްގެ ރެކޯޑިން ބަލަން. ދެން ފައިރޫޒްގެ ރިސްކޭ ބުނާއިރު އޭނަ ކުރީ ކާމިޔާބު ތިން އެޓޭކް މުޅި މެޗްގަ އޭގެ ތެރެއިން ދޭތި އެއީ ޔަހުޔާގެ ކާޅު. ބްލޮކް ނުކުރެވުނުތާގަ ވާނުވާވެސް ނޭނގޭ އޭނައަކަށް. ޕޮޒިޝަން ޒީރޯ. ނިމިގެން ދިޔަ ސީޒަންގަ ކްލަބް ލެވެލްގަ ސްޓާޓްވެސް ކުރި މީހެއް ނޫން އެއީ. އެކަމަކު އަނިލް އެއީ ދިގު އައްޔަ ނަގާފަ ނިމިގެނަދިޔަ ސީޒަންގަ އަހުސަންއަށްވުރެވެސް ރަނގަޅަށް ޕާފޯމްކުރި ކުޅުންތެރިއެއް. ސިފައިން ހޯދި ކާމިޔާބުގަ އެއްމެ ބޮޑު ހިއްސާވި އާދަނާ އަނިލް މުޅި މެޗުގަ ބޭރުގަ. ޝަރަފް ޓެކެނިކަލް އޭރިއާ ކަނުގަ.
ގަބުރު
23 March 2017
100 ގެ ވާހަކަ އެއް.
ޢަހުމަދު
23 March 2017
މެޗްގައި ގެންނަންޖެހޭ ބަދަލާއި ގެންނަން ނުޖެހޭބަދަލުވެސް ދަސްކުރަންޖެހޭ އެބަ. މީ ވަރަށް ވާހަކަ.
ކީޕް ދަ ބޯލް ފްލައިންގ
23 March 2017
ރާއްޖެއިން ދަސްކުރަންވީ ސެޓުނިންމާކަށްނޫން. ރާއްޖެެއިން ދަސްކުރަންވީ ކޯޓަށްއަރާތިބޭ ހަކުޅުންތެރިންނަށް ފުރުޞަތުދީގެން ކުޅެން. ވަކިބަޔަކަށް އަބަދު ބޯޅަ ހިއްލަންވެއްޖެއްޔާ އެ ކުޅުންތެރިންވެސް ވަރުބަލިވާނެ. މި މެޗުން އެމަންޒަރު ވަރަށް ބޮޑަށް ފާހަގަވެގެންދިޔަ. ކޯޗު އަދި ސެޓަރު މިކަމާ ދޭތެރޭގަ ދެންއޮތް މެޗަކަށް ވަރަށް ވިސްނޭނެ ކަމަށް އުއްމީދު ކުރަން.