ހެލްތު ސެންޓަރުތަކެއް އަޅަން 88 މިލިއަން ރުފިޔާއަށް ވެމްކޯ އަދި އެމްޓީސީސީއަށް

ގުރައިދޫ ސިއްހީ މަރުކަޒު، ހޮސްޕިޓަލަކަށް ބަދަލުކުރުމަށް ބޭނުންވާ އާ އިމާރާތް އެޅުމުގެ އެގްރިމެންޓުގައި، ހެލްތުގެ ސްޓޭޓް މިނިސްޓަރު އިސްމާއިލް އަދި ވެމްކޯގެ ޖެނެރަލް މެނޭޖަރު އިސްމާއިލް އުބެއިދު ސޮއިކުރައްވަނީ.-- ފޮޓޯ: ހެލްތު މިނިސްޓްރީ

އާސިމާ ނިޒާރު، މިހާރު

21 ސެޕްޓެމްބަރ 2025 - 15:52

10 comments

ފަސް ރަށެއްގައި ސިއްހީ މަރުކަޒާއި ހެލްތު ސެންޓަރުގެ އާ އިމާރާތް އެޅުމަށް ވެމްކޯ އަދި އެމްޓީސީސީއާ މިއަދު ހަވާލުކޮށްފި އެވެ.

ހެލްތު މިނިސްޓްރީގައި ބޭއްވި ރަސްމިއްޔާތުގައި ތ. ގުރައިދޫ ސިއްހީ މަރުކަޒު، ހޮސްޕިޓަލަކަށް ބަދަލުކުރުމަށް ބޭނުންވާ އިމާރާތުގެ މަސައްކަތާއި އެ އަތޮޅު މަޑިފުށި ސިއްހީ މަރުކަޒަށް އަލަށް އިތުރުކުރާ އިމާރާތް އަދި ގާދިއްފުށީ ސިއްހީ މަރުކަޒު، ހޮސްޕިޓަލަކަށް ބަދަލުކުރަން ބޭނުންވާ އިމާރާތް އަޅަން ހަވާލުކުރީ، ކުނި މެނޭޖުކުރުމަށް ހާއްސަ ކުންފުނި، ވެމްކޯއަށެވެ.

އެ އެއްބަސްވުންތަކުގައި ހެލްތުގެ ސްޓޭޓް މިނިސްޓަރު އިސްމާއިލް އަބްދުﷲ އަދި ވެމްކޯގެ ބިޒްނަސް ޑިވެލޮޕްމަންޓް އެންޑު މާކެޓިންގެ ޖެނެރަލް މެނޭޖަރު، އިސްމާއިލް އުބެއިދު ވަނީ ސޮއިކުރައްވައިފަ އެވެ.

އދ. ކުނބުރުދޫ އަދި ފ.ފީއަލި ޞިއްޙީ މަރުކަޒުގެ އައު އިމާރާތުގެ މަސައްކަތުގެ އެއްބަސްވުމުގައި @MTCCPlc އާއެކު މިއަދު ވަނީ ސޮއިކުރެވިފަ. pic.twitter.com/fFCPDIVpaC
— Ministry of Health (@MoHmv) September 21, 2025

އެ ތިން ރަށުގައި ވެސް ސިއްހީ ހިދުމަތް ދޭ އާ މަރުކަޒުތައް އަޅަން ދިނީ 325 ދުވަހެވެ. ގުރައިދޫގައި ހޮސްޕިޓަލްގެ އާ އިމާރަތް އަޅަން ހަވާލުކުރީ 32.8 މިލިއަން ރުފިޔާއަށެވެ. މަޑިފުށީ އަދި ގާދިއްފުށީގެ މަސައްކަތް ހަވާލުކުރީ 12.8 މިލިއަން ރުފިޔާއަށެވެ.

އެމްޓީސީސީއާ ހަވާލުކުރީ އދ. ކުނބުރުދޫ ސިއްހީ މަރުކަޒުގައި އަލަށް އިތުރުކުރާ އިމާރާތާއި ފ. ފީއަލީ ސިއްހީ މަރުކަޒުގެ އާ އިމާރާތުގެ މަސައްކަތް އަޅާށެވެ.

އެ ދެ ރަށުގެ އާ އިމާރާތުގެ އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރު އަހުމަދު ގާސިމް އަދި އެމްޓީސީސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ޖަމްޝީދެވެ.

ކުނބުރުދޫ ސިއްހީ މަރުކަޒުގެ މަސައްކަތް 300 ދުވަހުގެ ތެރޭގައި ނިންމަން ހަވާލުކުރީ 8.2 މިލިއަން ރުފިޔާއަށެވެ. ފީއަލީގެ މަސައްކަތް ނިންމަން ދީފައިވަނީ 360 ދުވަހެވެ. އެއީ 21.6 މިލިއަން ރުފިޔާއަށެވެ.

އެމްޓީސީސީ ހެލްތު މިނިސްޓްރީ ވެމްކޯ

10 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާސަރު

21 September 2025

މުއިއްޒު ވެރިކަން ކުރަންމިއުޅެނީ އަރި ހުރަހަށް! މިވަރުންދާނަމަ އަދި ކޯޓްތަކަށް އެއަރޕޯޓް އަޅަން ވެސް ހަވާލުކޮށްފާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއޮތީ

21 September 2025

މިއީ އަޅެ ބަހާ ކަންކަންތަ؟؟ ސްޓެލްކޯއާވެސް ހަވާލު ކުރިނަމަ ދެތިން ރަށެއްގެ ފަޅު ފުންކުރަން. މީހަކު އަންތަރީހެއް ނުވާނެ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

21 September 2025

ވެމްކޯއާއި އެމްޓީސީސީއަށް ހެލްތްސެންޓަރު އަޅަން؟ މާތްކަލާކޯ. ދެން ނެތް ބުނާނެ އެއްޗެއް. ތިވަރުންދާކަމަށްވަނީ ނަމަ ފުލުހުންނާއި ދަނޑު ހައްދަން ހަވުކޮށްފައި ސިފައިނުންނާއި ބިންހިއްކަންވެސް ހަވާލުކޮށްފާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަންނާންބެ

21 September 2025

އަހަރަމެން ރަށް ބޭރު ތޮށިލާން, އައިޖީ އެމް އެޗް ފާމަސީއާއި ހަވާލުކުރުމަށް ފެނޭ, އެއީ އެއްމެ ސްލޯ ފާމަސިސްޓުންތިބި ފާމަސީ އަށް ވާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑެބީ

21 September 2025

ވެމްކޯއަކީ ކޮންސްޓްރަކްޝަން ކޮމްޕެނީއެއްތަ؟ އޮޅިއްޖެ މަށަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

21 September 2025

އަހުން ހަމަކޮސްވެެއްޖެ އެހެންވީމާ އަހުން ރަށު ގިރާ ސަރަހައްދުގައި ތޮށިޖަހަން ދަރުމަވަންތައް ހޮސްޕިޓަލްއާ ހަވާލް ކުރާނެތާދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

21 September 2025

ނުކުރާނެއެކޭ ބުނާކަަަަށް ނުކެރޭނެ މިދާވަރުން ދާކަމަަަަަަށްވަނީ ނަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

123321

21 September 2025

ޕްރޮޖެކްޓް ތައް ޕްރައިވެޓް ތަންތަނައްދިނީމަ ކަޓް ގެ ބައި ޖައްސަން ޖެހިލުންވާތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓާރ. ބަނާނާ

21 September 2025

ސަރުކާރު ހުރިހާ މިނިސްޓުރީ ތަކާއި އަދި ކުންފުނިތަކަކީ ވަކި ގަވާއިދެއްގެ ތެރެއިން ވަކި ޒިއްމާ ތަކެއް އޮވެގެން މަސައްކަތް ކުރާ ތަންތަން. ވެމްކޯ އިން މިހާރުވެސް އެކަށީގެންވާ ގޮތަކަށް ކުނިމެނޭޖް ނުކުރެވޭއިރު ހޮސްޕިޓަލް ތައް އިމާރާތް ކުރަންޖެހޭ ސަބަބެއް ހަމަ ނޭގެތީ އަހާލީ. ޥ ސަލާމް.