ޕާކިން ޒޯނެއްގައި ވެހިކަލްތަކެއް ޕާކްކޮށްފައި: ޑޮމެއިން ނަމްބަރު ވިއްކަނީ ސައިކަލާއި ކާރާއި ވޭނަށް އެކަނި .---ފޮޓޯ/މިހާރު
30 މާޗް 2017 - 15:08
18 comments
އެއްގަމު އިންޖީނުލީ އުޅަނދުތަކުގައި ބޭނުންކުރާ ޑޮމެއިން ނަމްބަރު ބީލަމާ ނުލައި، ވަކި އަގުތަކެއްގައި ވިއްކާ ގޮތަށް ޓްރާންސްޕޯޓް އޮތޯރިޓީން ހަމަޖައްސައިފި އެވެ.
ކުރިން ގަވާއިދު އޮންނަ ގޮތުން ޑޮމެއިން ނަމްބަރުތައް ވިއްކާނީ ބީލަމުގެެ އުސޫލުން ނުވަތަ ނީލަމުގެ އުސޫލުން އެންމެ މަތީ އަގެއް ހުށަހަޅާ ފަރާތަކަށެވެ. އަދި އެކަމަށް އާންމުކޮށް އިއުލާން ވެސް ކުރަންޖެހެ އެވެ.
އެ ގަވާއިދަށް މިއަދު ގެނައި އިސްލާހު ބުނާ ގޮތުން ޑޮމެއިން ނަމްބަރު ގަތުމަށް ޓްރާންސްޕޯޓް އޮތޯރިޓީ އަށް ހުށަހެޅުމުން ބީލަމެއް ނެތި އަދި އިއުލާން ކުރުމެއް ނެތި ޑޮމެއިން ވިއްކާނެ އެވެ. އަދި އުޅަނދުތަކަށް ޑޮމެއިން ވިއްކާނެ އަގު ވެސް އެ އިސްލާހުގައި ވަނީ ކަނޑައަޅައިފަ އެވެ.
ސައިކަލުގެ ޑޮމެއިން ނަންބަރެއް 80،000ރ. އަށް އަދި ކާރާއި ވޭނުގެ ޑޮމެއިން ނަންބަރެއް އެއް ލައްކަ ރުފިޔާ އަށް ވިއްކާނެ ކަމަށް އެ އިސްލާހުގައި ބުނެފައިވެ އެވެ. ޑޮމެއިން ނަމްބަރު ވިއްކާނީ ސައިކަލާއި ކާރު އަދި ވޭނަށް އެކަންޏެވެ.
ޑޮމެއިން ނަމްބަރަކީ އުޅަނދުތަކުގައި ހުންނަ ނަމްބަރު ބޯޑުގައި ރަޖިސްޓްރީ ނަމްބަރުގެ ބަދަލުގައި، ޓްރާންސްޕޯޓް އޮތޯރިޓީން ކަނޑައަޅައި، ޖަހާ ރީތި ނަމްބަރެކެވެ. ޑޮމެއިން ނަމްބަރު ހުންނަ އުޅަނދުތަކުގައި ފެންނަން ހުންނާނީ ޓްރާންސްޕޯޓް އޮތޯރިޓީން ވިއްކާ ޑޮމެއިން ނަމްބަރު އެކަންޏެވެ. އެ އުޅަނދެއް ދުއްވަން ކަނޑައަޅާފައިވާ ޒޯން ފަދަ އިތުރު މައުލޫމާތެއް އެފަދަ އުޅަނދުތަކުގައި ފެންނާކަށް ނުހުންނާނެ އެވެ.
ޑޮމެއިން ނަމްބަރުތަކުގެ ގޮތުގައި ތިން އަކުރުގެ ނަމްބަރުތައް ވެސް ވިއްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲނާފިޒު
31 March 2017
ސައިކަލަކަށް 80 ހާހޭ! މާތްކަލާކޯ، ތިވަރު ތަންކޮޅެއް ހެޔޮ، ތިވަރުން ދައުލަތަށް ވަންނަވަރު އަދި މާމަދުވާނެނު، ސައިކަލެއް ގަންނަ އަގަށްވުރެ ނަމްބަރު ވިއްކާ އަގު ބޮޑު ވީމަ ދެން ވަރަށް ޖޯކު ދެއްތޮ.
ކައްކަކާކޯ
30 March 2017
ބީލަމާ ނުލާ ވިއްކީމާ ވާގޮތަކީ ވިއްކާ މީހާއަށް %25 ސަރުކާރަށް %100 މިއަށް ކިޔަނީ އަންޑަރ ކަޓް!
ވިއްކާ
30 March 2017
ހުރިހާ އެއްޗެއްވެސް ވިއްކާނެ ، މިއީ ވިއްކާ ސަރުކާރު ، ކުރިއަށް އޮތްތާގައި ދިވެހި ރައްޔިތުންވެސް ވިއްކާތަން ފެންނާނެ
އާދަނު
30 March 2017
ތި ޑޮމެއިންތައް ނީލަމުގައި ވިއްކި ނަޝީދު ސަރުކާރުގައިވެސް. ދެން ޑޮމެއިންވެސް ބަހަން ވީތަ؟ ހެހެހެހެ. ޑޮމެއިންއަކީ ކޯއްޗެއް ކަންވެސް ނޭންގެ ދޯ؟
ޓްރާންސްޕޭރެންސީ
31 March 2017
އާދަނުގެ ކޮމެންޓަށް: ނީލަމުގަ ވިއްކީމަ ޓްރާންސްޕޭރެންޓް. އަޑިން 'ކަޓް' ނަގަން ފުރުސަތު ކުޑަވޭ. މިހާރު ވާނެ އެއްޗަކީ ވަރަށް އަގުބޮޑުވާނެ ބައެއް ނަމްބަރުވެސް ޕާޓީ ކުދިންނަށް ނީލަމުގަ ވިއްކޭނެ ވަރަށްވުރެ ކުޑައަގުގަ ކުރީބައިގަ ނިންމައިގެން ވިއްކާލެވޭނެ. ރާއްޖޭގަ ގިނަ ޖޮބްދޭހެން ކުރީބައިގަ ނިންްމާފަ އިއުލާންކުރާނީވެސް. ދެން މިއިންވެސް ވަކި ބަޔަކު ވިޔަފާރިކުރަން ފުރުސަތު މިހުޅުވީ. ބިޑަށް ނުލައި ރިސޯޓްތައް ވިއްކަން ނިންމީވެސް މިހެންވެ. މިއީ ހަމަ ހުސް އެއްބޭނުމެއްގަ ކުރާކަންތައް. މިއިން ނިކުންނާނެ ނަތީޖާއަކީ ކޮރަޕްޝަން އިތުރުވުން.
އެލް ލޯބޯ
30 March 2017
ޑޮމެއިން ނޭމް އެެއް ޖެހޭގޮތް ހަދާނަމަ މިލިޔަނުންވެސް ހަރަދުކޮށްގެން މަގަންނާނަން.. އޭރުންތާ އަމިއްލަ އެއްޗެއް ފީލްވާނީ.. އެހެން ހަދާ ދުވަހަކުން ނަންޖަހާލައިގެން ދުއްވާނީވެސް ޕަގާނީ ހުއޭރާ އެއް.
ސައިހަދާ
30 March 2017
ދަމާގާޑިޔާއެއް ނޫންތަ! ކެކެކެކެ
އެލް ލޯބޯ
30 March 2017
އެމީހަކު އެމީހެއްގެ ފެންވަރުން އުޅެންވާނީ.. ސައިހަދާ މިހާގެ ފެންވަރުކަމަށްވެދާނެ ދަމާގާޑިޔާ ،ދެން ކައްކާ މިހާ ސައިހަދާ މީހާޔަށް ވުރެން ފެންވަރު ރަނގަޅުވީމަ ގެންގުޅެފާނެ ބެޓެރީ ގާޑިޔާވެސް. ހަމަ އެހެންް މަގޭފެންވަރު ވީމަ ދޯ އެތައްމިލިޔަން ރުފިޔާގެ ޕަގާނީ ހުއޭރާއެއް ގަންނަން މި އުޅެނީ..އެހެންވީމަ މީގަނެތް ޖޭވާންވީ ކަމެއް. ސައިހަދާ މީހާވެސް ހަމަ ހިތްވަރާ އެކު މަސައްކަތް ކުރީމަ ﷲގެ މިންވަރުފުޅުން މަށަށްލިބުނުކަހަލަ ނިއުމަތެއް ލިބި މިފަދަ ދިރިއުޅުމެއް ލިބިދާނެ.. އެހެންވީމަ ޖޭނުވެ ދުއާ ކުރުންމަތީ ދެމިހުރެ ގަދައަޅާމަސަކަތް ކުރާނެކަމަށް އުއްމީދުކުރަން. މާތް ﷲ ސައިހަދާ މީހާގެ މަސައްކަތުގަ ބަރަކާތް ލައްވާށި. އާމީން
Ahmed
30 March 2017
ކުރިން ފަސް ހާސް ރުފިޔާ އަށް ވިއްކި ޑޮމައިން ގެ އަގު ހާދަ ބޮޑު ކޮއްލީތި.
އަފިހުން ގޮއްޔެ
31 March 2017
ހާދަ ބަޔަކަށް މުސާރަ ދޭންޖެހެޔޭ، ހުރިހާ ކޮޅިގަނޑެއް މިޖެހުނީ ކިންގު ދަތުރު ކެންސަލް ކުރީމައޭ، އެހެން ނޫންނަމަ.........
ތަކުރުބޭ
30 March 2017
ޑޮމޭން ބޯޑުގައި އެހެން ބޯޑުތަކުގައި ހުންނަ އަކުރުތައް ނެތީމާ ބެލެވިދާނެ ދެއްތޯ އެއީ ކޮންމެހެން ބޯޑެއްގައި ހުންނަން ޖެހޭނެ އަކުރެއް ނޫންކަން. ބޯޑަކީ ދުއްވާ ފަރާތުގެ ފަސޭހައަކަށް ހުންނައެއްޗަކަން ވާނަމަ އެ ބޯޑު އުވާލުން ކިހިނެއްތޯ ވާނީ؟
އަހަރެން
30 March 2017
ރަންކޮޅާ "ނަމްބަރު" ނޫން. "ނަންބަރު"
ރަދީފް
30 March 2017
ނަމްބަރު އެއީ ރަނގަޅު ގޮތް ކަމަށް އަންގަން. ''އަހަރެން'' ގެ އެންގުން ގޯސް.ދެން ބައްދަލުކުރާނީ ޓެނިސް ކޯޓުން.
ތިމަންނަ
30 March 2017
އަގުތައް މާ ކުޑަކަމަށް ފެންނަނީ ... ކޮންމެ ޑޮމިންނަކަށް 5 ލައްކަ ހަދާލެވުނީމާ ތާ އެއްޗެއް ލިބޭނީ!!!!!!!!!
ޚާދިމް
30 March 2017
މިކަހަލަ ކަމަކާ ޖެހުނީމަ އަގު ބޮޑެއް ނުވާނެ. ބަލަން ހުރޭ.. ކިއުގަ ތިބެގެން ތި ގަނެ ހުސްކޮއްލާނެ.
ނަތަންޔާހޫ
30 March 2017
ލާރިލިބޭނެ ހުރިހާ ގޮތަކަށް ހޯދަންވާނެ، ދިވެހިން އަތުގަ ލާރި އެބަހުރި، ހުރިހާ އެއްމެން ގެންގުޅެނީ ފަހުގެ ފޯން، ކާރު އަދި ސައިކަލް.
ޖަޖު
30 March 2017
ކޮރަޕްޝަންގެ އަމަލެއްހެން ހީވަނީ
ޢަބްދުﷲނާފިޒު
31 March 2017
ކޮރަޕްޝަން އޯކޭނު، އެއީ ތަބީޢީ ކަމެއްވިއްޔަ.