ފާޑުކިޔުން އަމާޒުވި ސްޕީޑު ބްރޭކަރުތައް ހުޅުމާލޭގެ މަގުތަކުން ނަގައިފި

ކުރިން ސްޕީޑު ބްރޭކަރެއް ބަހައްޓާފައި ހުރި ތަނަކުން އެ ނަގާފައި.

އާސިމާ ނިޒާރު، މިހާރު

12 ޑިސެމްބަރ 2025 - 14:39

ބާރަށް ދުއްވާ މީހުންގެ ސްޕީޑު ދަށްކުރުމުގެ ބޭނުމުގައި ހުޅުމާލޭގެ މަގުތަކުގައި ހަރުކުރި ސްޕީޑު ބްރޭކަރުތައް އާންމުންގެ ޝަކުވާތަކާ ހެދި ރޭ ނަގައިފި އެވެ.

އެކްސިޑެންޓުތަކާއި ކާރޫބާރުބޮޑު ހުޅުމާލޭގެ ބޮޑެތި މަގުތަކުގައި މިދިޔަ ސެޕްޓެމްބަރު މަހު ހަރުކުރި އާ ސްޕީޑްބްރޭކަރުގެ ސަބަބުން އުނދަގޫވާ ކަމަށް ބުނެ ގިނަ ބަޔަކު ޝަކުވާ އޮއްސާލި އެވެ. އޭރު ކަންބޮޑުވުން ފާޅުކުރި ބައެއް މީހުން ބުނެފައި ވަނީ ތާރުގަނޑު ތޮރުފައިގެން ހަރުކޮށްފައިވާ އެ ސްޕީޑު ބްރޭކަރުތަކުން ކިތައްމެ މަޑުން ފޭބިއަސް އުނަގަނޑުގައި ރިއްސާ ކަމަށެވެ.

އެހެންވެ، އެ ތަކެތި ނަގައިދިނުމަށް އެދި ގިނަ ބަޔަކު ގޮވާލި އެވެ. އަދި ރައީސް ޑރ. މުހައްމަދު މުއިއްޒު މި ފަހުން މާލޭގެ އަވަށްތަކުގެ ރައްޔިތުންނާ އެކު ބޭއްވި ބައްދަލުވުންތަކުގައި ވެސް ބައެއް މީހުން އެކަމަށް އެދުނެވެ.

އެޗްޑީސީން ބުނީ، އާ ސްޕީޑް ބްރޭކަރުތައް ހަރުކުރީ ރައްކާތެރި ތަނަކަށް ހުޅުމާލޭގެ މަގުތައް ހަދާށެވެ. ތިރީހަށް ވުރެ ގިނަ ސްޕީޑު ބްރޭކަރު ހަރުކޮށްފައިވާ ކަމަށް އޭރު ބުންޏެވެ.

އެކަމަކު، އެ ފާޑުކިޔުންތައް އެންމެ ބޮޑުވި ދުވަސްވަރު އަޅާނުލި ނަމަވެސް ރޭ ވަނީ ފަހުން ހަރުކުރި ހުރިހާ ސްޕީޑް ބްރޭކަރުތައް ނަގައިފަ އެވެ. އޭގެ ސަބަބެއް ރަސްމީކޮށް ނުބުނެ އެވެ.

ނަމަވެސް "މިހާރު" އަށް އެނގިފައިވާ ގޮތުގައި ފަހުން ހަރުކުރި ސްޕީޑު ބްރޭކަރުތައް ނެގީ އާންމުންގެ ޝަކުވާ ބޮޑުވުމުންނެވެ.

މަގުމަތީގެ އެކްސިޑެންޓުތައް ގިނަ ވުމުން އެޗްޑީސީން ވަނީ ހުޅުމާލޭގެ ޓްރެފިކް ފްލޯއަށް ވެސް ބައެއް ބަދަލުތައް ގެނެސްފަ އެވެ. އޭގެ ތެރެއިން، ޓްރެފިކް އެންމެ ބޮޑު ހިސާބުތަކުގައި ރައުންޑަބައުޓު ބެހެއްޓުމާއި ބައެއް މަގުތައް އެއް ފަޅިން ދުއްވޭ ގޮތަށް ބަދަލުކުރުން ހިމެނެ އެވެ.

ހުޅުމާލެ މަގު ހެދުން އެޗްޑީސީ ޓްރެފިކް ގަވާއިދު

50 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުކުޅޭ

13 December 2025

މޮޔައިންތައް ނިކުމެ ކޮމެންޓްކުރަންފަށައިފި. ބަލަ މިއީކީ އެކްސިޑެންޓަކާ ބާރަށް ދުއްވުމަކާގުޅުންހުރިކަމެއްނޫނޭ. މިއީ ފައިސާކޮޅެއްހަދާލަންވީމަ އިއުލާނެއްކުރުމެއްނެތި ބަޔަކާ ހަވާލުކޮށް 12 މިލިއަން ރުފިޔާ ހަރަދުކޮށް ހިންގި ޕްރޮޖެކްޓެކޭ. މިވާގޮތް ނޭނގެދޯ؟ ދިނީ ރައްޔިތުންގެ ފައިސާ. ލިބުނީ ކޮންބަޔަކަށް؟ ބަދަލުގައި ރައްޔިތުމީހާއަށް ލިބުނީ ކޯޗެއް؟ ބަންޕަރުތަކަށް ދެން ހަދަނީ ކިހިނެތް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަސދފގހޖ

15 December 2025

12 މިލިޔަން ނާރާނެ ބަމްޕަރު ތަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެޓޭ

13 December 2025

ސްޕީޑް ބުރޭކަރު ހަރުކުރަންވީ ފޭސް 1 ގެ ހުރިގޮތަށް ކޮންކްރީޓް އަޅިގެން ގައިމު 20 އަހަރުވަނީ އެ މަގުތަކުގަ އެގޮތަށް އެކަންކޮށްފަ ހުރިތަން! މިވެސް ބަޔަކު ވައްކަން ކުރުމަށް ކުރިކަމެއް!ކޮންމެވެސް،ކަޓެއް ލިބޭނެތާ ކޮންމެވެސް ފަރާތަކަށް! އަނެއްކާ މިކަހަލަ ބްރޭކަރު ހަރުކުރީމާ ކޮންމެ 2 އަހަރަކުން އާކުރީމާވެސް ކޮންމެވެސް ބަޔަކަށް ކަޓެއް ނަގަން ފުރުސަތު ބޮޑުވާނެއެއްނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮހޮއްތުބެ

13 December 2025

މިފަހަރު ތިޔަ ނަގައިގެންވާ އެކްސިޑެންޓުތަކުގެ ފުރިހަމަ ޒިންމާ ނަގަންޖެހޭނީ ސަރުކާރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށްއިތުމީހާ

12 December 2025

ސައިންޓިފިކް ދިރާސާތަކެއް ކުރުމަށްފަހު ކަމަށް ބުނެ ހުޅުމާލޭގައި ހަރުކުރި ބަންޕަރުތައް އެތައް ޑޮކްޓަރުންނެއްގެ ޕްރެޝަރާއެކު ނަގައިފި. މި ބަންޕަރުތަކުގެ ސަބަބުން ސައިކަލުގައި ދަތުރުކުރާ އެތައްބަޔެއްގެ މައިބަޑަ ވަނީ ގުޑާފައި. ކުރިން ގަދަބަސް ބުނެ ނުނަގަން ހުރުމަށްފަހު ހުޅުމާލެ ބަންޕަރުތައްވެސް މިވަނީ.........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމީނު

12 December 2025

އަނީޔާ ވާނެވަރަކަށް ވީމަތަ ނަގަންވީ؟ އެއަނިޔާ ރައްޔިތުންނަށްދީ އެތައްދުވަހަކު އެތަކެތި ބެހެއްޓި މީހުނަށް ދިންމީހުން ކުންފުނިން ވަކިކުރަން ގޮވާލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިމްހާދު

12 December 2025

ރައްޔިތުންގެ ކިރިޔާވެސް ޝަކުވާއެއް އޮތިއްޔާ މުއިއްޒު އެކަން އެބަ ހައްލުކޮށްދޭ.. މީ ރަނގަޅު ވެރިންނަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިހޭ ކިޔާބަލަ

13 December 2025

މައްސަލަ އުފައްދާފަ ނަން ހޯދަން އެ މައްސަލަ ހައްލުކޮށްލަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުހާނާ

12 December 2025

އެސްޕީޑް ބްރޭކަރަކީ މިކަހަލަ މަގުތަކުގަ ހަރުކުރާއެއްޗެއްނޫން. ބޭރު ގައުމުތަކުގަ އެ ފެންނަނީ ޕާކިން ބިލްޑިންގް ތަކުގަ ބޭނުންކުރާތަން. އުމުރުން ދުވަސްވީ މީހުން ގޮވައިގެންވެސް ދުއްވާނެ. ޢެކަހަލަ އަނިޔާވެރި އެއްޗިހި މަގުމަތީ ހަރުކުރީމަ އެދެވެނީ ވަރަށްބޮޑު އަނިޔާއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލި

12 December 2025

ތިނެގުމުން ދޭހަވަނީ ތިކަމެއް ތިކުރީ ރަނގަޅު ދިރާސާއެއް ނުކޮށްކަން. އެހެންވީމައި ކުންފުނިން ތިގެއްލުނީ އެތައް މިލިއަށް ރުފިޔާއެއް. ޒިންމާ ވާންޖެހޭ ބަޔަކު ތިބެއްޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލްޒ

12 December 2025

މޮޅެތި ކޮމެންޓު ކުރަން ކޮންމެ މީހަކުވެސް ވަރަށް ގަދަވާނެ. ބުރަކައްޓަށް ކިރިޔާވެސް ތަދެއް އަރާފަ ހުރި މީހަކަށް އެނގޭނެ އެ ބްރޭކަރުތައް ކިހާ އަނިޔާވެރިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއަލިމޯޑު

12 December 2025

ބްރޭކަރުތައް ލީމަ އެމަގުތަކުގައި އެކްސިޑެންޓް ތައް މަދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޭނީސް

12 December 2025

އެއަށް ވުރެ އަދި އެކްސިޑެންޓުތައް މަދުވާނެ ކޮންމެ ސަތޭކަ ފޫޓަކުން ސްޕީޑް ބްރޭކަރެއް ލީމާ. ކަމެއް ކުރަންވާނީ ހުރިހާ ގޮތަކުން ވެސް ބަލާފައި. އަމާ ބުނީތީ ފަރަށް ދާ ވައްތަރަކަށް ނޫން!