ގާސިމްގެ އޮފީސް ހިންގާ ވިލާ ޝިޕިން އެންޑް ޓްރޭޑިން ކޮމްޕެނީ ފާސްކުރުމަށް ފަހު، ފުލުހުން ދިއުމުން އޭނާ ބޭރުގައި މަޑުކޮށްލައްވައިގެން.----މިހާރު ފޮޓޯ: ނިޝާން އަލީ
16 އެޕްރީލް 2017 - 14:52
125 comments
ޖުމްހޫރީ ޕާޓީގެ ލީޑަރު އަދި ރާއްޖޭގެ މަޝްހޫރު ވިޔަފާރިވެރިޔާ ގާސިމް އިބްރާހިމްގެ އޮފީސް ހިންގާ ވިލާ ބިންޑިންގް ފުލުހުން ބަލައި ފާސްކުރި ނަމަވެސް، ފުލުހުން ތުހުމަތުކުރާ އެއްވެސް އެއްޗެއް ނުފެންނަ ކަމަށާއި އެކަމުގެ ލިޔުން ވެސް ފުލުހުން ދެއްވާފައިވާ ކަމަށް އޭނާ ދެންމެ ވިދާޅުވެއްޖެ އެވެ.
ވިލާ ބިންޑްގް ދެ ގަޑިއެއްހާއިރު ވަންދެން ފާސްކުރުމަށް ފަހު، ފުލުހުން އެނބުރި ދިއުމުން ނުކުމެވަޑައިގެން ނޫސްވެރިންނާ ވާހަކަ ދައްކަވަމުން ގާސިމް ވިދާޅުވީ "އަޅުގަނޑުމެން ނުކުރާ ކަމެއް" ނުވަތަ "ނެތް އެއްޗެއް" ކިތަންމެ ފަހަރަކު ބެލިޔަސް ނުފެންނާނެ ކަމަށެވެ.
"އެ ބޭފުޅުން [ފުލުހުން] ވަރަށް ރަނގަޅަށް ބެއްލެވި. އެ ތުހުމަތު ކުރައްވާ އެއްވެސް ބާވަތެއް އެއްޗެއް، ކަމެއް ފެންނަން ނުހުންނާނެތާ ނެތް އެއްޗެއް. [ތުހުމަތުކުރާ އެއްޗެއް] ފެނިވަޑައިނުގެންނެވި ކަމަށް ވިދާޅުވެ ލިޔުމެއް ދެއްވާފައި ވަޑައިގަތީ،" ވިލާ ބިންޑިންގް ކުރިމަތީގައި ހުންނަވައިގެން ނޫސްވެރިންނާ ވާހަކަ ދައްކަވަމުުން މާމިގިލީ ދާއިރާގެ މެމްބަރު ވިދާޅުވި އެވެ.
ވިލާ ބިންޑިންގް އިތުރުން ގާސިމްގެ ގެ މ. މާފަންނުވިލާ ފާސްކުރުމަށް ވެސް ކޯޓު އަމުރެއްގެ ދަށުން ފުލުހުން އެއް ގަޑިއެއްގައި ވަނެވެ. އެކަމަކު ގާސިމްގެ ވަކީލު ވިދާޅުވެފައި ވަނީ ފުލުހުން ތުހުމަތުކުރާ އެއްޗެއް މާފަންނުވިލާ އިން ވެސް ނުފެންނަ ކަމަށެވެ. އަދި އެކަމުގެ ލިޔުން ވެސް ފުލުހުން ދިން ކަމަށް އޭނާ ވިދާޅުވި އެވެ.
ގާސިމްގެ އޮފީސް ވިލާ ޝިޕިން އެންޑް ޓްރޭޑިން ކޮމްޕެނީ، ކޯޓު އަމުރެއްގެ ދަށުން ފުލުހުން ފާސްކުރާއިރު، އެސްއޯ ފުލުހުން އެ އޮފީހުގެ ބޭރުގައި މިއަދު ފޯރިމަރަނީ.---މިހާރު ފޮޓޯ: ނިޝާން އަލީ
ގާސިމްގެ ގެ އަށާއި އޮފީހަށް ފުލުހުން ވަދެ މި ފާސްކުރީ ރައްޔިތުންގެ މަޖިލިހުގެ މެމްބަރުންނަށް ރިޝްވަތު ދިނުމާއި ގާނޫނާ ޚިލާފަށް ސަރުކާރު ވައްޓާލަން އުޅޭ ކަމުގެ ތުހުމަތުގަ އެވެ.
ގާސިމްގެ ފޯނު ވެސް ކްރިމިނަލް ކޯޓުގެ އަމުރެއްގެ ދަށުން ފުލުހުން ވަނީ މިއަދު ހިފަހައްޓައިފަ އެވެ.
މާފަންނުވިލާ އިން ފުލުހުން ދިއުމާ އެކު ނޫސްވެރިންނާ ވާހަކަ ދައްކަވަމުން ވަކީލު ހިސާން ވިދާޅުުވީ ތުހުމަތު ކުރާ މައްސަލަތަކާ ބެހޭ އެއްވެސް އެއްޗެއް ނުފެންނަ ކަމަށް އެ ފުލުހުން ބުނެފައިވާ ކަމަށެވެ.
ގާސިމްގެ ގެ މާފަންނުވިލާ މިއަދު މެންދުރު ފާސްކުރުމަށް ފަހު ފުލުހުން އެނބުރި ދިއުމުން، ގާސިމް ބޭރަށް ނުކުމެވަޑައިގެން ސަޕޯޓަރުންނާ ބައްދަލުކުރައްވަނީ.---މިހާރު ފޮޓޯ: ހުސެއިން ވަހީދު
ފުލުހުން ދިއުމުން ބޭރަށް ނުކުމެވަޑައިގެން، އެތަނުގައި އެއްވެ ތިބި އާންމުންނަށް ގާސިމް ވިދާޅުވީ އޭނާގެ ގެކޮޅު ފާސްކޮށް މިހާރު ނިމިފައިވާ ކަމަށެވެ. އެހެންކަމުން އެހިސާބުން އާންމުން ދިއުމަށް އެދިވަޑައިގަތެވެ.
ގާސިމްގެ ތަންތަން ފާސްކުރުމަކީ ސަރުކާރުން "ކުރާ ޖެއްސުމެއް" ކަމަށް ކުރީގެ ރައީސް މުހައްމަދު ނަޝީދު ވިދާޅުވި އެވެ.
އެމަނިކުފާނު ކުރެއްވި ޓްވީޓެއްގައި ވިދާޅުވީ ގާސިމްގެ ގެކޮޅާއި އޮފީސްތައް ފާސްކުރުމަކީ ބަލައިގެންނެވޭނެ ކަމެއް ނޫން ކަމަށެވެ.
Police raid of Hon. Qasim Ibrahim's home and offices is unacceptable. President Yameen must cease this illegal political harassment.
— Mohamed Nasheed (@MohamedNasheed) April 16, 2017
ކުރީގެ ރައީސް ނަޝީދު ކުރެއްވި ޓްވީޓް
"ގާނޫނާ ޚިލާފު، ސިޔާސީ މި ޖެއްސުންކުރުން ރައީސް ޔާމީން މައިތިރިކުރަން ޖެހޭނެ އެވެ،" ނަޝީދު ވިދާޅުވި އެވެ.
ގާސިމްގެ މަސްލަހަތު އޮންނަ ތަންތަނަށް ފުލުހުން މި ވަނީ އޭނާގެ މައްޗަށް އިއްވި ދައުވާތަކުގެ ޝަރީއަަތް ކުރިއަށް ދަނިކޮށެވެ. އެކަމަކު މި މަހު 6 ގައި، ކޯޓު އަމުރެއްގެ ދަށުން ބަންދުކޮށް، އިތުރު ހަ ދުވަހަށް ބަންދުގެ މުއްދަތު އިތުރުކުރި ފަހުން ކްރިމިނަލް ކޯޓުގެ އަމުރު، ހައި ކޯޓުން ވަނީ ބާތިލްކޮށްފަ އެވެ.
ގާސިމްގެ ގެ މ. މާފަންނުވިލާ ފުލުހުން ފާސްކުރާއިރު އެ ގެ ހުންނަ މަގު ސަރަހައްދަށް އާންމުންނާއި ނޫސްވެރިން އެއްވެފައި -- ފޮޓޯ: ހުސެއިން ވަހީދު/ މިހާރު
ކުށުގެ ވެށިން ނޫން ގޮތަކަށް ރައްޔިތުންގެ މަޖިލިހުގެ މެމްބަރަކު ހައްޔަރުކުރެވޭނީ އެކަމަށް ޕްރޮސެކިއުޓަ ޖެނެރަލް އެދިގެން ކޯޓަކުން ހޯދާ އަމުރަކުންނެވެ. އެކަމަކު ގާސިމް ހައްޔަރުކުރުމުގެ އަމުރު ފުލުހުން ހޯދީ ކްރިމިނަލް ކޯޓަށް ފުލުހުންގެ ފަރާތުން ހުށަހަޅައިގެންނެވެ. އެހެންކަމުން ހައި ކޯޓުން ނިންމީ އެއީ ގާނޫނާ ޚިލާފު އަމުރެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެކި ސަމާލު
17 April 2017
ހެކި އެއީ އިންދިދާނެ އެއްޗެއް. ދެން ދެވަނަ ފަހަރު ގޮސް އަލުން ފާސްކުރީމަ އެފަދަ ހެކި ފެނިދާނެ.
ޔަގީން ޓީމް
17 April 2017
މި ލިއުން ކިޔާފައި 90 އިން ސައްތަ މީހުން ރުޅި އައި. މާނައަކީ ގާސިމުގެ ގެ ބަލައިގެން އެއްޗެއް ނުފެނުނީމަ، އޮފީސް ބަލައިގެން އެއްޗެއް ނުފެނުނީމަ، މީހުން ރުޅިއައީ އެވެ. އެންމެނަށް އނގޭ ދޯ ގާސިމު. އެހެން ވީމަ ސަރުކާރަށް އެއޮތީ 90 އިން ސައްތައިގެ ކާމިޔާބީ މިލިއުމުން އެކަނި ވެސް ފެންނަން.
އެޑްމުންޑޯ
17 April 2017
ތަމެން ގަބޫލު ނުކުރިއަސް އެއްވެސް އެއްޗެއް ނުފެނު ގެންދާކަށް އަދި ނާޒިމަށް ހެދިހެން މަކަޜެއްވެސް ނުހެދުނު ، ދެން ތަމެންދޭ ވެލިކާން
އަހައްމަދު އަހައްމަދޭ
17 April 2017
މިހެން ވެގެން 2018 ގަ ރައީސް ޔާމީނައް ލިބޭނީ ކޮންކާމޔާބެއްތޯ ސުވާލު އުފެދޭ ،އުފާވި &% ދެރަވި 3% ރުޅިއައި 90% އެއީ މި ލިއުންކިޔާލި މީހުންގެ ޝުއޫރުހުރިގޮތެވެ، ،ދެން މިކަމުގަ އަހަރެމެން ދެކެ ކިތައްމެ ނެއްޓިއަސް އެބަޔަކު ހިތުގައޮތް އެއްޗެއް އަހަރެމެންނަށް ބަދަލެއް ނުކުރެވޭނެ ނޫންތޯ،
އަހުމދު
17 April 2017
ޤާސިމް މިފަހަރު އަހަރެމެންނަށް ގެނސްދިންމީހާގެ އުދަގޫ އަހަރެމެނަށްޖެހުމަށްފަހު މީނައަށް އެއަށްވުރެ ބޮޑު އުދަގުލެއްޖއްސާފިއެއްނު. އެހެންތަވާނި ބުނިވިއްޔަ ކުރިންޖެހުނު އެއްވެސް އުދަގުލެއް މިފަހަރު ނުވާނެއޭ.
ބަލާއެއް
17 April 2017
ފުލުހުން ގާސިމްގެ ގެއާ އޮފީސް ބަލާފާސްކުރީ އޮޅިގެން -ގާސިމް
އަލި
17 April 2017
މީހަކު ހައްޔަރުކުރުމަށްފަހު ނުވަތަ މީހެއްގެ މައްޗަށް ދައުވާ އުފުލުމަށްފަހު އެމީހަކާ ދެކޮޅަށް ހެކި ހޯދުމަކީ ގާނޫނު ދަންނަ އުސޫލެއް ނޫން
ރެންޑަމް
17 April 2017
ޔާމީން ްގާސިމް ޕްރޮމޯޓްކުރަނީދޯ މައުމޫނު އަންނި ސިޔާސީ ލީޑަރަކަށް ހެދިގޮތަށް
ބާއުބާއު
17 April 2017
ތުހުމަތުކުރާ އެއްޗެއް ވިލާ ބިލްޑިންގުން ވެސް ނުފެނުނު އޭ ބުނަނީ ގާސިމް ދޯ. ދެން ގާސިމްގެ ލޯޔަރުން ދޯ. އެއީ މަމެން އަޑުއަހަން ޖެހޭނެ އެއްޗެއް ނޫނޭ. މަމެން އަޑުއަހަން ބޭނުން ވަނީ މަމެންގެ ބްލޫސް ކުދިން ބުނާ އެއްޗެކޭ. އަދިވެސް ފާސް ކުރަން ޖެހޭނެއޭ ޖެހޭނެއޭ ހަމަ ޖެހޭނެއޭ. ރަންރީނދޫ ބޮޑޭ ވެސް މީގެ ތެރެއަށް ބޭނޭތީވެ އެގެވެސް ފާސް ކުރަން ޖެހޭނެއޭ. ފާސް ކޮށްބަލަ ކޮންޓިނިއުޓީ ހުންނާނެ އުސޫލުން. އޫމް އޫމް ބާއުބާއު، ބާއުބާއު، ބާއުބާއު..
ނޫނޭ ނޫނޭ ކުޅިވަރެއް އެބަހުރިތާ
17 April 2017
ދޮގު ތުހުމަތު ތަކެއްކޮށްގެން މީހަކު ބޭޒާރުކޮށް ވަގުނަމު އެޅުވުނަކީ އަބުރު ކަތިލުމެއްނޫންބާ