މުލިއާގެ ކައިރީގައި ނޫސްވެރިންނާ ބައްދަލުކުރަން އުޅުމުން އާޒިމް އާއި މެމްބަރު އިމްތިޔާޒު ފަހުމީ އެތަނުން ދުރަށް ޖައްސަނީ: އާޒިމް ހައްޔަރުކުރީ ސަރުކާރުގެ އަނިޔާވެރިކަމާ ދެކޮޅަށް އޭނާ ކުރާ މަސައްކަތް ހުއްޓުވަން ކަމަށް އަދާލަތުން ބުނޭ.
09 ޖޫން 2017 - 00:23
16 comments
އިންޓެލިޖެންސް ރިޕޯޓުތައް ކަމަށް ބުނެ ރިޕޯޓްތައް ހަދައިގެން ސިޔާސީ މީހުން ހައްޔަރުކުރުން ހުއްޓާލައި ރައްޔިތުން އެދޭ ފަދަ ވެރިކަމެއް ކޮށްދިނުމަށް އަދާލަތު ޕާޓީ (އޭޕީ) އިން ސަރުކާރަށް މިރޭ ގޮވާލައިފި އެވެ.
ކުރީގެ ޑިފެންސް މިނިސްޓަރު މުހަންމަދު ނާޒިމްގެ ކޮއްކޮ އަދި ރައީސް އަބްދުﷲ ޔާމީންގެ ސަރުކާރުގައި އެސްޓީއޯގެ މެނޭޖިން ޑިރެކްޓަރު ކަން ވެސް ކުރެއްވި އާޒިމް ހައްޔަރުކުރުން ކުށްވެރިކޮށް އަދާލަތުން ނެރުނު ބަޔާނުގައި ބުނީ ސަރުކާރުން ހިންގާ މިފަދަ އަމަލުތައް ބަލައިނުގަނެވޭ ކަމަށެވެ. އިންޓެލިޖެންސް ރިޕޯޓުގެ މައްޗަށް ބިނާކޮށް ކަމަށް ބުނެ ސިޔާސީ ފަރާތްތައް ހިފައި ހައްޔަރުކޮށް ނުހައްގުން އަނިޔާދެމުންދާ ކަމަށް އެ ޕާޓީން ބުންޏެވެ.
"މި ޕާޓީން ދެކޭ ގޮތުގައި ސަރުކާރުގެ މި އަމަލަކީ [އާޒިމް ހައްޔަރުކުރުމަކީ] ކުރީގެ ޑިފެންސް މިނިސްޓަރު ކާނަލް ރިޓަޔާޑް މުހައްމަދު ނާޒިމް މިނިވަންކުރުމަށާއި ސަރުކާރުގެ އަނިޔާވެރިކަމާއި ކޮރަޕްޝަނާއި ފަސާދައާ ދެކޮޅަށް ސާބިތުކަމާ އެކު އަޑުއުފުއްލަވައި ކުރައްވާ މަސައްކަތްޕުޅުގެ ސަބަބުން އެމަނިކުފާނު ހުއްޓުވުމަށްޓަކައި ދައުލަތުގެ މުއައްސަސާތަކަށް ގާނޫނާ ހިލާފަށް ނުފޫޒު ފޯރުވައިގެން ހިންގާފައިވާ ފިނޑި އަމަލެކެވެ،" ބަޔާނުގައިވެ އެވެ.
އެ ބަޔާނުގައި ބުނީ ބާޒާރުގައި ތަކެތީގެ އަގުތައް އިންތިހާ އަށް އުފުލި ސަރުކާރުގެ ހާރިޖީ ސިޔާސަތުގެ ދޯހަޅިކަން ރައްޔިތުންނަށް ހާމަވެ، އަނިޔާވެރި ކަމުގެ ސަބަބުން ފަޟީހަތްވަމުންދާއިރު ވެސް އެކަންކަން ހައްލުނުކޮށް، ސަރުކާރުން ބޭނުން ވަނީ ސިޔާސީ ފަރާތްތައް ހައްޔަރުކޮށްގެން ރައްޔިތުންގެ އަޑު ކަނޑުވާލަން ކަމަށެވެ.
އަނިޔާވެރި އަމަލުތައް ހުއްޓާލައި ނުހައްގުން ހައްޔަރުކޮށްފައިވާ ސިޔާސީ ފަރާތްތައް މިނިވަންކުރަން އަދާލަތު ޕާޓީން ވަނީ ގޮވާލައިފަ އެވެ.
އާޒިމް ހައްޔަރުކޮށް ބަންދަށް ވަނީ ހަ ދުވަސް ޖަހައިފަ އެވެ.
އޭނާ ހައްޔަރުކުރަން ކްރިމިނަލް ކޯޓުގެ އިސް ގާޒީ އަބްދުލްބާރީ ޔޫސުފް ނެރުއްވި އަމުރުގައި ވަނީ، ރާއްޖޭގެ ޝަރުއީ ނިޒާމާ މެދު ރައްޔިތުންގެ ހިތުގައި ނަފުރަތު އުފައްދައި، އިތުބާރު ގެއްލުވައިލުމަށް މަސައްކަތް ކޮށް، ދޮގު މައުލޫމާތު ފަތުރައި، ތަފާތު އެކި ގޮތްގޮތަށް އާޒިމް ވާހަކަ ދައްކަވާ ކަމަށް ތުހުމަތުކުރެވޭ ކަމަށެވެ. އާޒިމް ހައްޔަރު ކުރުމުގެ އަމުރު ނެރުނު ސަބަބެއް ކަމަށް ބުނެފައި ވަނީ އޭނާ އަށް ތުހުމަތުކުރެވޭ މައްސަލައިގެ ހެއްކަށް ނުފޫޒު ފޯރުވައި ހެކި ފޮހެލުމަށް މަސައްކަތް ކޮށްފާނެ ކަމަށް ފެންނާތީ އާއި އޭނާ މުޖުތަމައުގެ ތެރެއަށް ދޫކޮށްފައި ބެހެއްޓުމަކީ މުޖުތަމައުގެ ސަލާމަތަށް ނުރައްކާ ވެދާނެ ކަމެއް ކަމަށް ވެސް ފެންނާތީ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރުކާނު
10 June 2017
ކުށްވެރިން ޖަލަށް ލާފަ ވެރިކަން ކުރެވޭނީ. ޕާޓީ ހަދައިގެން ހުރިހާ ކުށަކަށް އަރަިގަނެގެން ކޮން ސިޔާސީ ޕާޓީެއް.
ޡާހިރުޕ
09 June 2017
ރައްޔިތުން އެދެނީ ތިޕާޓީ އުވާލަން. ޢެކަމެއް ނޭގޭތަ އަދިވެސް
މާމަ
09 June 2017
ރަސްކަމުން ފެށިގެން މިއަދާހަމައަށްވެސް ރައްޔިތުން އުޅެމުންދަނީ މިފަދަ ހާލެއްގެ ރައްޔިތުން ބޭނުންވާ ވާހަކައެއްދެއްކޭ ރައްޔިތުން ބޭނުންކަމެއްކުރެވޭ.. ބަދަލު އައިސްގެން މިއުޅެނީ ސިޔާސީވެރިންގެ ދުލަށް އެވެރިބް ދައްކަން ބޭނުންހާވާހަކައެއްނުދެއްކޭ ބޭނުން ސަކަރާތެއް ނުޖެހޭ... ކޮންމެހެން ރައްޔިތުން ގުބޯހައްދާނެކަމެއްނެތް
ތެދުބަސް
09 June 2017
ރައްޔިތުން އެދެނީ ތަރައްޤީ އެއް ނޫން ތޯއެވެ.ޤައުމުގައި ހަމަނުޖެހުން އުފައްދައި ޤާނޫނާ ޚިލާފަށް ޗެރިކަން ވައްޓާލަން އުޅޭ ފަރާތް ތަށް ހައްޔަރު ކޮށްފައި ވެސް ޤައުމުގައި ހަމަޖެހުން ޤާއިމު ކުރުމަށް ރައްޔިތުން އެދެއެވެ. އެއްވެސް ވެރިކަމެއްގައި ތަރައްޤީއަށް ހުރަސް ނޭޅުމަށް ރައްޔިތުން އެދެއެވެ.
ކުރާތި
09 June 2017
ރައްޔިތުން އެދޭ ގޮތަށޭ މަމެން ޕިންކީން ވެރިކަން މިކުރަނީ. އެހެންވީމަ އެއް ނޫންތޭ މާލެ ސަރަހައްދުގައި 50 ހާސް ހައުސިންގް ޔުނިޓްސް ހިމެނޭ ފްލެޓްސް އިމާރާތް ކުރުމަށް ޓަކައި ސައުދީ ފަންޑް އިން 2 ބިލިއަން ޑޮލަރުގެ ލޯން ނަގައިގެން މަމެން އެކަން ކުރަން މިއުޅެނީ. އެކަން މަމެން ކުރާނަމެވެ. އަދި ވެސް މަމެން މިއުޅެނީ މާލޭގެ ތިލަފުށި އިރުން އޮތް ބޮޑު ފަޅު ސައުދީ ކިންގްޑަމް ހޯލްޑިންގް ކުންފުންނަށް ދޭން ފާފު އަތޮޅުގެ ބަދަލުގައި. ފާފު އަތޮޅުގައި ސައުދީން 10 ބިލިއަން ޑޮލަރު އިންވެސްޓް ކުރާނެ ކަމެއް ނެތެވެ. އެވެދާނެ އެއިރުން އައްޑޫ ހެރެތެރޭގައި ކުރި ފަދަ ބޭކާރު އިންވެސްޓްމެންޓް އަކަށް. ކަން މިހެން ހުރުމުން މާލެ ސަރަހައްދުގައި ތިލަފުށި އިރުން އޮތް ބޮޑު ފަޅު ސައުދީ އަށް އެސްއީޒެޑް ގެ ދަށުން ދީގެން އެފަޅު ހިއްކައިގެން އެފަޅުގައި އިންޑަސްޓްރިއަލް ޕާރކެއް ހެދުމުން ދެން ރާއްޖެ އަށް ބޭނުންވާ ހިލަ އާއި އަދި ހިލަވެލި ލިބޭނެ ނޫންތޭ ސައުދީ އިންޑަސްޓްރިއަލް ޕާރކް އިން. މަމެން އެބަޖެހޭ އިންޑިއާ އާއި ރާއްޖެ އާއި ދެމެދު ކުރެވޭ ވިޔަފާރި 1 މިލިއަން ޑޮލަރަށް ވުރެން ދަށް ކުރަން. އެއިރުން އިންޑިއާ ތަން ތަނަށް ހުންނާނެ ރާއްޖެ އާއި ދެކޮޅަށް އަލިފުދާލުގެ ހިއުމެން ރައިޓްސް ކައުންސިލުގައި ރާއްޖެ އާއި ދެކޮޅަށް ވޯޓް ދީގެން ރަނގަޅަށް ރާކަނި މަސްކެވިފައި ދޯ.
އަފިހުން ގޮއްޔެ
09 June 2017
ހޫނ ދެން ތިވާހަކަ، ރައްޔިތުން އެދޭ ގޮތަށް ވެރިކަން ކުރަން ވެގެންތޯ ރައްޔިތުންގެ ތިޖޫރިއަށް އަތް ގަންނަވަލީވެސް، ލަދެއް ހަޔާތެއްވެސް ނެތެއްނު، ވަރިހަމަ ފްލެޓް މައްޗަށް ފްލެޓް އެޅިއަސް ވޯޓެއް ނުދޭނެނަން، ލޯނުނަގައިގެން ރައްޔިތުންގެ ބޮލުގަ ބޮޑެތި މާސިންގާހާ ދަރަނި އެޅުވުމަކީ ވޯޓު ދޭން ޖެހޭ އެއްވެސް ސަބަބެއްނޫން، ހަމަ ބޮޑުކޮށް މިބުނަނީ ނުދޭނަމޭ، ދޭނެ ހަމަ އެއްވެސް ގޮތެއް ނުހައްދަވައޭ.
އަފިހުން ގޮއްޔެގެ ގޮއްޔެ
09 June 2017
ލޯނު ނަގައިގެން ބޮލުގައި ދަރަނި އަޅުވާގެން ހަދާ ފުލެޓް ހިލޭދިނަސް އަފިހުން ގޮއްޔެ ބޭނުމެއްނޫން.
ކަރުންމަތީގެ ޑޮކްޓަރު
09 June 2017
އަދާލަތު ތިޔައީ ސިޔާސީ ޕާޓީއެއްތަ ނޫނީ ފިތުނަ އުފައްދަން އުޅޭ ބައިގަނޑެއްތަ؟؟ ސިޔާސީ ޕާޓީއެކޭ ބުނާއިރު 3000 މީހުންވެސް ހަމަނުވޭ. ސިޔާސީ ޕާޓީތަކަށް ދޫކުރާ ފައިސާކޮޅުވެސް އެންމެ ކުޑަމިނުން ލިބޭ ބައެއްނޫން ތީކީ. އަހަރެމެންވެސް މިގޮވާލަނީ ރައްޔިތުން އެދޭގޮތަށް ތިޔަ ބައިގަނޑުގެ ވެސް އަމަލުތައް ބަހަށްޓަން.
ޢަބްދުﷲނާފިޒު
09 June 2017
އެއްމެ މީހުން ގިނަ ޕާޓީއަކީ ޑީއާރުޕީ، ކައުންސިލް އިންތިޚާބުގަ އެއްގޮނޑި، ދެން މަ ހީހީހީ...........
މޫސަަ
09 June 2017
ތި އޭޕީން މިރާއްޖެ ހަލާކު ކުރަނީވެސް
މރ. ހަދާނެއް ނުނެތޭ.
09 June 2017
ބަލަ ކިހިނެއް ތިވީ މިހާރު، ކުރިން ބުނީ ޕޕމ އަކީ ޤައުމުގެ ހަލާކޭ، މުޅި ޤައުމު ކައިހުސް ކޮށްފިއޭ، މިހާރު އަދާލަތު ޕާޓީ ނަންވީ އަނެއްކާ ވައި އުތުރަށް އެރީތޭ.........
ބުރުހާނުއްދީން ރައްބާނީ
09 June 2017
ވަތަންއެދޭގޮތަށް ދަމާހެ ހެޔޮހިތުން މިޖާންދީ....
joone
09 June 2017
ކޮންތާކު އޮތް ޕާޓީެެއް ތަ ؟
ޕޮކަންޑި މޭން
09 June 2017
ނޭގޭ މީހަކަށް ބުނެދިނަސް ނޭގޭނެ، ވަރަށް ސަލާމް.
ކުޑަދޫއަހްމަދު
09 June 2017
މި 2018 ވަނަ އަހަރު އަނިޔާވެރިކަން އިސްކޮށްގެން ވެރިކަން ކުރާނަމޭ ހިތާ ޔާމީނު މިއުޅެނީ މޮޔަކަމުންނެވެ! ތިޔަހެން މިގައުމުގައި ވެރިކަން ކުރަން ހަނދާން ނައްތާލާށެވެ! ފަސް އެނބުރި ކައުންސިލުގެ އިންތިހާބު ބަލާށެވެ! އަދި ހައްގު އަދަބު ލިބޭނެކަން ގަބޫލުކޮށް މިއަދު ތިޔަހެން ބާރު ދައްކަން ނޫޅޭށެވެ
ޔޫސުބު
09 June 2017
ކޮއްކޯ ރައީސް ޔާމީނަކީ ތިއަށްވުރެ މާ ޙިކުމަތްތެރި ބޭފުޅެއް...ވެރިކަން ލިބޭނެ މީހަކު އިނގޭނީ ކަލެއަށް، އަދި ކިއެއްތަ މަށަކަށްވެސް ނޫން އިނގޭތޯ.