ފުލުހުން މަގެއްގެ މަތީގައި ފޯރި މަރަނީ: ސޯޝަލް މީޑިއާ މެދުވެރިކޮށް ވެސް ފުލުހުންނަށް މިހާރު ޗިޓު ފޮނުވޭނެ
15 ޖޫން 2017 - 18:20
31 comments
ފުލުސް އޮފީހަށް ހާޒިރު ވުމަށް އަންގާ ޗިޓު، ސޯޝަލް މީޑިއާ މެދުވެރިކޮށް ވެސް މީހުންނަށް ފޮނުވޭގޮތަށް ފުލުހުންގެ އުސޫލު ބަދަލުކޮށްފި އެވެ.
މި ބަދަލު ގެނެސްފައި ވަނީ ފުލުހުން ކުރާ ތަހުގީގަކަށް ނުވަތަ އެ ނޫން ވެެސް ބޭނުމަކަށް ފުލުސް އޮފީހަށް މީހުން ހާޒިރުވުމާ ގުޅޭގޮތުން ފުލުހުން އެކުލަވާލައި އަމަލުކުރަން ފެށި އާ އުސޫލުގަ އެވެ.
އެ އުސޫލުގައިވާ ގޮތުން ސޯޝަލް މީޑިއާ މެދުވެރިކޮށް ޗިޓު ފޮނުވޭނީ ގެއަށް ގޮސް އެ މީހަކަށް ޗިޓު ރައްދު ނުކުރެވުމުން ނުވަތަ އެ ގޭގައި ދިރިއުޅޭ މީހުން ޗިޓާ ހަވާލުނުވާ ހާލަތްތަކުގަ އެވެ.
މި ގޮތުގެ މަތިން، ފޮޓޯ ފޮނުވޭ ފަދަ ސޯޝަލް މީޑިއާގެ އެޕްލިކޭޝަނެއް ނުވަތަ އީމެއިލާއި ފެކްސް އަދި ޓެކްސްޓްގެ ޒަރީއާއިން ވެސް އެ މީހަކަށް ޗިޓު ފޮނުވިދާނެ ކަމަށް ފުލުސް އޮފީހުން ބުންޏެވެ.
ފުލުހުން ބުނީ ޗިޓުގެ ސްކޭން ކޮޕީއެއްގެ ފޮޓޯ އެ މީހަކަށް ފޮނުވުމުން، އެ ވަސީލަތަކުން "ޑެލިވާ" ވެއްޖެ ކަމަށް ނުވަތަ "ސީން" ކަމަށް އޮޓަމެޓިކް ޖަވާބު ލިބޭ ހާލަތްތަކުގައި ޗިޓު ރައްދުވި ކަމަށް ބެލެވޭނެ ކަމަށެވެ.
ބުނީ ފުލުސް އޮފީހަށް ވަގުތުން ހާޒިރު ކުރަން ޖެހޭ މީހެއް ފިޔަވައި އެހެން މީހުން، އެ އޮފީހަށް ހާޒިރު ކުރާނީ ޗިޓު ފޮނުވައިގެން ނުވަތަ ފޯނުން އަންގައިގެން ނުވަތަ އެ މީހަކާ ބައްދަލުކޮށް ހާޒިރުވުމަށް އަންގައިގެން ކަމަށެވެ. އަދި ފުލުސް އޮފީހަށް ހާޒިރުކުރަން ބޭނުންވާ ގަޑީގެ 24 ގަޑިއިރު ކުރިން، އެ މީހަކަށް ޗިޓު ފޮނުވަން ޖެހޭނެ ކަމަށް ވެސް މި އުސޫލުގައި ވެ އެވެ.
އާ އުސޫލުގައިވާ ގޮތުން ރާއްޖޭން ބޭރުގައި ދިރިއުޅޭ މީހަކު ހާޒިރުވާން އަންގައިފި ނަމަ، އޭނާގެ މައްޗަށް ތުހުމަތު ކުރާ ކުށުގެ ބާވަތާއި ކުށުގެ ތަބީއަތަށް ރިއާޔަތްކޮށް، ގިނަ ވެގެން ހަތް ދުވަހުގެ ތެރޭގައި ފުލުސް އޮފީހަށް ހާޒިރުވާން ޖެހޭނެ އެވެ. އެކަމަކު އެ މުއްދަތުގެ ތެރޭގައި ނާދެވޭނެ ކަމުގެ މަގުބޫލު އުޒުރެއް އެ މީހަކު ދައްކައި، އެކަން ފުލުުހުންނަށް އަންގައިފި ނަމަ އިތުރު މުއްދަތެއް ދެވިދާނެ ކަމަށް ވެސް އެ އުސޫލުގައި ބުނެފައިވެ އެވެ.
މަގުބޫލު އުޒުރެއްގެ ގޮތުގައި ކަނޑައަޅާފައިވަނީ ބަލި ހާލަތުގެ ސަބަބުން ދަތުރުފަތުރު ނުކުރެވުމާއި އެ މީހެއްގެ ބެލެނިވެރިކަމުގެ ދަށުގައި ހުރި މީހަކު ބަލިވެ އެ މީހަކު ބަލަހައްޓަން ޖެހުމާއި ދަތުރު ފަތުރުގެ އިންތިޒާމް ހުރި ގޮތުން ނާދެވުމެވެ. މިއިން ކޮންމެ ސަބަބަކާ ގުޅިގެން ވެސް އެކަށީގެންވާ ހެކި ފުލުުހުންނަށް ދައްކަން ޖެހެ އެވެ.
މީގެ އިތުރުން ވެސް އިތުރު ގިނަ ކަންތައްތަކެއް މި އުސޫލުގައި ހިމަނާފައިވެ އެވެ.
ފުލުސް އޮފީހުން ބުނިގޮތުގައި މިއީ ގާނޫނުލް އުގޫބާތާއި ފުލުހުންގެ ގާނޫނާއި ގަވައިދުތަކުން، ތަހުގީގަށާއި އެހެނިހެން ބޭނުންތަކަށް މީހުން ހާޒިރު ވުމަށް ދީފައިވާ ގާނޫނީ ބާރާއި އިހްތިޔާރު އިތުރަށް ތަފްސީލުކޮށް، އެކުލަވާލާފައިވާ އުސޫލެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަމީޒު
16 June 2017
ފުލުހުން ފޮނުވާ ޗިޓު ފުރަތަމަ ކުފޫ ހަމަކޮށް ބަލާށެވެ. ހާޒިރު ކުރާ ސަބަބަކަށް "ބަލަމުން ދާ މައްސަލަ އަކަށް" އޮތުމުން އެގެނީ ކޯޗެއް ހެއްޔެވެ. އެންމެ ކުޑަމިނުން އެމީހާ ހާޒިރު ކުރަނީ ކޮން ބާވަތެއްގެ މައްސަލައެއްގައިތޯ އަދި އެއީ ހެކި ބަހަކަށް ތޯ ނުވަތަ ތުހުމަތު ކުރެވިގެން ތޯ އެގެން ޖަހޭނެއެވެ. އެވަރު ނުކުރެވޭ ނަމަ "ސަބަބު" ފޯމުން ނަގާށެވެ.
އެދުރު
16 June 2017
ތިޔައީ އެއްވެސް އުސޫލެއްނޫން، ޝައްޚަ ގޮތެއްކަކަށް ޤަބޫލެއް ނުކުރާނަން. ސިޓީ ބިޓީ ނުވަތް ސަރުކާރުގެ ލިޔުންތަށް އޭގެ ރައްދުވެރި ފަރާތަަށރައދުވިކަމަށް ލިޔެކިއުމުން ދައްކަން އޮަންނާނީ ގަވާޢިދެއް ހަމަޖެހިފައި. ތިއީ އެއާ ތަޢާރުޒުވާ ގޮތެއް. އެހެން ނޫނަން ފުލުހުންނަށް އޮންލައިންކޮށް ކަމެއް ހުށައެޅިޔަސް ޖަވާބެއް ނުލިބޭ ދެންޖެހޭނީ އެތާކަށްގޮސް އަނެއްކާ އެކަމެއް ހުަށައަޅަން.... މިއީ ހަމަ އުސޫލެއްނޫން....
ހުސެން
16 June 2017
ސުބްހާނަ ﷲ
އީޖޯ
16 June 2017
ސޯސަލްމީޑިއާ މެދުވެރިކޮށް "މުސާރަ" މިހެން ޖަހާފައި މުސާރަ ހަވާލުކުރުން އެދެން. ނަގުދުފައިސާ ނުދިނުން އެދެން. ތިންހާސް އަށާރަ. ހެހެހެ. މިއީވާގައުމަކީ.. ސިންގަޕޫރު މީހުންކައިރީ ބުނެބަލަ މިތަނަށް ދިރިއުޅުން ބަދަލު ކުރަން. އަދި ބުނާތި އަހަރުން މިހާރު ދަރިންހޯދަނީވެސް ސޯސަލް މީޑިއާ.... ކީކޭ..
އަލީ
16 June 2017
ފުލުހުންގެ ތަހުގީގުތައް ވައިބަރ މެދުވެރިކޮށް ކޮށްފައި، ފޭސްބުކް މެދުވެރިކޮށް ޝަރީއަތްކޮށް، ވެބްސައިޓަކުން ޖަލަށް ލާގޮތަށް ބަދަލުކުރަން ފެނޭ. އޭރުން އެމީހަކު ހުރި ތަނެއްގައި ނުވެސް ދެނަހުރި ހުއްޓާ ތަހުގީގުކޮށް ނިންމާ ޝަރީއަތް ހިންގާ ޖަލަށްވެސް ލެވިދާނެ.
ބާރު
16 June 2017
މިއީ ބާރުގެ ބޭނުން ނަހަމަ ގޮތުގައި ހިފިދާނެ އުޞޫލެއް.
އިޞޫ
16 June 2017
ބަލަި ނުވިޔަސް ބޭރުގައި ދަރިއަކު ކިޔަވަން ބަހައްޓައިގެން ހުންނަ ބެ،ލެނިވެރިޔާ އަކަށް 7 ދުވޗަހުގެ ތެރޭ ނާދެވޭނެ ދޯ... ތަސައްރަފު ފުދެން ވެއްޖެ
ސޯޝަލްމީޑިއާ
16 June 2017
މި ވީހާ ތަނަށް ސޯޝަލްމީޑިއާ އިން ޖަވާބު ދިން ބައެއް ނޫން ރައްޔިތަކު ކުރި ސުވާލަކަށް. އަނެއް ކޮޅުން ގެއްލިގެން ހޯދި ފޯނަށް ވުރެ ތިޔަބުނާ ޕޮލިހުގަ ގިނައީ ސޯޝަލްމީޑިއާ ގާ އެއްޗެއް ލިޔެގެން އަތުލާފަ ހުރި ފޯނު. އަނެއް ކޮޅުން ޑެލިވަރ ވީކަން ނޭނގޭގޮތް ހެދެން ވެސް މިހާރު ހުންނާނެ އެނގިއްޖެ. މި ހެދީމާ އެހެން
އިބޫ
16 June 2017
ދެން ވެރިފައި ނުކުރާ އެކައުްނޓް ތަކަށް ފޮނުވާ މެސެޖޯ؟ އަނެއްކާ ކޯޓުން ނިންމާނީ ދޯ ވެރިފައި ކުރިޔަސް ނުކުރިޔަސް ފޮނުވޭނެޔޭ...
ނެޝަނަލިސްޓް
16 June 2017
ފުލުހަށް ހާޒިރުވާން ޗިޓު ޖެހޭނީ މީހާ އަށް ރައްދުކުރަން ކަމަށް ދެކެން! ޒިންމާ އަދާކުރަން ޖެހޭ!