ސްޓެލްކޯގެ އަހަރީ ޖަލްސާގައި އެ ކުންފުނީގެ އެމްޑީ ޒުހޫރު މިއަދު ވާހަކަ ދައްކަވަނީ.---މިހާރު ފޮޓޯ: ނިޝާން އަލީ
19 ޖޫން 2017 - 16:11
19 comments
ސްޓެލްކޯގައި ކަންކަން ބޮއްސުންލާފައި ހުރިތޯ ބަލައި އެކަންކަން ރަނގަޅު ކުރަން މަސައްކަތް ކުރައްވާނެ ކަމަށާއި އެކަމަށްޓަކައި އަޅާ ފިޔަވަޅާ މެދު ބައެއް މުވައްޒަފުން ހިތްހަމަ ނުޖެހިދާނެ ކަމަށް އެ ކުންފުންޏަކާ މީގެ ދުވަސްކޮޅެއް ކުރިން ހަވާލުވެވަޑައިގެންންނެވި އަހުމަދު ޒުހޫރު މިއަދު ވިދާޅުވެއްޖެ އެވެ.
ސްޓެލްކޯ އަށް 20 އަހަރު ފުރުން އަދި ކަރަންޓުގެ ޚިދުމަތް ދެމުން އަންނަތާ 67 އަހަރު ފުރުން ފާހަގަ ކުރުމަށް އެ ކުންފުނީގެ އޮފީހުގައި ބޭއްވި ޖަލްސާއެއްގައި ވާހަކަ ދައްކަވަމުން، ކުރީގެ ޔޫތު އަދި ހެލްތު މިނިސްޓަރު ވިދާޅުވީ ސްޓެލްކޯ ފަދަ ބޮޑު ކުންފުންޏެއް ބައްޓަން ކުރެވޭނީ ގިނަ ފިޔަވަޅުތަކެއް އަޅައިގެން ކަމަށެވެ. އަދި ފަހަރުގައި އެއީ މުވައްޒަފުން އެންމެ ހިތްހަމަޖެހޭ ފިޔަވަޅަކަށް ވެސް ނުވެ ދާނެ ކަމަށް އޭނާ ވިދާޅުވި އެވެ.
މިއަދުގެ ޖަލްސާގައި ސްޓެލްކޯގެ މުވައްޒަފުން ބައިވެރިވަނީ.---މިހާރު ފޮޓޯ: ނިޝާން އަލީ
"އަޅުގަނޑުމެންނަށް ކަރަންޓުގެ ޚިދުމަތް ދެވެން މި އޮންނަނީ ޚަރަދުތައް ލިމިޓްކޮށްގެން. ކުންފުނީގެ ޓެރިފްގައި އަތްލުމުގެ ބާރެއް، މެނޭޖްމެންޓަކަށް ވެސް ބޯޑަކަށް ވެސް އަދި މުވައްޒަފުންނަކަށް ވެސް ނޯވޭ. އެހެންވެ، ކުންފުނީގެ ޚަރަދުތައް ކިތަންމެ ބޮޑުވިޔަސް އާމްދަނީ ބޮޑުވެގެންނެއް ނުދޭ،" މީގެ ދެހަފުތާ ކުރިން، ސްޓެލްކޯގެ މެނޭޖިން ޑިރެކްޓަރު ކަމާ ހަވާލުވެވަޑައިގެންނެވި ޒުހޫރު ވިދާޅުވި އެވެ.
އޭނާ ވިދާޅުވި ގޮތުގައި ތެލުގެ އަގުބޮޑުވުމުން ކަރަންޓުގެ އަގު ބޮޑުވާ ވާހަކަ ދައްކާއިރު އޭގެ ބަދުނާމު ސްޓެލްކޯ އަށް ލިބެ އެވެ. އަދި މި ފަދަ ހާލަތެއްގައި އެ ކުންފުނިން ކުރަން ޖެހޭ ޚަރަދުތައް މެނޭޖްކޮށް، ބައްޓަން ކުރަން ޖެހޭ ކަމަށް ވިދާޅުވި އެވެ.
ޒުހޫރު ވިދާޅުވީ އަހަރުގެ ހުރިހާ ދުވަހަކު ހެން ސްޓެލްކޯގެ ހުރިހާ މުވައްޒަފުން މަސައްކަތް ކުރަނީ ވަރަށް ރަނގަޅަށް ކަމަށެވެ. އެކަމަކު އެންމެ ފަހަރަކު ފަރުވާ ކުޑަކޮށްލެވިގެން ކަރަންޓު ދިޔަ ނަމަވެސް މުޅި ސްޓެލްކޯގެ އަގުވެއްޓޭ ކަމަށާއި އޭގެ ޒިންމާ ހުރިހާ މުވައްޒަފުން ވެސް ނަގަން ޖެހޭނެ ކަމަށް އޭނާ ވިދާޅުވި އެވެ.
"ކަރަންޓު ދާ ފަހަރަކު، އެހެން ދުވަސްތަކުގައި ކޮށްފައިވާ މަސައްކަތުގެ ވާހަކައެއް މީހުންނެއް ނުދައްކާނެ. އެހެންވެ، މިކަމުގެ ޒިންމާ ސަރުކާރުން ނަގަން ޖެހޭ ފަދައިން، މުވައްޒަފުން ވެސް ނަގަން ޖެހޭ،" ޒުހޫރު ވިދާޅުވި އެވެ.
ސްޓެލްކޯގެ ކުރީގެ އެމްޑީ ޝުކޫރުގެ އަގު ވަޒަން ކުރުމުގެ ގޮތުން، އާ އެމްޑީ ޒުހޫރު ހަނދާނީ ފިލައެއް މިއަދު އަރުވަނީ.---މިހާރު ފޮޓޯ: ނިޝާން އަލީ
އޭނާ ވަނީ ހުރިހާ މުވައްޒަފުން ވެސް ފަރުވާތެރިކަމާ އެކު މަސައްކަތް ކުރުމަށް އެދިވަޑައިގެންފަ އެވެ.
މިއަދު ބޭއްވި މި ޖަލްސާގައި، ސްޓެލްކޯ އާއި އެކި ރަށްރަށުގައި ހުރި އެ ކުންފުނީގެ އިންޖީނު ގެތަކުގެ އެންމެ ރަނގަޅު މުވައްޒަފުންނަށް ސެޓްފިކެޓް ދިނެވެ. އަދި 20 އަހަރާއި 30 އަހަރު ޚިދުމަތްކޮށްފައިވާ މުވައްޒަފުންގެ އަގު ވަޒަން ކުރި އެވެ. މީގެ އިތުރުން ހައްޖާއި އުމުރާ ދަތުރާއި އެކި މުވައްޒަފުންނަށް މަތީ ތައުލީމް ހާސިލް ކުރުމުގެ ފުރުސަތު ވެސް ދީ، މުވައްޒަފުންނަށް އެކަމުގެ ލިޔުން ދިނެވެ.
ސްޓެލްކޯ އަށް 20 އަހަރު ފުރުން އަދި ކަރަންޓުގެ ޚިދުމަތް ދެމުން އަންނަތާ 67 އަހަރު ފުރުން ފާހަގަކުރުމުގެ ޖަލްސާގެ ޝަރަފްވެރި މެހެމާނަކީ ސްޓެލްކޯގައި 35 އަހަރު ހިދުމަތް ކުރައްވާފައިވާ އެތަނުގެ ކުރީގެ މެނޭޖިން ޑިރެކްޓަރު އަބްދުއްޝަކޫރެވެ. އޭނާގެ އަގު ވަޒަންކޮށް ޚާއްސަ ފިލައެއް ވެސް މިއަދު ވަނީ އަރުވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮއްސުން
20 June 2017
ރަނގަޅު ނޫން ކަންތައް ގިންތި ކުރާ ހަމައެއް އަޅުގަނޑުމެން ތެރޭ އޮވެއެވެ. އެއީ 1- ރަނގަޅެއް ނޫން، 2- ގޯސް، 3- ވަރަށް ގޯސް، 54 ބޮއްސުންލާފައި...އެހެންވީމާ، އެމް.ޑީ ތިޔަ ވިދާޅުވަނީ ސްޓެލްކޯގެ ބައެއް ކަންކަން ވަނީ އެންމެ ނުބައި ފައްތަރުގައި ތޯއެވެ؟ އަދި އެވެސް ކުރީގެ އެމް.ޑީ ސްޓޭޖަށް އަރުވައި އެބޭފުޅާއަށް އެވޯޑެއް ޙަވާލުކުރައްވާފައި، އެބޭފުޅާ ބައިންދައިގެން އެބޭފުޅާގެ ކުރިމަތީގައި. އެހެންވިއްޔާ ތިޔަ ތަނުގެ ހާދަގިނަ ކަމެއް ފާލުން ނެއްޓިފައި ހުންނާނެތާ އެވެ.
ރަނގަޅު
20 June 2017
ބޮއްސުންލާފައި ހުރިކަންކަން ރަނގަޅުކުރާވާހަކަ ނުދައްކާ މީހަކު މަގާމަކާ ހަވާލުނުވެއެވެ. އަދި ކުރިން ކަންތައް ކުރަމުން އައިގޮތް ކަމުދާ މީހަކު ތަނަކާ ހަވާލުނުވެއެވެ. އެކަމަކު ފެންނަނީ ހުރިހާ ތަންތަން ބޮއްސުންލަމުން ދުވަހުންދުވަހަށް ގޯސްވަމުން ދާތަނެވެ. އެހެންކަމުން މަށާ މަގާމެއް ހަވާލުވެއްޖެނަމަ އަހަރެން ކުރާނެކަމަކީ އެތަން ކުރިއަށްވުރެ ގޯސްކުރުމެވެ. ހީވަނީ އެއިރުން ރަނގަޅުވާނެހެންނެވެ. ގޯސްމިވަނީ ރަނގަޅުކުރަން އުޅެގެންނެވެ. އެހެންވީމާ ދެން ޖެހޭނީ ގޯސްކުރަން ނޫންހެއްޔެވެ؟
ކަރީމް
20 June 2017
ޗެއަރމަން ޗާޓުން ބޭރު ކުރަން ލަސްވެސް ވެއްޖެ. އެއީ ސައްޚަ ޖޮބެއް ނޫން. ސަބަބަކީ އޭނާ އަކީ މިހާރުވެސް ސިވިލްސަރވިސް މުވައްޒަފަކަށް ވުން. ސިވިލްސަރވިސް މުވައްޒަފަކަށް ސިޔާސީ ޖޮބެއް އަދާނުކުރެވޭނެ
ދަވޭ
20 June 2017
ސްޓެލްކޯ އަށް ވެސް ފައިދާ އެއް ނެރެވޭނީ އެއީ ރާއްޖޭގެ 10 ހާހުން ދަށުގެ އާބާދީ ތައް މާލެ ސަރަހައްދަށް ބަދަލު ކޮށްގެންނެވެ. އޮޓޯ މައިގްރޭޝަންގެ އުސޫލުގެ ދަށުން އެކަން ކުރުމަށް ޓަކައި ސަރުކާރުން އެބަޖެހޭ މާލެ ސަރަހައްދުގައި އަހަރަކު 1 ލައްކަ ހައުސިންގް ޔުނިޓްސް އަޅާ އެއިން ކޮންމެ ހައުސިންގް ޔުނިޓް އެއް މަހަކު 2000 ރުފިޔާ އަށް ވުރެން މަހު ކުލި ބޮޑު ނުވާނެ އުސޫލުން އެ ފްލެޓްސް ތައް ބޭނުންވާ އެންމެންނަށް ކުއްޔަށް ދޫކޮށްލަން 100 އަހަރު ދުވަހުން ފްލެޓްސް ގެ ކުލި ހަމަވާނެ އުސޫލުން. މިކަން މިގޮތަށް ކޮށް ފިނަމަ ރާއްޖޭގެ އިންފްލޭޝަން ދަށަށް ގޮސް އަދި ސްޓެލްކޯ އިން މިހާރު ކުދި އާބާދީ ތަކަށް ދެމުން އަންނަ ކަރަންޓް ދޭން ނުޖެހި އެ އެންމެން މާލެ ސަރަހައްދަށް ބަދަލު ވުމުން މާލެ ސަރަހައްދަށް ކަރަންޓް ދީގެން ސްޓެލްކޯ އަށް ބޮޑު ފައިދާ އެއް ނެރެވިދާނެ ތީއެވެ. ކަން މިހެން ހުރުމުން މިފަދަ ވަރުގަދަ އިގްތިސާދީ ޕްލޭން އަކާއި މެދު ސަރުކާރުގެ އިކޮނޮމިކް ކައުންސިލުން ވިސްނަންވީއެވެ. އެއިރުން ރާއްޖޭގެ ރައްޔިތުންނަށް ފާގަތި ދިރިއުޅުމެއް ލިބިގެން ދާނީ.
ވިއުސް
20 June 2017
ސްޓެލްކޯގެ ވަރަށް ގިނަ ކަން ކަން ވަނީ ބޮއްސުން ލައިގެން ގޮސް ފައެވެ. އެގޮތުން އެންމެ ބޮޑަށް ބޮއްސުން ލައިގެން ގޮސްފައިވާ ކަންކަމުގެ ތެރޭގައި އެބަ ބަލަން ޖެހޭ މާލެ ވިލިގިލި ސްކޫލްގެ ފުރާޅު މަތީގައި ސޯލަރ ޕެނަލް ޖަހައިގެން އިންޖީނުގެ އިން އަންދާ ތެލުން އެންމެ ލީޓަރު ޑީސަލެއް ވެސް ސަލާމަތް ނުވާއިރު ސްޓެލްކޯ އިން އަމިއްލަ ކުންފުންނަކަށް މަހަކު 80 ހާސް ރުފިޔާ ދޭން ޖެހުނީ އެއީ ކީއްވެގެންތޯ ބަލަން. އެގޮތުން ބަލާއިރު ގްރިޑަށް ފީޑް ކުރާ ކަރަންޓޭ ކިޔައިގެން އެފަރާތުން ބަހައްޓާފައިވާ މީޓަރުން އެ ފީޑް ކުރާ ކަރަންޓަކީ އެއީ ރިއެކްޓިވް ޕަވަރ އެވެ. އެއިން ސްޓެލްކޯގެ މައި ނެޓްވާރކް އަށް އެއްވެސް ފައިދާ އެއް ނުކުރާނެއެވެ. ވިއްޔާ ވާނީ ގެއްލުމެވެ. ކަން މިހެން ހުރުމުން މީ ނާޖާއިޒު ގޮތުގައި ކޮރަޕްޝަންގެ އުސޫލުން ސްޓެލްކޯގައި ކުރީގައި ތިބި ބޮޑުންގެ ބަޔަކު ކޮށްފައިވާ ކަމަކަށްވާތީވެ މިކަން އެބަޖެހޭ ބަލާ ދިރާސާ ކޮށް ހަދާ މިހެން ހެދފައިވާ ހުރިހާ އެއްބަސް ވުން ތަކަށް ނިމުން ގެންނަން. ސްޓެލްކޯ ގްރިޑް އަށް ފީޑް ކުރާނެ ކަމެެއް ނެތް. ސޯލަރ ޕެނަލްސް ޖަހާ ކުންފުނި ތަކުން އެ ތަނެއްގެ ފުރާޅުގައި ޖަހާ ޕެނަލްސް ތަކުން އެމެން ކަރަންޓް ދޭން ވީ އެބިލްޑިންގް އަކަށް. ދެން އެމެން ކަރަންޓް ދޭ މީޓަރަށް އެމެން އެތަނެއްގެ ވެރިފަރާތާއި ވާހަކަ ދައްކައިގެން އެއަށް ފައިސާ ހޯދީމާ ނިމުނީ އެވެ. ސްޓެލްކޯ ގްރިޑަށް ފީޑް ކޮށްގެން ސްޓެލްކޯ އަތުން ފައިސާ ހޯދުން އެއީ ރޯމާ ދުވާލު ވައްކަން ކުރުން ފަދަ ކަމެއް ކަމަށް މަމެން މިދެކެނީ.
ޗެއަރމަން
20 June 2017
ކޮބާ ޗެއަރމަން...އޭނަ ޗާރޓުން ބޭރު ކުރީތަ؟
ސަލީމް
20 June 2017
ބަލަ ޗެއަރމަން އަކީ މިހާރުވެސް ބޭރު ކުރަން ވެފައި ހުރި މީހެއް. ސާބަހޭ ޒުހޫރު
ނަސްމާ
20 June 2017
ޗެއަރމަން ޗާޓުން ބޭރު ކުރަން ލަސްވެސް ވެއްޖެ. އެއީ ސައްޚަ ޖޮބެއް ނޫން. ސަބަބަކީ އޭނާ އަކީ މިހާރުވެސް ސިވިލްސަރވިސް މުވައްޒަފަކަށް ވުން
ގާޒީ
20 June 2017
މިއެގުނީތާ އެތަންބޮއްސުންލަިއިގެންކަން މިބަދަލެއް މިގެނައީ!
ހޮޅުއަށި
20 June 2017
ތިތާ ޗެއަރމަން ކަމުން އައިމަން ވަކިކުރަންވީ
އަލީއަހުމަދު
20 June 2017
އެއްވެސް ކަމެއް ރަނގަޅެއް ނުވަނެ. އެސްޓިއޯގަ އުޅުއްވިއިރުވެސް ބޮސް ބުނުއްވި ގޮތަށްތާ ކަންކުރީ. މިހާރުވެސް ތިމަގާމަށްލާފަ ތިހުރީ ބޮސް ބުނާގޮތަށް، ދެން ހުރި ބޮޑަތި ކޮންޓްރެކްޓްތަށް ދިނުމަށް، އެކަން ހިނގާނެ. އެހެން ކަމެއް ނުވާނެ، ވާނެ ކަމަށް ގަބޯލުކުރަން ޖެހޭ ސަބަބެއްވެސް ނެއް!!!
ޤުއްޓޭ
20 June 2017
މާތްކަލާކޯ ރަނގަލު ކުރައްވަން ނޫލުއްވާ. ތިބޭފުޅާވެސް ޖީބަށް އެއްޗެއް ލެވޭތޯ ބައްލަވާ. ޤައުގެ ހާލަތު ވަރަށް ރަނގަލަށް ތިބޭފުޅާ އަށްވެސް އެނގޭނެ ކަމަށް އުއްމީދު ކުރަން.
މުހައްމަދު
20 June 2017
މީހުން ދައްކާ ވާހަކަ އަޑުއަހަން ނުދަންނަ ނުވިސްނޭ މީހަކަށް ކަންކަމެއް ރަނގަޅެއް ނުކުރެވޭނެއެވެ. އަތޮޅުވެރިންނަށް ހިއްޕެވޭނީ ވަލުގައެވެ. ބާރެއް ނުލެވޭނެއެވެ.