އަބްދުއްރަހީމް ނޫސްވެރިންނާ ވާހަކަ ދައްކަވަނީ: އެންމެ ފަހުވަގުތާ ޖެހެންދެން ހުންނަވާނީ ރައީސް ޔާމީނާއެކުގައި ކަމަށް ވިދާޅުވި-- މިހާރު ފޮޓޯ
07 ޖުލައި 2017 - 14:57
115 comments
ސިޔާސީ މައިދާނަށް ނުކުމެވަޑައިގަތީ ވެސް ރައީސް އަބްދުﷲ ޔާމީނާއެކުގައި ކަމަށާއި އަދި އެ މައިދާނުން ދުރަށް ވަޑައިގަންނަވާނީ ވެސް އެ މަނިކުފާނާ އެކުގައި ކަމަށް ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު އަދި ވެރިކަން ކުރާ ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ މިއަދު ވިދާޅުވެއްޖެ އެވެ.
އޭނާ ކުރެއްވި ޓްވީޓެއްގައި ވިދާޅުވި ގޮތުގައި ފަހު ނޭވާއާ ހަމައަށް ވެސް ހުންނަވާނީ ރައީސް ޔާމީނާއެކުގަ އެވެ. އަދި ކުރީގެ ރައީސް މުހައްމަދު ނަޝީދާއި މައުމޫން އަބްދުލްގައްޔޫމާއި ޖުމްހޫރީ ޕާޓީގެ ލީޑަރު ގާސިމް އިބްރާހިމް ހުންނަވާ ކޮޅަކަށް ދުވަހަކު ވެސް އަރައިވަޑައި ނުގަންނަވާނެ ކަމަށް އަބްދުއްރަހީމް ވިދާޅުވި އެވެ.
ރައްޔިތުންގެ މަޖިލިހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލާގައި ޕީޕީއެމްގެ 10 މެމްބަރަކު ސޮއި ކުރެއްވި މައްސަލަ ހޫނުވެފައިވާއިރު، އޭގެ ތެރެއިން ބައެއް މެމްބަރުންނާ "ނުގުޅިގެން"، އެ ޕާޓީގެ އިސް ބޭފުޅުންތަކެއް އިއްޔެ ރޭ ސްރީ ލަންކާ އަށް ވަޑައިގެންފައިވާއިރު އޭގެ ތެރޭގައި އަބްދުއްރަހީމް ހިމެނިވަޑައިގަންނަވަ އެވެ.
މަސީހްގެ އިތުބާރު ނެތްކަމުގެ މައްސަލަ މިދިޔަ ހޯމަދުވަހު މަޖިލީހަށް ވެއްދިއިރު، އެ މައްސަލައިގެ ލިޔުމުގައި ސޮއިކުރެއްވި ޕީޕީއެމްގެ ބައެއް މެމްބަރުން ތިއްބެވީ ލަންކާގަ އެވެ. އަދި އެހެން ބައެއް މެމްބަރުން އުޅުއްވަނީ ތައިލެންޑުގައި ކަމަށްވެ އެވެ.
ޕީޕީއެމްގެ ބައެއް މެމްބަރުން ވިދާޅުވާ ގޮތުގައި ޚިޔާލުތަފާތުވުން ބޮޑުވެ މެމްބަރުންތަކެއް ޕާޓީ ދޫކުރައްވާ ހިސާބަށް ދިޔައީ، އެ މެމްބަރުން ފާޅުކުރެއްވި ކަންބޮޑުވުންތަކާއި ދާއިރާތަކުގެ ރައްޔިތުންނަށް ކޮށްދެއްވަން ބޭނުންވި ކަންކަމަށް ސަރުކާރު ތެރެއިން އަޅާނުލައި ފަރުވާކުޑަކުރުމުންނެވެ. އެެ މައްސަލަތައް ހައްލުކުރަން މިހާރު ވަނީ ބައެއް ވަޒީރުންނާއި މަޖިލީހުގެ ބައެއް މެމްބަރުން ހިމެނިވަޑައިގަންނަވާ ގޮތަށް ދެ ކޮމެޓީއެއް ވެސް އުފައްދައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
12 July 2017
އެކަކު ސުވަރުގެ އަށް އަނެކަކު ނަރަކަ އަށް ދާންޖެހިއްޖެ ނަމަ ހަދާނީ ކިހިނެތް
މިއީދެން ކާކު؟
09 July 2017
ތިބާ ސިޔާސީ މައިދާނަށް ނިކުތީ ރައީސް މައުމޫނާއެކު...ތިބާ ދާއިރާ ގޮނޑިދޫކުރަން އުޅުމުން މައުމޫނުގެ ބާރުގައި ގޮނޑި ދޫކޮށްގެން ނުވާނެއޭ ވިދާޅުވި ހަނދާން ވެސް އަހަރުމެން އެބަހުރ.ި އަދުރޭ....ކިހާދެރަ ކަމެއް،،،،،
ހަމްދާން ހަމީދު
09 July 2017
"އައީވެސް އެކަންޏެވެ. ދާނީވެސް އެކަންޏެވެ." ހާދަ ހަނދާންވޭ ދިވެހި ދަރިވަރުންގެ ފޮތަކުން ކީ ހަނދާން!
ހެޔޮ އެދޭ
08 July 2017
އަދުރޭ ' ޑޯންޓް ލެޓް " ޕްރައިޑް " ކްލައުޑް ޔޯރ ޖަޖްމެންޓް
މަރުމޯލު
08 July 2017
ލަނޑަޔާވާނީ ލަނޑަޔާ، ލައްޓިޔާ އެކުގަ ނޫޅެވޭނެ. ތިޔަ ދެބޭފުޅުންގެ ޕާސްޓް ހިސްޓްރީ އަޅުގަޑު ވަރަށް ރަގަޅަށް ދަންނަން.
އަޝްރަފް
08 July 2017
އަދުރޭ އާއި ނިހާނަކީ ޔާމީނުގެ ހަލާކު! މީ ވަރަށް ވާހަކަ..!
ރިއަލް ޑޮނަލްޑް ޑަކް
08 July 2017
އަދުރޭ މިހާރު ތިހުރީ ރަގަޅަށް ބިސްރިހަ ބޮވިފަ.
މަރީ
08 July 2017
އަދުރޭއަށް ބިޑު ކުރާނެ ސިޔާސީ ޕާޓީއެއްވެސް ނުލިބުނީތަ؟!
ޒުވާނުން
08 July 2017
ނުވާނެ. އެއީ ކާކު؟
ޢ
08 July 2017
ޢަސްތާ އެންމެ ހަޔެއްކަ އެމްޕީން ދާއިރައް ތިޔަތިބެނީ މުޅިން އާޝޯހުވެފަ. ޢެހެރަ ޑީޢާރުޕީ ވެސް މާގަދައެއްނު އެންމެ އެމްޕީއެއް ނެތަސް ކިތައް ސިޔާސީ މަގާމު އެހެރަގެން ފުރާލަނީ. ޢެމްޑީޕީ 5 އަހަރު ހިފަހައްޓާލީ 15 ވަރަކައް އެމްޕީން ގޮވައިގެން. ޢެހެންނޭވާނީ ވެރިކަމައް އައީސުރެ ރައްޔިތުންނާ އަޅާނުލާ އުޅުނީ އިދިކޮޅު މީހުން ފުރޭމް ކުރެވޭތޯ. ޜައީސް ޔާމިން ގެ ވެރިކަން ފެއިލް ވުމުގެ އެންމެ ބޮޑު ޒިންމާއެ އެޅެނީ އަދުރޭ އާ ނިހާނުގެ ބޮލުގަ، ތި ބޭފުޅުން ތީ ރައީސް އައް އެޑްވައިސް ދީ ޒިންމާދާރު ކުރުވަން ތިބިމީހުން އެކަމު އެކަމެއް ނުކުރެވުން، މިއަދު މިއޮތީ އެކަން ނުކުރުމުގެ ނަތީޖާ ފެންނަން. ޜައީސް ޔާމިން ވެސް މިއަދު ފެންނާނެ އަދުޜޭމެން ކަންކުރިގޮތް.
މިސްޓަރ ބީން
08 July 2017
އަދުރޭ ހުރިގޮތެއް އަދި ނޭންގޭ ހުނުފެން އަޅާންބުނިމީހާވެސް އެހެރީ ރަތްޔިތުންނައްޓަކާ ގުރުބާންވެފާ