ސިވިލް ކޯޓު ހިންގާ ޖަސްޓިސް ބިލްޑިން: ހުކުމާ އެއްގޮތަށް ފައިސާ ނުދައްކައިފި ނަމަ ދަރަނިވެރިޔާ އިލްފާސްކޮށް، މުދާ ވިއްކާލުމުގެ ބާރު ކޯޓަށް އޮވޭ --ފޮޓޯ/މިހާރު
17 ޖުލައި 2017 - 13:37
ސާބިތު ދަރަންޏެއް ހުކުމާ އެއްގޮތަށް ފައިސާ ނުދެއްކި މީހަކު އިފްލާސްކޮށް، އެ މީހާގެ ފިހާރައެއްގައި ހުރި މުދާތަކެއް ނީލަމުގައި ވިއްކާލަން ސިވިލް ކޯޓުން އިއުލާންކޮށްފި އެވެ.
މާލޭގައި ހިންގާ އާޝާ ޓެކްސްޓައިލް ފިހާރައިގައި ހުރި މުދާތަކާއި ފަރުނީޗަރުތައް ވިއްކާލަން ސިވިލް ކޯޓުން އިއުލާންކުރީ އަމިއްލަ ކުންފުންޏަކަށް ތިން ލައްކަ އަށް ވުރެ ގިނަ ޑޮލަރު ދައްކަން ސ. ހިތަދު އަށް ނިސްބަތްވާ މީހެއްގެ މައްޗަށް ހައި ކޯޓުން ކޮށްފައިވާ ހުކުމެއްގެ މައްސަލައިގަ އެވެ.
އެ ހުކުމާ އެއްގޮތަށް ފައިސާ ނުދެއްކުމުން ވިއްކާލަން އިއުލާން ކޮށްފައިވާ މުދާތަކުގެ ތެރޭގައި ކާބޯތަކެއްޗާއި ކުޅޭ ސާމާނާއި ގޭގައި ހިފާ ގެންގުޅޭ ތަކެއްޗާއި ބައެއް އިލެކްޓްރޯނިކް ސާމާނު ވެސް ހިމެނެ އެވެ. އަދި އެ ފިހާރައިގައި ހުރި ބައެއް ފަރުނީޗަރާއި އެތަނުގައި ގެންގުޅޭ ބައެއް އިލެކްޓްރޯނިކް ސާމާނުތައް ވެސް ވިއްކާލަން އިއުލާނުގައި ހިމަނާފައިވެ އެވެ.
އެ ފައިސާ ނުދެއްކި މައްސަލާގައި އެ މީހާ އަރުވާލަން ވެސް 2013 ގައި ސިވިލް ކޯޓުން ހުކުމްކުރި އެވެ.
މި ނީލަން ފެށޭ އަގަކީ ދެ ލައްކަ ރުފިޔާ އެވެ. ނީލަމުގައި ބައިވެރިވާން އެދޭ ފަރާތްތަކުން އަންނަ ބުރާސްފަތި ދުވަހުގެ ކުރިން ސިވިލް ކޯޓަށް ސިޓީ ހުށަހަޅަން ޖެހެ އެވެ.
ރަހުނު ނުހިމެނޭ ސާބިތު ދަރަނީ މުއާމަލާތްތަކުގައި އަމަލު ކުރާނެ ގޮތުގެ ގަވާއިދު ބުނާގޮތުން ހުކުމާ އެއްގޮތަށް ދަރަނި އަދާ ނުކޮށްގެން ފިޔަވަޅު އެޅުމުން ވެސް ދަރަނި އަދާ ނުކޮށްފި ނަމަ އެންމެ ފަހު ފިޔަވަޅެއްގެ ގޮތުން ދަރަނިވެރިޔާ އިލްފާސް ކުރެވޭނެ އެވެ. އިފްލާސް ކުރާއިރު ދަރަނިވެރިޔާގެ މިލްކުގައި ހުރި ތަކެތީގެ ތެރެއިން ދަރަނި އަދާ ކުރެވޭ މިންވަރުގެ ތަކެތި ވިއްކާލުމުގެ ބާރު އެ ގަވާއިދުގެ ދަށުން ކޯޓަށް އޮވެ އެވެ.
ދަރަނީގެ އެހެން މައްސަލައެއްގައި ސަފާރީއެއް ވިއްކާލަން ވެސް ސިވިލް ކޯޓުން ކުރިން އިއުލާންކުރި އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އައްޕާ ހަސަންދީދީގެ އަލީ އިބްރާހީމް
18 July 2017
އެއް ޒަމާނެއްގަ ޗާންދަނީމަގުގެ ސިންގަޕޫރު ބާޒާރު ގެ ބޮސް.ވަރަށް ދެރަގޮތެއް މިދިމާވީ.
ބުގެ ޖަލީލް
18 July 2017
4.6 މިލިއަން ރުފިޔާ ނުދެއްކިގެންތަ ތިޔަ ފިހާރަ ނީލަންކިޔަނީ.
ބުގެ މުހުއްމާދީ
17 July 2017
ތިއާއިލާ އެންމެންނަކީވެސް އިނގިރޭސިން ފައިބައިގެންދިއުމުން މާލޭގަ ވިޔަފާރިފަށާ އެދުވަސްވަރުގެ މަހުޖަނުން. އެކަމަކު މިހާރު އެއީ މާޒީ.
އަބްލާހި
17 July 2017
ދަރަންޏަށް ވަނީ މިލިއަނުން ތިރީގެ ޢަދަދުތައް ދޯ؟؟ މިސާލަކަށް ބަލާނަމަ ރިޔާޒް ރަޝީދު ދައްކަން ޖެހޭ އެތަށް މިލިއަން ޑޮލަރަކީ ކޮން ނަމެއް ކިޔާ އެއްޗެކޯ؟؟؟ ޤާސިމް އަށް ބިރު ދެއްކީ 100 މިލިއަން ޑޮލަރުގެ ދަރަނީގެ ވާހަކަ ސަރުކާރަށް ތާޢީދު ކުރީމަ ކިހިނެއް ވީ އޯ؟؟ ބޯ ހަލާކު
ބުގެ އަހަންމާދީ
17 July 2017
މިދެން ވަރަށް ދެރަކަމެއް.
އަހުމަދުބެ
17 July 2017
ޑްރަގް ވިޔަފާރި ކުރާމީހުން ގެ މުދާ އަދި ފައިސާ ނުހިފެހެއްޓެއެވެ.
Gan Island
17 July 2017
މި މައްސަލައިގަ ސިވިލް ކޯޓުން ކޮށްފައިވާ ހުކުމް ގެ ތަފުސީލް ނެތް ކަމުން ލިއުމުގައިވާ ގޮތަށް ބަލާނަމަ މިހުކުމަކީ ދައުވާ ކުރި ފަރާތަށް އޭނާގެ ހައްޤު ލިބުމަށް ފަހިވާ ގޮތަށް ކޮށްފައިވާ ހުކުމެއްކަމާއި މެދުގައި ސުވާލު އުފެދޭ. . . . އާޝާ ޓެކްސްޓައިލް ފިހާރައިގައި ހުރި މުދާތަކާއި ފަރުނީޗަރުތައް ވިއްކާލަން އިއުލާންކޮށް ''ނީލަން ފެށޭ އަގަކީ ދެ ލައްކަ ރުފިޔާ'' ކަމަށް ބުނެފައިވާތީ ''ފިހާރައިގަ ހުރި މުދަލުގެ އަގުން ދަރަނި އަދާ ނުކުރެވޭނެ'' ކަން ގާތްގަނޑަކށް ޔަޤީން ކުރެވޭ. . . އަޑުއިވޭ ގޮތުން ތިޔަ ފިހާރައަކީ ''ތިން ލައްކަ އަށް ވުރެ ގިނަ ޑޮލަރު ދައްކަން ސ. ހިތަދު އަށް ނިސްބަތްވާ މީހާ'' ގަ އަމިއްލަ އިމާރާތެއް. . . . އެހެން ކަމަށް ވާނަމަ ކޯޓުން ކީއްވެގެންތޯ އަދުލުވެރި ގޮތަކަށް ތިޔަ މައްސަލަ ނިންމުމަށް އޮތް ފުރުސަތުގެ ބޭނުން ނުކުރެއްވޯ ؟؟؟ !! . . މާލޭގެ ކުލި ވަކިން ހާއްސަކޮށް ޗާދަނީ މަގުގެ ފިހާރައެއްގެ ކުށްޔަށް ބަލާ އިރު 3 ލައްކަ ޑޮލަރު ތިތަން ކުއްޔަށް ދީގެން ހޯދުމަކީ ވަރަށް ފަސޭހަ ކަމެއް. . . . އެހެން ކަމުން 4 ނުވަތަ 5 އަހަރު ދުވަހަށް އެންމެ މަތީ ކުއްޔެއް ހުށަހަޅާ ފަރާތަކަށް ތިޔަ އިމާރާތް ކުއްޔަށް ދޭން ނިންމި ނަމަ ތިއަށްވުރެން އިންސާފުވެރި ނިންމުމެއްކަމަށް ޤަބޫލު ކުރެވޭނެ. އަދި މިދެންނެވި ގޮތަށް ކުއްޔަށް ހިފާ ފަރާތަކުން ތަނުގައި ހުރި މުދާ އަގު ކުރުމަށްފަހު ނަގާންޖެހޭ ގޮތަށް ޝަރުތު ކުރެވިދާނެ. . . . ''ރަހުނު ނުހިމެނޭ ސާބިތު ދަރަނީ މުއާމަލާތްތަކުގައި އަމަލު ކުރާނެ ގޮތުގެ ގަވާއިދު ބުނާގޮތުން ހުކުމާ އެއްގޮތަށް ދަރަނި އަދާ ނުކޮށްގެން ފިޔަވަޅު އެޅުމުން ވެސް ދަރަނި އަދާ ނުކޮށްފި ނަމަ އެންމެ ފަހު ފިޔަވަޅެއްގެ ގޮތުން ދަރަނިވެރިޔާ އިލްފާސް ކުރެވޭނެ'' ކަމަށް އޮތް ޤަވާއިދު މިއަށްވުރެން ފުޅާކޮށް މާނަ ކުރެވެންޖެހޭނެ. . . . އަދި ''ތަކެތި ވިއްކާލުމުގެ ބާރު އެ ގަވާއިދުގެ ދަށުން ކޯޓަށް ލިބޭ ކަމުގައިވާނަމަ'' އޭނާގެ ޕްރޮޕަޓީ ބޭނުންކޮށް ދަރަނި އަދާ ކުރެވެން އޮތް ހުރިހާ ގޮތެއް ބެލުމުގެ ބާރު ކޯޓް ތަކަށް ލިބެދޭ.
ރުޅިގަދަމީހާ
17 July 2017
އިމާރާތް ހުރީ ބެންކަށް މޯގޭޖު ކޮށްފައި ކަމަށްވެއްޖެނަމަ ތިބުނާ ގޮތެއް ނެހޭދޭނެތާ!