އޭޖީ އަނިލް: އޭނާގެ އިތުބާރު ނެތްކަމުގެ މައްސަލަ މަޖިލީހުން އިއްޔެ ބޭރުކޮށްލީ ގާނޫނު އަސާސީގެ ނުބައި މާއްދާއަކާ ހަވާލާދީފައި އޮތުމުން --ފޮޓޯ/މިހާރު
26 ޖުލައި 2017 - 20:25
11 comments
އެޓާނީ ޖެނެރަލް މުހައްމަދު އަނިލްގެ އިތުބާރު ނެތްކަމުގެ މައްސަލަ އަލުން ރައްޔިތުންގެ މަޖިލީހަށް ހުށަހަޅާނެ ކަމަށް އިދިކޮޅު ކޯލިޝަނުން ބުނެފި އެވެ.
އަނިލްގެ އިތުބާރު ނެތްކަމުގެ މައްސަލަ މަޖިލީހުގެ އިދިކޮޅު ކޯލިޝަނަށް ނިސްބަތްވާ 24 މެމްބަރެއްގެ ސޮޔާ އެކު މިދިޔަ ހަފުތާގައި ހުށަހަޅާފައި ވަނިކޮށް އެ މައްސަލަ ބޭރުކޮށްލީ ގާނޫނު އަސާސީގެ ނުބައި މާއްދާއަކާ ހަވާލާދީ، އެ މައްސަލަ ހުށަހަޅާފައި އޮތުމުންނެވެ. އެ މައްސަލަ ހުށަހެޅީ ގާނޫނު އަސާސީގެ 82 ވަނަ މާއްދާގެ ދަށުން ކަމަށްވިޔަސް އެ މާއްދާއަކީ ރައީސުލް ޖުމްހޫރިއްޔާ އާއި ރައީސުލް ޖުމްހޫރިއްޔާގެ ނައިބުގެ އިތުބާރު ނެތްކަމުގެ މައްސަލައާ ގުޅޭ މާއްދާ އެކެވެ.
އިދިކޮޅު ފަރާތްތަކުގެ ފާޑު ކިޔުން އަމާޒުވެފައިވާ އަނިލްގެ އިތުބާރު ނެތްކަމުގެ މައްސަލަ އަލުން ހުށަހަޅަން ނިންމާފައިވާ ކަން، އިދިކޮޅު ކޯލިޝަނަށް ނިސްބަތްވާ ކެންދޫ ދާއިރާގެ މެމްބަރު އަލީ ހުސައިން ކަށަވަރުކޮށް ދެއްވި އެވެ.
"އެ މައްސަލަ އަންނަ ހަފުތާގައި މަޖިލިސް ހުޅުވުމާ އެކު އަލުން ހުށަހަޅާނަން އަޅުގަނޑުމެން،" އަލީ ހުސައިން ވިދާޅުވި އެވެ.
ވަޒީރެއްގެ އިތުބާރު ނެތްކަމުގެ މައްސަލަ ފާސްވާނީ މަދުވެގެން 43 މެމްބަރުންގެ ވޯޓު ލިބިގެންނެވެ. އެކަމަކު ސުޕްރީމް ކޯޓުން ދާދިފަހުން ކުރި ހުކުމެއްގައިވާ ގޮތުން ވަޒީރެއްގެ އިތުބާރު ނެތްކަމުގެ މައްސަލައެއް މަޖިލީހުން ފާސްވިޔަސް އެކަމުގައި ފަހު ބަސް ބުނާނީ ސުޕްރީމް ކޯޓުންނެވެ.
އަނިލްގެ އިތުރުން މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމަށް 45 މެމްބަރެއްގެ ސޮޔާ އެކު ހުށަހެޅި މައްސަލަ ވެސް މަޖިލީހުން ވަނީ ބޭރުކޮށްލައިފަ އެވެ. އެ މައްސަލަ ބޭރުކޮށްލީ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ނިންމާފައިވާ ހަތަރު މެމްބަރެއްގެ ސޮޔާ އެކު އެ މައްސަލަ ހުށަހެޅުމުން ކަމަށް ބުނެ އެވެ. އެ ހަތަރު މެމްބަރުން އެ މައްސަލާގައި ސޮއިކުރީ ގޮނޑި ގެއްލުނު ކަމަށް ކަނޑައެޅުމުގެ ކުރިންނެވެ.
އެ ހަތަރު މެމްބަރުންގެ ގޮނޑި ނުގެއްލޭ ކަމަށް ކަނޑައަޅަން ސުޕްރީމް ކޯޓަށް މައްސަލަ ހުށަހެޅުމުން އެ ކޯޓުން ވަނީ އެ މައްސަލަތައް ބަލައިގެންފަ އެވެ. އެކަމަކު މައްސަލައިގެ އަޑުއެހުންތައް އަދި ނުފަށަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Hi
27 July 2017
އަަވަހައްލާ ވާނެކަމެއްހަރާމް އިރާދަކުރެއްވިއްޔާ.
ޚ
27 July 2017
ޜައްޔިތުންނައް ކުރާ އަނިޔާ ޗޭނުގެ އެއް ބޮޅު މީ
ނަޑެއްލާ
27 July 2017
އެމް އެމް ޕީ އާރ ސީ ގެ މައްސަލާ ގައި އަނިލްގެ ހިއްސާ އެއް ވޭބާ! މިކަން ކޮންމެވެސް އެއް ބޭފުޅަކު މި ނިކަމެތި އަލާ އަށް ސާފު ކޮއްލަދިނުން އެދެން.
ހެނބަދޫ އިންޖީނުގެ ޗިމްނީން ދަންނަވަނީ
27 July 2017
އަހަރެން ނަމަ މިހާރު ލަދުން އިސްތިއުފާ ދީފަ ގެއަށް ގޮއްސީމު.
ހެނބަދޫ އިންޖީނުގެ ކޭބަލް ވިދާޅުވަނީ
27 July 2017
ރަނގަޅު ވާހަކައެއް ތިބުނީ.
އިތުބާރު
26 July 2017
ކަލޭމެންނަށް ތި ނޫން ކަމެއް ކުރަން ނޭގެނީތަ!
އާނޮތު
26 July 2017
ބުރޯއެއް ދޯ އަނިލްއަކީ
ޒިންދަގީ
26 July 2017
ތިޔަ ހުށަހަޅާ މާއްދާ ރަގަޅެވެ. މީހާގެ ނަން ނުބައީ.. އެބައި ރަގަޅު ކޮށްލާފަ ލާންވީ..
ކްރިޓިކަލް
26 July 2017
މިއަދު ނޫނީ މާދަން އަނިލް އިންނަވަން ޖެހޭނީ ގޭގަ.... އެދުވަހަކަށް ވިސްނާ ބަސްއަހައިގެން އުޅެން އިލްތިމާސް ކުރަން...
ޕޮގުބާ
26 July 2017
ގާނޫނު އަސާސީއެއް އިދިކޮޅު ފަރާތްތަކަކަށް ނޭންގުނު
ބޭބެ
26 July 2017
ގޮނޑި ގެއްލުނު ކަމަށް ބުނާ މެންބަރުން ވޯޓު ދީގެން ހަދައިފައިވާ ހުރިހާ ގާނޫނެއްވެސް ބާތިލް ވާން ޖެހޭނެ. އެއްފަޅިޔަށް ވިސްނާތީ ގޯސްވަނީ. ރައްޔިތުން ގުނބޯ ހެއްދި ދުވަސްތައް ހިނގައްޖެ. ބޭބޭ ފުޅު ކަންތައް ކުރިގޮތަށް ކަންތަކެއް މި ޒަމާނު ނުވާނެ.