ނ. މާޅެންދޫ
08 އޯގަސްޓް 2017 - 17:36
18 comments
ނ. މާޅެންދޫގައި 11 އަހަރުގެ ފިރިހެން ކުއްޖަކު "ދަން ޖެހިގެން" މިއަދު މަރުވެއްޖެ އެވެ.
އެނގިފައިވާ ގޮތުގައި އެ ރަށު ސްކޫލުގެ ގްރޭޑް ހައެއްގައި ކިޔަވަމުން އަންނަ އެ ފިރިހެން ކުއްޖާ "ދަންޖެހިފައި" ހުރީ އޭނާގެ ގޭތެރޭގަ އެވެ.
އެ ގޭގެ އަވައްޓެރިއަކު ބުނިގޮތުގައި "ދަން ޖެހިފައި" ހުއްޓާ ހަމައެކަނި ފެނުނީ އޭނާގެ މަންމައަށެވެ. އަދި މަރުވެފައި ހުރީ ކަރުގައި އެއްޗެއް އައްސައިގެން ކަމާއި ސިއްހީ މަރުކަޒަށް ގެންދިޔައިރު ވެސް މަރުވެފައިވާ ކަމަށް ލަފާކުރެވޭ ކަމަށް ވެސް އޭނާ ބުންޏެވެ.
"އަޅުގަނޑުމެން ވެސް ނުއެއް ދެކެން ދަންޖެހިފައި ހުއްޓައެއް. އެކަމަކު ކަރުގައި އެއްޗެއް އައްސާފައި ހުރުމުން، އެނގޭ އެގޮތަށް ކަރަށް ވާންވެގެން ކަން މަރުވެފައި ހުރީ،" އަވަށްޓެރިޔާ ކިޔައިދިނެވެ.
އޭނާ ބުނީ އާއިލާ ތެރޭގައި ވެސް އަދި ބޭރުގައި ވެސް އެ ކުއްޖާގެ އެއްވެސް މައްސަލައެއް އުޅޭކަން އެނގިފައި ނުވާ ކަމަށާއި އެހެންވެ، އޭނާ މަރުވި ސަބަބު ލަފާކޮށްލަން ވެސް ނޭނގޭ ކަމަށެވެ.
މިނިސްޓްރީ އޮފް ޖެންޑަ އެންޑް ފެމިލީން ނެރުނު ބަޔާނެއްގައި ބުނި ގޮތުގައި އަމިއްލައަށް ކުއްޖަކު މަރުވި ކަމުގެ ރިޕޯޓެއް އެ މިނިސްޓްރީ އަށް ވަނީ ލިބިފަ އެވެ. އެކަމަކު އެ ކުއްޖާއާ ބެހޭ އެއްވެސް މައްސަލައެއް އެ މިނިސްޓްރީ އަށް ވެސް އަދި މިނިސްޓްރީން ނ. އަތޮޅުގައި ހިންގާ އާއިލާ އާއި ކުޑަކުދިންނާ ބެހޭ މަރުކަޒަށް ވެސް މީގެ ކުރިން ހުށަހަޅާފައިނުވާ ކަމަށް ބަޔާނުގައިވެ އެވެ.
އެ ކުއްޖާ މަރުވީ ދަންޖެހިގެން ނަމަ އޭނާ ވާނީ އަމިއްލަ އަށް އެގޮތަށް މަރުވި އެންމެ ހަގު ދިވެއްސަށެވެ.
ފުލުހުންނާއި ޖެންޑާ މިނިސްޓްރީ ގުޅިގެން ކުއްޖާގެ މަރު މިހާރު އަންނަނީ ތަހުގީގުކުރަމުންނެވެ.
މާޅެންދޫ ކައުންސިލްގެ މެމްބަރަކު ވިދާޅުވީ ތަހުގީގުކުރާ މައްސަލައަކަށް ވާތީ ކައުންސިލަށް އެއްވެސް މައުލޫމާތެއް ދެވެން ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަލްސާ
09 August 2017
ހަމައެކުއްޖާ ވެސް މަރުވީ ވަކި ސަބަބެއް އޮވެގެއްނު. ނުވަތައެކުްޖާ ހަމަ ހުރެލާފަ އެހެއްނެށް މަރެރެނުވާ އެއްނޮ.ވަކި ސަބަބެއް އެބަ އޮތެއްނު.
ހަސަންފުޅު
09 August 2017
އެބުނާހެން އަމިއްލައަށް ދަންޖެހުނީކަމަށް ބުނެ ނިންމައިގެންނުވާނެ... ތަހުގީގު ރަގަޅަށް ނިންމާފައި އެގޮތަށް ބުނަންޖެހޭނީ.. އޮޓޮޕްސީއެއްވެސް ހަދަންޖެހޭނެ... 11 އަހަރުގެ ކުއްޖަކު އަމިއްލައަށް ދަންޖެހުމުގެ ވިސްނުމަށްވުރެ މިދުނިޔޭގައި ކުދިންބޭނުންވާ އެހެންކަންތައްތަކަށް ހުންނަށް ޝައުގު މާބޮޑުވާނެކަމަށް ބެލެވޭ... ރަގަޅަށް ތަހުގީގުކުރުމަށް ދަންނަވަން .. އޭރުން އެގޭނީ ދަންޖެހުނީތޯ ނުވަތަ ދަންޖެއްސުވީތޯ....
ޙަ
09 August 2017
ޢިއިޕެޑު ތަކާ ފޯނު ކުޑަކުދިންނައް ނުދޭންވީ. ޔޫޓިއުބުގަ އެބަހުރޭ ވީޑިޔޯ: މައިން ކުރާފްޓް ގޭމްގަ މަރުވާނެ 10 ގޮތް ދައްކައިދޭ ވީޑިޔޯ ހަދާފަ.
އަ
09 August 2017
ތިޔަށްވުރެން ރަނގަޅުވާނެ ރާއްޖޭގައި މީހުން މަރާ ވާހަކަ ދެއްކިޔަސް. ޒުވާނުން މެރުމަކީ ފެޝަނެއް ކަހަލަ ކަމެއް މިހާރު.
ހެޔޮ އެދުން
09 August 2017
އެކުއްޖަަ މަރުވި ގޮތް އަހަރެން ތަހްޢީޤް ކޮށްފީމެވެ.އެ ކުއްޖާ މަރުވީ ދަން ޖެހިގެން ނެވެ ފުލުހުން ނަށް ވެސް އެގޭނީ މިވަރަށެވެ. އިނާ ލިއްﷲ ވައިނާ އިލައިހި ރާޖިއޫން
ރުބެލް
09 August 2017
ތިކަލަ މީހުން އުޅުނު ޖާހިލިއްޔަ ޒަމާނުގައި. މަރުވީ އަމިއްލަ އަށް ތޯ ނުވަތަ މީހަކު މަރާލީތޯ؟ މިއީ ދިރިތިބީން ނަށް ލަފާ ކޮށް މިއަދު ހޯދޭނޭ ކަނަތައް. އިސްލާމް ދީން ތައުލީމު އުގެނުމަށް ބާރު އަޅާ. ގުރުއާނުގައި ވެސް އެބައޮތް ހޯދާ ބެލުމަށް. މޮޅަށް ދެނެވޮޑިގެންވަނީ ﷲ.
އަބެލް
09 August 2017
"ގުރުއާނުގައި ވެސް އެބައޮތް ހޯދާ ބެލުމަށް." ރަނގަޅު، އެކަމަކު ދިވެހި ފުލުހުން ހޯދާ ނުބަލާނެ. އެއީ ނިކަމެތި ދިވެހި ރައްޔިތެއް ވީމާ. ސަރުކާރާ ދެކޮޅަށް ކަމެއްކުރީމާ އެކަން އަތްފުނާ އަޅާބަލަން ތިބޭ ބައެއް ފުލުހުންނަކީ.
މަރީ
08 August 2017
މައިން ބަފައިން ޢެމީހުންނާއި ހަވާލުވެފައިވާ ދަރިން ތަރުބިއްޔަތު ކުރުމުގެ މުހިންމު މަސްއޫލިއްޔަތު ރަނގަޅަށް އަދާނުކުރުމުގެ ސަބަބުން ދިމާވާކަންކަން. ހެޔޮ ނުބައި ވިސްނަެި ނުދީ ނުބަެި ކަންކަމަށް މަގުފަހިކޮށްދޭ ބައެއްގެ ގޮތުގައި މައިން ބަފައިން ވެގެންދަނީ. ދައްކަން ނުޖެހޭ މަންzަރުތައް ދައްކާ އަދި ފޯނާއި އިންޓަރ ނެޓް ބޭނުން ގޮތަކަށް ދޫކޮށްލާފަ ވުމުގެ ހިތި ނަތީޖާ.
ދރ
08 August 2017
ވެރިކަމާ ތެޅިތެޅި ތިބޭ އަދިވެސް.
ނެޝަނަލިސްޓް
08 August 2017
މައްސަލަ ތަހުގީގު ކޮށް ނުނިމެނީސް ދަންޖެހުނީ ކަމަށް ނިންމީ ކިހިނެތް؟
ދސސ
08 August 2017
ތިޔަ ހެޑިންގެ ރަގަޅު ގޮތަކީ 11 އަހަރުގެ ކުއްޖަކު މަރުވެފައި ހުއްޓާ ފެނިއްޖެ. މަރުވި ގޮތް އޮޓޯޕްސީއެް ހަދާ ނޭގެނީސް އެއީ އަމިއްލައަށޭ ގުދުރަތީއޭ އަނެކައްޗެކޭ ގަތުލު އާންމު ވެފައިވާ ރާއްޖޭގައި ކިއުމުން ތެދު އޮޅޭ!
ފެންތަށި
08 August 2017
މިއީ ކޮންމެ ދިވެއްސަކު މިހާރު ވިސްނަންޖެހިފާ އާއްމު މައްސަލައެއް!
ޙަސަން އަޙްމަދު
08 August 2017
އަޅުގަނޑު ތަންކޮޅެއް ކުރިން ބެލި ޑޮކިޔުމެންޓްރީއެއްގައި އެމެރިކާގައި މި އުމުރު ކުދިން ޓްރެންޑަކަށް ހަދައިގެން ކަރުގަ ވަލެއް އައްސާ ބާރު ކުރޭ. ނަތީޖާއަކީ ބައެއް ހާލަތުގައި މަރުވުން. ގަބޫލުކުރަން ވަރަށް ދަތި މި އުމުރު ކުއްޖަކު ވަރަށް އާދަޔާ ޚިލާފު ކަމެއް ވެގެން ނޫނީ ގަސްތުގައި އަމިއްލަޔަށް މަރުވެދާނެ ކަމަށް.