ޒާހިލް ބެންކޮކުގެ ހޮސްޕިޓަލުގައި: އޭނާ މިހާރު ވަނީ އިންޑިއާ އަށް ގެންގޮސްފައި
13 އޯގަސްޓް 2017 - 14:49
24 comments
ބަނޑަށް ހޮޅިއެއް ގުޅައިގެން ކާންދެމުން އައި އިބްރާހިމް ޒާހިލް، އައިޖީއެމްއެޗުގެ އައިސީޔޫގައި ފަރުވާ ދެމުން ދަނިކޮށް ހޮޅި ނައްޓައިގެން ދިއުމުން އަވަސް ފަރުވާ ދިނުމަށް އިންޑިއާ އަށް ރޭ ގެންގޮސްފި އެވެ.
ޒާހިލްގެ އާއިލާ އިން ބުނިގޮތުގައި ވެންޓިލޭޓަރުގައި ބާއްވައިގެން ރޭ އޭނާ އިންޑިއާގެ ކޮޗިން އަށް ގެންދިޔައީ ހާލު މާބޮޑަށް ދަށަށް ދާތީ އެވެ.
ބެންކޮކް ހޮސްޕިޓަލުގައި ފަރުވާ ދިނުމަށް ފަހު، މިދިޔަ މަހު 31 ގައި ޒާހިލް މާލެ ގެނައިރު، އޭނާގެ ބަރުދަނުގައި ހުރީ 16 ކިލޯ އެވެ. އެކަމަކު ރޭ އިންޑިއާ އަށް ފޮނުވާލިއިރު ޒާހިލްގެ ބަރުދަނަކީ 14 ވަރަކަށް ކިލޯ ކަމަށް އާއިލާ އިން ބުންޏެވެ.
ޒާހިލްގެ ބޭބެ، އަރީފް މުހައްމަދު ބުނީ ބަނޑަށް ހޮޅި ގުޅައިގެން ކާންދެމުން ދިޔައީ އެކަމަށް ހާއްސަ "ފީޑިން ބޭގެއް" ބޭނުންކޮށްގެން ކަމަށެވެ. އެކަމަކު އައިޖީއެމްއެޗުން އެކަން ނުކުރެވުމުން، އައިސީޔޫގައި އޮތް އިރު، އޭނާ އަށް [ހާއްސަ ކިރެއް] ދެމުން ދިޔައީ، އެ ހޮޅިއަށް އިންޖެކްޓް ކޮށްގެން ކަމަށް އަރީފް ބުންޏެވެ. ކާންދޭ ހޮޅި ނެއްޓުނީ އެކަމުގެ ތެރޭގައި މި މަހުގެ ތިން ވަނަ ދުވަހު ކަމަށް އޭނާ ބުނެ އެވެ.
އެހެންވެ، އޭރުން ފެށިގެން އޭނާ އަށް ކާންދެމުން އައީ، ކޮނޑަށް ގުޅާފައި ހުންނަ އައިވީ ހޮޅިއަކުންނެވެ.
"އައިޖީއެމްއެޗުން ބުނީ ޒާހިލް މާބޮޑަށް އަނަރޫފަ ކަމުން ހޮޅި ލައްވާކަށް ނުކެރޭނެއޭ. މި ތަނުން ހުރިހާ ކަމެއް ބަލަހައްޓައި ދޭ ގޮތަށް ވީހާ ވެސް އަވަހަކަށް އޭނާ ބޭރަށް ގެންދާށޭ،" އަރީފް ބުންޏެވެ.
އާއިލާ އިން އެދިގެން ބެންކޮކުން ޒާހިލް މާލެ ގެނައީ ވެސް އެ ތަނުން އޭނާގެ އޮޕަރޭޝަން ނުކުރެވުމުން، އިންޑިއާގެ ހައިދަރު އާބާދުގައި ހުންނަ ގޮހޮރުގެ ހާއްސަ ހޮސްޕިޓަލަކުން ފަރުވާ ހޯދުމަށެވެ. ނަމަވެސް އޭނާ އެތަނަށް ދެން ގެންދާނީ ވިއްސަކަށް ކިލޯ ބަރުވުމުން ކަމަށް އާއިލާ އިން ބުންޏެވެ.
"އައިސީޔޫގައި އޮތް އިރު ވެސް ޒާހިލް ވަރަށް ބަނޑުހައިވެގެން އުޅޭ. އެކަމަކު އައިވީ ހޮޅިއަކުން އޭނާ ބަނޑުފުރޭ ވަރަކަށް ކިރެއް ނުދެވޭ. އެހެންވެ، އޭނާގެ ބަރުދަން އިތުރު ކުރެވޭނެ ހަމައެކަނި ގޮތަކީ ބަނޑަށް ހޮޅި ލެއްވުން ކަމަށް ވާތީ ކޮޗިން އަށް ގެންދިޔައީ،" އަރީފް ބުންޏެވެ.
އޭނާ ބުނިގޮތުގައި އިންޑިއާގައި ބާއްވައިގެން ފަރުވާ ދިނުމަށް، ޒާހިލް އާއި އޭނާގެ މަންމަ އަށް ދެ މަސް ދުވަހުގެ ވިސާ ވަނީ މިހާރު ޖަހާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިނާޖް ޝަރީފް
14 August 2017
އަވަސް ޝިފާ އަކަށް އެދެން
ޒޯޔާ
14 August 2017
ވަރަށް ދެރަވޭ ކުއްޖަކު ތިހާ ހާލުގަ އޮތްތަންފެނުނީމަ..ﷲ ޒާހިލްއަށް އަވަސް ޝިފާއެއް މިންވަރުކުރައްވާށި...އާމީން
މުހައްމަދު ސަފީގް
14 August 2017
މާތްﷲ ޒާހިލް ްއަށް އަވަސް ށިފާއެއް މިންވަރުކުރައްވާފާދޭވެ.އާމީން
އަލީ
14 August 2017
ޒާހިލްއަށް އަވަސް ޝިފާއަކަށް އެދެން.
ޙ
14 August 2017
ﷲ ހާޒިލް އައް އަވަސް ޝިފާއެއް ދެއްވާ ފުރިހަމަ ސިއްހަތެއް ދެއްވާންދެއެވް.
މާސް
14 August 2017
މާތްﷲޒާހިލްއައް އަވަސް ށިފާރަހުމަތް ލައްނާދޭވެ
އިހުސާނު
15 August 2017
އާމީން
އަވަސް
13 August 2017
އަވަސް ޝިފާއަކަށް އެދެން.
ާޒާާއްކޮ
13 August 2017
ވަރަަށް ދެރަވޭ.. ޒާހިލްއަށް އަވަސް ޝިފާއެއް މިންވަރު ކުރައްވާށި ޒާހިލްގެ މަންމައަށް ކެއްތެރިކަން ދެއްވާށި އާމީން
އިހުސާނު
15 August 2017
އާމީން ޔާ ރައްބަލް ޢާލަމީން
ބޭބެ
13 August 2017
ވަރަށް ދެރަވޭ ...
ހަސަން
13 August 2017
ހަމަ އަސްލަށްވެސް. ވަރަށް އަސަރުކުރޭ. ޒާހިލްއަށް އަވަސް ޝިފާއެއް އަދި ދުޅަހެޔޮ ސިއްހަތެއް މިންވަރުކޮށްދެއްވާށި ޔާﷲ.
ރަދީފް
13 August 2017
އަވަސް ޝިފާއަކަށް އެދެން.
މެންޓަލިސްޓް
13 August 2017
ޒާހިލްގެ އާއިލާޔަށް ވަރަށްސަލާމް ،،،، އަލުގަނޑުވެސް ނޫސްތަކުން ކުރީންސުރެން ޒާހިލްގެ ވާހަކައަޑުއަހާ ހިތާމަކޮށް ހަދަން ،،،، އަދި އަޅުގަނޑަށް ވީވަރަކުން ފަންޑްރެއިސިންގ ކެމްޕެއިންގައި ގިނަމީހުން ބައިވެރިވެ އެހީވުމަށް އެދުނިން ،،،، މިހާހިސާބަށް ދިއައިރު ޒާހިލްގެ އާޢިލާޔަށް ތިޔަވަނީ ވަރަށްބުރަބޮޑު މަސައްކަތްތަކެށް ޒާހިލް ސަލާމަތްކުރުމަށް ކުރެވިފައި ،،،، ނަމަވެސް އަދި ކަންދިމާކުރާގޮތުން މަތީންގަޑި ނެޖެހޭތީވެ ތިޔަކަމަށް ހައްލެށްއަދިނުލިބެނީ ،،،، ވީމާ ދަންނަވާލަން އޮތީ ހުރިހާކަމެށް މޮޅަށް ދެނެވޮޑިގެންވަނީ ﷲ ސުބުހާނަހޫ ވަރައާލާކަމަށާޢި ތިޔަކަމުގައި ކާމިޔާބުނިވިޔަސް އެއީ ތިބޭފުޅުންގެ ނާކާމިޔާބެއްނޫންކަމަށާޢި ،،،،، ﷲ ބައްލަވާ ވޮޑިގެންވަނީ އެމީހަކު ކަމެށްކުރުމަށް ލީއެފަޓްކަމުގައި ،،،، މިސާަލަކަށް ލޫތްގެ ފާނުގެ ގައުމުގެ މީހުންރަގަޅުކުރުމަށް ރަސޫލްކަން ލޫތްގެ ފާނާޢި ހަވާލުކޮށް އެމަސައްކަތް ކުރައްވައިގެން އިސްލާހްވީ ހައެއްކަމީހުން ،،، އޭގެމާނައަކީ ލޫތްގެ ފާނު ފައިލްވީކީނޫން ،،،، ލޫތްގެ ފާނުހޯއްދެވީކާމިޔާބު ،،، އެއީ ﷲ އެންގެގޮތަށް ސާބިތު ކަންމަތީ މެކްސިމަމް އެފަޓްލައިގެން މަސައްކަތްޕުޅު ކުރެއްވީމައި ،،، ﷲ ސުބުހާނަހޫ ވަތައާލާ ބައްލަވައި ގަންނަވާނީ އެމީހަކާޢި ހަވާލުވި ޓާސްކް ފުރިހަމަކުރުމަށް އެމީހަކު ލީއެފަޓްއަކަށް ،،،، އެއީ އާޙިރުގައި ކައުންޓްކުރާނެ ކަމަކީ ،، ވީމާ ޒާހިލްގެ އާޢިލާޢިން ޒާހިލްއަށް ޝިފާއެއްހޯދުމަށް ތިޔަކުރައްވާމަސައްކަތަކީ ހަމަގައިމުވެސް ދުވަހަކުވެސް ގެއްލިގެން ދާނެ ކަމެށްނޫން ،،،، އެއީ ވަރުގަދަ ޖިހާދެއް ،،، އަޅުގަނޑުގެ ދުއާއަކީ މާތްﷲ ތިޔައާޢިލާއަށް ހިއްވަރާޢ ފަންވަރު މިންވަރުކުރައްވާ ކާމިޔާބް އާހިރްގައި ލިބިގެންވާ ބައެއްކަމުގައި ލެއްވުން ،،،،،، ވަރަށްވެދުން
ެމަަނ
13 August 2017
އަވަސް ޝިފާއަކަށް އެދެން.