ސިފައިންގެ ފައުޖުތަކާއެކު ބާއްވާ ޖަލްސާތައް ސައްހައެއް ނޫން: އިދިކޮޅު ޕާޓީތައް

ސިފައިންގެ ހިމާޔަތާއެކު މަސީހު މަޖިލީހުގެ މިއަދުގެ ޖަލްސާ ކުރިއަށް ގެންދަނީ.

ފަޒީނާ އަހުމަދު، މިހާރު

22 އޯގަސްޓް 2017 - 20:50

ސިފައިން ލައްވައި ރައްޔިތުންގެ މަޖިލީސް "ހިސޯރުކޮށް"، މެމްބަރުންނާ އެއް އަދަދަކަށް ސިފައިން ވައްދައިގެން ބާއްވަމުންދަނީ ސައްހަ ޖަލްސާތަކެއް ނޫން ކަމަށް އިދިކޮޅު ޕާޓީތަކުން މިރޭ ބުނެފި އެވެ.

ޖުމްހޫރީ ޕާޓީގެ ހަރުގެ، މ. ކުނޫޒްގައި ބޭއްވި ނިއުސް ކޮންފަރެންސެއްގައި މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) ވިދާޅުވީ މަޖިލީހުގެ ތަޅުމަށް ގިނަ އަދަދެއްގެ ސިފައިން ވައްދައި އިދިކޮޅު މެމްބަރުންނާ މެދު މިއަދު ވެސް އަމަލުކޮށްފައި ވަނީ ވަރަށް އަނިޔާވެރިކޮށް ކަމަށެވެ.

އިންތި ވިދާޅުވީ ރައްޔިތުންގެ މަޖިލީހުގެ އިދާރާ އަށް މިއަދު ހެނދުނު މެމްބަރުން ވަންނަން އުޅުމުން ވެސް ހުރަސްއަޅައި 8:55 ވުމުގެ ކުރިން ނުވަދެވޭނެ ކަމަށް ސިފައިން އެންގި ކަމަށެވެ. އެއާއެކު، މަޖިލީހުގެ ތަޅުމުގެ ތެރޭގައި ވެސް ފެނުނީ ސިފައިންގެ ފައުޖުތައް ވައްދައިގެން، ކަމަކަށް މަޖިލިސް ބޭއްވި ތަން ކަމަށް ވެސް ވިދާޅުވި އެވެ.

"ސިފައިންގެ ފައުޖުތައް ވައްދައިގެން މި ބާއްވަނީ އެއްގޮތަކަށް ވެސް ސައްހަ ޖަލްސާތަކެއް ނޫން. މަޖިލިސް އެތެރެ ހިސޯރުކޮށްގެން މިތިއްބެވީ ދިވެހި އަސްކަރިއްޔާ އިން. މި ރާއްޖޭގެ ތިން ބާރުގެ ތެރެއިން ރާއްޖޭގެ މަޖިލިސް އޮތް ހާލަތު މި ދައްކައިދެނީ،" އިންތި ވިދާޅުވި އެވެ.

"މިއީ ވަރަށް ނުރައްކާތެރި ކަމެއް. ހުދުމުހުތާރުކަމުން، މުޅިން ގޮށްމުށުގެ ބާރުން ވެރިކަން ކުރަން އަބްދުﷲ ޔާމީން ވިސްނާފައިވާ ގޮތް ކޮންމެ ދުވަހަކު ފެނިގެން މިދަނީ."

މަޖިލީސް ތަޅުމުގެ ތެރޭގައި މެމްބަރުންނަށް ހުރަސްއަޅައި ސިފައިން މިއަދު ވެސް ހިންގީ، އޭނާ ވިދާޅުވި ގޮތުގައި، ޣައިރު ގާނޫނީ އަމަލުތަކެކެވެ. އެ ހުރިހާ އަމަލުތަކުގެ ރެކޯޑު ބަލަހައްޓަމުންދާ ކަމަށާއި އެ އަމަލުތަކާ މެދު ފިޔަވަޅު އެޅޭނެ ދުވަހެއް ވެސް އަންނާނެ ކަމަށް އިންތި ވިދާޅުވި އެވެ.

މަހްލޫފް ވިދާޅުވި ގޮތުގައި މަޖިލީސް ހިސޯރުކޮށް ސަރުކާރުން ހިންގަމުންދާ ޖަރީމާތައް ނިންމަން ޖެހެ އެވެ. ސިފައިން މަޖިލީސް ތެރެއަށް ވައްދައިގެން މިއަދު ވެސް އަމަލުކުރީ މެމްބަރުންނަށް އަނިޔާވާގޮތަށް ކަމަށް ވިދާޅުވި އެވެ.

"މާދަމާ ވެސް މަޖިލީހުގެ ޖަލްސާއެއް އޮންނާނެ ކަން އަޅުގަނޑުމެންނަށް އަންގާފައި އެބައޮތް. ވަރަށް ސާފުކޮށް އަޅުގަނޑުމެން މިދަންނަވަނީ [މަޖިލީހުގެ ރައީސް އަބްދުﷲ މަސީހު މުހަންމަދު] ރިޔާސަތު ބަލަހައްޓަވާ ގޮތަށް މަޖިލީހުގެ ޖަލްސާއެއް ކުރިއަށް ގެންދަން އަޅުގަނޑުމެން ޖޮއިންޓް ޕާލަމެންޓްރީ ގްރޫޕުން ފުރުސަތެއް ނުދޭނަން،" މަހްލޫފް ވިދާޅުވި އެވެ.

އޭނާ ވިދާޅުވި ގޮތުގައި އިދިކޮޅު މެމްބަރުން މަޖިލީހުގެ ތެރޭގައި ހިތް ނޭދޭ ކަންތައްތަކެއް ކުރަން ވަނީ މަޖޫބުރުވެވަޑައިގެންފަ އެވެ. ސަރުކާރުން މަޖިލިސް ހައިޖެކްކޮށްގެން ހިންގާ ކަންކަން ހުއްޓުވޭނީ ކޮންމެވެސް އެއްބަޔަކު ގުރުބާނީތަކެއް ވެގެން ކަމަށް ވެސް ވިދާޅުވި އެވެ.

މާދަމާ ޖަލްސާ ބާއްވަނީ ސަފީރެއްގެ ގޮތުގައި ސްރީ ލަންކާ އަށް ކަނޑައެޅި މުހައްމަދު ހުސެއިން ޝަރީފަށް ރުހުން އޮތްތޯ ބަލަން ވޯޓަށް އަހަން ކަމަށާއި ގަދަބާރުން އެކަން ކުރާނެ ކަމަށް ވެސް މަހްލޫފް ވިދާޅުވި އެވެ. އެ ވޯޓުގައި ވެސް ރައީސް ޔާމީނަށް މަޖިލީހުގެ މެމްބަރުންގެ އިތުބާރު ގެއްލިފައިވާކަން ސާފުވާނެ ކަމަށް ވިދާޅުވި އެވެ.

ކެންދޫ ދާއިރާގެ މެމްބަރު އަލީ ހުސެއިން ވިދާޅުވީ މަސީހުގެ އިތުބާރު ނެތް ކަމުގެ ވޯޓަށް ހުރަސްއެޅުމަށް ފަހު މިދިޔަ މަހުގެ 24 އިން ފެށިގެން މަޖިލީހުގެ ތެރޭގައި ހިންގަމުން ދަނީ ގާނޫނާ ޚިލާފު ކަންތައްތަކެކެވެ. މަޖިލީހުގެ ރިޔާސަތުގައި މަސީހު އިންނަވައިގެން ނިންމާ އެއްވެސް ކަމަކީ ބަލައިގަނެވޭނެ ކަމެއް ނޫން ކަމަށް ވިދާޅުވި އެވެ.

"މަޖިލިސް ތެރެއަށް ސިފައިން ވަދެ އަޅުގަނޑުމެން ގަޔަށް އަތްލައިގެން ޖަލްސާތައް މިގެންދަނީ. ސިފައިން ލައްވައި ރައްޔިތުންގެ މަޖިލިސް ހައިޖެކްކޮށްގެން މިކުރާ އެއްވެސް މަސައްކަތަކީ ގާނޫނީ މަސައްކަތެއް ކަމުގައި އަޅުގަނޑުމެން ނުދެކެން،" އޭނާ ވިދާޅުވި އެވެ.

ރައްޔިތުންގެ މަޖިލިސް އިދިކޮޅު ފަރާތްތައް މަޖިލީހުގެ މެމްބަރުން އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު ގާނޫނީ ވަކީލު އަލީ ހުސައިން މެމްބަރު އިމްތިޔާޒް ފަހުމީ

22 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑޮކްޓަރުންގެ ސިޓީ / އައްޑޫ ސިޓީ

23 August 2017

މީހަކު ބުނީތީ އަދި "މަތިން އޯޑަރު ކުރުމުން" ކަމުގައި ވިޔަސް އެއްވެސް މީހަކު ޤާނޫނު އަސާސީ އާއި ހިލާފު ވުމަކަށް ދިވެހި ދައުލަތުގެ ޤާނޫނު އަސާސީ ޖާގަ ދީފައި ނުވޭ. . . . . ވިސްނަވާ !!! އޭރު އަހަރުމެން އެންމެން ގޮވާހެދި ޤާޒީ އަބުދުﷲ މިހާރު ކޮބާ ؟؟ އޭނާގެ އަތުގައި އޮތީކޮންބާރެއް ؟؟ . . . ޤާނޫނުގެ މަތިން ހަދާން ނެތުނު ބަންޑާރަ ނައިބަކާއި ބަންޑާރަ ޕްރޮސިކިއުޓާރ އެއް އަގަރުމެން އިހައްދުވަހު ނުދެކެމުތަ؟؟ އެމީހުން މިއަދު ކޮބާ ؟ . . . "ޤާނޫނު އަސާސީ ކޮށާލުމަށްފަހު" ޔާމީން އަބުދުލް ޤައްޔޫމް އޭނާގެ ހަނގުބޭކަލަކަށް ނުވަތަ ނައިބް ކަމަށް އިސްކުރި ޙާލިދު ބިން ވަލީދު ފަދަ ނައިބް ރައީސް ނުވަތަ ބްރޯ ކޮބައިތޯ ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފފފކސސގދގދހދފދގ

23 August 2017

ގަދަކަމުން ބިރުދައްކައިގެން ޖަލްސާތައް ހުއްަޓުވާ މެމްބަރުންގެ މުސާރަވެސް ހަލާލެއްނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަހަލާލު

23 August 2017

ހަލާލުނޫން ސައްހަނޫން ކަންކަން މިގައުމުގައި ހިނގާތާ 4 އަހަރުވަނީ ދެން އަތްޖަހާ ހަމަގައިމު އަޅުގަނޑުގެ ގެއަށް ވަން ފައިސާ ޝައްކެއްވެސް ނެތްގޮތުގައި ހަލާލެއްނޫން ދެން މަޖިލީހަށް ޕީޕީއެމުން ހޮވުނު މެންބަރުންނަށް ޚަރަދުކުރި ފައިސާވެސް ހަލާލެއްނޫން އެހެންވިމާ އަހަރެން ހުރެފަ އެހެން އެންމެން އިސްތިއުފާދީ އޭރުން ހަލާލުވާނީ އަދި އެއްފަހަރު އަތްޖަހާލާތި އިންގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެލާ

23 August 2017

ދަރުބާރުފެކްޝަނަކީ ގާނޫނާ ގަވާއިދާ ހަމަ އޮންނަބައެއްނޫނެއްނޫންތޯ އެމީހުންނަށް އޮންނާނީ ވަކިމީހެއްގެ އަނގަ އެއީ ގާނޫނު އެއީ އުސޫލު އެއީ ހަމަޔަކީވެސް ދެން އަތްޖަހާ އަތްޖަހާނެ ބަޔަކުވެސް ތިބޭނެ މިވަރުވީމާ އެއްޗެއްބުނަން ބޭނުންނުވިއަސް ބުނެވޭނެތާ ވަރަށް ގޮތްކުޑަބައެއްގޮތަށް ސިފަކުރެވެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލީނާ

23 August 2017

މީވެސް ހަމަ ރަނގަޅުކަމަށް ދައްކައިގެން އަތްޖަހާނެ ބަޔަކު ދެވިހިންގެ ތެރޭގައި ތިބޭނެ މަޖިލީހުގެ ސާފު އަގުލަބިއްޔަތުން 45 ނޫނެކޭ ބުނީމާވެސް ހަމަ ގަދަބާރުން ރައީސް ގޮޑިޔަށް އަރާ ގަދަބާރު ފެކްޝަނާުހުރެ ހަމަ އަންތަރީސްވެއްޖެ ކިހާވަރަކަުން މިމީހުން ނިމިގެންދާނެބާ ވަހީދުވެސް އުޅުއްވި ސިފައިން ގޮވައިގެން ރަށްރަށަށް އަރާ އާޚިރުގައި ލިބުނީ 5% އިބްރަތް ހާސިލުކުރަންވެސް ނޭންގޭ ޖާހިލުބައެއްތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެޔޮވަޅު

23 August 2017

އިންސާނީބުއްދި ފަސްވީމާ ވާނީ މިކަހަލަގޮތެއް މީހުން ބުނެއުޅޭ އިންސާނުން ހަޔާތް ހުސްވުމަކީ ވަރަށް ބޮޑުކަމެއްކަމަށް މި މަޖިލީން ސައްހަކުރާނެ ބުއްދީގެ އެއްވެސް ހަމައެއް ނުފެނޭ ނުވިތާކަށް ގާނޫނީ ހުއްޖަތެއް ދެއްކޭނެ އެއްވެސް ގޮތެެއްވެސް ނެތް މިލިޓަރީ ބޭނުންކޮށްގެން ގަދަބާރުން ވެސް ހިފެެހެއްޓޭނީ ވަކިވަރަކަށްކަމަށް ފެންނަނީ ލަދުހަޔާތް ހަމަކުޑައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުހާ

23 August 2017

ނޫނޭ ސިފައިން ވައްދައިގެން ފަނޑިޔާރުގެއިން ހުކުން ނެރެގެން ކުރާ ކޮންމެ ކޮސްކަމަކީ ހަމަ ރަނގަޅުކަންކަން ކަމަށް ދިވެހިން ގަބޫލުކުރިޒަމާން އެއީ މާޒީ ހަނދާން ނައްތާލާ ވޯޓެއްލާން ކޮންމެ ދުވަހަކަުން ލިބުނަސް ބޮޑުތަނުން ބިލިކޮށްލާނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެމީ

23 August 2017

މަޖިލީހުގެ ސާފު އަގުލަބިއްޔަތުން 45 މެންބަރުން ލިޔެ ސޮއިކުރީމާ ކޯޓަށް ވަދެލާފަ ދެންނިކުމެ އެތަނަށް ވެއްދީ ސިފައިން އަޅެ މީވެސް ހަަމަ ޑިމޮކްރަސީއޯ ކޮންމެކަމެއް އެންމެ ހުތުރުކޮށް ކުރުމަށްފަހު އެއީ ރަނގަޅުކަމަށް ދައްކަން އުޅުނަކަސް ދިވެހިންވެސް މިހާރު އެހާ ގަމާރެއްނޫން މިދައުރު ފެށުނީއްސުރެ ކޮންމެކަމެއް މިގޮތަށް ކުރަމުން ދިއުމުގެ ނަތީޖާއަކީ ދިވެހިން ބޮޑުތަނުން ނޫނެކޭބުނުން އެކަމަކު އަތްޖަހާނެ މަދު ބަޔަކު ތިއްބަސް ދިވެހިން މިހާރު ވަރަށް ހޭލުންތެރި ސާބަސް ދިވެހި ރައްޔިތުން އަބަދުވެސް ނުހައްގަށް ނޫނެކޭ ބުނަން ދަސްކުރާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިއާ

23 August 2017

ރައްޔިތުންގެ މަޖިލީހެއް މިހާރު ނުހުރޭ, ދެން އެންމެ ރަނގަޅުވާނީ, ސައްހަކަން ގެއްލިފައިން ރައީސް އެކަނި މަޖިލީހަށް ގޮސް އަމިއްލައަށް ބިލް ހުށަހަޅާ އަމިއްލައަށް ވޯޓުދީގެން ބޭނުންވާ ގިތަށް ބިލް ފާސްކޮށްލީމަ, ގައިމު ޚަރަދުވެސް ކުޑަވާނެނުން.