އިދިކޮޅު މެމްބަރުންނާއި ސަރުކާރު ކޯލިޝަންގެ މެމްބަރުން މަޖިލީހުގެ ގޯތިތެރޭގައި. - ފޮޓޯ: ހުސެއިން ވަހީދު/ މިހާރު
23 އޯގަސްޓް 2017 - 23:19
21 comments
ރައްޔިތުންގެ މަޖިލީހުގެ މިއަދުގެ ޖަލްސާގައި ހިންގި ހަމަނުޖެހުމުގައި ޕީޕީއެމްގެ ބައެއް މެމްބަރުންނަށް އިދިކޮޅު މެމްބަރުން ހަމަލަ ދިން ކަމަށް ބުނެ އެ މައްސަލަ ބެލުމަށް މަޖިލީހުގެ އިދާރާ އަށް ހުށަހަޅައިފި އެވެ.
ޕީޕީއެމް ޕާލަމެންޓްރީ ގްރޫޕް (ޕީޖީ) ގެ ލީޑަރު އަދި ވިލިމާލެ ދާއިރާގެ މެމްބަރު އަހުމަދު ނިހާނު މިރޭ ވިދާޅުވި ގޮތުގައި މަޖިލީހަށް ހުށަހެޅީ ޕީޕީއެމްގެ ތިން މެމްބަރަކަށް ހަމަލަ ދިން މައްސަލަ އެވެ.
އޭގެ ތެރޭގައި ފަރެސްމާތޮޑާ ދާއިރާގެ މެމްބަރު ހުސެއިން މުހައްމަދު ލަތީފަށް ހަމަލަ ދިން މައްސަލަ އާއި ޕީޕީއެމް ޕީޖީ ގްރޫޕްގެ ޑެޕިއުޓީ ލީޑަރު އަދި ކެލާ ދާއިރާގެ މެމްބަރު އަލީ އާރިފްގެ ކަރުގައި ހިފި މައްސަލަ ހިމެނޭ ކަމަށް ނިހާނު ވިދާޅުވި އެވެ.
އަލީ އާޒިމާއި މެމްބަރު ހުސެއިން އާ ދެމެދު ހިނގި ޒުވާބު: ވީޑިއޯ އިން ފެންނަ ގޮތުގައި މި ޒުވާބުގެ ތެރެއިން އަލީ އާޒިމް ވަނީ މާރާމާރީ ހިންގާފައި.
އަދި މަޖިލީހުގެ ރައީސް އަބްދުﷲ މަސީހުގެ ކޮޓަރިކޮޅު ހިސޯރުކޮށް، އެމަނިކުފާނުގެ ގައިގައި އަތްލި މައްސަލަ ބަލައި ދިނުމަށް ވެސް ހުށަހަޅާފައިވާނެ ކަމަށް ވެސް ނިހާނު ވިދާޅުވި އެވެ.
"މަޖިލީހުގެ އިދާރާ އިން އެ މައްސަލަ ބަލައި، ފުލުހުންނަށް ހުށަހެޅުމަށް އެދުނީ،" ނިހާނު ވިދާޅުވި އެވެ.
މަޖިލީހުގެ މިއަދުގެ ޖަލްސާގައި، ވެރިކަން ކުރާ ޕީޕީއެމާއި އިދިކޮޅު މެމްބަރުންނާ ދެމެދު ހޫނު ޒުވާބުތަކެއް ހިނގައި، އެއް ބަޔަކު އަނެއް ބައެއްގެ ގަޔަށް އަތްލައި ބޮޑު ތަޅާފޮޅުންގަނޑެއް ވަނީ ހިނގައިފަ އެވެ. އަދި މަޖިލީސް ތެރެއިން ފެނުނީ އެއް މެމްބަރަކު އަނެއް މެމްބަރަކަށް އަވަގުރާނަ ގޮވުމާއި ޒުވާބު ކުރުމެވެ.
މި ޒުވާބުގެ ތެރޭގައި، މެދު ހެންވޭރު ދާއިރާގެ އެމްޑީޕީ މެމްބަރު އަލީ އާޒިމާއި ހުސެއިނާ ދެމެދު މާރާމާރީ ހިނގައި، ހުސެއިންގެ އަނގަމަތީގައި އާޒިމް ޖަހާ މަންޒަރު ވެސް ވީޑިއޯއަކުން ފެނެ އެވެ. އަދި މެމްބަރު އާރިފްގެ ކަރުގައި ހިތަދޫ ދެކުނު ދާއިރާގެ މެމްބަރު އަލީ ނިޒާރު ހިފި މަންޒަރު އެހެން ވީޑިއޯ އަކުން ފެނެ އެވެ.
އިދިކޮޅު މެމްބަރުންގެ ހުރަސް އެޅުއްވުންތަކާއި ހަޅޭކުގެ ތެރޭގައި ޖަލްސާ ބާއްވައި، ސްރީ ލަންކާގައި ހުންނަވާ ދިވެހި ސަފީރަކަށް މުހައްމަދު ހުސެއިން ޝަރީފް (މުންދު) ހަމަޖެއްސުމަށް ޕީޕީއެމުގެ މެމްބަރުން ވަނީ ރުހުން ދެއްވައިފަ އެވެ. އޭނާ ސަފީރު ކަމަށް އައްޔަންކުރަން ފާސްވީ 28 މެމްބަރުންގެ އިއްތިފާގުންނެވެ. ޖަލްސާގެ ވޯޓު ނެގި ގަޑީގައި އެ މެންބަރުން ބައިވެރިވެވަޑައެއް ނުގަންނަވަ އެވެ.
އިދިކޮޅު މެމްބަރުން ވިދާޅުވަނީ މަޖިލީހުގައި ބާއްވަމުން އަންނަ ޖަލްސާތަކަކީ ޣައިރު ގާނޫނީ ޖަލްސާތަކެއް ކަމަށާއި ޖަލްސާތަކުގައި ނިންމާ އެއްވެސް ކަމެއް ސައްހަ ނުވާނެ ކަމަށެވެ. ޖަލްސާގައި ފުރަތަމަ ކަމަކަށް އެޖެންޑާ ކުރަން ޖެހޭނީ 45 މެމްބަރުން ސޮއި ކުރައްވައި ހުށަހެޅުއްވި މަސީހުގެ އިތުބާރު ނެތް ކަމުގެ މައްސަލަ ކަމަށް ވެސް އިދިކޮޅު މެމްބަރުން ދަނީ ތަކުރާރުކޮށް ވިދާޅުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކަމަކު
24 August 2017
މިކަލޭގެ ރޮޒޭނާ މޫނަށް އަނގައިގައި ހުރިފެން ކައިރިއަށް ގޮސް ބުރުވާލި މައްސަލަ ކޮބާ
އިންސާފެއްނެތް
24 August 2017
ރޮޒޭނާގެ މޫނަށް ކުޅުބުރުވި މައްސަލަ ނިހާނު ހުށަހަޅާދީބަލަ,
ވިސްނާލީމާ
24 August 2017
އާ ދައުރަކަށް މިމީހުން ހޮވާއިރު، އެދެންޖެހޭކަންތައް! ދާއިރާއަށް ކުރިމަތިލާ ކޮންމެ ބޭފުޅަކު އިންތިޚާބުވުމުގެ ކުރިން އެބޭފުޅަކު ބޭނުންވަނީ ކިހާވަރެއްގެ މުސާރައެއްކަން އެބޭފުޅަކު އަމިއްލައަށް ކަނޑައެޅުން! މިސާލަކަށް ދާއިރާއަށް ކުރިމަތި ލައްވާފާވަނީ 3 ބޭފުޅުން! އެއްބޭފުޅަކު ބޭނުންވަނީ 82000 ރުފިޔާގެ މުސާރައެއް! ދެން ހުންނެވި ބޭފުޅާ ބޭނުންފުޅުވަނީ 50000 ރުފިޔާގެ މުސާރައެއް! އަދި ތިންވަނަ ބޭފުޅާ ބޭނުންފުޅުވަނީ 35000 ރުފިޔާގެ މުސާރައެއް! މިގޮތަށް ހެއްދެވުމުން ވޯޓު ދޭންވީ ބޭފުޅާ ވަރަށް ސާފެއްނޫންތޯ؟ މިގޮތަށް ކަންކުރާއިރު ތިން މުސާރައެއް ކަނޑައެޅިދާނެ! އެންމެ ކުޑަ މުސާރަ ގަބޫލުކުރާން ބޭނުން ނުވާ ބޭފުޅަކު ހުރިނަމަ އެހިސާބުންވެސް އެބޭފުޅަކު ކެންސަލްވީ! މިފަދަ ގޮތަކަށް ކަންކަން ނުކޮށް ދެން މިބޭފުޅުން މުސާރައިގަ ކޮންޓްރޯލް ކުރެވޭކަށް ނެތް! ކުރާކަމެއް ހަރާން މުސާރަތައް ނައިބު ރައީސަށްވުރެ މަތި! މީ ބޮޑުވަރު! -އިބްރާހީމް-
އިބުރާހިމްބެ
24 August 2017
ރީތި ގަމީސްލާފަ ޓައީ އަޅައިގެންތިއްބަސް މިހާރު ބަރަށް ހުތުރު. ހުރިހާ ޕާޓީގެއްގެ މެމްބަރުންވެސްހަމަ ތިހާވަނީ ހަޑި. ތިޔަބޭފުޅުން މިގައުމު ތިވައްޓަވާލައްވަނީ ފުން އަނދިރިކަމެއްގެ ތެރެއަށް، އަހަރު ތަކެއްގެ ކުރިއަށް މިކަމުން ސަލާމަތް ކުރުމަށް އަދިވެސް އެކައްޗެއްކިޔާ މީހުނަށްވެރެ ޤައުމު ކުރިއަށް ނެރޭ.
މަރީ
24 August 2017
މިހާރު ޕީޕީއެމްގެ ހުރިހާ މެންބަރުން އުޅެނީ ޑްރާމާ ކުޅުމުގަ. ދެން އަންނަ ދައުރަކަށް ނުހޮވުނީމަ ރަނގަޅުވާނެ ފިލްމުކުޅެން ފަށަން.
ހީޑް
24 August 2017
އެމްޑީޕީ ގެ މެންބަރުންވެސް މިޑްރާމައިގާ ބައިވެރިވާތަން ފެނޭ !!!!
ސިއްތިއިބުރާހިމު
24 August 2017
ދޮރުވައްޓާލި މައްސަލަޔާ އިދިކޮޅު މީހުން ސަރުކާރު ޖަވާބު ދާރީކުރުވަން އުޅެ އެކަމައް ހުރަސްއަޅާ މީހުންގެ މައްސަލަ ނުބަލަނީ ކީއްވެ މިވެސް އިސްސާފުތޯ
ކަސްނާ
24 August 2017
އިދިކޮޅު މެމްބަރުންނަށް ހަޖަމުނުވެގެން ގޮސް މިހާރު މާރާމާރީ ހިންގަމުން އެދަނީ. ކޮންމެ އަކަސް ތިޔައީ ވަރަށް ނުރައްކާ ކަމެއް!
ފާތުން
24 August 2017
ހަޖަމުނުވެގެން އުޅެނީ އިދިކޮޅަށްދޯ އަދިވެސް. ތިވަރުގެ މީހުން ނަސީބެއް ޕީޕީއެމްއާ އެއްކޮޅަށް ތިބޭކަން.
ޢަހަރެން
24 August 2017
ތިމައްސަލަ ވާނެ ވަރަށް ބާރުލާފަ ހިންގާލަން. މިގައުމުގަ ހަމައެކަނި އުޅެން ޖެހޭނީ ފިނިފެންމަލުން ވަސްބަލާ ކުދިން އެކަނި. ޢެހެން ބަޔެއްގެ ހަައްގެއް ނޯންނާނެ. އެހެން ބަޔަކަށް ހައްގެއް ލިބޭކަށް ވެސް ނުޖެހޭނެ.
ގުދޯގުދޯ
24 August 2017
ނިހާނު މާކަށް ރީއްޗެއްނޫނޭ ރޮޒޭ މޫނަށް ކުޅު ޖަހާފަ މިކަން މައްސަލަ އެއް ގޮތަށް ވައްދާކަށް. ލަދު ކޮބާތަ.
ޙާސަރު
24 August 2017
އިބޫކޮޓަރިއަށް ދޮރުވައްޓާލާފަ ވަދެ ޕީޕީއެމް ގަތްގަޑު އޮއްބާލަން އުޅުނަސް އެކަމެއް ނުވާނެ! ޕީޕީއެމް ގެ އެމްޕީންތައް ކުރި އަނިޔާ ވެސް ޖެހޭނީ ހަމަ ބަލަން.