ބޭންކް އޮފް މޯލްޑިވްސްގެ ބްރާންޗަކުން ހިދުމަތް ހޯދަން ގޮސް ތިބި ބަޔަކު ކައުންޓަރު ކައިރީގައި މަޑުކޮށްލައިގެން.
06 ސެޕްޓެމްބަރ 2017 - 21:32
57 comments
ބޭންކް އޮފް މޯލްޑިވްސް (ބީއެމްއެލް) އިން އެކި ޚިދުމަތްތަކަށް ނަގަމުން އަންނަ ބައެއް ފީތައް މި މަހުގެ އެއްވަނަ ދުވަހުން ފެށިގެން ބޮޑުކޮށްފި އެވެ.
ރާއްޖޭގެ އެންމެ ގިނަ ބަޔަކު ޚިދުމަތް ހޯދާ ބޭންކުން އެތަނުގެ ވެބްސައިޓުގައި އާއްމުކޮށްފައިވާ ލިސްޓެއްގައިވާ ގޮތުން ކުރިން ކޮންމެ ޗެކަކަށް އެއް ރުފިޔާގެ ފީއެއް ނެގި ނަމަވެސް އެ އަދަދު މިހާރު ވަނީ ތިން ރުފިޔާ އަށް ބޮޑުކޮށްފަ އެވެ. އަދި ކައުންޓަރަށް ގޮސް ފައިސާ ޖަމާކުރުމާއި ފައިސާ ނެގުމަށް ޗާޖް ކުރަމުން އައި ފީ ވަނީ ފަސް ރުފިޔާ އިން 15ރ. އަށް ބޮޑުކޮށްފަ އެވެ.
އޭގެ އިތުރުން ކުރިން ހިލޭ ދޫކުރަމުން އައި ބޭންކް ސްޓޭޓްމަންޓަށް ވެސް ފީއެއް ނަގަން މިހާރު ވަނީ ފަށައިފަ އެވެ. އެގޮތުން ސްޓޭޓްމަންޓްގެ ކޮންމެ މަހަކަށް 30ރ. ނަގާނެ އެވެ.
ކުރިން އިންޓަނެޓް ބޭންކިން މެދުވެރިކޮށް ރާއްޖޭގެ އެހެން ބޭންކެއްގެ އެކައުންޓެއް ފައިސާ ފޮނުވުމުގައި ނަގަމުން އައި ފަސް ރުފިޔާގެ ބަދަލުގައި މިހާރު ވަނީ އެ ޚިދުމަތް ހިލޭ ދޭ ގޮތަށް ހަމަޖައްސައިފަ އެވެ.
ބީއެމްއެލް އިން ބުނީ ޚިދުމަތުގެ ބައެއް ފީތަކަށް ބަދަލު ގެނައިއިރު އިންޓަނެޓް ބޭންކިން އަދި މޮބައިލް ބޭންކިން ބޭނުން ކުރުމަށް ކަސްޓަމަރުންނަށް ލަފާދެމުން އަންނަ ކަމަށެވެ.
"މިގޮތުން ރާއްޖޭގައި ހިންގާ ކޮންމެ ބޭންކަކަށް އިންޓަނެޓް ބޭންކިން މެދުވެރިކޮށް ފައިސާގެ މުއާމަލާތްތައް ހިލޭ ކުރެވޭ ގޮތަށް މިވަނީ ބަދަލުކޮށްފައި. މި ބަދަލާއެކު 24 ގަޑި އިރު ހިދުމަތް ލިބޭ އިންޓަނެޓް ބޭންކިން، މޮބައިލް އެޕް، އަދި ސެލްފް ސާވިސް ބޭންކިން އޭޓީއެމް ތަަކުން ރާއްޖޭގައި ކުރާ ހުރިހާ މުއާމަލާތެއް މިވަނީ މުޅިން ހިލޭ ބޭނުން ކުރެވޭ ގޮތަށް ހަމަޖެހިފައި. މިއީ ކަސްޓަމަރުންގެ މެދުގައި މަގުބޫލުވި އޭޓީއެމް އަދި އިންޓަ ބްރާންޗް ފީގެ ގޮތުގައި ނަގަމުން އައި ފީ ހުއްޓާލުމަށް ފަހު ގެނެވުނު މިފަދަ ރަނގަޅު ބަދަލެއް،" ބީއެމްއެލް އިން ބުންޏެވެ.
އެ ބޭންކުން ބުނީ ކަސްޓަމަރުންނަށް ދޭ ޚިދުމަތުގެ ފެންވަރު ރަނގަޅު ކުރުމުގެ ގޮތުން މިދިޔަ މޭ މަހު އާ އިންޓަނެޓް ބޭންކިން ޕްލެޓްފޯމެއް ގާއިމުކޮށް، ޚިދުމަތް ދެމުން އަންނަ ކަމަށެވެ. އެގޮތުން އެކައުންޓްގެ މައުލޫމާތު ފަސޭހައިން ފެނި، ފަސޭހައިން ޓްރާންސްފާ އަދި ޕޭމަންޓް ހެދޭ ގޮތް ހަމަޖައްސާފައިވާ ކަމަށް ވެސް ބީއެމްއެލް އިން ބުންޏެވެ.
"އެ ހިދުމަތް ބޭނުންކޮށްގެން އަވަހަށް ޕާސްވޯޑް ރިސެޓްކުރެވޭ. ބޭންކުގެ ލެޓަހެޑްގައި އެކައުންޓް އަދި ކްރެޑިޓްކާޑު ސްޓޭޓްމަންޓް ޑައުންލޯޑް ކުރެވޭނެ. އެންމެ ފަހުގެ ސެކިއުރިޓީ އަދި އެންޓި ފްރޯޑް ޓެކްނޮލޮޖީ ހިމެނޭ. ފަސޭހައިން ބީއެމްއެލް އަދި އެހެނިހެން ބޭންކުތަކަށް ފައިސާ ފޮނުވޭ،" ބީއެމްއެލް އިން ބުންޏެވެ.
އެ ބޭންކުން ވަނީ އިތުރު ކަސްޓަމަރުންނަށް އިންޓަނެޓް ބޭންކިން މެދުވެރިކޮށް ފަސޭހަކަމާއެކު ހިދުމަތްތައް ދިނުމުގެ ގޮތުން އިންޓަނެޓް ބޭންކިން އަށް ރަޖިސްޓަރީ ކުރަމުގެ ޚާއްސަ ކެމްޕޭނެއް މި މަހު ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެނޮނިމަސްް
07 September 2017
ބައްތި ފޯނު ގެންގުޅުނަސް ހެކް ކުރާނެ
އަކޫމަލީ
07 September 2017
މިހާރު މީރާވެސް ( ޓެކުސް އޮފީސް ) ވަރަށް ފައްކާ ވެއްޖެ 1415 އަށް ކުރީގަ ހިލޭ ގުޅޭއިރު މިހާރު ޗާރޖު ކުރާން ފަށާއިފި. ބޭްކުންވެސް އެ ކޯލުތަކަށް ޗާރޖު ކުރޭ ، ތިޔަ ބޭންކުން ލޯނެއް ނެގި މީހެއްގެ ޒަމާން އެދިޔައީ 100،000 ރުފިޔާ ގެ ލޯނެއް ގެ އިންޓަރެސްޓު % 11.75 ( 11750 ރ ) ވެއްޖެއްޔާމު . މަހެއްގަ ދައްކަން ޖެހޭ އަދަދު ދެއްކުމަށްފަހު އަނެއްކާވެސް ބާކީ ނުދެއްކި އަދަދުން %11.75 މި ނަގަނީ އަޅެ ދެން ބުނެބަލަ މި ލޯނަށް ދައްކާން ޖެހޭނެ މަދަ ބާއިވަރު ރުފިޔާ ؟
ޢަލީބެ
07 September 2017
އަޅުގަނޑުގެ ދަރިފުޅަށް 18 އަހަރު ނުފުރޭތީ، އޭނާގެ ނަމުގައި އިންޓަރނެޓް ޚިދުމަތެއް ނުލިބޭ. އަދި އަޅުގަނޑުގެ އެކައުންޓާ ނުގުޅި އެކައުންޓަކަށްވާތީ އެ އެކައުންޓްގެ ޚިދުމަތެއް އަޅުގަނޑަކަށްވެސް ނުކުރެވޭ. އެއްގަނޑުގެ ސްޓޭޓް މެންޓަކަށް 360 ރުފިޔާ ބޮޑުވަރު. ގަނޑަކަށް -/1ރ ނަގާނަމަވެސް ރަނގަޅުދޯ.
އުހުން
07 September 2017
ގަނޑަކަށް ނޫން. މަހަކަށް. ޖަނަވަރީ ފެބްރުއަރީ މާރޗް މިތިންމަހަށް 90 ރުފިޔާ
ދިވެހިންދިވެހިންގެގޮތުގައި
07 September 2017
ކޮންމެ ފަދަ ބަދަލެއް ގެނަޔަސް ދިވެހިން ތިބޭނީ ދިވެހިންގެ ގޮތުގައި. ކޮންމެ ކަމެއްގައިވެސް ފެންނާނީ ހަމައެކަނި ގޯސްފަޅި. މިގެނެވޭ ބަދަލުތަކާއެކު ވަރަށް މަދު ޚިދުމަތަކަށް މެނުވީ ބޭންކަށް ދާކަށް ނުޖެހޭ. އަދި ގޭގައި ހުރެގެން ކުރާ މުއާމަލާތްތަކަށް ފީއެއްވެސް ނުނަގާ. ފީތަކަށް ގެނެވުނު ބަދަލަކީވެސް އިންޓަނެޓް ބޭންކިންއަށް ބާރުއެޅުން ކަމުގައި ގަބޫލުކުރެވޭ. ބޭންކުން ޚިދުމަތެއް ހޯދުމަށް ހެނދުނު ވަންނަގޮތަށް މެންދުރުވަންދެން ކިޔުގާ ހުރިހުރުމަށް ބޮޑެތި ލުއިތަކެއް ލިބިއްޖެ. މިބުނީކީ ދިވެހި ބޭންކަކީ މާ ފައްކާ ތަނެކޭ ނޫން. ބޮޑެތިކަންކަން ރަނގަޅުކުރަން އެބަޖެހޭ. ހާއްސަކޮށް ދޫކުރާ ލޯނުތަކުން ނަގާ ފައިދާ ކުޑަކުރަންޖެހޭ. އަދިވެސް ބައެއް ޚިދުމަތްތަކަށް ކިޔޫގައި ޖެހި ގިނައިރުތަކެއް ވޭ.
ހަމަ ތެދެއް
07 September 2017
މި ޤައުމުގައި ބޭންކް ނެތިގެނެއްނޫން މިއުޅެނީ. އަހަރެން ތިޔަ ބޭންކް ދޫކޮށްލިތާ ކިތަންމެ ދުވަހެއް.
ދިވެހިންފުނޑާބެންކު
07 September 2017
ދިވެހިންގެ ބޭންކު ނަމުގަ ލޯނެއްވެސް ލިބެނީ ދެގުނަ އިތުރައް ދައްކަން ޖެހޭގޮތައް އަހަރެން މިއަންނަ މަހުންފެށިގެން އިންޑިޔާ ބޭންކައް ހުރިހާފައިސާއެއް ޖަމާކުރާނަން
ޫފުރޯޑް
07 September 2017
ޢެެެެެއާޕޯޓު ބުރާންޗުން އަމިއްލަ ފައިދާ އަށް ޔޫރޯ އާާއި ޕައުންޑު ބޭރު ކޮށްފަ ކަޅުބާޒާރުގަ އެ ވިއްކާ ސްޓާފުން ހުއްޓުވާ ފުރަތަމަ. ޢެއީ ވެސް ހިޔާނާތެއް.
ގިލިކުޑޭ
07 September 2017
ބޭންކުން އެންމެ ބޮޑަށް ރަގަޅު ކުރަން ފެންނަނީ ތިތަނުގެ ކައުންޓަރުތަކުގައި ތިބޭ ކުދިންގެ ގައިގައި ގިލިގލި ކޮށްޓައިގެން ނަމަވެސް ކަސްޓަމަރުންނަށް ހިނިތުންވެލައިގެން މުއާމަލާތު ކުރުމަށް..ވަރަށް ރޫޑް ފްރަންޓް އޮފީހެއް (އޮފީސްތަކެއް) ހުންނަ ތަނެއް ބީއެމްއެލްއަކީ..ފޮޅާލާ އުސޫލު މުވައްޒަފުން މި ގެންގުޅެނީ ކަސްޓަމަރުންނާމެދު..މުވައްޒަފުން ހިތަކަށް ނާރައޭ،ކަސްޓަމަރުންގެ ލާރިން ކަމެއް މި މީހުންނަށް މުސާރަ މިދެނީ..އެގްޒެކެޓީވް ޓީމެއްވެސް އޮވެޔޯ އައްޔަންކޮށްފަ މިކަންކަން ބަލަން..ވާ ކަމެއް ނެތް..އަހަރެންގެ ބޭންކް..ފޫހި ބޭންކް..
ބަތްކައްކާ
07 September 2017
އަހަރެން ހިތަށް އަރާ މިރާއްޖޭގަ އެއްޗެއް އަގުހެޔޮ ވާނީ ކޮންދުވަހަކުން ބާއޭ. ވަކި އެކައްޗެއްވެސް ނެތޭ އަގުހެޔޮ. ޙިދުމަތެއްވިޔަސް އެހާ އަގުބޮޑު. ޕާންގަނޑެއްވެސް މިގަންނަނީ 18 އަށް. މިނޫންދުވަހެއް ދައްކަވާނދޭވެ.
ބަންދުދުވަސް
07 September 2017
ހޮނިހިރު ދުވަހު 2 ގަޑިއެއްހާއިރަށްނަމަވެސް ބޭންކް ހުޅުވަން ޖެހޭ ޔައުނީ ހަފްތާގެ އއހެންދުވަސް ދުވަހު ވަޒީފާގަ ތިބޭމީހުން ދާން ދަތިވާތީ މިކަން ކުރާނެ ގޮތަކީ ހަފްތާގެ ރަސްމީ 5 ދުވަހުން ކޮންމެ ދުވަހަކަުން 15 މިނިޓުނަގާފަ ހޮނޮހިރަށް ލައިގެން މިކަންވެސް ނުވެގެން ތިއުޅެނީ ސްޓާފުންނަށް އެއްޗެއް ދޭން ޖެހިދާނެތީ މޭކަރާވަރުން ހީލަ ހީލީ
ބުރޯ
07 September 2017
އޭޓީއެމް އައް ދާންވީނު ބުރޯ