ދެ ޓޫރިސްޓަކު މާލޭގެ މަގެއް މަތިން ހިނގާފައި ދަނީ. ޔޫރަޕާއި އޭޝިއާއިން އައި ޓޫރިސްޓުންގެ އަދަދު ވަނީ ދަށްވެފައި- މިހާރު ފޮޓޯ: މުހައްމަދު ޝަރުހާން
29 ޖޫން 2016 - 16:09
7 comments
މިދިޔަ މަހު ރާއްޖެ އައި ޓޫރިސްޓުންގެ އަދަދު 2.3 ޕަސެންޓް ދަށްވެ، ޓޫރިޒަމަށް ބޮޑު ހީނަރުކަމެއް އަތުވެއްޖެ އެވެ.
ޓޫރިޒަމް މިނިސްޓްރީން މިއަދު އާއްމުކުރި ތަފާސްހިސާބުތައް ދައްކާ ގޮތުން މިދިޔަ މަހު ރާއްޖެ އައީ 93،228 ޓޫރިސްޓުންނެވެ. މިދިޔަ އަހަރުގެ މެއި މަހު އައިސްފައި ވަނީ 95،389 ޓޫރިސްޓުންނެވ
ތަފާސްހިސާބުތައް ދައްކާ ގޮތުން މިދިޔަ މަހު ވެސް އެންމެ ގިނަ ޓޫރިސްޓުން އައީީ ޗައިނާއިންނެވެ. އެ ގައުމުން 25،005 ޓޫރިސްޓުން އައިއިރު އެއީ މިިދިޔަ އަހަރުގެ އެ މުއްދަތާ އަޅާބަލާއިރު 19 ޕަސެންޓް ދަށް އަދަދެކެވެ. ދެވަނަ އަށް އެންމެ ގިނަ ޓޫރިސްޓުން އައިސްފައި ވަނީ ޖަރުމަނުންނެވެ. އެ ގައުމުން 10،141 ޓޫރިސްޓުން އައިއިރު އެއީ އޭގެ ކުރީ އަހަރުގެ މެއި މަހާ އަޅާ ބަލާއިރު ދެ ޕަސެންޓް ދަށް އަދަދެކެވެ. ތިން ވަނައަށް އެންމެ ގިނަ ޓޫރިސްޓުން އައިސްފައި ވަނީ އިނގިރޭސި ވިލާތުންނެވެ. އެއީ 7،253 ޓޫރިސްޓުންނެވެ. އެކަމަކު އެ ގައުމުން އައި އަދަދު ވަނީ ފަސް ޕަސެންޓް އިތުރުވެފަ އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން، މިދިޔަ މަހުގެ ނިޔަލަށް ރާއްޖެ އައިސްފައިވާ ޖުމްލަ ޓޫރިސްޓުންގެ އަދަދަކީ 540،887 ޓޫރިސްޓުންނެވެ. އެއީ މިދިޔަ އަހަރުގެ އެ މުއްދަތާ އަޅާބަލާއިރު 2.5 ޕަސެންޓް އިތުރު އަދަދެކެވެ.
އެ ތަފާސްހިސާބުތައް ދައްކާ ގޮތުން މިދިޔަ މަހުގެ ނިޔަލަށް ރާއްޖޭގައި ހިންގި 117 ރިސޯޓުގައި 25،425 އެނދު އެބަހުއްޓެވެ. އަދި 17 ހޮޓަލުގައި 1،741 އެނދު އަދި 347 ގެސްޓް ހައުސްގައި 5،095 އެނދު އެބަހުއްޓެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން މިދިޔަ މަހު ރާއްޖޭގެ ރިސޯޓްތަކުގެ އޮކިއުޕެންސީ 67 ޕަސެންޓަށް ވަނީ ދަށްވެފަ އެވެ. މިއީ މިދިޔަ އަހަރުގެ އެ މުއްދަތާ އަޅާބަލާއިރު ފަސް ޕަސެންޓްގެ ދަށްވުމެކެވެ. ނަމަވެސް ގެސްޓްހައުސްތަކުން ވަނީ ފަސް ޕަސެންޓް ކުރިއެރުމެއް ހޯދައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޯގޯސް
30 June 2016
ފިޔާތޮށި ޓޭކްސް ނަގަން ފެނޭ ބޭރުން އައިސް ރާއްޖޭގެ މަގުމަތީގައި ހިގާ ފަތުރުވެރިންގެ އަތުން. އޭރުން ތަންކޮޅެއް މައްޗައް ދާނެ އެމީހުން އަންނަވަރު.
ބޫ
30 June 2016
އިންސައިޑަރ ބުންޏަސް ތިޔަ ވާހަކަ ޤަބޫލެއް ނުކުރެވޭ. ޓެކްސް ނެގީމާ ރައްޔިތުން ފަނާވެ، ހަނާވެ، އަނދާ ދެއްޔަށް ވީތަން މިޤައުމުގެ ފަހުގެ ތާޜީހުން ފެންނަން އެބައޮތެވެ.
އިންސައިޑަރ
30 June 2016
މިތަނުގައި ކޮމެންޓް ކުރާ މީހުން މިކަމުގައި އުފާ ފާޅުކުރުމަކީ ވަރަށް ދެރަކަމެއް. ޓެކްސް ނެގީމަވެސް ހަމަ ޤައުމު މުއްސަދިވާނީ. އަދި ޓޫރިސްޓުން ގިނައިން އައިމަވެސް ހަމަ ޤައުމު މުއްސަނދި ވާނީ.
ބޯގޯސް
30 June 2016
މުއްސަދިވަނީ ފެލައިގެނެއް ނޫން. މުއްސަދިވަނީ އިޙްލާސްތެރި ވެރިން ތިބެގެން. ޤައުމު ވިއްކައިގެން މުއްސަދި ވެވޭނެ ކަމައް ޤަބޫލް ކުރަނީ ތޯ؟
ރަށުމީހާ
30 June 2016
އަދި ދެތިން ނަމެއް ކިޔާފަ ޓެކްސް އެއް ނެނގޭ ގޮތް ހަދާ އޭރުން ގިނަމީހުން އަންނާނެ...
މާކޭޓް ބަދަލަު
29 June 2016
ދިވެހިރާއްޖޭގެ ޓޫރިޒަމް ހީނަރުވެގެން ދިއުމަކީ ވަރަށް ދެރަކަމެއް. ޓޫރިޒަމް މާކެޓިންގ ބޯޑާއި ޓޫރިޒަމް މިނިސްޓްރީ ވަނީ މިސްރާބު ގެއްލިފައިވާ ތަންތަނުގެ ގޮތުގައި ވެފައި. އެއްވެސް ތަނެއް ދޮރެއް ނުދަންނަ ކޯޑިނޭޓަރުން ދައުލަތުގެ އިދާރާތަކަށް ލައިގެން މުޅިގައުމު ހަލާކުވެ ފަނާވެ ދަނީ. ޓޫރިޒަމް މާކެޓިންބޯޑުގައި މިހާރު ވަކި ހިއްޕާލައިގެން އުޅޭ ޓޫރިޒަމް މިނިސްޓްރީގެ ކޯޑިނޭޓަރު ވަނީ ހުރިހާކަމެއް ހައިޖެކް ކޮށްފައި. މާކެޓިންބޯޑުގެ އެއްވެސް ކަމެއް މިކަމަނާ ކުރިޔަކަ ނުދޭ. މާކެޓިންނާއިބެހޭ އެއްވެސް ކަމެއް ނުދަނޭ. އަދި ކީއްކުރަން މީހުންނާއި މުއާމަލާތުކުރަންވެސް މިކަމާނާއަކަށް ނޭގޭ! ރާއްޖޭން ބައިވެރިވާ ހުރިހާ ފެއަރއަކަށް މިކަމާގޮސް ބޭރުގައުމުތަކުގެ މީހުންގެ ކުރިމަތީގައި ވާހަދައްކާ މުއާމަލާތް ކުރަން ނޭނގުމުގެ ސަބަބުން މުޅިދިވެހި ޓޫރިޒަމް ހަލާކުވެގެން ދަނީ... ވަރަށްދެރަ.
ފަލަޑޭ
29 June 2016
ލިޓުލް ސިންގަޕޫރައް ބަދަލު ވަނީއެވެ.