މާބައިދޫ ތެޔޮ ގުދަނުގައި ރޯވެ އަނދަނީ: އެތަން އެއްކޮށް އަނދާ ވަނީ ހުލިވެފައި
08 އޮކްޓޯބަރ 2017 - 14:32
3 comments
ލ. މާބައިދޫގެ ތެޔޮ ގުދަނުގައި މިއަދު ރޯވެ، އެ ތަނާ ޖެހިގެން ހުރި ތިން އިމާރާތެއް އަނދައި ހުލިވެ މިލިއަން ރުފިޔާގެ ގެއްލުން ވެއްޖެ އެވެ.
މެންދުރު 12 ޖަހަން އުޅެނިކޮށް ރޯވި އެ އަލިފާންގަނޑު އެމްއެންޑީއެފާއި މާބައިދޫގެ ރައްޔިތުން ނުކުމެ ކޮންޓްރޯލް ކުރެވުނީ 45 ވަރަކަށް މިނިޓް ފަހުންނެވެ.
އޭރު މާބައިދޫ "ގެރެންޓީ ފިއުލް"ގައި ރޯވި އަލިފާގަނޑު ނިއްވުމަށް އެ ރަށުގެ ގިނަ ބަޔަކު ނުކުމެ ފެނާއި ވެލި ޖެހި ނަމަވެސް އަލިފާން ކޮންޓްރޯލް ނުވެ ތެޔޮ ގުދަނާއި އެތަނުގެ ފިހާރަ އާއި ކާޑުގެ ބާވަތްތައް ރައްކާކުރާ ގުދަނަކާއި އެތަނާ ޖެހިގެން ހުރި ރީޓެއިލް ފިހާރައެއްގައި ރޯވެ އެއްކޮށް ވަނީ އަނދައި ހުލިވެފަ އެވެ.
އެމްއެންޑީއެފުން ބުނީ އަލިފާންގަނޑު ކޮންޓްރޯލް ކުރެވުނީ ފޯމުޖަހައިގެން ކަމަށެވެ.
ތެޔޮ ގުދަނުގައި ރޯވެ، އަނދަނީ
"ޕެޓްރޯލް ޝެޑުގައި ހުރި ތެލުގެ އަގު ވެސް މިލިއަނަކަށް ވުރެ ބޮޑު ވާނެ. ދެން އެހެން ތަންތަނުގައި ހުރި މުދާތަކާއި ފައިސާތަކާއެކު އަނދާ ހުލިވެގެން ދިޔައިރު ގެއްލުމުގެ އަގު އެތައް މިލިއަނަކަށް އަރާނެ،" ލިބުނު ގެއްލުމުގެ އަގު އަންދާޒާ ކުރައްވައި، މާބައިދޫ ކައުންސިލްގެ ރައީސް އަލީ ފައިސަލް ވިދާޅުވި އެވެ.
އޭނާ ވިދާޅުވި ގޮތުުގައި އަލިފާން ރޯވީ، ތެޔޮ ގުދަނުގެ ތެރޭގައި ހޮޅިއަކުން އެހެން އެއްޗަކަށް ޕެޓްރޯލް އަޅަނިކޮށް، ކަރަންޓު އެ ހޮޅިން ޝޯޓެއް ވެގެންނެވެ. އަލިފާންގަނޑު ރޯވުމާއެކު، ތެޔޮ އަޅަން ހުރި މީހެއްގެ އަތާއި ފަޔަށް، އަލިފާނުގެ އަސަރުކޮށް ކޮންމެވެސް ވަރަކަށް ވަނީ އަނިޔާވެފަ އެވެ. އެކަމަކު ފަރުވާ ދިނުމަށް އެ މީހާ އެ ރަށު ސިއްހީ މަރުކަޒުން ދޫކޮށްލާފައިވާ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަފްޝަން.
08 October 2017
މިކަމުންވެސްޗއިބުރަތް ލިބި ގިޔާމަތް ދުވަހުގެ އަލިފާނުން ސަލާމަތްވޭތޯ މަސަތްކަތް ކުރަންވީ އެއަލިފާން މާހޫނުވާނެ
ރަދީފް
08 October 2017
މިއަދު މިއީ ހިތާމަވެރި ދުވަހެއް.ރައްޖޭގަ މިހާދިސާ ހިނގިއިރު އެފްރިކާގެ ގާނަގަވެސް ވަނީ ގޭހުގެ ވަރަށް ނުރައްކަތެރި ހާދިސާއެއް ހިނގާ 6 މީހުން މަރުވެ 35 މީހުން ޒަހަމްވެފަ.ރައްކާތެރިކަމުގަ ފިޔަވަޅު އަޅަންޖެހޭ އަލިފާން އެއީ ނުރައްކާތެރިއެއްޗެއް.
މެންޓަލިސްޓް
08 October 2017
އަލިފާނުންވާ ފައިދާ %99 ގައިއުޅޭނީ ،، ވާގެއްލުން އުޅޭނީ %1 ގައި ،، އަލިފާނަކީއޭގެޒާތުގައި ވަރަށްނުރައްކާތެރިއެއްވެއް ،،،އެކަމު އެނުރައްކާތެރި އަލިފާންބޭނުންކޮއްގެން އެންމެން ބަނޑުފުރާނަ މުއްތިކުރަނީ ،، ހަމައެހެން ކަރަންޓަކީވެސް ވަރަށްނުރައްކާތެރި އެއްޗެއް،،،، އިންސްލޭޝަންއައިނުލައި ނޫނީ ލީކެއްވެއްޖިއްޔާމުން ފުރާނަދާނެވަރުގެ އެއްޗެއް ،،، އެކަމު އެންމެންވެސް އޭސީ ކަރަންޓްބޭނުްކޮއްގެން އުޅެނީ ،،، އެހެންވީމައި އަލިފާނުންވީގެއްލުމުގެ ބަދަލުގައި ވީފައިދާގެ ވާހަކަދެއްކުންވެސް އެބައޮތް ،،،، މީފަހަރުގައި ހެއްވާޒާތުގެ ކޮމެންޓްއަކަށް ބައެއްބޭފުޅުންނަށް ވެދާނެ ،،، ނަމަވެސް ،،،،