އެޑިކޭޝަން މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި ޝަކީބް (ކ) އަދި ޝަފީއު-- މިހާރު ފޮޓޯ: ހުސެއިން ވަހީދު
09 އޮކްޓޯބަރ 2017 - 15:17
19 comments
ސެކަންޑަރީ ސުކޫލް ސެޓްފިކެޓް (އެސްއެސްސީ)ގެ އިސްލާމް ޕޭޕަރު ލީކްވެފައިވާ ކަމަށް ދެކެވޭ ވާހަކަތައް އެޑިއުކޭޝަން މިނިސްޓްރީ މިއަދު ދޮގުކޮށްފި އެވެ.
ސޯޝަލް މީޑިއާގައި ބައެއް މީހުން ބުނެފައި ވަނީ ޓެސްޓް ހެދުމުގެ ކުރިން ޕޭޕަރުގައި ހުރި މައުލޫމާތު ކުދިންނަށް ލިބިފައިވާ ކަމަށެވެ. އަދި ޕޭޕަރު ލީކް ވެފައިވާތީ ނޮވެމްބަރު 2 ގައި އެޓެސްޓް އަލުން ބޭއްވުމަށް ނިންމާފައިވާ ކަމަށް ވެސް ސޯޝަލް މީޑިއާގައި ދަނީ ވާހަކަ ފަތުރަމުންނެވެ.
އެކަމާ ބެހޭ ގޮތުން އެޑިއުކޭޝަން މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައި ސުޓޭޓް މިނިސްޓަރު އަހުމަދު ޝަފީއު ވިދާޅުވީ އިންތިހާނު ބާއްވަމުން އަންނަނީ ކަނޑައަޅާފައިވާ ހާއްސަ ކޮމެޓީއެއްގެ ސީދާ ބެލުމުގެ ދަށުން ކަމަށާއި ޕޭޕަރު ލީކްވުން ފަދަ އެއްވެސް ކަމެއް ހިންގާފައިނުވާ ކަމަށެވެ.
"އެފަދަ އެއްވެސް ކަމެއް ހިނގާފައެއްނުވޭ. ހިނގާފައިވާ ކަންކަމާއި އިމްތިހާން ތައްޔާރު ކުރައްވަން އުޅުނު ފަރާތްތަކާއި މިކަންކަމަކީ އަޅުގަނޑުމެން ސައްތައިންސައްތަ އިތުބާރު ކުރެވިގެން ކަނޑައެޅިފައި ހުރި އުސޫލުތަކުގެ ތެރެއިން ކުރިއަށް ގެންދެވިފައި އޮތް ކަމެއް،" ޝަފީއު ވިދާޅުވި އެވެ.
ޑިޕާޓްމަންޓް އޮފް ޕަބްލިކް އެގްޒޭމިނޭޝަންގެ ޑިރެކްޓަ ޖެނެރަލް އަހުމަދު ޝަކީބް ވިދާޅުވީ އެތަނުން ބެލިބެލުމުން ވެސް އެފަދަ އެއްވެސް ކަމެއް ފާހަގަނުވާ ކަމަށެވެ. އަދި ޓެސްޓް އަލުން ބާއްވާނެ ކަމަށް ދެކެވޭ ވާހަކަތައް ވެސް އޭނާ ދޮގުކުރެއްވި އެވެ.
ފޭސްބުކްގައި ދައުރުވާ ބައެއް އެއްޗިއްސަށް ބަލާއިރު އެއް ބަޔަކު މައްސަލަ ޖައްސަނީ އިސްލާމް އަަދި ދިވެހި ޓެސްޓް ޕޭޕަރު ތައްޔާރުކުރުމުގައި ސްކޫލްތަކުގެ ޓީޗަރުންނާއި ޓިއުޝަން ދޭ ޓީޗަރުން ބައިވެރިވާތީ އެކަމާ އެވެ.
މި ފަހަރުގެ އިމްތިހާނުގައި ޖުމްލަ 197 ސްކޫލަކުން 5587 ދަރިވަރުން އިމްތިހާން ހަދާއިރު އަމިއްލަ 52 ސެންޓަރަކުން 1538 ދަރިވަރުން ބައިވެރިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރަނބު
10 October 2017
"މިހާތަނަށް ޑީ.ޕީ.އީ އަށް ހިދުމަތަކަށް ވާކަހަލަ ހިދުމަތެއް ކޮށްދިނީ ސަކީބު އެކަނި" ކަމަށް މުވައްޒަފުން ލައްވާ ޖަލްސާތަކުގައި ކިޔުއްވާ ސަކީބު މިފަހަރުވެސް ތިކޮށްދިނީ މިހާތަނަށް އެއްވެސް ވެރިޔަކަށް ކޮށް ނުދެވޭ ވަރުގެ ހިދުމަތެއް. ރޯޔަލް ސްކޫލްތައް މޮޅުކޮށްދޭން. ސާބަހޭ ބުނެވޭނީ. ލީކެއްވެސް ނުވެޔޭ، މޮކަ އެގްޒޭމް ހެދިމީހުންނަށްވެސް ފައިދާ ވިއްޔޭ.....ދެއްތޯ؟
ދޮން އާމިރު
10 October 2017
މިމީހުންނަށްކެރޭނެ މަގާމަށްޓަކައި ކިތަންމެވަރެއްގެ ދޮގެއްވެސްހަދަން...ބަލަގަ ތިޔައީ ދާއިމީ ކަމެއްކަމުގައި ނުދެކެބަލަ.
ހޫދު
10 October 2017
ޖަމާލުއްދީންގެ ޓީޗަރެއްނޫން އެކަމަކު ސީ އެޗް އެސް ސީ ގެ ޓީޗަރެއް 2017 ވަނަ އަހަރުގެ އޮކްޓޯބަރުމަހު މުޅިދިވެހި ރާއްޖޭގެ ގްރޭޑް 10 ކިޔެވި ދަރިވަރުން ހެދި އިސްލާމް ކަރުދާސް ހެދުމުގާ އިސްކޮށް އުޅުއްވި ސީއެޗް އެސް ސީ ގެ މުދައްރިސަކީ މީގެ ކުރިން ގްރޭޑް 8،9،10 އަކަށް ކިޔަވައިދެއްވާ ބޭފުޅެއް ނޫނެވެ. ޖަމާލުއްދީން ސްކޫލުން މީގެ ކުރިން ޓެސްޓް ގާތްވުމުން ކުދިންނަށް އިތުރު އެހީ ފޯރުކޮށްދިނުމަށް ގެންނަނީ މި ގްރޭޑަށް ކިޔަވައިދޭ ކަމުގެ ތަޖުރިބާހުރި ބޭފުޅެކެވެ. ނަމަވެސް މިފަހަރު ސީ އެޗް ސީ ގެ މުދައްރިސް ބޮޑުއަގެެއްދީފާ ޖަމާލުއްދީނުން ގެންގޮސް އިތުރު ކްލާސްތައް އޭނާ ލައްވާ ނަގާފައިވާތީ އަދި ޖަމާލުއްދީނު ސްކޫލްގެ މިފަހަރުގެ ފައިނަލް އިމްތިހާނުކަރުދާހުގާ މިފަހަރުގެ އެސް އެސް ސީ ޕޭޕަރުގާ ހުރި ގިނަ ސުވާލު ހުރިގޮތައް ހުރުމަކީ ކަންބޮޑުވާން ޖެހޭ ކަމެކެވެ.
މެންޓަލިސްޓް
10 October 2017
ދަންނަވާލަފާނަން ވަރަށްރަގަޅުވާހަކައެއް ،،، އިސްލާމްދީނަކީ ޕޭޕަރެއްހަދައިގެން މާކްސްލިބިގެން ވަދެވޭ ދީނެއްނޫން ،، އެއީ ވިލިންގްލީ ސްބްމިޝަން ،،، ވިލިންގްލީ ސަލާތް ގާޢިމްކުރުން ،، އެއީ އިންސާނާގެ ހިތަށްވަންނަންޖެހޭ އިހްސާސްތަކެށް ،، ﷲއަކުބަރު ކިޔަންޖެހެނީވެސް ގްރޭޓްނަސް ހިތަށްއެރީމައި އޮޓޯއިން ކިޔެންޖެހޭ އެއްޗެއް ،، މިސާލަކަށް 14 ވިލޭރޭގެ ހަނދުފެނިފައި ރީތިކަމުން ހިތަށްއެއަންން އިހްސާސްތަކުގައި މާޝާﷲ ބުނެވޭހެން ،، ސުބުހާނަﷲ ކިޔޭފަދައިން ،، މިކަހަލަގޮތަކަށް ކިޔާދެވިގެން ކުދީންނަށް ކުޑާކޮށްވެސް ގެޓްވާން މަސައްކަތްކުރެވޭނީ ،، ހަމަޕޭޕާރުތަކެށް ހަދާފައި ޝަހާދަތުގެ ދެކަލިމަ ކިޔަކަސް އިސްލާމްއެއްނުވާނެ ،، ލަވްއާޢި ކޮމްޕެޝަންއާޢި އެމްޕަތީގެ ދީނެއް އިސްލާމްދީނަކީ ،،، އެއީ އެކްސްޕީރިއަންސްއެއް ،،، އެކުރަން ދަސްކުރަންޖެހޭނީ ،،، ވަރަށްވެދުން
އަލީ ނާޒިމް
10 October 2017
އެހެންތޯ...؟ ޢެހެންވިއްޔާ ޕީޖީ ކާރުވެސް ރޮލެއްނުވޭ! ރޯވީ ގާޑިޔަލެއްގައި!
ރޯނުއެދުރު
09 October 2017
ބަލަގަ ޖަމާޅުއްދީން އަދި ދަރުމަވަންތަ ސްކޫލްގެ މޮކް އެގްޒާމް ގައި އިސްލާމް ޕޭޕަރުގެ ސްވާލްތަށް ހުރީހިމަނާފަ ލީކެއްނުވޭ މީދެންބޮޑުވަރު މީގެންވެސް މަކަރު ހީ ހީ ހީ އަމިއްލަ ނަފްސަށްވެސް އިތުބާރުނުކުރެވިގެން ތިއުޅޭއިރު މީހުންނަށް ހާދަ އިތުބާރެއް ތިކުރަނީ އެއޮތީފެންނަން ކިޔަވާނެކަމެއްނެތް 1ޕްލަސް 1 މަނިކުފާނު ވިދާޅުވިވަރެއް
މަރީ
09 October 2017
ޝަފީއުއަކަށްވެސް އަދި ޝަކީބަކަށްވެސް ނޭގޭނެ ޕޭޕަރު ލީކު ނުވެޔޭ ބުނާކަށް ، ސަބަބަކީ އެކަން ކުރީ އެހެން ބަޔަކަށްވާތީ
އަނެއްމީހާ
09 October 2017
ޓިއުޝަން ދޭ ޓީޗަރުން ލައްވާ ޕޭޕަރު ހައްދަވަނީ މަސްލަހަތު ފުށުނާރާތީތޯ؟ ސޯސަލް މީޑިއާގަ ދެކެވޭ ވާހަކައަށް ޖަވާބު ނުދެއްވާ ޕޭޕަރު ލީކެއް ނުވެޔޭ ތިކިޔަނީ ކާކަށް އޮޅުވާލަން ކަމަށްތޯ؟
އުމަރު
09 October 2017
ލީކުނުވާނަމަ ތިވާހަކަ ނުދައްކާނެ، ލީކުވެގެން ތިޔައުޅެނީ، އެހެންނޫންތޯވާނީ، މިނިސްޓްރީ އޮފް އެޑިއުކޭޝަނުގެ ގިނަވެރިންތަކަކީ ކޮންމެވެސް ކިޔަވައިދޭ ތަނަކާއި ގުޅިފައިވާ އަދި ކޮންމެވެސް ކުއްޖަކަށް ނުވަތަ ސްކޫލަކަށް ރަންވަނަ ހޯދައިދޭން އުޅޭބައެއް، އަދި މިހާރު ގްރޭޑް 8 އިންފެށިގެން ގްރޭޑް 10 އާއި ހަމައަށް ކިޔަވައިދެނީ މުޅިން ޕާސްޓްޕޭޕަރު، ޓީޗަރުން ގެންގުޅޭ ޓެކުސްޓް ފޮތަކީވެސް ޕާސްޓްޕޭޕަރު އަދި ކުދިންގެ ފޮތް ދަބަހުގައި އެންމެ ގިނައީވެސް ޕާސްޓްޕޭޕަރު، މިފަދަ ގޮތަކަށް މިހާރު އެޑިއުކޭޝަން މިނިސްޓްރީ ހިފަހައްޓަނީ ތިޔަބުނާ މަތީ ރަންވަނަތަށް، ކުދިން މޮޅުވެގެންނޫން،
ހަރު
09 October 2017
އަސްލުވެސް. އެއްޗެއް އެނގުމާއި މެމޮރައިޒް ކުރުމަކީ ވަރަށް ތަފާތު ދެކަން.
ރަގަޅު
10 October 2017
އުމަރު ތިބުނީ ވަރަށް ބޮޑު ތެދެއް. ކުދިންގެ ފެންވަރު ރަގަޅު ވެގެނެއް ނޫން ނަތީޖާ ރަގަޅު ވަނީ. ޕާސްޓް ޕޭޕަރ ހަދަމުންގޮސް ހިތުދަސްވެފަ އިނީމަ. އަނެއްކާ ތި އޯލެވެލްގަ މިހާރު އިންނަނީ މުޅިންވެސް ސުވާލުތައް ރިޕީޓް ވެފަ. ކުޑަމިނުން އެމައުންޓަކަށްވެސް ބަދަލެއް ނުގެނެސް. ކަނު މީހަކަށްވެސް އޭ ސްޓަރ ލިބޭނެ
ހަސަދު
09 October 2017
ޕޭޕަރު ލީކެއްނުވެ. ހަމަ އެކަނި ބައެއްސްކޫލު ތަކަށް މޮކަށް ޕޭޕަރުން ބައެއްސުވާލު ދިނީ. ދިވެިރާއްޖޭގައި އުލޭނެ ނޫންތޯ ރޯޔަލް ސްކޫލް ތަކާއި އާދައިގެ ސްކޫލް ތައް. ރޯޔަލް ސްކޫލް ތަކުގެ ނަތިޖާ ކޮންމެ ގޮތަކުންވެސް މޮޅު ވާން ޖެހޭނެ ނޫންތޯ.