މައުމޫން ފައުންޑޭޝަނުން ބޭއްވި އިހްޔާ ޖަލްސާގައި ކުރީގެ ރައީސް އަދި އެ ފައުންޑޭޝަންގެ ޗެއާމަން މައުމޫން އަބްދުލް ގައްޔޫމާއި (ކ) ދަރިކަލުން ފާރިސް ބައިވެރިވެވަޑައިގަންނަވަނީ---މިހާރު ފޮޓޯ: ހުސެއިން ވަހީދު
15 އޮކްޓޯބަރ 2017 - 13:47
13 comments
ހަމަހަމަކަމާއި އިންސާފުވެރިކަމާ އެކު ޝަރީއަތް ކުރިއަށްދާ ނަމަ ދަރިކަލުން އަދި ދިއްގަރު ދާއިރާގެ މެމްބަރު އަހުމަދު ފާރިސް މައުމޫން މިނިވަންވާނެ ކަމަށް ކުރީގެ ރައީސް މައުމޫން އަބްދުލް ގައްޔޫމް ރޭ ވިދާޅުވެއްޖެ އެވެ.
މައުމޫނާއި އެމަނިކުފާނުގެ އަނބިކަނބަަލުން ނަސްރީނާ އިބްރާހިމް ބޭސްފަރުވާ އަށް މެލޭޝިޔާ އަށް ފުރާވަޑައިގަތުމުގެ ކުރިން ރާއްޖެ ޓީވީ އަށް ދެއްވި އިންޓަވިއުއެއްގައި މައުމޫން ވިދާޅުވީ ފާރިސްގެ ޝަރީއަތް ވެސް ދާނީ އިންސާފުން ކަމަށް ގަބޫލުކުރައްވާ ކަމަށެވެ. އަދި އިންސާފުން ހިނގައްޖެ ނަމަ ދަރިކަލުން ވަރަށް އަވަހަށް މިނިވަންވެގެންދާނެ ކަމަށް އެމަނިކުފާނު ވިދާޅުވި އެވެ.
ރިޝްވަތުގެ ތުހުމަތުގައި މިދިޔަ ޖުލައި މަހު ހައްޔަރުކުރި ފާރިސްގެ މައްޗަށް ދެ ދައުވާއެއް ކޮށް ކްރިމިނަލް ކޯޓުގައި ވަނީ ޝަރީއަތް ފަށައިފަ އެވެ. އެއީ ރިޝްވަތުގެ ދައުވާގެ އިތުރުން ޝަހުޝް އޮޅުވާލުމުގެ ދައުވާ އެވެ. އެ ދައުވާ އުފުލީ ޕީޕީއެމުން ވަކިކުރި ފަހުން ވެސް އެ ޕާޓީގެ ބައެއް އެއްޗެހި ބޭނުން ކުރެއްވި ކަމަށް ބުނެ އެވެ.
މައުމޫން ވިދާޅުވީ އެމަނިކުފާނަކީ ރަނގަޅު ވާނެ ކަމަށް އުއްމީދުކުރައްވާ ބޭފުޅެއް ކަމަށާއި އެހެންކަމުން ފާރިސް މިނިވަންވާނެ ކަމަށް ވެސް އުއްމީދުކުރައްވާ ކަމަށެވެ.
".. އޭނާ [ފާރިސް] އެހުރީ އެއްވެސް ކުށެއް ކޮށްފައެއް ނޫން. އޭނާގެ މައްޗަށް ކުށެއް ސާބިތުވާ އެއްވެސް ހެއްކެއް ވެސް ނެތް. އެހެންވީމަ ހަމަ އާއި އިންސާފުން ޝަރީއަތް ހިނގާ ކަމުގައި ވަންޏާ އަޅުގަނޑު ދެކޭ ގޮތުގައި، ހަމަ އާއި އިންސާފުން ޝަރީއަތް ހިނގާނީ. އެހެންވީމާ އޭނާ ސަލާމަތްވާނެ،" ރާއްޖެ ޓީވީ އަށް ދެއްވި އިންޓަވިއުގައި މައުމޫން ވިދާޅުވި އެވެ.
"ވަރަށް އަވަހަށް [އެކަން] ނިމޭނެ އިރާދަކުރެއްވިއްޔާ."
މާފުށީ ޖަލުގައި ފާރިސް ހުންނެވި ތަން މަރާމާތުކުރުމުގެ މަސައްކަތް ކުރަމުންދާ ކަމަށް ބުނެ، ކަރެކްޝަނަލް ސާވިސް އިން ވަނީ މިދިޔަ ބުދަ ދުވަހު އޭނާ ގޭ ބަންދުކޮށްފަ އެވެ.
ސަރުކާރަށް ކުރަމުންދިޔަ ތާއީދު އަނބުރާ ގެންގޮސް އިދިކޮޅު ފަރާތްތަކާ އެކު މަސައްކަތް ކުރައްވަމުން ގެންދަވާ މައުމޫން ވަނީ ފާރިސް ނުހައްގުން ޖަލަށްލީ، އެމަނިކުފާނަށް އަމާޒުކޮށް ކަމަށް ވިދާޅުވެ ސަރުކާރަށް ފާޑުވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރުކާނު
16 October 2017
ހެހެ ތިއޮތީ ވަރަށް ސަޅި ވާހަކައެއް ބުނެފަ. ކީއްކުރާނީދޯ ހިތަށް އަންނަނީ ހަނދި ހަސަން ރަސްގެފާނު
އެސޮރުގެ އަނެއްދަރި
16 October 2017
ވަޔަށް، ޖައްވަށް، ފަޒާއަށް ބަޑިޖަހާނަމަ މީޙުން މަރުވާނެ.
އަހަންމާބެ
16 October 2017
މި މަނިކުފާނުގެ ވެރިކަމުގެ ދިގު ޒަމާނުގައި ހިންގި ހުރިހައި ޝަރީޢަތަކީވެސް މިމަނިކުފާނުގެ އަތްޕުޅު ބޭނުއްވި ޝަރީޢަތްތަކަކަށްވުމުން، މިމަނިކުފާނު ހީފުޅު ކުރައްވަނީ މިހާރުވެސް އެހެން ވާނެކަމަށްދޯ! މިހާރު އެހެނެއް ނުވާނެ ބޭބޭފުޅާ! ތިޔަހެން ހީފުޅު ނުކުރައްވާ!
ހަކީމް
16 October 2017
އެދުވަހު އިންސާފު ނެތްގޮތައް މިދުވަހު އިންސާފުނެތްތަން ތިފެންނަނީ. މައުމޫނު ކޯންޗެކޭ ކިޔާކައް! އަހަރެންގެބައްޕަ އެތައްއަހަރަކައް ޖަލައްލާ އަރުވާލާ ހެދި ޙިޔާޅެއްފާޅު ކޮއްލައިގެން.
ޕޮކަންޑިމޭން
15 October 2017
މައުމޫނުގެ ދަރިއެއް ވިއްޔާ ޖެހޭނެ މިނިވަންވާން. ކުށެއް ނުކުރާނެ. ކުރާކަށް ނުވެސް އިނގޭނެ. އިނގިރޭސި ވިލާތުގެ ޖަލެއްގައި މިސޮރު ބަންދެއްވެސް ނުކުރޭ. ސަލާމަތްކުރަން ބައިތުލްމާލުގައި ހުރި ހުރިހާ ފައިސާއެއްވެސް ނުފޮނުވާ.
ރާބިޔާ
15 October 2017
އިންސާފް އަކީ އެކިޒަމާނަށް ފޮޅޭ މަލެއްކަހަލަ އެއްޗެއްދެއްތޯ , ނޫނީ ޒައިތޫނިގަހެއްދެއްތޯ ..އެހެންވެ ދިގު 30 އަހަރު އެގަސްނުފޯދުނީމައި އިންސާފް އޭރުނުލިބުނީ , ޒައިތޫންޏަކީ ފޯދެން ވަރަށްގިނަޒަމާން ނަގާ އެއްޗެއް .. އަދިވެސް ނުފޯދޭތީވެ އިންސާފް ނުލިބެނީ .. ހާސްކަނޑާލާ ފޯދުނީމައި އިންސާފް ލިބެންފަށާނެ .. ވަރަށްސަލާމް
ބޭ އިންސާފު
15 October 2017
ލޯޔަރު ވައްޑޭ އާއި އަމިތު އާއި ސައުދު ޕީޕީއެމް ވަކި ކޮށްފައި ވަކި ނުކުރާ ކަމަށް ހެދީ އެމީހުންގެ ގޮޑި ގެއްލުވާލާން ވެގެން ނެވެ.އެކަމަކު ފާރިޝްގެ މައްޗަށް ކުރަނީ ޕީޕީއެމް އިން ވަކި ކޮށްފައި ވަނިކޮށް ޕީޕީއެމްގެ ލޯގޯ ބޭނުން ކުރުމުން ޝަޚްޝު އޮޅުވާލުމުގެ ދައުވާއެވެ.ވީމާ މި ދޭތި ދިމަކެއް ނުވެއެވެ. ޟި 4 މެމްބަރުން ބަކީ ވެސް މާކުރިން ޕޤޓީ އިން ވަކިކޮށްފައި ވަކިކުރި ކަމުގެ ލިޔުން ދީފައި ތިބި މެމްބަރުން ނެވެ.އަދުލު އިންސާދަށް ޖޯކް ޖަހަންވާނީ ވެސް ވަކި މިންވަރަށް ތާއެވެ.ރައްޔޮތުން ނަށް އަނިޔާ ކުރަން ވާނީ ވެސް ވަކި ވަރަކަށް ތާއެވެ.
ބޫމް
15 October 2017
އިންސާފުނަމައޭ؟؟؟؟؟؟ އަދިވެސް ހަމަ ޝައްކުވެލައްވަނީތޯ؟
މޫސަ މާލެ
15 October 2017
މައުމޫނަށް އެނގޭނެ ޝަރީޢަތްފެށޭނެ ގޮތާއި، ނިމޭނެ ގޮތް. ތީ ދެން ތަންކޮޅެއް ބޮޑުވަރު . ތިމާބޭނުންވާގޮތައް ނުހިނގައްޖެ ނަމަ ނާ އިންސާފު އަންދާ ޤާނޫނު. ބޭނުންވާގޮތައް ނިމިއްޖެނަމަ ބަރާބަރު. ެިންސާފު. ބަލަ ތީ މޮޔައެއްތަ 30 އަހަރު ދުވަހު ގަދަބާރުން ވެރިކަން ކުރީމާ މަހިތައް އަރައިގެން މިހުންނަނީ ، ބޯހަމަޖެހޭ މީހެއްކަމަށް . އެކަމު މިހާރު އެނގިއްޖެ ހަމަ ހުސް އުނބެއް ޖަހާފަ ހުރީ.
ނެތީމުދޯ
15 October 2017
ރައީސް މައުމޫނު މަޑުމަޑުން ފޭޑް ވަމުން ދަނީ އެވެ. މިހާރު އެމެން އެތިބީ މެލޭޝިއާ އަށް ފޮނުވާފައި. ދެން ދަތުރު ފޮތް ގަނޑުވާނީ. އެއިރުން ހުންނާނެ އަލާފިލާފައޭ މަމެން ބުނަން ނެތީމު ދޯ.