ހުއްދަނެތި ޓެކްސް އެޖެންޓުންގެ ގޮތުގައި މަސައްކަތްކުރާ ފަރާތްތަކާ މެދު ސަމާލުވުމަށް އަންގައިފި

މިވާގޮތް ނޭގޭ ބޭފުޅުންގެ މައުލޫމާތަށް ދަންނަވަން.. މީރާގަ ވަރަށް އިސްކޮށް އުޅުނު ވަރަށް ގިނަ ބަޔަކު މި ފާއިތުވީ އަހަރެއް ދޮޅުއަހަރެއްގެ ތެރޭގައި މީރާގެ އެޗްއާރު އުސޫލުތަކާމެދު ހިތްހަމަނުޖެހިގެން އެތަނުން ވަކިވެގެން 'ޕްރައިވެޓް ޕްރެކްޓިސް'ގަ އެބައުޅޭ. މީގެތެރޭގައި މުޅިންވެސް ތިބީ ޕްރެފަޝަނަލް އެކައުންޓެންޓުންނާއި ލޯޔަރުން. މި ކުދިން މީރާއިން ވަކިވާން އުޅުނީމަ އެތަނުގެ ވެރިން މިހެދިގޮތަކީ މީރާގެ މުވައްޒަފުންގެ ގަވައިދު ބަދަލުކޮށްލީ، މީރާއިން ވަކިވިޔަސް ޓެކްސްއާއި ގުޅުންހުރި އެއްވެސް މަސައްކަތެއް 2 އަހަރު ވަންދެން ނުކުރެވޭނެކަމަށް. އަދި މި ކުދިންނަށް އެބުނާ ޓެކްސް އެޖެންޓްކަމުގެ ލައިސަންސެއްވެސް ނުދޭ.. ބޭނުމަކީ ބިރުދައްކައިގެން މަޖުބޫރުކޮށްގެން މުވައްޒަފުން ވަޒީފާގައި ހިފެހެއްޓުން.. އެކަން އެހެން ނުވެ، ވަރަށް ގިނަ ޕްރޮފެޝަނަލް މުވައްޒަފުން މީރާއިން ވަކިވެ 'ޕްރައިވެޓް ޕްރެކްޓިސް'ގަ އުޅޭތީ އެކަމާ މޭކަރައިގެން މީރާގެ ވެރިން އުޅޭތާ ދުވަސްކޮޅެއް ވެއްޖެ..

މީރާއިން އަބަދުވެސް ބަލާނެ ބަޔަކު ފިއްތާލެވޭތޯ. ހަގީގަތުގަ ފިއްތާލަންވީ ގަވާއިދާ އުސޫލުގެ ބޭރުން ކަންކަންކުރާ ފަރާތްތައް. އެހެނަސް އެކަން މީރާއަކަށް ނުވޭ. ކިތައްމީހުންތޯ ހާއްސަކޮށް ބިދޭސީން ޓެކުހެއް ދެއްކުމެއްނެތި ބޮޑެތި ވިޔަފާރިކުރަނީ. މީރާއަށް އެކަން ރެޔަކާވެސްނުލާ ނޫންތޯ؟ ކޮބާތާ ތި އިދާރާގެ އިންޓެލް؟ މީރާއިންވެސް ގާނޫނުން ބޭރުން ކަންކަން ކުރުން ހުއްޓާލަންޖެހޭ، މިސާލަކަށް މުއްދަތުން ބޭރުން އޮޑިކުރުން. އަނެއްކޮޅުން މީރާއިން ބޭރުގެ ކަމެއް ކަމެއް ރަނގަޅުކުރެވޭނީ މީރާގެ އެތެރޭގެ މައްސަލަތައް ހައްލުކޮށްގެން. މީރާގެ ތެރޭގައި ޕަވަރ ފައިޓް އޮންނަކަމީ އެންމެން ދަންނަ ބޮޑު ސިއްރެއް. އަނެއްކޮޅުން ސްޓާފަކު ހަރުލަނީކީނޫން. އޮފީހުގެ 80އިންސައްތައަކީ އަހަރުނުވާ މުއައްޒަފުން. އެހެންވީމާ މީރާގެ މެނޭޖްމަންޓަށް އެވޯޑެއް ދޭވަރުވޭ ނޫންތޯ؟ ކިހިނެއްތޯ ތަޖުރިބާ ނެތް އޮޑިޓަރުން ވިޔަފާރިތައް އޮޑިޓްކޮށް ދައްކަންޖެހޭ ޓެކުހުގެ އަދަދު ކަނޑައަޅާނީ އިންސާފުވެރިކަމާ އެކު.