ލޯނު އެއްބަސްވުމުގައި ސޮއި ކުރަން ބޭއްވި ރަސްމިއްޔާތުގައި އެސްޓީއޯ އެމްޑީ (ކ-2)، މިފްކޯގެ ސީއީއޯ އަދްލީ (ކ-1) އަދި ފިނޭންސް މިނިސްޓަރު (ވ) ބައިވެރިވެވަޑައިގަންނަވަނީ.
02 ނޮވެމްބަރ 2017 - 18:38
17 comments
މާލީ ބޮޑެތި މައްސަލަތަކެއް ކުރިމަތިވެގެން ހިންގަން ދަތިވެފައިވާ މިފްކޯ ހަމައަކަށް އަޅުވަން ސަރުކާރުން 46.3 މިލިއަން ރުފިޔާގެ ލޯނެއް މިއަދު ދީފި އެވެ.
ފިނޭންސް މިނިސްޓްރީގައި ބޭއްވި ހާއްސަ ރަސްމިއްޔާތުގައި ލޯނު އެއްބަސްވުމުގައި ސޮއި ކުރެއްވީ މިނިސްޓަރު އަހުމަދު މުނައްވަރާއި މިފްކޯ ހިންގަމުން އަންނަ އެސްޓީއޯގެ މެނޭޖިން ޑިރެކްޓަރު އަހުމަދު ޝަހީރު އެވެ.
އެސްޓީއޯގެ ދަށަށް ބަދަލުކޮށްފައިވާ ސަރުކާރުގެ މަސްކުންފުންޏަށް ލޯނު ދޫކުރީ ފަސް އަހަރުން ދައްކާ ގޮތަށް، ހަތް ޕަސެންޓުގެ އިންޓްރެސްޓަކާ އެކުގަ އެވެ.
މިފްކޯ އިން ބުނީ ލޯނު ބޭނުން ކުރާނީ މަސްވެރިންނަށް ދިމާވެފައިވާ މައްސަލަތަކާއި މަސްވެރިކަމުގެ ސިނާއަތު ޒަމާނީ ފެންވަރަކަށް ތަރައްގީ ކުރަން ބޭނުންވާ ތަކެތި ގަތުމަށް ކަމަށެވެ. އަދި އެ ކުންފުނިން ބޭނުންކުރަމުންދާ އިންފްރާސްޓްރަކްޗާ މަރާމާތު ކުރުމުގެ މަސައްކަތަށް ވެސް ލޯނު ފައިސާ ބޭނުން ކުރާނެ ކަމަށް މިފްކޯ އިން ބުންޏެވެ.
އެ ކުންފުނިން ބުނިގޮތުގައި މަސްވެރިންގެ އަތުން މިހާރަށް ވުރެ ގިނައިން މަސް ގަނެ، ރައްކާކުރެވޭނެ އިންތިޒާމް ހަމަޖައްސަން ވެސް ވަނީ ނިންމައިފަ އެވެ. އަދި މިހާރަށް ވުރެ ހަރަދު ކުޑަކޮށް މިފްކޯގެ މަސައްކަތްތައް ކުރިއަށް ގެންދަން ބޭނުންވާ އިކުއިޕްމަންޓް ގަތުމަށް ވެސް އެ ފައިސާ އިން ހަރަދުކުރާނެ ކަމަށް މިފްކޯ އިން ބުންޏެވެ.
މިދިޔަ އަހަރުގެ ސެޕްޓެމްބަރު މަހުގެ ތެރޭގައި އެސްޓީއޯއާ ހަވާލުވިއިރު 300 މިލިއަން ރުފިޔާގެ ދަރަންޏެއް އޮތެވެ. ނަމަވެސް، މިފްކޯގެ މާލީ ހާލަތު މިހާރު ރަނގަޅުވަމުން އަންނަ ކަމަށް އެސްޓީއޯ އިން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓަރުންގެ ސިޓީ / އައްޑޫ ސިޓީ
04 November 2017
ކުންފުނި ހަމަޔަކަށް އަޅުވަން ނަގާ ދަރަނިން މަސްކޮޅު ހިފައިގެން ބެންކޮކަށް ދާ ކޮންމެ ކޮންޓައިނާރ އަކާއި އެކް ބިޒްނަސް ކްލާސް ޓިކެޓް ކަޑާލާފައި ކުންފުނީގެ ހަރަދުގައި 4 މީހުން ދިޔައިމަ ވަރަށްބޮޑަށް ހަމަ އަކަށް އެޅޭނެ. ތިޔަ ފައިސާ އަކީ ތިތަނުގައި ތިބި ބިދޭސިންނަށް މުސާރަ ދިނުމަށް ނަގާ ފައިސާ ނަމަ ކުންފުނި އުވާލާފަ ބާދަގަނޑަށް މެޝިނަރީޒް ކިރުވުންވެސް ދިވެހިންނަށް ރައްޔިތުންނަށް ފައިދާ ބޮޑުވާނެ.
ކޮލެޖް ބޯއީ
03 November 2017
މިފްކޯއަށް ލޯނު ދެވޭނެ. އަރީފު މައްސަލަ އިންޓެގްރިޓީ ކޮމިޝަނަށް ނުގޮސް ރައީސް އޮފީހުން ބެލޭނަަމަ ލޯނުވެސް ދެވޭނެ.
falaku ain
02 November 2017
އެއްވެސް މީހަކު އަޑު އެހިންތަ އެސްޓީއޯއަށް މިފްކޯގެ ހިންގުން ޙަވާލުކުރުމަށްފަހު އެތަނަށް ޕްރޮފިޓް ވަމުންދާ ވާހަކަ މީހަކު ބުނިއަޑެއް؟
Gatu
02 November 2017
ޢިތުރަށް 5 އަހަރު ދިނީމަ ދައުލަތުގެ ބަޖެޓް އަރަނި ކުރެވޭނެތޯ
އުމަރު
02 November 2017
މިއީ ކަނޑައެޅިގެން ގާނޫނާއި ހިލާފްކަމެއް، މިފްކޯއަކީ ދަރާފައިއޮތް ކުންފުންޏެއް، މިފްކޯ އެސްޓީއޯއިން ނެގީ ދަރާފައިވަނިކޮށް، އަދި ޤާނޫނު ބުނާގޮތުން ސަރުކާރުގެ ކުންފުނި އުފެއްދުމަށްފަހު އެކުންފުނި ހިންގަންޖެހޭނީ ކުންފުންޏާއި ބެހޭ ޤާނޫނުގެ ދަށުން، އަދި ސަރުކާރު ނުޖެހޭނެ އެކުންފުނީގެ ހިންގުމުގެ ތެރެއަށް ވަންނަކަށް، އަދި އެކުންފުންޏަށް ސަރުކާރުން ނުޖެހޭނެ ލޯނުދޭކަށެއް އެކަށީގެންވާ ވިޔަފާރީގެ ޕްލޭނެއްނެތި، މިފްކޯއަށް ދެވޭ ލޯނުތަކުގައި މިއަދު ޒިންމާވާނީ ކޮން ފަރާތަކުންތޯ؟ އެސްޓީއޯއިން މިފްކޯއާއި ހަވާލުވުމުން ލޯނުދޭންޖެހެނީ މިފްކޯއަކަށްނޫން، އެސްޓީއޯއަށް ލޯނު ދޭންޖެހެނީ، ތިޔަ ލޯނަކީ ދަރަނި ދައްކަން ދިން ލޯނެއްކަމަށްވެއްޖެއްޔާ އެއީވެސް ލޯނު ދިނުމާއި ހިލާފްކަމެއް، މިހާރުވެސް ސަރުކާރު އޮތީ ދަރާފައި، އަމިއްލަ އެތަކެއް ބަޔަކު ލައްވައި މަސައްކަތް ކުރުވާފައި ފައިސާނުދެވިވަނީ، އެހާލަތުގައިވެސް ސަރުކާރުން އެގެންދަނީ ލޯނުދެމުން
ޕޫލް
02 November 2017
ރަނގަޅު ކަމެއް ކޮށްދޭން އުޅޭއިރުވެސް އޭގެއިން ގަދަކަމުންވެސް ގޯސް ކަމެއް ހޯދައިގެން ވާހަކަދެއްކޭތޯ ބަލާތި
ހެހެހެ
02 November 2017
ދެން ތިކާލާނީކީ އެއް ނޫން!
ރައްކާކުރެވޭނެ އިންތިޒާމް
02 November 2017
ޕޯކެޓް މަނީތަ؟
މަރުމޯލު
02 November 2017
އެސްޓީއޯ އިން ކަމެއް ކޮށްފިއްޔާ ހާދަ ވަރެއް ވެޔޭ ދޯ. ޙިއްސާދާރުންނަށްވެސް ވަނީ ވަކި ކަމެއް ވީމަ. ޢެނޫން އިރަކު އޯކޭ އެސްޓީއޯ އަށް ކޮންމެ ކަމެއް ވިޔަސް. ދެކޮޅު ނުބަލާ ވާހަކަ ދައްކާ މީހުން ހައްތާވެސް
ފޮނިކަލޯ
02 November 2017
މަމެން ޕިންކީސް މެން މިހާރުވެސް ލާޖުކޮށް މިކުރަން އުޅޭކަމަކީ , ދިވެހިރައްޔަތުންގެ މާލިއްޔަތު ބޭނުންކޮށްގެ އަމިއްލަ ޖީބުތައްފުރާލުން މިކަން ކަން ހަޖަމު ނުވާބަޔަކު އަޅުގަނޑު މެންގެ ތެރޭގައި ތިބިނަމަ މިހާރުން މިހާރައް ޕާޓީން އިސްތިއުފާ ދީފަ ގެޔައް ދުރުވިޔަސް އެންމެ ރަނގަޅެވެ.