އިހަވަންދޫގެ ފައިބަރު ދޯނީގައި އަލިފާން ރޯވެ އަނދަނީ.-- ފޮޓޯ: އިހަވަންދޫ.ކޮމް
01 ޖެނުއަރީ 2018 - 20:48
12 comments
ހއ. އިހަވަންދޫގައި ބަންނަމުން ދިޔަ ފައިބަރު ދޯންޏެއްގައި "ރޯކޮށް"، ބޭނުންނުކުރޭ ވަރަށް މިއަދު އަންދާލައިފި އެވެ.
ރަށު ކައުންސިލުން ތުހުމަތުކުރާ ގޮތުގައި، ގާތްގަނޑަކަށް 90 ފޫޓުގެ އެ ދޯނީގައި ބަޔަކު ރޯކޮށްލީ އެވެ.
ކައުންސިލް މެމްބަރު އަހުމަދު ރިޒްވާން ވިދާޅުވީ ދޯނީގައި ރޯވެފައި ވަނީ ފަންގަނޑެއްގައި ހުޅު ޖަހާ، ދޯނީގެ ތެރެއަށް އެއްލައިގެން ކަމަށް ބެލެވޭ ކަމަށެވެ.
އޭނާ ވިދާޅުވި ގޮތުގައި މީގެ ކުރިން ވެސް އެ ދޯނީގައި ރޯކޮށްލަން ބަޔަކު މަސައްކަތް ކުރި އެވެ.
ދޯނި ފުރަތަމަ ބަންނަމުން އައި ފަރާތުން އެހެން މީހަކަށް ވަނީ ވިއްކާލައިފައި ކަމަށް ކައުންސިލުން ބުނެ އެވެ.
""ދޯނީގެ މައިގަނޑު ހުރީ ނިންމާފައި. ދޯނި މުޅިން ފުރިހަމަ ކުރުމުގެ މަސައްކަތް ކުރަމުން ދަނިކޮށް މިކަން މި ދިމާވީ،" ރިޒްވާން ވިދާޅުވި އެވެ.
"މިއީ ގެއްލުން ދޭން ބަޔަކު ކުރި ކަމެއް ކަމަށް ބެލެވޭ."
ފައިބަރު މަސައްކަތް ވަރަށް ފުޅާ ދާއިރާއެއްގައި ކުރަމުން އަންނަ އަދި މަސްވެރި އިހަވަންދޫގެ ކައުންސިލަރު ވިދާޅުވި ގޮތުގައި އެނދި ދޯނި ލާފައި ހުރި ހަރުގެ ހުންނަނީ މީހުން ދިރިއުޅޭ ސަރަހައްދާ 100 ފޫޓެއްހާ ކައިރީގަ އެވެ. އެ ހާދިސާގައި އެއްވެސް މީހަކަށް ގެއްލުމެއް ނުލިބުނަސް ކައިރީގައި ހުރި ރުއްގަހަށް ވަނީ އަލިފާނުގެ އަސަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެންޓަލިސްޓް
02 January 2018
އެހެންވީމައި ކުރިއަށްއޮތް ތަނުގައި އޮތީ ދެގޮތެއް ،، އެއީ އޮޑިބަންނަން ފެށީއްސުރެން އިންސުއަރެންސް ކުރަންވީ ،،،، އޭރުން އެތަނަށް ލިބޭފައިސާ ގިނަވާނެ ،،،، އަނެއްގޮތަކީ އޮޑިހަރުގެއަކީ ވަރުގަދަ ސެކުއުރިޓީނިޒާމްތަށް ހުންނަތަންތަނަށް ހެދުން ،،،، ވަށައިގެން ބަންދުކޮށް ސީސީޓީވީ ހަރުކޮށް 24 ގަޑިއިރު ގާޑުން ތިބޭތަނަކަށް ހެދުން ،،،، މައައްސަލާމާ
އަލީ އަކްރަމް
02 January 2018
އުންމީދު ކުރަނީ އިންޝްއާރކޮށްފަ އޮޮތްކަމަށް. އެހެންނޫނަމަ ގެއްލުން ވަރަށްވެސް ބޮޑުވާނެ. ޕީޕަލް ދީސް ޑޭސް..
ރޯޒް ރައީސް
02 January 2018
ތީކާކު ބަންނަންފެށި ދޯންޔެއްބާ. މިހާރު ގެ ވެރިޔަކީ ކާކުބާ. ތި ވެދާނެ ރައްޔަތުންގެ ފައިސާއިން ބަންނަ އެއްޗަކަށްވެސް. ހުރިހާ ކަމެއްވެސް މޮޅަށް ދެނެވޮޑިގެންވަނީ ﷲ. ތިކަމަކީ ރަގަޅުކަމެކޭ ނުބުނަން. މިކަމުންވެސް ޢިބްރަތެއް ޙާޞިލް ވެއްޖިއްޔާ ރަގަޅު.
ދައްތަ
02 January 2018
ލިއުމުގައި ތަރުތީބު އޮލިފައިވާ ކަން ފާހަގަ ކުރެވެއޭ
ޝީޝާ
02 January 2018
ކައުންސިލުން ތުހުމަތު ކުރަނީޔޯ މީހަކު ދޯނީގަ ރޯކޮއްލީކަމަށް
ވިސްނައިފި
02 January 2018
ޕަންޗާޔަތު ބުރޭންޑް ގެ ކަުންސިލްއެށްދޯ ޢެކަމް އޯކޭ އެންތަބާވަންޔާމު ރޯކޮއްލެވޭނެ މިއަކަންނު ހުޅަގުގެ ޑިމޮކްރަސީ ކިޔައިގެން މިއުޅެނީ. މީހުންގެ ސިކުޑި ތަރައްގީވާވަރަކުންގެނެވޭ އެއްޗެށް ޑިމޮކްރަސީ މިކިޔާ ހުޅަގުން ޕްރޮމޯޓްކުރާއެއްޗަކީ،
އިގްބާލް
02 January 2018
ކަައުންސިލުން ކުރިކަމެއްހެން ހީވަނީ ކިޔާލުމުން
އަހުމަދުލް
02 January 2018
ތި ރޯކޮށްލި މީހަކު އަމިއްލައަށް އިހްސާސް ކޮށްލަބަލަ ތިމާގެ އަމިއްލަ އެއްޗަކަށް މިފަދަ ކަމެއްވީމަ ދެން ވާނެ ގޮތް.
ތެދުބަސް
02 January 2018
ޖާހިލު ނުލަފާ މީހުން އުޅޭ ރަށް ރަށެވެ.
ސީދި
01 January 2018
ދޯނީގައި ރޯކޮށްލީ ރަށުކައުންސިލުންނޭތޯ...