ޚަބަރު / މިނިސްޓަރު އަބްދުﷲ ނާޒިމް އިބްރާހިމް

ސިއްހީ ދާއިރާ އަށް ބޮޑެތި ކުރިއެރުންތަކެއް، މިއީ ޚިދުމަތުގެ އާ ސަފުހާއެއް: ނާޒިމް

މާލެ: ނޮވެމްބަރު 27، 2016- އައިޖީއެމްއެޗްގެ އާ ހިދުމަތްތައް ރައީސް ޔާމީން އިފުތިތާހު ކޮށްދެއްވުން.---ފޮޓޯ: ރައީސް އޮފީސް

ފަޒީނާ އަހުމަދު، މިހާރު

10 ޖެނުއަރީ 2018 - 14:01

17 comments

މިދިޔަ ހަތަރު އަހަރު ދުވަހުގެ ތެރޭގައި ސިއްހީ ދާއިރާ އަށް ބޮޑެތި ކުރިއެރުންތަކެއް ހޯއްދަވައި ދެއްވައި އެ ދާއިރާގެ އާ ސަފުހާއެއް ރައީސް އަބްދުﷲ ޔާމީން ލިޔެދެއްވާފައިވާ ކަމަށް ހެލްތު މިނިސްޓަރު އަބްދުﷲ ނާޒިމް އިއްޔެ ވިދާޅުވެއްޖެ އެވެ.

މި ސަރުކާރުގައި ސިއްހީ ދާއިރާ އިން ހޯދާފައިވާ ކުރިއެރުންތަކާ ގުޅޭ ގޮތުން ބޭއްވި ޕްރެސް ކޮންފަރެންސްގައި ނާޒިމް ވިދާޅުވީ ވެރިކަމާ ހަވާލުވެވަޑައިގަތުމަށް ފަހު ރައީސް ޔާމީން އެންމެ ބޮޑު އިސްކަމެއް ދެއްވީ ރައްޔިތުންނަށް ދެމުން އައި ސިއްހީ ހިދުމަތްތަކުގެ ފެންވަރު ރަނގަޅުކޮށްދެއްވަން ކަމަށެވެ. ހަތަރު އަހަރުން ނަތީޖާ ވެސް ފެނިފައިވާ ކަމަށް ވިދާޅުވި އެވެ.

"ސިއްހީ ދާއިރާ އަށް އައި ކުރިއެރުންތަކާ ބެހޭ ދިރާސާއެއް ހަދަން ބޭނުން ނަމަ، އެހާ ވެސް ރެފަރެންސް މެޓީރިއަލްސް އާއި ތަފާސް ހިސާބުތައް އަޅުގަނޑުމެންގެ އަތުގައި އެބަހުރި،" މިނިސްޓަރު ވިދާޅުވި އެވެ.

"ދެހާސް ތޭރަ ވަނަ އަހަރު މި ސަރުކާރު އައިއިރު ރާއްޖޭގައި ޑޮކްޓަރުން ތިބި ޖުމްލަ އަދަދަކީ 522، އެކަމަކު މިހާރު 822 ޑޮކްޓަރުން އެބަތިބި. އޭރު ޖުމްލަ 1،036 އެނދު، މިހާރު 1،768 އެނދު. މިއީ އައިޖީއެމްއެޗާއި ހުޅުމާލޭ ޓްރީ ޓޮޕް ހޮސްޕިޓަލަށް އިތުރުވާ އެނދުތައް ނުލައި. މިގޮތަށް ކިތަންމެ ކުރިއެރުންތަކެއް އެބަހުރި."

ހެލްތު މިނިސްޓަރު ނާޒިމް ނޫސްވެރިންނާ ވާހަކަ ދައްކަވަނީ. --ފޮޓޯ: ނިޝާން އަލީ/މިހާރު

މިނިސްޓްރީން އާއްމުކުރި ބައެއް ތަފާސްހިސާބު

- މީހުން ދިރިއުޅޭ ހުރިހާ ރަށަކަށް ޑޮކްޓަރުން ހަމަކޮށް، ބޭސްފިހާރަތައް ވަނީ ގާއިމްކޮށްފައި.

- އެމްބީބީއެސްއަށް 138 ޑޮކްޓަރުން ފޮނުވައި ސްޕެޝަލައިޒްވާން 52 ޑޮކްޓަރުން ވަނީ ފޮނުވާފައި.

- މުޅިން އަލަށް 84 އެމްބިއުލާންސް ހޯދާފައިވާއިރު މީގެތެރެއިން 5 އެމްބިއުލާންސަކީ ޕެރެމެޑިކް އެމްބިއުލާންސް.

- ބޭސްކުރަން ކޮންމެ ރައްޔިތަކަށް ކަނޑައަޅާފައިވާ 100،000ރ. ހުސްނުވާ އާސަންދަ އަށް ވަނީ ބަދަލުކޮށްފައި.

- ހަތަރު އަހަރުގެ ތެރޭގައި އާސަންދަ އިން 3.4 ބިލިއަން ރުފިޔާ ވަނީ ހޭދަކޮށްފައި.

- ޖުމްލަ 44 މީހެއްގެ ކިޑްނީ ބަދަލުކޮށްފައިވޭ.

- ކެންސަރަށް ހާއްސަ ފަރުވާ ހުޅުމާލެ ހޮސްޕިޓަލްގައި ވަނީ ފަށާފައި.

- އައިޖީއެމްއެޗުގައި އެމްއާރުއައިގެ ޚިދުމަތް ފަށައި 95،000 އަށް ވުރެ ގިނަ މީހުންނަށް ފަރުވާދިން.

- ނެޝަނަލް ކާޑިއެކް ސެންޓަރާއި ޔޫރޯ ރީނަލް ފާޓިލިޓީ ސެންޓަރުގެ ހިދުމަތް ވަނީ ފަށާފައި.

- ވިލިމާލެ ސިއްހީމަރުކަޒު ހޮސްޕިޓަލަކަށް ބަދަލުކޮށް، ޚިދުމަތްތަކުގެ ފެންވަރު ވަނީ މަތިކޮށްފައި.

- އެކްސްރޭ އާއި ސްކޭން ކުރުމުގެ ޚިދުމަތް ހުރިާހާ އަތޮޅަކުން ލިބޭނެ ގޮތް ހަމަޖައްސައި، ތިން އަތޮޅެއްގައި މެމޯގްރަފީގެ ޚިދުމަތް ފެށި. ދަތުގެ ފަރުވާ 9 އަތޮޅެއްގައި ފެށި.

- އުމުރުން 65 އަހަރުން މަތީގެ 1،160 މީހަކަށް، ގޭގެއަށް ޒިޔާރަތްކޮށް އަންނަނީ ފަރުވާ ދެމުން.

ނާޒިމް ވިދާޅުވި ގޮތުގައި މި ވެރިކަން ފެށިއިރު، ރަށްރަށަށް ޑޮކްޓަރުން ހަމަ ނުވެ، ބޭސް ފިހާރަތައް ނެތަސް އެ ޚިދުމަތްތައް މިހާރު ފޯރުނުކޮށްދޭ އެންމެ ރަށެއް ވެސް ނޯންނާނެ އެވެ. މި ސަރުކާރު އައިއިރު، ބައެއް ރަށްތަކުގެ ސިއްހީ މަރުކަޒުގައި ކޮމްޕިއުޓަރެއް ވެސް ނެތި ޚިދުމަތް ދެމުން ދިޔަ ކަމަށާއި އެކަމަކު އެހާ ދަށް ހާލަތުގައި އެއްވެސް ރަށެއް މިހާރު ނޯންނާނެ ކަމަށް ވެސް ވިދާޅުވި އެވެ.

އޭނާ ވިދާޅުވީ ސިއްހީ ހިދުމަތް ތަރައްގީކުރުމަކީ ނިމުމެއް އޮތް ކަމެއް ނޫން ކަމަށާއި މި ދާއިރާގައި ރަނގަޅު ކުރަން ޖެހޭ ގިނަ ކަންތައްތަކެއް އަދިވެސް އެބަހުރި ކަމަށެވެ. އެހެންވެ، ސަރުކާރުގެ ވިސްނުން އަދިވެސް ހުރީ މިހާރަށް ވުރެ ޚިދުމަތުގެ ފެންވަރު ރަނގަޅު ކުރަން ކަމަށް މިނިސްޓަރު ވިދާޅުވި އެވެ.

"ސިއްހީ ހިދުމަތުގައި ރަނގަޅު ކުރަން ޖެހޭ ކަންކަން ހުރި ކަން ފާހަގަކުރާ ބައަކީ މި ސަރުކާރު. އެ ވިސްނުމާ އެކުގައި ނޫން ގޮތަކަށް މި ކަހަލަ ނިޒާމެއް ރަނގަޅެއް ނުކުރެވޭނެ،" ނާޒިމް ވިދާޅުވި އެވެ.

ސިއްހަތު ދިވެހި ސަރުކާރު ރައީސް އަބްދުﷲ ޔާމީން ހެލްތު މިނިސްޓްރީ މިނިސްޓަރު އަބްދުﷲ ނާޒިމް އިބްރާހިމް ސިއްހީ ޚިދުމަތް

17 ކޮމެންޓް, 65 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތުއްތުބެއްޔާ

11 January 2018

ލޮލުގެ ފެނުމުގެ ޙާލަތު ދަށް މީހުންނަށް ނަންބަރު އައިނު ހެއްދުމަކީ ޞިއްޙީ ކުޑަ ޚިދުމަތެއް ނޫން. ބައެއް ކުޑަކުދިންނަށް ހަމަހުން ހަމަހުން އައިނު ނަންބަރު ބަދަލުވެ ހައްދަންޖެހޭ. ބައެއް މީހުންނަށް އަހަރަކު އެއްފަހަރު، ނަންބަރު އާކުރަންޖެހޭ. އެހެންނަމަވެސް ހުސްނުވާ އާސަންދައިގެ ވާހަކަ ދައްކާއިރު، އޭގެތެރެއިން އައިނު ހެއްދެނީ ކޮންމެ ދެއަހަރުން އެއްފަހަރު. މިއީ އިންސާފުވެރި ގޮތެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުޖާ

11 January 2018

ބައިކުބައި މަދުކަމައް ކިއަނީ ރާއްޖެތެރެ މީހުންނައްވިއާ! މެސެންތަކަކީ އޭގެޒާތުގަ ބަލިމީހުންގެ ބަލިތައް ދެނެގަނޭވޭ އެއްޗެއްނޫން!އަދި އެއަކީ އަމިއްލަޔައް ބަލިމީހުނައް ފަރުވާދޭ އެއްޗެެއްނޫން! މެސްތަކުގެއެހީގަ ބަލިތައް ދެނެގަނެވޭ ފެންވަރު ޑޮކުޓަރުން ނެތިއާ މެސެނަކުން ކުރާނީކޮން ފައިދާޢެއްތޯ! މެސެނުން އަމިއްލަޔައް ފަރުވާކުރެވޭނަމަ، މަހުޖަނުން އެއްގައުމުން އަނެއްގައުމައް ފަރުވާހޯދައް ނުދުވީސް! އެހެންނަމަ އެމިހުންގެ އަމިއްލަގޭގަ ހުރިހާވައްތަރޭއްގެ މެސެން ހުރީސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައްޚާނު

10 January 2018

ތި ހުރިހާ އެމް.އާރު.އައި ސްކޭނަކީ ހަމަ ކޮންމެހެން ހަދަން ޖެހިގެން ހެދި ސްކޭންތަކެއްތޯ..؟ ނޫނީ ބައެއް ބަލި މީހުންގެ ހިތްހަމަ ޖައްސަދޭން ޓްރިވެންޑްރަމްގެ ހޮސްޕިޓަލްތަކުން ހަދާހެން ހަދާލި ސްކޭންތަކެއްތޯ؟ ފަހަކަށް އައިސް ވަރަށް ގިނަ މެޑިކަލް ޑޮކްޓަރުން ނަފްސާނީ ކަންކަމަށްވެސް ފަރުވާ އެބަކުރޭ، ބަލިމީހާ ބޯ މާބޮޑަށް ގޮވާވަރަށް...މީ ވަރަށް ގޯސްކަމެއް..ސަބަބަކީ މެޑިކަލް ގިނަ ޑޮކްޓަރުންނަކީ ނަފުސާނީ ކަންކަމުގެ ތަޖުރިބާ ލިބި ތަމުރީނުވެފައި ތިބި ބައެއް ނޫން.. އެކަން އެކުރަނީ ގަވައިދާ ޚިލާފަށް...!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

falaku ain

10 January 2018

ގައުމުގެ ތިންބައިކުޅައެއްބައި ބޮޑެތި ބަލިތަކުގެ ޝިކާރައަކަށް ވުމަކީ ތަރައްޤީ ކިރާމިންގަނޑު. މަށަށް ފެންނަނީ ތިޔަ 95000 ހާސް މީހުންނަކީ ސަރުކާރުގައި ތިބިމީހުންގެ ސިކުނޑީގައި އެންމެ މަތީ އަދަދެއްގެ ގޮތުގައި ބެލެވޭ އަދަދުހެން. ބަލިމީހުންވެސް 95 ހާހުގައި. ވަޒީފާދިން މީހުންވެސް 95 ހާހުގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހާރާއި މިހާރު

11 January 2018

އެކަކު ހުރެދާނެ ހަތަރު ފަސް އެމްއާރުއައި ވެސް ހަދާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔބެ

10 January 2018

އިންފާޓިލިޓީ އޭ ބުނާ ތި ސެންޓަަރުން ވާ ކަމެއް މިނިސްޓަރ ޥިދާޅުވެދެއްވަ ބައްލަވާ. މިއޮއްބޮޑު ދިވެހިރާއްޖެއިން އެންނެ ކުޑަމިނުން އައިޔޫއައި އެއްވެސް ހެދެން ނެތް. އެތައް ބަޔަކު އިންޑާގެ ކޮޑުންގައްލޫރުގައި ވަރަށް ހިތްދަތި ދުވަސް ތަކެއް ތަހައްމަލު ކުރަމުން އަންނަ ކަން ހިތާމައާއި އެކު ފާހަގަ ކޮށްލަން. އިންފާޓިލިޓީގެ އެއްވެސް ހިދުމަތެއް ޜާއްޖޭގެ ތިބުނާ 25 ބުރިބުރިން ވެސް ލިބޭނެ ކަމަކަށް މިނިސްޓަރ އަދި ވިދާޅުވެފައެއްނެތް. ދެންކޮބައިޔޯ ތިބުނާ ތަރައްޤީ އާއި ރައްޔިތުންގެ އިހުސާސްގެ އަޑުއެހިފައި. ހާދަދެރަވެއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮލިއުޝަން

10 January 2018

95000 އެމް އާރު އައި 2 އަހަރުތެރޭ ހެދޭދެގޮތެއް ހަމަ އެއްގޮޔަކަށްވެސް ނުވިސްނުނު. ތިއަދަދު ބުނާގޮތުން އެއީ ގަޑިއަކު 5 އެމް އާރު އައި. އެއީ 24 ގަޑިއިރު މެޝިން ނުހުއްޓި މަސައްކަތް ކުރިނަމަ. ހަމަގައިމުވެސް 3 މަސް ހުރި މެޝިން ހަލާކުވެފަވެސް. އެމް އާރު އައި އަކީ އެވްރެޖުކޮށް 45 މިނިޓް ނަގާ ކަމެއް އެހެންވީމަ ދޮގު ހެދިޔަސް ތިއީ ފުކެއް ބޮޑުވަރު. ދޮގުހަދާއިރު ހަމަހީވާކަހަލަ ހުރިހައި ދިވެހިންނަކީ ގަމާރުންނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

11 January 2018

އާތިބުނީ ތެއްދެއް މަވެސް ތިއަދަދު ފެނުނީމަ ހީކުރީ އެމް އާރު އައި ހަދަނީ ށޮށިފިހާހެން ދެފުންޖަހާފަ އެއްލާގޮތައް ކަމައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދާސީދާ

10 January 2018

ތެދުފުުޅެއް. އެހެނީ: 1- އާސަންދައިން ލިބޭ ބޭސް %50 އަށް މަދުކުރި. 2- އެންސްޕާ އިން އެހީ ލިބެނީ މެޑަމްގެ އޯޑަރަށް. 3- 25 ބުރީގެ ޢިމާރާތެއް ކުރެހުމަށް އެކަނިވެސް، 25 ބުރީގެ ދެ ޢިމާރާތް އަޅާހާ ފައިސާ ޚަރަދުކޮށްފި. 4- ޢާއިލީ ޑޮކްޓަރު ވީނުވީއެއް ނޭނގި އުޅެނިކޮށް 4 އަހަރާއި 1 މަހާއި 24 ދުވަަސް ފާއިތުވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލާހް

23 January 2018

ޢަދިރި މީހުނަކަށް ނުފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަބުޅި

10 January 2018

ވެރިއަކަށް ސަނާ ކިޔުމަކީ ވެރިޔަކު އެ އެމަސައްކަތްކުރަން ކުރަން ހަވާލުކޮއްފައި ތިބޭމީހުން ކުރަން އެހާ ރަނގަޅު އަދި ރީތި ކަމެއް ނޫނެވެ. ހިދުމަތެއްދޭ ތަނަކާއި ބެހޭގޮތުން ސަނާ ވެސް އަދި އެހެން އެއްޗެއްވެސް ކިޔަން އެންމެ އައުލާކަން ބޮޑީ އެ ޚިދުމަތް ލިބިގަންނަ ފަރާތްތަކުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިންތިލީ ވޫމް

10 January 2018

"މީހުން ދިރިއުޅޭ ހުރިހާ ރަށަކަށް ޑޮކްޓަރުން ހަމަކޮށް، ބޭސްފިހާރަތައް ވަނީ ގާއިމްކޮށްފައި." މިހެން ބުނީމަ ހިނިއަންނަނީީ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލޯގަޔާ

10 January 2018

95،000 އެމް.އާރް.އައި. މި އީ ކިތައް ރުފިޔާތަ އަނެއްކާ. އާބާދީގެ ތިންބައިކުޅަ އެއްބައި މިހާބަލިވީމަ އެއީ ކަންބޮޑޫވާކަމެއްނޫންތަ؟ މީހުން ބަލިނުވެ އުޅެވުމަކީ ނޫންތަ ކުރިއެރުން މިނާ މިންގަނޑަކީ. ބައްޔެއް. ހަމަ ހުވާ.