އެމްއެމްއޭ: ސަރުކާރުން ވިއްކާފައިވާ ސެކިއުރިޓީސްގެ އައުޓްސްޓޭންޑިން މިހާރު ހުރީ 22.6 ބިލިޔަން ރުފިޔާގައި.
22 ޖެނުއަރީ 2018 - 19:06
9 comments
ސަރުކާރުގެ ކޭޝް ފްލޯ ހަމަޖައްސަން ޓްރެޝަރީ ބޮންޑް ވިއްކައިގެން މިދިޔަ ނޮވެމްބަރު މަހުގެ ނިޔަލަށް 543.4 މިލިޔަން ރުފިޔާ ހޯދާފައިވާކަން އެމްއެމްއޭގެ ތަފާސްހިސާބުތަކުން ދައްކައިފި އެވެ.
މަރުކަޒީ ބޭންކުން ނެރެފައިވާ އިގްތިސާދީ ރިވިއުގައި ބުނެފައިވަނީ، ނޮވެމްބަރު މަސް ނިމުނު އިރު ސަރުކާރުން ވިއްކާފައިވާ ޓްރެޝަރީ ބިލާއި ބޮންޑް (ސެކިއުރިޓީސް)ގެ އައުޓްސްޓޭންޑިން ހުރީ 22.6 ބިލިޔަން ރުފިޔާގައި ކަމަށެވެ. އެއީ އަހަރުން އަހަރަށް ބަލާނަމަ ދެ ޕަސެންޓުގެ ދަށްވުމެއް ކަމަށް އެމްއެމްއޭ އިން ބުނެ އެވެ.
ރިޕޯޓްގައި ބުނެފައިވާ ގޮތުގައި، ޓްރެޝަރީ ބޮންޑް ވިއްކައިގެން ފައިސާ ހޯދި ނަމަވެސް، އަހަރުން އަހަރަށް ބަލާއިރު ސެކިއުރިޓީސްގެ އައުޓްސްޓޭންޑިން ދަށްވެފައި ވަނީ ޓްރެޝަރީ ބިލްގެ އައުޓްސްޓޭންޑިން ދަށްވެފައި ވުމުންނެވެ. ތަފާސްހިސާބުތައް ދައްކާ ގޮތުން މި މުއްދަތުގައި، ޓްރެޝަރީ ބިލްގެ އައުޓްސްޓޭންޑިން ވަނީ 887.8 މިލިޔަން ރުފިޔާ އަށް ދަށްވެފަ އެވެ.
"ޓްރެޝަރީ ބޮންޑްގެ އައުޓްސްޓޭންޑިން އަދަދު އިތުރުވެފައިވަނީ ސަރުކާރުން ދޫކޮށްފައިވާ ޓްރެޝަރީ ބިލްތަކުން ބައެއް ޓްރެޝަރީ ބޮންޑަށް ފާއިތުވި އަހަރުގެ ތެރޭގައި ބަދަލުކޮށްފައިވުމާ ގުޅިގެން،" އެމްއެމްއޭގެ ރިޕޯޓްގައިވެ އެވެ.
ޓްރެޝަރީ ބިލްގައި އިންވެސްޓު ކޮށްފައިވާ އަދަދު ދަށްވެފައިވަނީ ބޭންކުތަކުން ޓްރެޝަރީ ބިލްގައި އިންވެސްޓަކޮށްފައިވާ އަދަދު ދަށްވެ އަދި ޕަބްލިކް ނޮން ފައިނޭންޝަލް ކޯޕަރޭޝަންތަކުން ޓްރެޝަރީ ބިލްގައި އިންވެސްޓްކޮށްފައިވާ އަދަދު ވެސް ދަށްވުމާއި ގުޅިގެންނެވެ.
އެމްއެމްއޭ އިން ބުނި ގޮތުގައި މަހުން މަހަށް ބަލާއިރު، ސަރުކާރުން ދޫކޮށްފައިވާ ސެކިއުރިޓީސްގެ އައުޓްސްޓޭންޑިން އަދަދު ވަނީ ތިން ޕަސެންޓް އިތުރުވެފައެވެ. އަދި އޭގެ މައިގަނޑު ސަބަބަކީ މި މުއްދަތުގެ ތެރޭގައި ޓްރެޝަރީ ބޮންޑުގައި އިންވެސްޓްކޮށްފައިވާ އަދަދު 2.6 މިލިއަން ރުފިޔާ ދަށްވި ނަމަވެސް، ޓްރެޝަރީ ބިލްގައި އިންވެސްޓްކޮށްފައި އަދަދު 628 މިލިއަން ރުފިޔާ އިތުރުވުމެވެ.
ޓްރެޝަރީ ބިލްގައި އިންވެސްޓްކޮށްފައިވާ އަދަދު އިތުރުވެފައިވަނީ ބޭންކުތަކުންނާއި އެހެނިހެން މާލީ އިދާރާތަކުން ޓްރެޝަރީ ބިލްގައި އިންވެސްޓްކޮށްފައިވާ އަދަދު އިތުރުވުމުންނެވެ.
އެމްއެމްއޭ އިން ބުނީ މި މުއްދަތުގެ ތެރޭގައި ޓްރެޝަރީ ބިލުގެ އިންޓަރެސްޓް ރޭޓަށް އެއްވެސް ބަދަލެއް އައިސްފައި ނުވާ ކަމަށެވެ.
ރަސްމީ ރިޒާވް 586.2 މިލިޔަން ޑޮލަރު، ޔޫޒަބަލް 206.4 މިލިޔަން ޑޮލަރު
ތަފާސްހިސާބުތަކުން ދައްކާގޮތުގައި، ޑިސެންބަރު މަސް ނިމުނު އިރު ރާއްޖޭގެ ރަސްމީ ރިޒާވްގައި ހުރީ 586.2 މިލިއަން އެމެރިކާ ޑޮލަރެވެ. އަހަރުން އަހަރަށް ބަލާއިރު މިއީ 26 ޕަސެންޓްގެ އިތުރުވުމެކެވެ. އަދި މަހުން މަހަށް ބަލާއިރު 11 ޕަސެންޓް އިތުރު އަދަދެކެވެ.
މި މުއްދަތުގެ ނިޔަލަށް ރަސްމީ ރިޒާވްގެ ތެރެއިން ޔޫޒަބަލް ރިޒާވް ނުވަތަ ވަގުތުން ވަގުތަށް ބޭނުންކުރަން ހުރި ރިޒާވުގައި ހުރީ 206.4 މިލިޔަން ޑޮލަރެވެ. އަހަރުން އަހަރަށް ބަލާއިރު މިއީ ތިން ޕަސެންޓް އިތުރު އަދަދެކެވެ. އަދި މަހުން މަހަށް ބަލާއިރު މިއީ 20 ޕަސެންޓް އިތުރު އަދަދެކެވެ. އެމްއެމްއޭ އިން ބުނީ މަހުން މަހަށް ބަލާއިރު، ޔޫޒަބަލް ރިޒާވް އިތުރުވެފައިވަނީ މާރުކުރެވުނު ބޭރު ފައިސާގެ އަދަދު އިތުރުވުމާ ގުޅިގެންނެވެ.
ނޮވެމްބަރު މަސް ނިމުނު އިރު ރާއްޖޭގެ އިގްތިސާދުގައި ހުރި ޖުމްލަ ފައިސާ (ބްރޯޑް މަނީ) ގެ އަދަދަކީ 31.1 ބިލިއަން ރުފިޔާ އެވެ. މިއީ އަހަރުން އަހަރަށް ބަލާއިރު ފަސް ޕަސެންޓްގެ އިތުރުވުމެކެވެ. މީގެ މައިގަނޑު ސަބަބަކީ ބޭންކިން ނިޒާމުގެ ނެޓް ފޮރިން އެސެޓްސް ވަރަށް ބޮޑަށް އިތުރުވެ، ނެޓް ޑޮމެސްޓިކް އެސެޓްސް ވެސް އިތުރުވެގެން ދިޔުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބެ
23 January 2018
މަހަކު ބިލިއަނެކެވެ. އަހަރު 12 ބިލިއަނެވެ. ސަރުކާރަށް ބޭރުން ލޯނު ނުދޭނެ ބަޔަކު ނޫޅޭނެއެވެ. ލޯނުނަގާމީހުން ލޯނާ ހަވާލު ވާކަށް ނުޖެހޭނެއެވެ. އެއާ ހަވާލު ވާނީ ރައްޔިތުން ނެވެ. ވީމާ މަގާމް ތަކަށް މީހުން ހޮވާއިރު ވިސްނާށެވެ.
އުނބުށެން
23 January 2018
މީހުން ރުއްސަންވެގެން ރެކޯޑް މުގުރަން އެންމެ ގިނަ އެންމެ ބޮޑެތި ކަންތައް އެންމެ ކުރު މުއްދަތުގައި ހައްދެއް އިމެއްނެތި ލޯނުނަގައިގެން ކުރީމާ މިވަނީ ނުފޯރާފޮތިން ފޫގެޅުމަށެވެ. އަވަށްޓެރި ލަންކާއަށް ޖެހުނު ދަތުރު ޖެހިދާނެކަމުގެ ބިރު ހީވެއެވެ. ދެން އަންނަ މީހުންނަށް ލިބޭ ހުރިހާ އާމްދަނީއަކާ ލިބޭހުރިހާ ލޯނެއްވެސް ދަރަނި އަދާކުރަން ދައްކާފައި ތަރައްޤީއަށް ކަމެއް ނުކުރެވުނީމާ ބުނާނީ މިވެނި މީހަކަށް ނޫނީ ވެރިކަންކުރަން ނޭނގޭކަމަށްދޯއެވެ. މިގޮތަށް އެނގުމަށްވުރެ ރަނގަޅުވާނީ ނޭނގުނިއްޔާއެވެ.
ހުސެންބެ
23 January 2018
ތީގެ މާނައަކީ ތިއަށްވުރެ ބޮޑު އަދަދަކުން ޤައުމު ދަރުވާލައިފިޔޭ.
ކޮސްވެއްޖެ
23 January 2018
ގައުމުގެ ޒިންމާދާރު ބޭފުޅުން އަވަހާރަފުޅު ލައްޕަވާފަ ތިވޭތި ވާގޮތް މި ފެންންނީ. ހޭލައްވާކަށް ނުވޭތޯ؟
ކަދުރޭ
23 January 2018
މަރުކަޒީ ބޭންކުން މަންޒަރު ނަލަކުރެވޭތޯ ވަރަށް ހިތްވަރު ކޮށްފަ އެބަހުރި
ގުމްރީ
23 January 2018
ކޮނޑުލުޅުން ނެއްޓެންދެން ދެން އަތްޖަހާ.
ހިސްޓޯ
23 January 2018
އަހަރުން އަހަރަށް މަހުން މަހަށް ކިޔާނެކަމެއްނެތް. ތި ރަނގަޅުވާނެ އެއްގޮތްވެސް ނެތް. އުމަރުބުނީ ހަމަ ރަގަނޅަށް
ވަކަފޫޅު
22 January 2018
ތިބުނާ 543.4 މިލިޔަން ރުފިޔާގެ ލޯނު ދައްކަން ޖެހެނީ ކިތަށް އަހަރުންތޯ އިންޓަރެސްޓަށް ކިތަށް މިލިޔަން ރުފިޔާތޯ ލިޔުނުނަމަ ވާނުވާ އެގުނީސް
ޑޮކްޓަރުންގެ ސިޓީ / އައްޑޫ ސިޓީ
22 January 2018
ލޭންދޭން ނުވަތަ ދަރަންޏަށް އެހެންނޫންނަމަ ކްރެޑިޓް ފެސިލިޓީޒް ގެދަށުންމުދާނަގާވާހަކަ ބުނެފިނަމަ އުމުރުން 20 އަހަރުގެކުއްޖާއަށްއިގޭނީ ކްރެޑިޓް އެކަނި. އެއާއިހިލާފަށް “ބޮންޑް ވިއްކައިގެންނާއި އިސްލާމިކް ސުކޫސުކު ވިއްކައިގެން މިލިޔަނުން ސަރުކާރު ފައިސާ ނަގާވާހަކަ ދައްކައިގެންރާއްޖޭގެ އާބާދީގެ ގިނަބައެއް ވާވައްދާލެވޭނެކަން” އިކޮނޮމިސްޓްވެރިޔާއަށް އެގިވަޑައިގަންނަވާއިރު ދައުލަތްދަރަނިވެރިކޮށް “ކަރުދާސް ގަނޑެއްބާއްވާފައި” ގިޔާމަތްވަންދެންނުދެއްކޭވަރުން ދަރަނިނަގާ “އުފަންވާކޮންމެކުއްޖަކީ ދަރަނިބޮލެއް”ކަމުގައި ހަދާއިރު އަމިއްލަފުޅުކޮށްގެންއުޅޭ ޕާޓީގައިތިއްބެވި މަޖިލީހުގެ ގިނަމެންބަރުންވެސް ހީފުޅުކުރައްވަނީކަން ނޭގެ “ބޮންޑަކީ ރާއްޖޭގައި އުފެއްދި ނުވަތަ ޗައިނާ ބާޒާރުން އިމްޕޯޓް ކޮށްގެން އުޅޭ ދަޅުގައި ބަންދުކުރި ކަންނެލިގަދަ އުފެއްދުމެއްކަމަށް” ތިމާ އަށް ތަންކޮޅެއް އިލްމުލިބިފައިވާތީ “މާލީ މިފަދަ ޓާރމްސް ތައް ބޭނުންކޮށްގެން ނިކަމެތި ރައްޔިތުން އޮޅުވާލުމަކީ ހަމަ ތިޖޫރީ އާއި ދޯހަޅިވުން” ފަދަ ކަމެއް.