ޒައިނަބް ރޭޕްކޮށް މަރާލި ކަމަށް ތުހުމަތުކޮށް ފުލުހުން ހައްޔަރު ކުރި އިމްރާން.
25 ޖެނުއަރީ 2018 - 07:44
12 comments
އިސްލާމްއާބާދު (ޖެނުއަރީ 25) - ޕާކިސްތާނުގައި ރޭޕް ކުރުމަށް ފަހު ރަހުމް ކުޑަ ގޮތަކަށް މަރާލާފައިވާ އުމުރުން ހަތް އަހަރުގެ ޒައިނަބް އަންސާރީގެ ގާތިލް މީގެ ކުރިން ވެސް ވަނީ އެތައް ކުދިންނެއް ރޭޕްކޮށްފައި ކަމަށާއި އޭނާ އެކަން ކޮށްފައި ވަނީ ކުޑަ ކުދިން ހައްލުވާލަން މެޓާ ދީގެން ކަމަށް ޕްރޮސެކިއުޓަރުން ކޯޓުގައި ބުނެފި އެވެ.
ޒައިނަބުގެ މަރުގެ ތުހުމަތުގައި ހައްޔަރު ކުރި 24 އަހަރުގެ އިމްރާން އަލީ ވަނީ ކުށަށް އިއުތިރާފްވެފައި ކަމަށް ފުލުހުން ބުންޏެވެ. އޭނާގެ ބަންދުގެ މުއްދަތު ޖެހުމަށް ޕާކިސްތާނުގެ އެންޓި-ޓެރަރިޒަމް ކޯޓަށް އިއްޔެ ގެންދިއުމުން ކޯޓުން މިހާރު ވަނީ 14 ދުވަސް ޖަހައިފަ އެވެ. ޕަންޖާބު އެލީޓް ފުލުހުންގެ ބެލުމުގެ ދަށުން އޭނާ ކޯޓަށް ހާޒިރުކުރި އިރު ހުރީ މޫނު ނިވާކޮށްފަ އެވެ.
ސްޓޭޓް ޕްރޮސެކިއުޓާ އަބްދުލް ރައޫފް ވައްތޫ ކޯޓުގައި ވިދާޅުވީ އިމްރާން ވަނީ މީގެ ކުރިން ވެސް އެތައް ކުދިންނެއް ރޭޕްކޮށް މަރާފައި ކަމަށާއި އެހެންވެ އޭނާއާ ސުވާލުކޮށް ތަހްގީގު ފުރިހަމަ ކުރަން 15 ދުވަސް ބޭނުންވާ ކަމަށެވެ. އަދި ކުޑަ ކުދިން ހައްލުވާފައި ވަނީ މެޓާފަދަ އެއްޗެހި ގަނެދޭނެ ކަމަށް ބުނެގެން ކަމަށް ވެސް ވައްތޫ ކޯޓުގައި ވިދާޅުވި އެވެ.
އެކަމުގެ ހެއްކަކީ ކޮބައިތޯ ގާޒީ ސުވާލު ކުރުމުން ވައްތޫ ވިދާޅުވީ ޕޮލިގްރާފް ޓެސްޓަަށް ފަހު ގާތިލް ވަނީ އެކަމަށް އެއްބަސްވެފައި ކަމަށެވެ. ޒައިނަބު ގޮވައިގެން ދިޔަ، ސީސީޓީވީން ފެންނަ މީހާގެ ތުނބުޅި ހުރި އިރު އިމްރާން ތުނބުޅި ނެތީ ކީއްވެތޯ ގާޒީ ސުވާލު ކުރުމުން ވައްތޫ ވިދާޅުވީ އޭނާ ވަނީ މީހުންނަށް އޮޅުވާލުމުގެ ގޮތުން ތުނބުޅި ބާލާފައި ކަމަށެވެ. އަދި ކުށުގެ ވެށިން ނެގި ސާމްޕަލްއާ އިމްރާންގެ ޑީއެންއޭ ގުޅޭ ކަމަށް ވެސް ކޯޓުގައި ވައްތޫ ވިދާޅުވި އެވެ. މީގެ ކުރިން ހިންގި ރޭޕްތަކާއި ގަތުލްތަކާ ގުޅޭ ޑީއެންއޭ ސާމްޕަލްއާ އިމްރާންގެ ޑީއެންއޭ ގުޅޭތޯ ޓެސްޓް ކުރަން ބޭނުންވާ ކަމަށް ވެސް އޭނާ ވިދާޅުވި އެވެ.
"އެ ޖަނަވާރުގެ ޑީއެންއޭ އާއި ޕޮލިގްރާފް ޓެސްޓް ދިމާވޭ،" ޕަންޖާބުގެ ޗީފް މިނިސްޓަރު ޝަހްބާޒް ޝަރީފް ވިދާޅުވި އެވެ.
އޭނާ ވިދާޅުވީ ކުޑަކުދިން ރޭޕްކޮށް މަރާ ގާތިލުން އާއްމުން ތެރޭ ދަންޖައްސަން ގާނޫނުތައް ބަދަލު ކުރަން ހުށަހަޅުއްވާނެ ކަމަށެވެ. ޒައިނަބުގެ ބައްޕަ ވެސް ބުނެފައި ވަނީ އޭނާ ބޭނުން ވަނީ ގާތިލް އާއްމުން ތެރޭ ދަންޖައްސަން ކަމަށެވެ.
ޗީފް މިނިސްޓަރު ވިދާޅުވީ ޒައިނަބުގެ ގާތިލް ކުރިން ވެސް ވަނީ ހައްޔަރުކޮށްފައި ކަމަށާއި އޭނާ ދޫކޮށްލީ ހިތުގެ މައްސަލަ ހުންނަ ކަމަށް ބުނުމުން ކަމަށެވެ.
ޒައިނަބް ރޭޕްކޮށް މަރާލީ އޭނާގެ މަންމަ އާއި ބައްޕަ އުމްރާއަކަށް ގޮސް އުޅެނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮލެޖް ޑޮކްޓަރު
26 January 2018
ޕާކިސްތާނުގެ އެހީގައި ތަމްރީނުކުރާނެ ދިވެހި ޑޮކްޓަރުންގެ ފެންވަރު ވެސް... ދޯ؟
ސާރާ
25 January 2018
މީ މި ޝޭހުން ބޭނުންވާ ޕާކިސްތާނުގެ ތަރައްގީ. ރާއްޖެވެސް ބޭނުންވަނީ މިހެން ހަދަން.
ޙަމީދު ދ
25 January 2018
ތިމާއަށް މި ބުނެވެނީ ކީކޭކަން ވެސް ނޭގޭ ޙާލަތުގަ ކޮމެންޓް ނުކުރައްވާ. ކޮން ޝޭޚެއްތޯ ތިކަމަށް ހިއްވަރުދެއްވީ. ތީ ޕާކިސްތާނުގައި އެކަނި ހިނގާކަމެއްނޫން. މޮޑަރން އެމެރިކާގައި ކޮންމެ 3 މިނިޓަކުން ތިކަހަލަ ހާދިސާއެއް ހިންގާ
ޣދހޖ
25 January 2018
މިކަމައް ތާއީދު ކޮށް އެއްވެސް ސޭހެއް ވާހަކަ ދެއްކި އަޑު ކަލޭ އެހެންތަ؟
ޢަފީ
25 January 2018
ބުނާ އެއްޗެއް ބުނަން ވާނީ ވަރަށް ވިސްނާފަ.. ބުނެވޭ އެންމެ ޖުމްލަ އަކުންވެސް ނަރަކައަށް ވަންނަން ޖެހިދާނެ.. ސާރާ
ޓާޓާ
26 January 2018
ސާރާ ކިޔާމީހުން ދައްކާ ވާހަކަ! ބާޓާ ކިޔާ.
ހުސޭނު
26 January 2018
ޔޫކޭ ގެ ނޫހެއް ކިޔާލަން ލިބުންތަ؟ މިކަހަލަ ހަބަރު ހުސްނުވާނެ. ވަކި ތަނެއް ވެގެންނެއް ނޫން. ނުބައި މީހުން އުޅޭ ދުނިޔޭގެ ހުރިހާ ތަނެއްގަ.
ހުސޭދބު
26 January 2018
ހުސޭނު ދުނިޔެނުބައްޔާ ދުނިޔެއަޅާ ދާންވީނު އެހެންތާކަށް
މަ މަ
25 January 2018
ހަކުރު ދެންޏަ ބޮޑުބޭބެ. ކުރިން ހުރި ހިތުގެ މައްސަލައަށް ފަރުވާކޮށް، މިހާރު އެއްކޮށް ރަނގަޅުވީމައި ތޯ ފަހުން އަނެއްކާ ތިޔަ ހައްޔަރު ކުރީ؟ ތުހުމަތު ކުރެވޭ މީހާ ބުނާހާއެއްޗެއް ފުލުހުން ޖެހޭ ތޯ ގަބޫލުކުރަން؟ ވީއިރު ކީއްކުރާ މެޑިކަލް ޑޮކްޓަރުންނެއް ތޯމ
÷ާީޫޯ÷
26 January 2018
މަނިކްފާން... ފުލުހުންނެއް ނޫނޭ ކުށްވެރިން ދޫކޮށްލަނީ.... އެ ގައުމެއްގެ ކޯޓުން... ހަމަ ބުނެލީ....
ވާލުސޮރު
25 January 2018
ތިޔަ މައްސަލައިގަ މެޓާ ވިއްކާ ފިހާރަތައް ކުށްވެރިއެއް ނުވާނެބާ! ޕާކިސްތާނަކީވެސް ރާއްޖެއާ އެއްކަހަލަ ހަމަތަކެއް ގެންގުޅޭ ގައުމެއްވީމަ ފަހަރުގަ އެހެންވެސް ހަމަ ވެދާނެދޯ؟
ހަބީ
25 January 2018
ވެދާނެގޮތެއް.