ފުލުހުން އެންދެރިމާގޭގައި ހަރަކާތްތެރިިވަނީ.--
28 ޖެނުއަރީ 2018 - 10:37
17 comments
މ. އެންދެރިމާގެ އިއްޔެ ބަލައި ފާސްކުރި އިރު ވެސް، ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫންގެ މައްޗަށް ތުހުމަތުކުރާ މައްސަލައާ ގުޅުން ހުރި އެއްވެސް ހެއްކެއް ނުފެންނަ ކަމަށް ފުލުހުން ބުނެފި އެވެ.
ކުރީގެ ރައީސް އަދި ފާރިސްގެ ބައްޕާފުޅު މައުމޫން އަބްދުލް ގައްޔޫމް ދިރިއުޅުއްވާ އެންދެރިމާގެ އަށް އިއްޔެ ފުލުހުން ވަދެ ފާސްކުރީ، ފާރިސް، މަޖިލީހުގެ މެމްބަރުތަކަކަށް ފައިސާ ބެހި ކަމަށާއި މަޖިލީހުގެ މެމްބަރުންތަކަކާ ގުޅިގެން ވެރިކަން ވައްޓާލަން ގާނޫނާ ހިލާފަށް މަސައްކަތް ކުރި ކަމަށް ތުހުމަތު ކުރާ މައްސަލައިގެ ހެކި ހޯދުމަށް، އޭނާއާ ގުޅުން ހުރި ތަންތަން ބަލައި ފާސްކުރުމަށް ކްރިމިނަލް ކޯޓުން ނެރެފައިވާ އަމުރެއްގެ ދަށުންނެވެ.
ފާރިސްއާ ގުޅުން ހުރި ތަންތަނުގެ ގޮތުގައި އެންދެރިމާގެ ފާސްކުރި ކަމުގައި ވިއަސް އޭނާގެ ކޮޓަރިއެއް އަދި އޮފީހެއް ވެސް އެ ތަނުގައި ނުހުންނާނެ ކަމަށް، މައުމޫން ވަނީ ވިދާޅުވެފަ އެވެ. ފާރިސް ދިރިއުޅުއްވަމުން އަންނަނީ އޭނާގެ އަނބިކަނބަލުންގެ ގެ، މ. ސްނޯ ރޯޒް ގަ އެވެ.
ސްނޯ ރޯޒް ބަލައި ފާސް ކުރުމަށް ފަހު އިއްޔެ ފުލުހުން ވަނީ ފާރިސް ހައްޔަރުކޮށްފަ އެވެ. އަދި ކްރިމިނަލް ކޯޓުން އޭނާގެ ބަންދަށް ރޭ ވަނީ 15 ދުވަސް އިތުރު ކޮށްދީފަ އެވެ.
އެންދެރިމާގޭގައި ދިރިއުޅުއްވަނީ މައުމޫނާއި އެ މަނިފާނުގެ އާއިލާގެ ބައެއް މެމްބަރުންނެވެ. އެ ގެކޮޅު ބަލައި ފާސްކުރުމަށް ފަހު ފުލުހުން ދިން ފޯމުގައި ބުނެފައިވަނީ އެ މައްސަލައާ ގުޅުން ހުރި އެއްވެސް އެއްޗެއް އެ ގެކޮޅުން ނުފެންނަ ކަމަށެވެ.
ފުލުހުން އެންދެރިމާގޭ ހިމެނޭ ސަރަހައްދުގެ ސެކިއުރިޓީ މިއަދު ބަލަަހައްޓަނީ.
އެތަން ފާސްކުރަން ފެށީ އިއްޔެ މެންދުރު 3:00 ގަ އެވެ. ފުލުހުން އެންމެ ފުރަތަމަ ފާސްކުރީ މައުމޫންގެ ދެކަނބަލުން ދިރިއުޅުއްވާ އެ ގެކޮޅުގެ ފުރަތަމަ ބުރި އެވެ. އެ ތަނުގެ ސިޓިން ރޫމު ބަލައި ފާސްކުރުމަށް ފަހު ފުލުހުން ދިޔުމަށް ފަހު، ދެ ވަނަ ފަހަރަށް އެ ގެކޮޅަށް ވަންނަން ފުލުހުން މަސައްކަތް ކުރުމުން މައުމޫން ވަނީ އެކަން ނުކުރެވޭނެ ކަމަށް ވިދާޅުވެފަ އެވެ.
"ދެ ފަހަރަށް ވަންނަން ފުލުހުން މަސައްކަތް ކުރި. ބާރުގެ ބޭނުންކޮށްގެން ވަންނާނެ ކަމުގެ އިންޒާރު ވެސް ދިން. ފަހުން ބުނި ބަލައި ފާސްކޮށް ނިމުނީއޭ އެކަމަކު އެންދެރިމާގޭގެ ސެކިއުރިޓީ ބަލަހައްޓާނަމޭ،" މައުމޫނުގެ އާއިލާއާ ގާތް ބޭފުޅަކު ވިދާޅުވި އެވެ.
ރެ އިން ފެށިގެން ފުލުހުން ދަނީ އެންދެރިމާގެ ހުންނަ ސަރަހައްދުގެ ފޯރި މަރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޅަބެއްޔާ
28 January 2018
ކާރނަލް ނާޒިމް ގެއިން ހޯދި ގޮތަށް ހެކި ހޯދާ
ބަރުބާަދު
28 January 2018
ކީއްކުރާހެއްކެއްތަ ތިހޯދަނީ. ކުރީގަވެސް 6 މަސްދުވަހު ޖަލުގަހުރީ ހެކިހުރެގެނެއް ނޫނެއްނު. އޮތީ ބޭނުންއިރަކު ލިބެންއޮންނަ އިންޓެލިޖެންސް ރިޕޯޓަކާ ސިއްރު ހެއްކެއްނު.
ފާތުމާފުޅު
28 January 2018
ބޭނުންވާ ހެކި އެންދެރިމާގެއިން ވެސް ނުފެނުުނު. ވަކިކަހަލަ ހެއްކެއްތަ ބޭނުންވަނީ
ޢަބްދުﷲނާފިޒު
28 January 2018
ކޮން ހެއްކެއް ހޯދަންތޭ، ތަމެންނަށް ފެންނާނީ ބޮޑު އެއްހެކި، ދޭނެ ވޯޓެއް ނޯންނާނެ، ވަރަށް ސަލާމް.
ހޭކެނޑޭ
28 January 2018
އަދުރޭ ނިހާނު އަދި ޙަލީލަށް ވަރަށް ސަލާން. ތިބޭފުޅުން ނަށް ވެސް ހަމަ މިދުވަސް މާތްﷲ ގެ ވާގިފުޅާއި އެކު ކުރިމަތި ވާނެ ކަމާއި މެދަކު މަމެން ޝައްކެތް ނުކުރަން. އެދުވަހަކުން ޤާނޫނޭ އިންސާފޭ ފަނޑިޔާރުންނޭ ކިޔާ ހަލޭއް ނުލަވާތި. ހަމަ މިގޭމު އެވެރިންވެސް ޖައްސާނެ ކަމަށް މަމެން ދެކެން. ހަމަ ތި ވިދާޅުވާ އިންޓެލިޖެންސް ރިޕޯރޓްވެސް އެދުވަހަކު އޮންނާނެ. ހީފުޅު ނުކުރައްވާތި ތަމެން އަޑީގައި ތިބެގެން ތި އަނބުރާ ގޭސް ގަނޑު ރައްޔިތުން ނަށް ނޭގޭނެ ކަމަށް. ވ ސަލާން.
ގުއިއްޒު
28 January 2018
ތިތަންތަން އަނެއް ފުށަށް ޖައްސަވާ. ފޭންނާނީ އޭރުންކަން ޔަޤީން.
އުނބުށެން
28 January 2018
އަލަށް ލެއްވި ފަނޑިޔާރުން ހުވާކުރިއިރު އެތާތިއްބެވި ޢިއްޒަތްތެރިންގެ މޫނުމަތިން ފެނުނު އުފާވެރިކަމާއި ހިނިތުންވުން ފެނިފައި ހިތަށް ވެރިވި ޝުޢޫރުތައް ވަރަށް ބޮޑަށް ތެދުވެއްޖެއެވެ.
ފޯރިނަގާ
28 January 2018
ބަލަ ؛ އެންދެރިމާގޭ ސަރަޙައްދުގައި ހުރި ގޯޅިތަކުގައި ހުރި ޖަންކްޝަންތައް ވެސް ފާސް ކުރި ނަމަ ކޮންމެވެސް ކަމެއްގެ ކުލަވަރު ފެނުނީސް. ތަށިމަތީ އިންކަމުގެ ހެތްކަކަށްވެސް ފުދުނީސް.
ގަޓް
28 January 2018
ހެއްކެއް ނުލިބޭނެކަން އެނގޭތީ ހެއްކެއް ހޯދާކަށްވެސް އެވަރަކުން ފުލުހުންނެއް ނޫޅެެއެވެ. އެތަނަށް ދިޔަ ކުދިންގެ ހަރަކާތްތައް ހުރިގޮތުންވެސް އެނގޭ މާޔޫސްވެފައި ތިބިވަރު.
ހޭލާ
28 January 2018
1- ސިިފައިން އެ ގޭގައި ތިބެ ސެކިއުރިޓީ ބަލަހައްޓަމުން ދަނިކޮށް ފުލުހުން ކީއްކުރަންތޯ އެންދެރިމާގޭ ސެކިއުރިޓީ ބަލަހަންޓަނީ. 2- ފުލުހުންނަށްވެސް ސާފުކޮށް އެނގޭ މިކަމުގެ ހެއްކެއް ނުލިބޭނެކަން. މިއީ ކިހިނެތް ހިނގައިގެން އުޅޭ ކަމެއްކަން. 3- ކާކު ބުނެގެން ހޯދައިގެން އުޅޭ އަމުރެއް ކަމާއި ކާކު ބުނެގެން ދިން އަމުރެއްކަން އެންމެ ރަގަޅަށް އެނގޭނީ ފުލުސް ކުދިންނަށެވެ. 4- ހަފްތާ ބަންދާ ދިމާކޮށް ފަޑިޔާރެއް ކޯޓަކަށް އަންޔަންކޮން ކޯޓްގެ މަސައްކަތް އޭނާ ހަވާލުވެސް ނުވެގެން އުޅެނިކޮށް އަދި އަންޔަންކުރިތީ 36 ގަޑިއިރު ތެރޭގައި ދަންވަރު ނުވަތަ ފަތިހު ކޯޓް ހުޅުވައިގެން އަމުރެއް ނެރެ "އެ އަމުރު ތަންފީޒު" ކުރުމަށް ރައީސް އެންގެވީމާ ދެންވާނެ ގޮތް.