ގޮނޑި ގެއްލުނު ކަމަށް އިލެކްޝަންސް އިން ކަނޑައެޅި ބައެއް މެމްބަރުން ސުޕްރީމް ކޯޓު ކައިރީގައި: އެ ކޯޓުން މިހާރު ނިންމާފައި ވަނީ އެއިން އެއްވެސް ބޭފުޅެއްގެ ގޮނޑި ނުގެއްލޭ ކަމަށް.
03 ފެބުރުއަރީ 2018 - 12:13
27 comments
ގޮނޑި ނުގެއްލޭ ކަމަށް ސުޕްރީމް ކޯޓުން ދާދި ފަހުން ކަނޑައެޅި 12 ބޭފުޅުންނަކީ މިހާރު ރައްޔިތުންގެ މަޖިލީހުގެ ސައްހަ މެމްބަރުން ކަމަށް އަމީން އާންމު އަހުމަދު މުހައްމަދު ގަބޫލު ކުރައްވައިފި އެވެ.
ސުޕްރީމް ކޯޓުގެ ހުކުމާ ގުޅިގެން މަޖިލީހުގެ އަމީން އާންމަށް "މިހާރު"ން ދެންނެވި ސުވާލެއްގެ ޖަވާބުގައި އޭނާ ވިދާޅުވީ އެ މެމްބަރުންގެ މައްސަލައިގައި "ސުޕްރީމް ކޯޓުން މިހާރު އެ އޮތީ ގޮތެއް ނިންމާފައި" ކަމަށެވެ.
"ސުޕްރީމް ކޯޓުގެ އަމުރުގައި އެ އޮތީ މެމްބަރުންކަން ކަނޑައަޅާފައި ނޫންތޯ،" އަހުމަދު ވިދާޅުވި އެވެ.
އަމީން އާންމުގެ އެ ވާހަކައިގެ މާނައަކީ އެ މެމްބަރުންނަށް މަޖިލީހަށް ވެންނެވޭނެ ގޮތް ވުންތޯ ސުވާލު ދެންނެވުމުން އެ އަށް ސީދާ ޖަވާބެއް ނުދެއްވައި އަނެއްކާ ވެސް ވިދާޅުވީ އެއީ "ސުޕްރީމް ކޯޓުގެ އަމުރުގައިވާ ގޮތުން މެމްބަރުން ނޫންތޯ" ކަމަށެވެ.
މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމަށް 45 މެމްބަރުން ސޮއި ކުރެއްވި އިރު އޭގެ ތެރޭގައި ހިމެނޭ ޕީޕީއެމްގެ ކުރީގެ 12 މެމްބަރެއްގެ ގޮނޑި ގެއްލިއްޖެ ކަމަށް އިލެކްޝަންސް ކޮމިޝަނުން ވަނީ ކަނޑައަޅައިފަ އެވެ. އޭގެ ފަހުން އެ ބޭފުޅުން މަޖިލީހަށް ވަދެވަޑައިގަތުމުގެ ފުރުސަތު އެ ތަނުގެ ސަލާމަތީ ކަންތައް ބަލަހައްޓާ ސިފައިން ނުދެ އެވެ.
ސުޕްރީމް ކޯޓުގެ އެ ނިންމުން އައީ، މަސީހުގެ އިތުބާރު ނެތް ކަމަށް މަޖިލީހުގެ މެޖޯރިޓީ މެމްބަރުން ސޮއި ކުރެއްވުމުން އެކަން ހުއްޓުވަން އެޓާނީ ޖެނެރަލް މުހައްމަދު އަނިލް ސުޕްރީމް ކޯޓަށް ވެއްދި މައްސަލައިގަ އެވެ.
ސުޕްރީމް ކޯޓުން އޭރު ނިންމީ މެމްބަރުން އިންތިހާބުވި ޕާޓީން ވަކިވެއްޖެ ނަމަ، އެހެން ޕާޓީއަކަށް ބަދަލުވެއްޖެ ނަމަ ނުވަތަ ޕާޓީން ވަކިކޮށްފި ނަމަ ގޮނޑި ގެއްލޭނެ ކަމަށެވެ. އެކަމަކު އެ ހުކުމް ދެމިއޮންނާނީ މެމްބަރުން ޕާޓީ ބަދަލުކުރުމާ ބެހޭ ގާނޫނެއް ހަދައި، އެ އަށް އަމަލްކުރަން ދެން ކަމަށާއި އަދި އެ ހުކުމް ހިނގާނީ އެ ނެރޭ ދުވަހުން ފެށިގެން ކަމަށް ވެސް އޭގައިވެ އެވެ.
އެގޮތަށް ސުޕްރީމް ކޯޓުން ނިންމުމުގެ ކުރިން އެ 12 މެމްބަރުން ތިއްބެވީ ޕީޕީއެމުން ވަކިވެ، އެކަން އިލެކްޝަންސަށް ވެސް އަންގަވައިގެންނެވެ. އެކަމަކު ސުޕްރީމް ކޯޓުގެ ހުކުމަށް ފަހު ޕީޕީއެމުން ދެން ކަންތައް ކުރީ އެ ޕާޓީން އެ މެމްބަރުން ވަކިކުރީ އޭގެ ފަހުން ކަމަށް ދައްކާށެވެ. މި އޮޅުވާލުން އިލެކްޝަންސް ކޮމިޝަނުން ވެސް އޭރު ގަބޫލުކުރި އެވެ.
އެކަމަކު އިއްޔެ ރޭ ސުޕްރީމް ކޯޓުން ކުއްލިއަކަށް ނެރުނު އަމުރެއްގައި ބުނީ މެމްބަރުންގެ ގޮނޑި ގެއްލޭނެ ގޮތްތަކާ މެދު ނެރުނު ހުކުމް ބާތިލްވެއްޖެ ކަމަށެވެ. އަދި ގޮނޑީގެ މައްސަލައިގައި ހިޔާލު ތަފާތުވެފައިވާ 12 މެމްބަރުންނަކީ، މަޖިލީހުގެ ސައްހަ މެމްބަރުން ކަމަށާއި މަޖިލީހުގެ މި އަހަރުގެ ޖަލްސާތައް ކުރިއަށް ގެންދަން ޖެހޭނީ އެ ބޭފުޅުން ބައިވެރިކޮށްގެން ކަމަށް ވެސް ހުކުމުގައި ބުނެފައިވެ އެވެ.
މި އަހަރުގެ ފުރަތަމަ ދައުރުގެ ޖަލްސާތައް ފަށަން މަޖިލިހުން ނިންމާފައި އޮތީ އަންނަ ހޯމަ ދުވަހު އެވެ. ކޮންމެ އަހަރެއްގެ ޖަލްސާތައް ފެށިގެން ދާނީ، ފުރަތަމަ ޖަލްސާ އަށް ރައީސުލްޖުމްހޫރިއްޔާ އިއްވަވާ ރިއާސީ ބަޔާން އިއްވެވުމަށް ފަހު އެވެ.
އަހުމަދު ވިދާޅުވީ އެ ޖަލްސާ ކެންސަލްވެއްޖެ ނަމަ އެކަން އިއުލާން ކުރައްވާނެ ކަމަށެވެ. އެހެންކަމުން ޖަލްސާ އަދި އޮތީ ކުރިއަށް ގެންދާ ގޮތަށް ކަމަށް ބެލެވެ އެވެ. އެކަމަކު ސުޕްރީމް ކޯޓުގެ ހުކުމާ ގުޅިގެން މަޖިލިސް ފެށުން ލަސްކުރަން ޕީޕީއެމުން ބޭނުންވާ ކަމަށް، ބައެއް ފަރާތްތަކުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެމްބަރު
03 February 2018
މިހާރު ތިތިބީ ވަކަރުގޭ ކުދިންނަށް ވެފަ މަގުމަތީ އަބަދު ދުލުން ކިޔެނީ އަވަގުރާނަ
ޑޮކްޓަރުންގެ ސިޓީ / އައްޑޫ ސިޓީ
03 February 2018
ތިއީ ކާކު ؟؟ އެއީ މަޖިލިސް މެންބަރުން ނޫންކަމަށް ބުނެ މަޖިލީހުގެ ޖަލްސާތަކަށް ވަނުނަށް ޤާނޫނު އަސާސީ އާއި ހިލާފަށް ކުރި ކަންކަމާއި ކުރިމަތިލައްވަން ތައްޔާރަށް ހުންނަވާ. ...،، ! ދައުލަތުގެ މުހިންމު ބާރެއްކަމުގައިވާ ޤާނޫނު ހަދާމަޖިލީހުގެ މެންބަރުކަމަށް “ރައްޔިތުން އިންތިހާބު ކުރި މެންބަރުންނަކީ މެންބަރުންނޫން”ކަމަށް އަހްމަދު ސްލައިމާން ކިޔާމީހަކަށާއި ، އަބުދުﷲ މަސީޙް ކިޔާމީހަކަށާއި ، އަހްމަދު މުޙައްމަދު ކިޔާމީހަކަށް ނުނިންމޭނެކަން އަދި މަޖިލީހުގައި މެންބަރުން ބައިވެރި ވުމުގެ ފުރުސަތު ދިނުމަކީ “ކަލޭމެން” ކުރާންޖެހޭ ކަމެއްނޫންކަން ނޭގޭވަރު ރޯނުފިލާ ބައެއްނޫން އަހަރުމެންނަކީ. ވަގުތު ކުޑަތަންވެއްޖެ. ރައްޔިތުންގެ ސަރުކާރެއް ޤާއިމްވެ ދުަސްތޫރުގެ ބާރުހިގާންފެށުމާއި އެކު “ޤާނޫނު އަސާސީގެ ބާރު ކަނޑުވާލި” އަދި ދައުލަތުގެ ތިޖޫރީއާއި ދޯހަޅިވި މީހުންނާއި ނުހައްޤު މަންފާހޯދި އެންމެންގެ މައްޗަށް “ތަފާތު ކުރުމެއްނެތި” އަދުލުވެރިކަމާއި އެކު ޝަރީއަތް ހިންގާ ހުކުމްތަންފީޒު ކުރެވޭނެ.
އަލީ.
03 February 2018
މިހާރު ޔަގީން ވެއްޖެދޯ ސްޕްރިމްކޯޓުން ނެރުނު އަމުރެއްކަން އަދިވެސް މިރައިސް އަކައް ނޭނގެ
ދެކިބަލަ
03 February 2018
އަމިއްލަ އަތްތަކުން ބޮޑުމީހާ ދުރުކުރުމުގެ ހަޑި މަސައްކަތް ނުކުރާންވެގެން އެކަން ކުރެވެން އޮތް ބަޔަކު ޖަލުން ދޫކުރަން އަމުރުކޮށް މަޖްލިހަށް ލިބެންވީ ބާރު މިލިބިދިނީ ކޮންފަދަ އަމިއްލަ އެދުމެއް އޮވެގެންބާ؟ ގައުމުގެ އަމާންކަމާ ސުލްހަވެރިކަމާ އަދުލުވެރިކަމަށް ލޯބިކޮށްގެން އިންސާފުގެ އަމުރު މިއަދު މި ނެރުނީ ކީއްވެބާ؟ ގައުމުގެ އެތައް ބަޔަކު އަހަރު ދުވަހަށްވުރެ ގިނައިން އާދޭސްކޮށްކޮށް ތިބިއިރުވެސް އަޅާނުލި ބަޔަކު މިއަދު ހޭލެވުނީ ކޮންފަދަ ފެންއެއްޗެއް ނިދާފައި ތިއްބައި އެޅިގެންބާ؟ ގައުމުގެ ކަންކަން ދާނެ އެންމެ ނުބައި ހާލަތަށް ދިއުމުގެ ކުރިން އަމުރެއް ނެރެލަން ނޭނގިފަ ތިބީ ކީއްވެބާ؟
ގައުމީދޫ
03 February 2018
މަސީހު އިސްތިއުފާދޭން ލަދުގަންނަނީ ބާ؟
ސަން
03 February 2018
ރ. މަޖްލީހުން ސްޕްރީމްކޯޓްގެ ހުކުމުގެ އެއްބައި ތަންފީޒްކޮށްފި...
ލަތީފު
03 February 2018
ވެރިންނައް ތެދުމަގު ދައްކަވާށި މިހާރު އެތިބަ ގާފިލު ކަމުގެ ނިދިން ހޭލައްވާށި ސްޕްރީމްކޯޓުގެ އަމުރު ފަހުމްވުމުގެ ބާރުދެއްވާށި
ކޮލެޖް ބޯއީ
03 February 2018
މަޖިލީހުގެ ޖަލްސާ ކެންސަލްކޮށްފި. ސަބަބަކަށް މިދެއްކީ ސަލާމަތީ ސަބަބުތަކަށް ކަމަށް ބުނެ. ސަލާމަތީ ސަބަބު މިހާރު މި ގޯސްވީ ކިހިނެތް؟ އައްބުއް ރަހީމް އެބުނަނީ ވިއްސަކަށް މީހުނޭ މަގުމަތީގަ ތިބީ. މިހާ މަދު ބަޔަކަށް ކިހިނެތް ގައުމު ހަލަބޮލި ކުރެވޭނީ؟ ދެން މަޖިލީސް އެއޮތީ ހުއްޓުވާފައި. ސުޕްރީމް ކޯޓުގެ އަމުރަށް އެއޮތީ ކިޔަމަން ނުވެފައި. ދެން ތިން ބާރުން ދެ ބާރު ހުއްޓުވާލީމަ، ގާނޫނު އަސާސީ ބޮލާލާ ޖަހައިފި. ދެން ވެރިކަން ހިންގެން އޮތް ގޮތަކީ ކުއްލި ހާލަތު އިއުލާން ކުރުން. ގައުމީ ނުރައްކަލަށް ވެށްޓެނީ އޭ ބުނުން ގިނަކުރަނީ ހީވަނީ ތައްޔާރު ވަނީ ކުުއްލި ނުރައްކާ އިއުލާނު ކުރަން ހެން.
ހުސެއންފުޅާ
03 February 2018
މިރާއްޖޭގެ ރައްޔިތުން ެމީހުން ހިތާވާމެނބަރަކު ހޮވާ މަޖިލީހަށް ވެއްދީމަ ގާނޫނުގެމަތީން މެންބަރުކަން ނުގެއްލޭހާހިދަކު އެއީ މެންބަރުން. މީގަ ވަކި މީހަކު ބުނާކަށް ގަބޫލު ކުރާކަށްވެްނުޖެހޭ. މާލޭން ކަރަންޓުކެޑޭހެން މަޖިލީހުގެ މެނބަރުން ކެނޑޭނަމަ ދެން ވާނެގޮތްމިވަނީ.
އަށްޑޫ މީހާ
03 February 2018
ކަލޯ މިހާރު އެއްކަލަ ސުލައިމާނު އިސްތިއުފާ ދީފަ ހުއްޓާ ކާކުބާ ސިޓީ ފޮނުވީ މަޖލީސްމެންބަރުންނޭ ކިޔާފަ. އެއްކަލަ ދުވަހު ދަންވަރު ބުނީ އިލެކްޝަންއިންނޯ ނިންމާނީ މަޖިލީސް މެންބަރުންކަމަށް، މިހާރު ބިރުގަތީ ދޯ ވަޒީފާ ގެއްލިދާނެތީވެ. އެދުވަހުވެސް އެހެންވީމަ ވަޒީފާގެ ބިރަށްކުރިކަމެއްބާ.