އީރާނާއި ސީރިއާ އިން ދަނީ އަލިފާނާ ކުޅެމުން: އިޒްރޭލް

ސީރިއާގެ މިސައިލް ހަމަލާތަކުގައި ވައްޓާލި އިޒްރޭލުގެ އެފް-16 ގެ ޖެޓުގެ ކައިރީ ސިފައިން ހަރަކާތްތެރި ވަނީ. --ފޮޓޯ:އޭއެފްޕީ

ހަސަން އާމިރު، މިހާރު

11 ފެބުރުއަރީ 2018 - 11:01

6 comments

ތެލް އަވީވް (ފެބްރުއަރީ 11) - އީރާނާއި ސީރިއާ އިން ދަނީ "އަލިފާނާ ކުޅެމުން" ކަމަށް ބުނެ އިޒްރޭލުން އިއްޔެ އިންޒާރު ދީފި އެވެ.

އިޒްރޭލުން މި އިންޒާރުދީފައި ވަނީ އެ ގައުމުގެ ހަނގުރާމަ މަތީ އެފް-16 ގެ ބޯޓެއް ސީރިއާ އިން މިސައިލް ހަމަލާދީ ވައްޓާލާފައި ވަނިކޮށެވެ. އިޒްރޭލުގެ އަސްކަރީ ތަރުޖަމާން ޖޮނަތަން ކޮންރިކަސް ވިދާޅުވީ އީރާނާއި ސީރިއާ އިން ނުރައްކާތެރި އެތައް ކަމެއް ކުރަމުން ދިޔަ ނަމަވެސް ހާލަތު އިތުރަށް ގޯސް ކުރަން އިޒްރޭލުން ބޭނުން ނުވާ ކަމަށެވެ.

"ވޭތުވެދިޔަ އަހަރުތަކަށް ބަލާއިރު މިއީ އިޒްރޭލުގެ މިނިވަން ކަމަށް އީރާނުން އެންމެ ބޮޑަށް އަރައިގަތް ފަހަރު،" ސީރިއާގެ ސަރަހައްދުގެ ތެރޭން އީރާނުގެ ޑްރޯނެއް އިޒްރޭލުގެ ވައިގެ ސަރަހައްދަށް ވެއްދި ހާދިސާ އަށް އިޝާރާތް ކުރައްވާ ކޮންރިކަސް ވިދާޅުވި އެވެ. "އެހެންވެގެން އިޒްރޭލުގެ ރައްދު ހަމަލާތައް ވަރުގަދަކޮށްފައި ވަނީ."

ބޯޓު ވައްޓާލުމުން ރައްދުގައި އިޒްރޭލުން ވަނީ ސީރިއާ އަށާއި އެ ގައުމުގައިވާ އީރާނުގެ އަމާޒުތަކަށް ވައިގެ 12 ހަމަލާދީފަ އެވެ. އިޒްރޭލުން އަދި ބުނެފައި ވަނީ ހަމަލާތަކުގައި ސީރިއާގެ ވައިގެ ދިފާއީ ނިޒާމަށް ބޮޑެތި ގެއްލުންތައް ދީފައިވާ ކަމަށެވެ. އިޒްރޭލުގެ ވައިގެ ސިފައިންގެ ޖެނެރަލެއް ކަމަށްވާ ޓޮމާ ބާ ވިދާޅުވީ މިއީ 1982 ވަނަ އަހަރުގެ ލުބުނާން ހަނގުރާމަ އަށް ފަހު ސީރިއާ އަށް އެންމެ ވަރުގަދަ އަށް އިޒްރޭލުން ހަމަލަދޭ ފަހަރު ކަމަށެވެ.

އީރާން އިޒްރޭލް ސީރިއާ

6 ކޮމެންޓް, 42 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަގްސް

11 February 2018

ސީރިޔާ މަތިން ސީރިޔާއަށް ބޮންއަޅަމުން ދިޔަ އިޒްރާއީލުގެ ބޯޓެއް ވައްޓާލީމަވެސް އީރާނާއި ސީރިޔާތަ އަލިފާނާ ކުޅުނުކަމަށް މިވަނީ؟ ދޮގުހެދުމުންވެސް ހައްދުން ނައްޓާފަ ތިބޭ ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރީ

11 February 2018

މޑޕ އެކޭ އެއްގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުރަބޯ

11 February 2018

ކަލޭމެން ދުނިޔޭގެ ޗާޓުގައި އޮންނަން ބޭނުމިއްޔާ، އީރާނާ ނުކުޅެއްޗޭ އިނގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

11 February 2018

ހަތިޔާރުހުރި ބަޔަކާޖެހުނީމާ ތިޔަހުރީގަންނަބިރެވެ. ހަތިޔާރުނެތް ފަލަސްތީނުގެ ނިކަމެތިރައްޔިތު މަރާހުސްކުރާއިރު ހިތަށް އެއްޗެއްއަރާހެއްޔެވެ. މަށަށްވާނަމަ މިހާރު ތިތަން ހޭބަލިކޮށްފީމުހެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައް

11 February 2018

ކަންކަން ގޯސްކުރާން ބޭނުންނޫންނަމަ ފަލަސްތީން ބިމުންފައިބާ މިހާރު 70 އަހަރުވީ އެހެންބައެއްގެ ބިންގަދަބާރުން ހިފައިން އުޅޭތާ ރީތިގޮތަކަށް ދާނެ ބައެއްތީ ކީރިތިގުރުއާނުގައި އެކަން ވަރަށްސާފު!