މާލެ: ވެށިފަހި މާލެ ޕްރޮޖެކްޓްގެ ދަށުން މާލެއިން ދައުލަތަށް ލިބުނު 66 ބިމެއް ވިއްކާލަން ވަނީ އިއުލާން ކޮށްފައި --ފޮޓޯ: ހުސެއިން ވަހީދު/މިހާރު
22 ފެބުރުއަރީ 2018 - 13:12
9 comments
ވެށިފަހި މާލެ ޕްރޮގްރާމްގެ ދަށުން ފްލެޓް ހޯދުމަށް ދައުލަތަށް ދޫކޮށްލި ބިންތަކުގެ ތެރެއިން 66 ބިމެއް ވިއްކާލަން ހައުސިން މިނިސްޓްރީން އިއުލާންކޮށްފި އެވެ.
ހައުސިން މިނިސްޓްރީން އިއްޔެ ކުރި އިއުލާނުގައިވާ ގޮތުން ވެށިފަހި މާލެ ޕްރޮޖެކްޓްގެ ދަށުން ދައުލަތަށް މިލްކުވެފައިވާ ބިންތަކުގެ ތެރެއިން އެ އިއުލާނުގައި ހިމެނޭ 66 ބިން ވިިއްކާނީ އަކަފޫޓެއް 2،000ރ. ގެ ރޭޓުންނެވެ. މިފަހަރު ވިއްކާ ބިންތަކުގެ ތެރޭގައި މާލޭގެ ހަތަރު އަވަށުގެ ބިންތައް ވެސް ހިމެނެ އެވެ.
ބިން ވިއްކާނީ ވެށިފަހި މާލެ ޕްރޮޖެކްޓްގެ ދަށުން ދައުލަތަށް މިލްކުވާ ބިންތައް ވިއްކުމާ ބެހޭގޮތުން ހައުސިން މިނިސްޓްރީން ކުރިން އާންމުކޮށްފައިވާ އުސޫލުގެ ދަށުންނެވެ. އެ އުސޫލުގެ ދަށުން އެފަދަ ބިމެއް ވިއްކުމުގައި އިސްކަން ދޭނީ އެ ބިމެއްގެ ބެހެނިވެރިންނަށާއި އެ ބިންތަކާ އިންވެގެން އޮންނަ ބިންތަކުގެ ވެެރިންނަށެވެ.
ވެށިފަހި މާލެ ޕްރޮޖެކްޓްގެ ދަށުން ދައުލަތަށް މިލްކުވެފައިވާ 37 ބިމެއް ވިއްކަން ހައުސިން މިނިސްޓްރީން ކުރިން ވެސް ކުރި އިއުލާންކުރި އެވެ. ވެށިފަހި މާލެ ޕްރޮޖެކްޓްގެ ދަށުން ފްލެޓް ދޫކުރަނީ ވަކި މިންވަރަކަށް ވުރެ ކުދި ބިންތައް ހުންނަ ފަރާތްތަކަށެވެ. އެފަދަ ފަރާތްތަކަށް ފްލެޓް ދިނުމުން އެ ފަރާތެއްގެ ބިން ދައުލަތަށް ދޫކޮށްލަން ޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަގުމަތިކުރުން
23 February 2018
މިއީ ބޯހިޔާވަހި ކަމެއް ނޫން. މިއޮތީ މަގުމަތި ކުރުމުގެ ޕްރޮގްރާމް ފެއްޓިފައ.
އެމްސް
22 February 2018
މާލެ ފުނިޖެހުން ހުއްޓުވި ވައި ދައުރު ވެވޭނެ ގޮތެއް ޤާއިމު ކުރެވޭނީ މިފަދަ ތަންތަން ހުހަށް ބާއްވައިގެން. އެކަމަކު ދައުލަތަށް އާމްދަނީ ހޯދުންވެސް އެއީ ހަމަ މުހިއްމު ކަމެއް.
ދަރަނިބޯ
22 February 2018
ތި ބިންތައް ވިއްކީމަ ނިކަމެތި މީހުން އިތުރައް ނިކަމެވުން ނޫންކަމެއް ނުވާނެ، ވަރަށް ހިތާމަ ހުރި ކަމެއް ތިކުރަނީ
ޖަހާޕަނާ ޝަރީފް
22 February 2018
ތިޔަ ބިންތައް ވިއްކުމުގެ ބަދަލުގައި ބިންތައް ސާފުކޮށް، އަވަށްޓެރިންނަށް ނޭވާ ލެވޭނޭ ޕާކްތަކާއި ޕާކިންގ ޒޯންތަކާއި، ވެމްކޯގެ ލޮރީ ވައްދައިގެން ކުނި ކެލެކްޓްކުރާ ޕޮއިންޓްތައް ހެދުން މާ ރަނގަޅު. ދުރު މުސްތަގްބަލަށް ވިސްނައިގެން ކަންތައް ކުރަނީނަމަ މި އުސޫލުން މިކަން ކުރަން ޖެހޭ. އީޒީ ބަކްސް ކޮޅަކަށް ނޫން ކަންކަން ކުރާނީކީ. ތަރައްގީގެ ގިނަ މަޝްރޫޢު ތަކެއް ސަރުކާރުން މިހާރުވެސް ހިންގާކަން ފާހަގަ ކުރަން.
އަހުމަދުބެ
22 February 2018
ވިއްކަނީ އެވެ. އަޑިއަޑިން ކުރަނީ އެހެން ކަމެކެވެ. އިތުބާރު ގެއްލިއްޖެއެވެ. ގެއްލިއްޖެ އިތުބާރަކީ ލިބޭ ނެ އެއްވެއް ނޫނެވެ.
މަރީ
22 February 2018
ލިސްޓް ބެލޭނެ ލިންކް އެއް އިނގޭތޯ
އަބުދުލް
22 February 2018
ކޮބާ އެމްޕީ އަސްމާ.. ވިދާޅުވި ވެށިފަހި އުސޫލާ އެއްގޮތް ނޫންގޮތައް ބޮޑުލޯނެއް އަޅުވާފަ ފްލެޓް ލިބުން މީހުނަށް ރައީސް ޔާމީން ދެރަގޮތެއް ނުހަދާނެއޭ.. ބަދަލު ނުދީ ތަންކޮޅުއަތުލާ 2މިލިއަންގެ ލޯން ބޮލުގައި އަޅުވާ ނިންމާލީ..
ކެޔޮޅުބޭބެ
22 February 2018
ކުރިއަށް އޮތް 200 އަހަރުތެރޭ ވެސް ދައުލަތަށް އާމްދަނީއެއް ލިބިދާނެ ގޮތަކަށް އޮތް ކޮންމެ އެއްޗެއް ވިއްކާލަނީދޯ؟ ކޮބާ އަދި ނުވިހާ ކުދިންގެ ހައްގު. މި ބިންތައް ނުގަތުމަށް ގޮވާލަން.
ދެކޮޅުނުޖެހޭ
22 February 2018
ގޭގޭގެ ތެރޭ ހުރި ކުދި ކުދި ތަންތަންކޮޅުން ދައުލަތަށް ލިބެން އޮންނާނީ ކޮން 200 އަހަރުގެ އާމްދަނީއެއް؟ އެ ބިންތައް ވިއްކަނީ އެގެއެއްގެ މީހުންނަށް ފުރަތަމަ އިސްކަންދީގެން. ގަނެވޭނެ ބައަކު އެ ގޭގައި ނެތްނަމަ އެހެން ބަޔަކު ގަތުމަކީ މައްސަލައެއްތަ؟ މި ބިންތައް ވިއްކައިގެން ދައުލަތަށް ލާރި ނުލިބޭނެތަ؟