ޕީޕީއެމް ޕީޖީ ގްރޫޕްގެ ލީޑަރު ނިހާން: ޕާޓީ ބަދަލުކުރާ މެމްބަރުންގެ ގޮނޑި ގެއްލޭ ގޮތަށް ބިލެއް ހުށަހެޅުއްވީ ނިހާން --ފޮޓޯ/މިހާރު
05 މާޗް 2018 - 15:28
126 comments
ރައްޔިތުންގެ މަޖިލީހުގެ މެމްބަރުން މަޖިލީހަށް އިންތިޚާބުވާ ޕާޓީން ވަކިވެއްޖެ ނަމަ މެމްބަރުކަމުގެ ގޮނޑި ގެއްލޭ ގޮތް ހަދަން އެންޓި ޑިފެކްޝަންގެ ބިލް ސަރުކާރު ކޯލިޝަނުން ރައްޔިތުންގެ މަޖިލީހަށް މިއަދު ވައްދައިފި އެވެ.
ޕީޕީއެމް ޕާލިމެންޓްރީ ގްރޫޕްގެ ލީޑަރު އަހުމަދު ނިހާން ދެންމެ ކުރެއްވި ޓްވީޓެއްގައިވަނީ ސަރުކާރު ކޯލިޝަންގެ ފަރާތުން އެ ބިލް މަޖިލީހަށް ހުށަހެޅުއްވީ އޭނާ ކަމަށެވެ.
PPM MDA Joint PG Members collectively decided to submit the very first Anti-Defection Draft act to the People’s Majlis today. As Joint PGL i have submitted the draft act. pic.twitter.com/82ea7kFFRj
— Ahmed Nihan (@ahmed_nihan) March 5, 2018
އެ ބިލުގައިވާ ގޮތުން އެ ބިލަކީ މަޖިލީހަށް އިންތިޚާބުވާ ޕާޓީން ވަކިވާ ނުވަތަ ވަކިކުރާ ނުވަތަ އެހެން ޕާޓީއަކަށް ބަދަލުވާ މެމްބަރުންގެ ގޮނޑި ގެއްލޭނެ ކަމަށް ކަނޑައަޅާ ބިލެކެވެ. އަދި އެފަދަ ގޮތަކަށް ގޮނޑިއެއް ހުސްވެއްޖެ ނަމަ ބައި އިލެކްޝަން ބޭއްވުމުގެ އިޖްރާއާތުތައް ބަޔާން ކުރުމަކީ ވެސް އެ ބިލުގެ މަގްސަދެކެވެ. އެހެން ނަމަވެސް، ނިހާން ކުރެއްވި ޓްވީޓްގައި ބުނެފައިވާ ވަރަށް ވުރެ މި ބިލާ ބެހޭ ގޮތުން އިތުރު މައުލޫމާތެއް ނުލިބުނެވެ.
މަޖިލީހަށް އިންތިޚާބުވާ ޕާޓީން ވަކިވެއްޖެ ނަމަ ނުވަތަ ވަކިކޮށްފި ނަމަ ނުވަތަ ޕާޓީ ބަދަލުކޮށްފި ނަމަ މެމްބަރުކަން ގެއްލޭ ގޮތަށް ފުރަތަމަ ކަނޑައެޅީ މިދިޔަ ޖުލައި މަހު ސުޕްރީމް ކޯޓުން ކުރި ހުކުމަކުންނެވެ. ދައުލަތުން ހުށަހެޅި ދުސްތޫރީ މައްސަލައަކާ ގުޅިގެން އެގޮތަށް ސުޕްރީމް ކޯޓުން ކަނޑައެޅުމުން، އޭރު ޕީޕީއެމުން ވަކިވެފައި ތިބި 12 މެމްބަރެއްގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައެޅި އެވެ.
އެގޮތަށް ކޮމިޝަނުން ކަނޑައަޅާފައި ވަނިކޮށް، މިދިޔަ މަހުގެ ފުރަތަމަ ދުވަހު ސުޕްރީމް ކޯޓުން ނެރުނު އަމުރުގައިވަނީ ޖުލައި މަހު އެ ކޯޓުން ކުރި ހުކުމް ބާތިލްކުރާ ކަމަށާއި އެ ހުކުމުގެ ދަށުން އެއްވެސް މެމްބަރެއްގެ ގޮނޑި ނުގެއްލޭ ކަމަށެވެ.
އެ އަމުރު އެގޮތަށް ނެރެފައި ވަނިކޮށް އެ ކޯޓުގެ ތިން ފަނޑިޔާރުން ފަހުން ވަނީ އެ އަމުރުގެ އެ ބަޔަށް އަމަލު ކުރުން ފަސްކުރަން ވަގުތީ އަމުރެއް ނެރެފަ އެވެ. އެގޮތަށް އަމުރެއް ނެރުނީ ކުރީގެ އަމުރުގެ އެ ބައި ބާތިލްކުރަން ދައުލަތުން ދުސްތޫރީ މައްސަލައެއް ހުށަހެޅުމުން، އެ މައްސަލާގައި ގޮތެއް ނިންމެންދެނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންތުއްތު.
06 March 2018
ވަރަށް ރަގަޅު ބިލެއްތިޔއީ އެހެންބުނާނެތަ، 5000 މީހުން އެކައްޗެއް ކިޔާފައި މަޖިލީހަށް މެމްބަރަކު ހޮވީމާ އެމީހާގެ އަންބޮޑި ބޮޑުކުރަން 5000 މީހުންގެ ކަރަށް ފައިން އަރާފާއި އެހެން ޕާޓީއަކަށް ދެވިގެންނުވާނެ. މިއީވަރަށްވާހަކަ،
ޑުޕްލިކޭޓް
06 March 2018
ނޯޓް! މި މާއްދާގައޮ މިހެން އޮތް ކަމަށް ވިޔަސް އެހެން ޕާޓީ އަކުން ވަކިވެގެން ޕީޕީއެމް އަށް ސޮއި ކުރާ މެމްބަރުންގެ ގޮޑިއެއް ނުގެއްލޭނެ "އެވެ.
އިލެކްޝަން
06 March 2018
ރައްޔިތުންނަށް ހެވާއި ލާބައަށް މަސައްކަތް ކުރުމަށް ހޮވާ މެމްބަރުން ޕާޓީ ބޮޑުންގެ އަޅުންނަށްވާ ސިސްޓަމެއް ބޭނުމެއް ނުވެއެވެ. ރައްޔިތުން ފޮނި އުންމީދުތަކާއިއެކު ހޮވާ ވެރިން އެ އުންމީދުތަކުގައި ކޮޅުފައިޖަހާ ރައްޔިތުން ނިކަމެތިކުރާއިރު އެއާ ދެކޮޅަށް ބަސްބުނުމުގެ ހައްގު ގެއްލޭގޮތަށް ރައްޔިތުންގެ މަންދޫބުން ތިޔަ މަޖްލީހުގައި ތިބުމަކީ ބޭނުންކަމެއް ނޫނެއެވެ. ތިގޮތަށް ހަދާނަމަ، ޕާޓީގެ މެނިފެސްޓޯ ތަންފީޒުނުކުރާ ރައީސުންވެސް މަގާމުން ވަކިވާނެކަމަށް ތިޔަ ގާނޫނުގައި ލިޔަންވާނެއެވެ. ރައްޔިތުންނަށް ވިއްކާ މެނިފެސްޓޯ ރައްޔިތުން އަގު ދެއްކީމާ ބަދަލުކުރުމުގެ އެއްވެސް ހައްގެއް ޕާޓީއަށްވެސް އޮވެގެންނުވާނެއެވެ. އަދި ރައީސަށްވެސް އޮވެގެން ނުވާނެއެވެ. ދިވެހިރާއްޖޭގެ ވެރިކަން ފެށިގެން އަންނަނީ ރައްޔިތުންގެ ކިބައިންނެވެ. އަމިއްލަ އެދުމުން ފޯވެފައިވާ ޕޮލިޓީޝަނުންގެ ފަރާތުންނެއް ނޫނެވެ.
ހަމަ ބުއްދޮ
06 March 2018
މައްސަލައެއް ނެތް.. އެކަމަކު ތި ޤާނޫނުގެ ހުކުމް ހިގަން ވާނީ ދެން އޮންނަ މަޖްލީސް އިންތިޚާބެއްގެ ފަހުން ނެވެ. މިހާރު މި5 އަހަރަށް އަހަރެމެން މިތިބީކޯލިޝަން ޓިކެޓަކުން ހޮވިފައެވެ. އަހަރެމެނަށް ވޯޓް ދިން މީހުންގެ 80% ރައްޔިތުން މީހުން މިހާރު ތިބީ އިދިކޮޅުގައެވެ. ވީމާ މި ދައުރަށް ތި ޤާނޫނު ހިންގާގެން ނުވާނެއެވެ.
ބުރުހާުނު
06 March 2018
ބަލަ ނިހާނޫ.. ގާނޫނު އަސާސީގައި އޮންނަ އެއްޗެއް ފަހުމްވޭބާ.. ގާނޫނުއަސާސީގައި ދިވެހިރާއްޖޭގައި އޮންނަނީ ރިޔާސީ ނިޒާމެއްކަމާއި ތިންބާރު ވަކިވެފައިވާ ނިޒާމެއްކަމުގައި ބުނެފައިވަނީ ބޭނުމަކުއެވެ. ނިހާނުމެއް ބޭނުން ވީމާ، ނުވަތަ ޕާޓީ ބޮޑުން ބޭނުންވީމާ މެމްބަރުންގެ ގޮޑި ގެއްލޭ އުސޫލުތީ އެއްވެސް ގޮތަކަށް ގަބޫލު ކުރެވޭނެ ހަމައެއް ނޫނެއެވެ. ގައުމުން ކޮރަޕްޝަން ނައްތާލަން ބޭނުންވާނަމަ މިހާރު އެންޓި ކޮރަޕްޝަން ކޮމިޝަނޭ ތިކިޔާ ތަން ސާފުކޮށް އެތަނުގައި ތިބޭ މެމްބަރުންނަށް މިނިވަންކަމާއެކު މަސައްކަތް ކުރެވޭނެ ގޮތް ހަދާދޭށެވެ. ރައްޔިތުންގެ ފަރާތުން ބަސްބުނަންތިބޭ މީހުން ރައްޔިތުންގެ ފައިދާއަށް ކުރާ ކަންތައްތައް ހުއްޓުވޭނެ ގޮތް ހަދަން ނޫޅޭށެވެ. ޕާޓީ މެނިފެސްޓޯ އާއި ފިކުރޭ ކިޔައިގެން ވާހަކަ ދައްކާއިރު މިހިގާ 5 އަހަރުން ވެސް އެކަން ވަރަށް ސާފުވެއެވެ. ރައްޔިތުން ބަދަލު ނުވިޔަސް ޕާޓީ ހިސޯރުކޮށް މެނިފެސްޓޯ ބަދަލުވާކަން އެންމެންވެސް ދަނެއެވެ.
ރަދީފް
06 March 2018
ރޯނުއެދުރު ސާބަހޭ. #ނަފްސާ
މަޖިލިސް ހުސޭނު
06 March 2018
މަޖިލީހަކީ މިހާރު ހަމައެކަނި ނިޙާނުމެން ބޭނުންވީމަ ހުޅުވާ ލައްޕާ ބިލުލާ ބިލު ފާސްކުރާ ތަނެއް ރައްޔިތުންގެ މަޖިލީހެއް މިހާރަކު ނެތް. ދޮގެއްތަ!!
އަނާން
06 March 2018
ޕާރޓީއަކީ އެއް ދާއިރާއެއްގެ ނުވަތަ ކޮންސްޓިޓުއެންސީއެއްގެ ޖުމްލަ ރައްޔިތުންނަށްވުރެ ކުޑައެއްޗެއް. ވުމާއިއެކު، އެ ދާއިރާއިން ހޮވިފަ ހުންނަ މެމްބަރަކީ އެއް ޕާރޓީއަކުން އެކަނި ވޯޓު ދީގެން ހޮވިފަ ހުންނަ މެމްބަރަމަށް ނުވާނެތީ، ޕާރޓީ ދޫކުރަންޖެހޭ ހާލަތެއް އައުމުން މެމްބަރުކަން ގެއްލޭ ގޮތައް ގާނޫނެއް އޮތުމަކީ ހައްގުތަކެއް ގެއްލޭނެ ކަމެއްކަމުގައި ނޫނީ ނުވާނެ. ޕާރޓީއިން ވަކިވިޔަސް މެމްބަރަކީ މާ ގިނަ ބައެއްގެ މެމްބަރެއް. ތިޔައީ ދެކޮޅު ޖެހޭ އެއްޗެއްނޫން. މިހާރު ތިޔަ ފާސްކުރިޔަސް ދާދި އަވަހަށް ތަންދޮރު ފިލާ ބަޔަކު ތިޔަ މަޖިލިހަށް ގޮސް ތިޔައެތި ބަދަލު ކުރާނެ ނުވަތަ އުވާލާނެކަން ޔަގީން.
ކުމުންދޫ އަލީ
06 March 2018
އުޅޭ ޙާލު އަންގާ ގޮވާލީ ކަލާއޭ މިއަދު ހިތުގެ ގިސްތީ...
ޢަހްމަދު
06 March 2018
ތިއީ ހަމަޖެހޭ ބިލެއް ނޫން.. މި ރާއްޖޭގެ ވޯޓް ލެވޭ މީހުންގެ އާބާދީއަށް ބަލާއިރު އެއްވެސް ޕާޓީއަކަށް ނިސްބަތް ނުވާ މީހުން މާ ގިނަ..
ދިވެހި ލޭ.
06 March 2018
ރާއްޖެދެކެ ލޯބިވާ ދިވެއްސެއްގެ ހައިސިއްޔަތުން ބުނެލާނީ ރާއްޖެ މިހާލަތަށް ދުއްވާލީ ކުރީގެ އިލެކްޝަންނސް ކޮމިޝަނަރ ސުލައިމާންކަމަށް. މިއަނިޔާގެ ޒިންމާ ނަގަން ޖެހޭނީ ހަމަ ސުލައިމާން. ސުލައިމާނަށް ދުވަހަކުވެސް މައާފު ނުކުރާނަން.