ރޭގެ ދަސްވެނިވުމުގެ ހަފުލާގައި މަންދު ކޮލެޖުގެ ޗެއާމަން ވާހަކަދައްކަވަނީ.-- ފޮޓޯ: ހުސެއިން ވަހީދު/ މިހާރު
21 އެޕްރީލް 2018 - 11:14
51 comments
ރާއްޖޭގައި މަތީ ތައުލީމް ފޯރުކޮށްދިނުމުގެ ނިޒާމުގައި ގަބޫލުނުކުރެވޭ ކަންތައްތަކެއް އެބަހުރި ކަމަށް ވިދާޅުވެ، މަންދު ކޮލެޖުގެ ޗެއާމަން އިބްރާހިމް އިސްމާއިލް (އިބްރާ) ރޭ ފާޑުވިދާޅުވެއްޖެ އެވެ.
އެ ކޮލެޖުގެ ދަސްވެނިވުމުގެ ހަފުލާގައި އިބްރާ ވިދާޅުވީ މަތީ ތައުލީމަކީ ހަމައެކަނި ކްލާހަކަށް ވަދެ ލެކްޗަރާއެއްގެ އަޑުއަހާލުމެއް ނޫން ކަމަށެވެ. އޭނާ ވިދާޅުވި ގޮތުގައި އެ މަރުހަލާއަކީ އަމިއްލަ އަށް ކަންކަން ދަސްކޮށް ދިރާސާތައް ހަދައި ކިޔަވާ ދުވަސް ވަރެވެ.
"ފޮތްތަކާއި އާޓިކަލްތައް ކިޔާނެ ވަގުތު ނޯންނަނީ. އެ އެއްޗެހި ކިޔައިގެން ކަންކަމާ ވިސްނައި ރިފްލެޓްކޮށްގެން ނޫނީ މަތީ ތައުލީމުގެ ބޭނުންވާ ގޮތަށް ތިމާގެ ސިކުނޑި ތަރައްގީ ނުކުރެވޭ. ނަމަވެސް ރާއްޖޭގައި މި އޮންނަނީ ހެނދުނު 8 އިން ރޭގަނޑު 7 އަށް މަސައްކަތުގައި އުޅެފައި، ރޭގަނޑު 8 އިން 11 އަށް ކްލާހަކަށް ވަދެފައި، ފުލް ޓައިމްކޮށް، އެހެން މަސައްކަތެއް ނުކޮށް ކިޔަވަން އުޅޭ ކުއްޖެކޭ އެއްގޮތަށް ހަމަ އެއް މުއްދަތެއްގެ ތެރޭގައި އެއް ކޮލިފިކޭޝަނެއް ހާސިލްކޮށްގެން ނިކުންނަތަން،" އެޑިއުކޭޝަންގެ ސްޓޭޓް މިނިސްޓަރު ޑރ. އަބްދުﷲ ނަޒީރު ވެސް ބައިވެރިވެވަޑައިގެންނެވި ހަފުލާގައި އިބްރާ ވިދާޅުވި އެވެ.
އޭނާ ވިދާޅުވީ މީގެ ކުރިން މާސްޓާޒް ފެންވަރަށް ތައުލީމް ހާސިލްކުރަން ބުރަ މަސައްކަތް ކުރަން ޖެހޭ ކަމަށެވެ. ނަމަވެސް މިހާރު އެކަން ބަދަލުވެ، މަހެއްގެ ދެ ހަފުތާ ބަންދުގައި ކްލާހަކަށް ހާޒިރުވުމުން ސެޓްފިކެޓެއް ލިބޭ ކަމަށެވެ.
"އެހެންވީމަ މިއީ ކިރު އަޅައިގެން ކެއްކޭ ބޮނޑިބަތާއި ކިރު ނާޅާ ކެއްކޭ ބޮނޑިބަތުގެ ތަފާތު. އެ ތަފާތު ހުންނާނެ. ރަހަ ވެސް ތަފާތުވާނެ. އޭގެ ފޭރާން ވެސް ތަފާތުވާނެ. އެއީ އެކައްޗަކަށް ހެދިގެން ނުވާނެ. އެކަން ބަދަލުކުރަންޖެހޭ،"
މަންދު ކޮލެޖުގެ ދަސްވެނިވުމުގެ ހަފުލާގައި ދަރިވަރަކަށް ސެޓްފިކެޓް ހަވާލުކުރަނީ-- ފޮޓޯ: ހުސެއިން ވަހީދު/ މިހާރު
އެހެން ކޮލެޖުތަކާއިި ޔުނިވާސިޓީތަކުގެ އިސް ވެރިން ވެސް ބައިވެރިވެވަޑައިގެންނެވި ހަފުލާގައި އިބްރާ ވިދާޅުވީ ކިޔަވައިދިނުމުގެ އެއްވެސް ތަޖުރިބާއެއް ނެތް ތަންތަނުން، ވަކިވަކި މާއްދާތަކަށް ޓީޗަރުން ތަމްރީނުކުރުމުގެ މަސައްކަތް ކުރަމުން އަންނަ ކަމަށެވެ. އޭނާ ވިދާޅުވި ގޮތުގައި އެއީ ސިކުނޑިއަށް ގަބޫލުނުކުރެވޭ ކަމެކެވެ.
"އަޅުގަނޑުމެންގެ ރެގިއުލޭޓަރީ މެކޭނިޒަމް މިހާރު މިއޮތް ގޮތަކީ، މަތީ ތައުލީމް ދޭ މީހުންނަކަށް ނޭނގޭ އުނގަންނައިދިނުމުގައި ކުރަންވީ ކީއް ކަމެއް. ކޯހެއްގެ ރިކުއަމެންޓަކީ ކޮބައިކަމެއް، ކޯހެއްގެ ރިކުއަމެންޓެއް ހަމަވީމަ ވަނީ ކިހިނެއް ކަމެއް. ކޮލިފިކޭޝަންސް އޮތޯރިޓީގެ ސިއްކަ ޖަހާފައި ދޭ ކޮލިފިކޭޝަންސް، ދައުލަތުގެ އެހެން އިދާރާތަކުން ގަބޫލެއް ނުކުރޭ. ހަމަ ކޮލިފިކޭޝަން އޮތޯރިޓީ ތައްގަނޑު ޖަހަަފާއި ދީފައި ހުންނަ ސަނަދު ހިފައިގެން ދިޔައީމަ އެއީ ކިޔެވި އެއްޗަކަށް ނުވޭ،" ދަރުބާރުގޭގައި ބޭއްވި ހަފުލާގައި ވިދާޅުވި އެެވެ.
މިހެން އޮތް މާހައުލެއްގައި މަތީ ތައުލީމް ކުރިއަށް ގެންގޮސް ތަަރައްގީކުރާނެ ގޮތް "ތަންކޮޅެއް ފުންކޮށް ވިސްނަންޖެހޭ" ކަމަށް އޭނާ ވިދާޅުވި އެވެ.
ރޭ އެކޮލެޖުން ދަސްވެނިވި 324 ދަރިވަރުންގެ ތެރެއިން 90 ޕަސެންޓަކީ ޓީޗިން އާއި ބިޒްނަސްގެ ދާއިރާއިން ދަސްވެނިވި ދަރިވަރުން ކަމަށާއި ނަމަވެސް ރާއްޖެއަށް މުހިއްމީ އެ ދެ ދާއިރާތޯ ވެސް އޭނާ ސުވާލު އުފެއްދެވި އެވެ.
އޭނާ ވިދާޅުވީ މީގެ 20 އަހަރު ފަހުން ނަމަވެސް ރާއްޖޭގައި އިންސާފާއި ޑިމޮކްރަސީގެ ގޮތްތައް އަށަގަންނުވަން ބޭނުންވާ ނަމަ، ސްކޫލުތަކާއި މަތީ ތައުލީމު ފޯރުކޮށްދޭ މަރުކަޒުތަކުގައި ކިޔަވައިދޭ އެއްޗިއްސާއި ކިޔަވައިދޭ ގޮތް ބަދަލުކުރަން ޖެހޭ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިންސާނާ
22 April 2018
ދެތިން މީހުން ލައިގެން ހިންގާ ކޮލެޖް ތަކުގެ ފެންވަރުވާހަކަ އިބްރާ އެވިދާޅުވަނީ. އޭގެ ތެރޭގައި މަންޖް ނުހިމެނިއްޖެއްޔާ ކިތެއްމަ ހާވެސް ރަގަޅު.
އައިސާ
22 April 2018
ވާޗުއަލް ކެމްޕަސް ވަރަށް ސަޅި. ސުކޫލް ގައި ކިޔަވައިދިން ފިލާވަޅުތަކާ ކޮލެޖާ ވަރަށް ތަފާތު، އަދި ސުކޫލްތަކުގެ މަންހަޖު އަމަލީ މައިދާނާ ގުޅުވަން އެބަޖެހޭ، ކޮލެޖް ނިމުނީމަ މިއެގެނީ އަމަލީ މައިދާނުގައި ކަންކުރަންޖެހޭ ގޮތް .
އަހުމަދު ސަލީމް
22 April 2018
ހަމަ ކޮންމެ ކަމެއްވެސް ދިވެހިންނާ ޖެހުނީމާ މި ދަނީ އޮޔާ! މިހާރު މަތީ ތައުލީމުވެސް ހަމަ ބަންގާޅީ މަސައްކަތުމީހުންލައްވާ މަސައްކަތް ކުރުވުމެކޭ އެއްގޮތް... އެއްވެސް ގޮތެއް ހަމައެއް ނެތް! ކޮލެޖުތަކުގެ ފެންވަރު ބެލެހެއްޓުމަކީ ސަރުކާރުގެ ޒިންމާއެއް! ފައިސާއަށް މިކަންވެސް މިކުރެވެނީ ނޫނީ ނުފޫޒަށް.... ވަރަށްވެސް ދެރަކަމެއްމީ!
ާިއައިސާ
22 April 2018
ހިލޭސާބަހަށް ކިޔަވައި ދީގެން އުމުރު ދުވަހު އުޅެވޭތަ؟ ޓޯކިޔޯގަ އުޅެވޭނެ ތޯއްޗެއް?
އިންސާނާ
22 April 2018
އިބްރާއަށް މިހާތަނަށް ބުނެވުން އެންމެ ބޮޑު ތެދު.. އޯލެވެލް 8 މާއްދާއިން ޔޫ ލިބިގެން ވިލާއަށް ޖޮއިންކޮށް 3 އަހަރާބައިން ލެވެލް 8 ގެ ސެޓްފިކެޓް ހޯދީމާ ސުވާލު އުފެދޭ.. ރަނގަޅު ރެގިއުލޭޓަރީ ނިޒާމެއް ބޭނުންވޭ
އާދަމް ޝަރީފް
22 April 2018
އިބްރާ އެއްފަހަރުވެސް ވިދާޅެއްނުވޭ މަންދުކޮލެޖްގެ ކަންކުރަނީ އެގޮތަކަށް ނޫނޭ. އިބްރާ ވިދާޅުވީ މިހާރު ސިސްޓަމް އޮތްގޮތުގެ ވާހަކަ. އިބްރާއަށްވެސް މަސައްކަތްކުރެވޭނީ ސިސްޓަމް އާ އެއްގޮތަށް . އިބްރާވިދާޅުވީ މުޅި ސިސްޓަމް ރަގަޅުކުރަންޖެހޭވާހަކަ. އެއީ ހަމަ ރަގަޅުވާހަކައެއް.
ސަރުކާނު
22 April 2018
އިބްރާ އަށް ދަންނަވާލަން އޮތީ މިހާރު ޖީސީ އޯލެވެލްއާ ކުރީގެ ޖީސީ އޯލެވެލްއާވެސް ތަފާތޭ. އިބްރާމެން ޖީސީ ހެދިއިރު އުމުރުން 18 ނޫނީ 19 ގަ ހެދެނީ މިހާރު 15 ގަ ވީމާ އުމުރުވެސް އަވަސްވޭ ކުރާކަންކަންވެސް އަވަސްވޭ. މީ ހަމަ އެކަނި ރާއްޖޭގަ އޮންނަގޮތެއްނޫން. މުޅިދުނިޔޭގަވެސް މިކަން ދާގޮތް ނޫންތ؟ އެއީ ނޫންތޯ ކުރިއެރުމަކީ؟ މިހާރު ނަވަތަ ހިތުދަސްކުރާކަށް ނުޖެހޭ ކުރީގަ މުޅި ނަވަތަވެސް ހިތުދަސްކުރަންޖެހޭ. ބަދަލަށް ހޭނެންވާނީ ދޯ؟ އިބްރާގެ ހުންނާނެ ތިކަހަލަ މޮޅުވާހަކަ ދެްއްކުން. ހިތް ހެވެއް ނުވާނެތާ ދޯ؟
އަޑުހަރުބެ
22 April 2018
އިބްރާ ހީކުރަނީ މަސައްކަތްކުރަމުން ކިޔަވާ މީހުންނަކީ ފުލްޓައިމް ސްޓޫޑަންޓްސް އަށްވުރެން ކެޕޭސިޓީ ދަށްބައެއްކަމަށްތަ؟ އެމީހުން ޑަބަލުް މަސައްކަތްކުރަންޖެހޭ ފުލްޓައިމް ކުދިންނަށް ވުރެން. އިބްރާ އެބަޖެހޭ މިކަމަށްވެސް ދިރާސާތަކެއް ހަދަން. ވަޓް ނޮންސެންސް އިޒް ދިސް؟ އެޑިއުކޭޓް ޔޯސެލްފް ފަސްޓް!
ދަންނަ
22 April 2018
ކެޕޭސިޓީ؟ ކެޕޭސިޓީ އެއްވަރު ވިޔަސް ލިބޭ ވަގުތު އެއްވަރެއްނޫން. އެހެންވީމާ ހާސިލްވާ އެތިވެސް އެއްވަރު ނުވަނީ
އެޑްމުންޑޯ
22 April 2018
އިބުރާ ެެބުނީ ތެދެއް ، ދުވަހެއްގައި ސްކޫލަކަށް ނުގޮސް ގްރޭޑް 5ގެ ފެންވަރ ހުންނަ މީހާވެސް އެވިޑް ކޮލަޖުން ޑިގްރީ އާއި މާސްޓަރ ހަދާތަން ފެނޭ ، ހިތައްއަރާ ބޮޑުޚަރަދު ކޮއްފައި ބޭރުގެ ޔުނިވަރސިޓީތަކަށް ކީއްކުރަންބާވައޭ ދަރިން މިފޮނުވަނީ
ޝާން
22 April 2018
މިކޮމެންޓަށް އަހަރެން 100 ދޭނަން. ނަން ކިޔާފައި މިހާރުވެސް އެެތަށް ކުދިންނެއް ބުނެފާނަށް އެތަނުން ޑިގްރީއަށް ކިޔަވާ ނަމަވެސް އިނގެރޭސިން އެންމެ ޖުމްލައެއްވެސް ހަދަންނޭންގޭ
ހޯރަފުށީ ޙުސޭނުބޭ
22 April 2018
އިބްރާ ގެ މަންދު ކޮލެޖުވަނީ ވަރަށް ބޮޑަށް ފެއިލް ވެފާ. މި އަހަރު ފެށި ބައެއް ކޯސް ތަކުގެ ދަރިވަރުން ތިބީ މިހާރު ވާނުވާ ނޭނގިފައި. ގުޅާލީމާ ބުނަނީ 2 ވަނަ ޓާރމުގައި ކުރިޔަށް ދާނެޔޭ. މި ވަގުތު ކުދިން ނެތީއޭ... ދައްކާ ވާހަކަޔާ އަމަލާ އެއްގޮތަކަށް ވެސް ދިމައެއް ނުވޭ. ވަރަށް ސަލާމް އިބްރާ.
ސިޔާސަ
22 April 2018
އިބުރާ ތީތި ކަޑައޭ މިރާއްޖޭގައި މަތީތަޢުލީމުދޭ ތަންތަނުގެ ތެރެއިން އެންމެ ކަމުނުދާ ފެންވަރު ދަށް ކޮލިޓީ ނުހިފެހެއްޓޭ ތަނަކީތީ. އަދި ތިތަނުން ނިކުންނަ މީހުންގެ އިޖުތިމާއީ ފޭރާންވެސް އޮންނަނީ ވީދި ހަސްނެތިފަ. ގައުމު ހަލާކުކުރުމުގެ އިސްފަޑީގަ ތިބެނީ އެމީހުން.