ބައެއް ފަންނާނުން ޖިންސީ ޝިކާރައަކަށް އަމިއްލައަށް ވެސް ވޭ: ސަރޯޖް ހާން

ސަރޯޖް ހާން: ކާސްޓިން ކައުޗާ ބެހޭ ގޮތުން އޭނާ ދެއްކި ވާހަކަތަކުން ގިނަ ބަޔަކު ހިތްހަމައެއް ނުޖެހުނު.

އަހުމަދު އަދްޝަން، މިހާރު

25 އެޕްރީލް 2018 - 06:11

އިންޑިއާގައި ރޭޕްގެ މައްސަލަ ބޮޑުކަމުން އެކަމާ ދެކޮޅަށް އަޑު އުފުލުން އިތުރުވެފައި ވަނިކޮށް ބޮލީވުޑްގެ މަޝްހޫރު ކްރިއޮގްރާފަރު ސަރޯޖް ހާން ދެއްކި ވާހަކަޔަކުން ގިނަ ބަޔަކު ރުޅިގަދަވެއްޖެ އެވެ.

މިދިޔަ އަންގާރަ ދުވަހު މުމްބާއީގައި ބޭއްވި ނޫސް ކޮންފަރެންސެއްގައި ސަރޯޖް، 69، ވަނީ ބޮލީވުޑުން ފުރުސަތު ހޯދުމަން އަންހެން ފަންނާނުން ފިރިހެން ޕްރޮޑިއުސަރުންނާ ނާޖާއިޒް ގުޅުންތައް ބޭއްވުމަކީ މާބޮޑު މައްސަލައެއް ނޫން ކަމަށް ދޭހަވާ ގޮތާ ވާހަކަ ދައްކައިފަ އެވެ.

މިއީ ބޮލީވުޑްގައި ހިނގާ އެކަމަކު ގިނަ ބަޔަކު ދައްކަން ބޭނުން ނުވާ ވާހަކައެކެވެ.

އަޑުތައް އަރާފައި އޮންނަ ގޮތުން ބޮލީވުޑުން ފުރުސަތެއް ހޯދަން ނުވަތަ ކާމިޔާބު މީހަކަށް ވާން ބޭނުން ނަމަ އެންމެ ފަސޭހަ މަގަކީ ނުފޫޒު ގަދަ ޕްރޮޑިއުސަރެއް ނުވަތަ ޑައިރެކްޓަރެއްގެ "ހިތް އުފާކޮށް ދީގެން" ފުރުސަތެއް ހޯދުމެވެ.

Can’t begin to think what thousands of girls go through in the hope that their “dreams” will come true! Nobody wants to sleep with someone for work. But they are made to feel it’s the only way & “acceptable”. And for those who don’t, it’s a tough road! This has to stop! #TimesUp
— Sophie Choudry (@Sophie_Choudry) April 24, 2018

ސޯފީގެ ޓްވީޓްތަކެއް.

"އަދި މީގައި އޮތް ހިތްހަމަޖެހުމަކީ އެ ގުޅުމުގެ ތެރެއިން ކަމަށް ވިޔަސް، ބޭނުންކޮށްފައި އެ މީހަކު އެއްލައި ނުލާކަން. އެ މީހަކަށް ދިރިއުޅުމެއް ހޯދައިދޭކަން،" ވަރަށް ގިނަ ފިލްމްތަކަށް ނެށުންތައް ހަދައި ދީފައިވާ ސަރޯޖް ބުންޏެވެ.

އޭނާ ބުނި ގޮތުގައި އެކްޓިން ކެރިއަރެއް ހޯދަން މިއީ ބައެއް ބަތަލާއިން އަމިއްލަ އަށް ބޭނުންވެގެން ވެއްޓި ގަންނަ ވަޅުގަނޑެކެވެ. އެހެންވެ މީގައި ބޮލީވުޑް ކުށްވެރިކުރަން ނުޖެހޭ ކަމަށް ބުންޏެވެ.

"އެއީ އެ މީހެއްގެ ކެރިއާ ބިނާ ކުރަން ބޭނުންވެގެން އަމިއްލަ އަށް އިހުތިޔާރު ކުރާ މަގެއް،" ސަރޯޖް ބުންޏެވެ. "އެހެންވެ ބޮލީވުޑް ނުވަތަ ވަކި ބަޔަކު ބޮލަށް މިކަން ޖެހުމުގެ ފުރުސަތެއް ނެތް."

އޭނާގެ މި ވާހަކަތަކަށް ބައެއް މީހުން ފާޑުކިޔަން ފެށުމުން ސަރޯޖް ވަނީ މިހާރު މާފަށް ވެސް އެދިފަ އެވެ.

ސަރޯޖްގެ ވާހަކަތަކާ ގުޅޭ ގޮތުން ބަތަލާ އަދި ލަވަކިޔުންތެރިޔާ ސޯފީ ޗައުދަރީ ބުނީ އަންހެނުން ހިމާޔަތް ކުރުމުގެ ވާހަކަ ދައްކަމުން އަންނަނިކޮށް ސަރޯޖް ކަހަލަ މީހަކު ދެއްކި "ހަޑި ވާހަކަ" އަކީ ގަބޫލު ކުރެވޭނެ ވާހަކަތަކެއް ނޫނެވެ.

ބޮލީވުޑް ޖިންސީ ގޯނާކުރުން ޖިންސީ އަނިޔާ

3 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝިޔާމް

25 April 2018

މީވެސް ޕޮރޮޑިއުސަރުން ހިތް އުފާކޮށްދީގެން ކުރިއަރައިދިޔަ މީހެއް ދޯ؟ އެކަމަށް ހިތްވަރު ދެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެންނސލ

25 April 2018

ހަގީގަތް ހާމަކުރީމަ މައްސލައަކަށްވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެންޑްރިކް

25 April 2018

ގެރި ކޮސްޓިއުމް އެއް ލައިގެން އުޅޭ އިންޑިއާ ކުދިން، އެހެން ނޫނީ ގެރި ކުރަހާފަ ހުންނަ ހެދުމެއް ވިއަސް. އޭރުން އިންޑިއާ މީހުން ރެސްޕެކްޓް ކުރާނެ. ލޮލް. މޮޔަ އިންޑިއާ!