ތުޅާދޫގައި ލިޔެލާ ޖަހައި ތައްޔާރުކޮށްފައި ހުރި އެއްޗެހިތަކެއް.-- ފޮޓޯ: ތުޅާދޫ ލެކިއާ
30 އެޕްރީލް 2018 - 16:59
1 comments
ރާއްޖޭގެ ގިނަ ބަޔަކަށް ލިޔެލާ ޖަހަން ދަސްކޮށްދިނުމަށް ބ. ތުޅާދޫ ކައުންސިލުން ނިންމައިފި އެވެ.
ލިޔެލާ ޖެހުމަށް ރާއްޖޭގައި އެންމެ މަޝްހޫރު ރަށުގެ ކައުންސިލްގެ ރައީސް އަހުމަދު ރަޝީދު މިއަދު ވިދާޅުވީ، އެ މަސައްކަތް ދަސްކޮށްދިނުމަށް އެދި ވަރަށް ގިނަ ރަށްރަށުގެ ކައުންސިލްތަކުން އެދެމުން އަންނަ ކަމަށެވެ. އެހެންވެ، ތުޅާދޫ ކައުންސިލަށް އެއް ލައްކަ ރުފިޔާ ދިނުމުން، އެ ރަށަކަށް ގޮސް ކޯސް ހިންގައިދޭނެ ކަމަށް އޭނާ ވިދާޅުވި އެވެ.
އަހުމަދު ވިދާޅުވީ މަސް ދުވަހަށް ހިންގާ ކޮންމެ ކޯހަކުން 30 މީހުންނަށް ލިޔެލާ ޖަހަން ދަސްކޮށްދޭނެ ކަމަށެވެ.
"އެއް ލައްކަ ރުފިޔާ ދިނުމުން، އެ މަސައްކަތަށް ބޭނުންވާ 10 މެޝިނާއި އިންސްޓްރަކްޓަރަކު ފޮނުވައިދޭނެ. އެ ވަރުގެ ފީއެއް ނަގަނީ އިންސްޓްރަކްޓަރަށް މުސާރައިގެ ގޮތުގައި ބޮޑު އަދަދެއް ދޭން ޖެހޭތީވެ،" އަހުމަދު ވިދާޅުވި އެވެ.
"ކެއުމާއި ހުރުމާއި ދަތުރުގެ ހަރަދުތައް ވެސް އެ ކައުންސިލަކުން ކޮށްދޭން ޖެހޭނެ. ލިޔެލާ ޖަހަން ދަސްކުރާ ލަކުޑި ހޯދުމަކީ ވެސް އެ ކައުންސިލެއްގެ މަސައްކަތެއް."
ތުޅާދޫގެ 30 އަކަށް އާއިލާ އިން މިހާރު ވެސް އާމްދަނީ ހޯދުމަށްޓަކައި ލިޔެލާ ޖެހުމުގެ މަސައްކަތް ކުރެ އެވެ. އަދި އެ މަސައްކަތުން ރަނގަޅު އާމްދަނީއެއް ވެސް ލިބޭ ކަމަށް ކައުންސިލުން ބުނެ އެވެ.
ރާއްޖެ ވަޑައިގަންނަވާ ބޭރުގެ އިއްޒަތްތެރިންނަށް އާންމުކޮށް ދެއްވަަމުން ގެންދަވަނީ ވެސް ތުޅާދޫގެ ހުނަރުވެރިންގެ އުފެއްދުންތަކެވެ. އޭގެ ތެރޭގައި ލިޔެލާ ޖަހާފައި ހުންނަ މާވަށިގަނޑު ފަދަ ތަކެތި ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވާލުސޮރު
30 April 2018
ރާއްޖޭގަ ތިބި ހުނަރުވެރި މަސައްކަރްތެރިންނަށް ރަށުކައުންސިލް ތަކާގުޅިގެން މަސައްކަތްތެރިކަން ދަސްކޮށްދިނުމުގެ ފުރުސަރު ހުޅުވާލައިފިއްޔާ ވަރަށް ކާމިޔާބުވާނެހެން ހީވޭ. މިހާރު ގިނަފަހަރަށް ރަށެއްގެ ކޮންމެވެސް ޖަމިއްޔާއަކުން ފަންޑް ހޯދައިގެން ކޯސްތައް ހިންގަނީ އެހެންކަމުން ގިނަފަހަރަށް ރަށްރަށަށް ގޮސް ކޯސް ހިންގަދެނީ އެހާ ފެންވަރުރަނގަޅު ތަޖުރިބާކާރު މަސައްކަތްތެރިންނެއްނޫން ރަނގަޅު ބަޔަކު ރަށްރަށަށް ދާނީ އެކަށިގެންވާ ޚިދުމަތާ ރަނގަޅު އަގުވެސް ލިބެންޏާ.