އިއްޔެ ފުލުހުންގެ އިދާރާއިން ނުކުމެ ޔުމްނާ ނޫސްވެރިންނާ ވާހަކަ ދައްކަނީ-- ފޮޓޯ: ހުސައިން ވަހީދު/މިހާރު
08 މެއި 2018 - 13:20
6 comments
ބޮޑުބޭބޭފުޅު ރައީސް އަބްދުﷲ ޔާމީންގެ ވެރިކަން، ރިޝްވަތު ދީގެން ވައްޓާލަން އުޅުނު ކަމަށް ސަރުކާރުން ތުހުމަތު ކޮށްފައިވާ، ޔުމްނާ މައުމޫން ވަކީލެއް ހަމަޖެއްސުމަށް ފަސް ދުވަހުގެ މުއްދަތެއް ދިނުމަށް އެދުމުން އެކަން ކުރެވެން ނެތް ކަމަށް ފުލުހުން މިއަދު ބުނެފި އެވެ.
ގާނޫނާ ޚިލާފަށް ވެރިކަން ވައްޓާލަން އުޅުމުގެ ތުހުމަތު ކޮށް ޔުމްނާ އިއްޔެ ވަނީ ފުލުސް އޮފީހަށް ހާޒިރުކޮށްފަ އެވެ. ގާނޫނީ ވަކީލެއްގެ އެހީތެރިކަން ބޭނުންވާ ކަމަށް ވިދާޅުވުމުން ވަކީލަކާ އެކު މިއަދު 4:30 ގައި ފުލުހަށް ހާޒިރުވާން އަންގައި އިއްޔެ ވަނީ ޗިޓް ހަވާލުކޮށްފަ އެވެ.
I requested @PoliceMv to give me 5 days to appoint lawyer since all lawyers are very busy with the court cases of my family members and visits to them. However, @PoliceMv refuses to give me that opportunity. @hrcmv @UNHumanRights @antonioguterres @amnesty pic.twitter.com/ePg42eFntA
— Yumna Maumoon (@yumna_maumoon) May 8, 2018
ވަކީލެއް ހަމަޖެއްސުމުގެ މުއްދަތު އިތުރު ނުކޮށްދިން ކަމަށް ޔުމްނާ ވިދާޅުވެ ކުރެއްވި ޓްވީޓް
އެކްޓިން ކޮމިޝަނާ އޮފް ޕޮލިސް އަބްދުﷲ ނަވާޒަށް ޔުމްނާ އިއްޔެ ފޮނުވާފައިވާ ސިޓީއެއްގައި ވިދާޅުވެފައިވަނީ އޭނާގެ އާއިލާގެ ތިން މެމްބަރަކު މިހާރު ވެސް ހައްޔަރު ކޮށްފައިވާތީ އާއި ގާނޫނީ ވަކީލުން ވަރަށް ބުރަކޮށް ކަމަށް ވާތީ، ވަކީލެއް ހަމަޖެއްސުމަށް ފަސް ދުވަހުގެ މުއްދަތެއް ދިނުމަށެވެ.
ޖަވާބުގައި ފުލުހުން ފޮނުވި ސިޓީގައި ބުނެފައި ވަނީ ޔުމްނާ އެދިފައިވާ ގޮތަށް އެކަން ކޮށްދެވެން ނެތް ކަމަށެވެ.
Vakeelakaa eku maadhama Fuluhah haaziruvaan Yumna ah angaifi
The most trusted news source in the Maldives
Mihaaru
ޔުމްނާ އިއްޔެ ފުލުހުންގެ އިދާރާއަށް ހާޒިރުކުރުން--
ވެރިކަން ވައްޓާލަން އުޅުމުގެ ތުހުމަތުގައި، ބައްޕާފުޅު މައުމޫނާއި ކޮއްކޯފުޅު އަހުމަދު ފާރިސް މައުމޫން އަދި ފިރިކަލުން މުހައްމަދު ނަދީމް ވެސް ވަނީ ޝަރީއަތް ނިމެންދެން ޖަލުގައި ބަންދުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު ނަދީމު
08 May 2018
ނުކުރައްވާކަމެއް ކަމަށްވިދާޅިވެފަ ފަހަތުން ވިދާޅުވަނީ ވަކީލެއްހޯއްދަވަން ފަސްދުވަސް ދެއްވާށޭ ނުކުރައްވާކަމަކަށް ވަކީލެއް ބޭނުންވާނެތޯ.............
ހޮޓްކިންގ
08 May 2018
ޔުމްނާ ކޮބައިތޯ ޔުމްނާއާއި އެކު ފައިލްބޮނޑި ހިފައިގެން ކޮންމެ ރެއަކުހެން ކުނޫޒުގައި ޕްރެސް ކޮންފަރެންސް ދޭން ވަށާލާފައި ތިބޭ ވަކީލުންތައް؟ އޮޑި ފެތެންފެށީމާ އެހީނުވެ ފިލާ ރައްކާވީތޯ؟ މި ދުވަސް ނައިސް ވެރިކަން ވައްޓާލައި ތިމާމެންގެ ބާރުގެ ދަށަށް ގައުމު ގެންދެވޭނެކަމުގައި ހާދަ ޔަގީންކަމެއް އޮވެގެން ހޭވިހަޑިއެއްހެން މިހާރު ހީވެއެވެ.
އަބްދުﷲ ޖަލީލު
08 May 2018
ޔާމީނާ ވައިއެޅުނު މީހަކަށްވެސް ސަލާމަތެއް ނެތްކަން ވަރަށް ސާފުކޮށް މިފެންނަނީ. އަދިވެސް އޭނަ އަށް ވޯޓު ދޭތި.
ބުރަނީ
08 May 2018
އާއިލާ ދުއްވާލަންބޭނުންވަނީ ގައްސާނު ފިޔަވައި، ބޮޑުބޭބެގެ ހެޔޮކަން ތިފެންނަނީ، ކުދިންނޭ ބައްޕަ އަށް އޮޅިވަޑައިގެން ޔާމިން ވެރިކަމަށް ގެނުވުނީ، ދެން ސަލާމަތެއްނެތް،
މަރި
08 May 2018
ނުދޭނެ ތިހުރީ ބޮޑުބޭބެގެ ހެޔޮފުޅުކަން ޖެހިފަ، ކޮށްކޮ އެހުރީ ހެވިދލިފަ،
އަސްލު
08 May 2018
އަނިޔާވެރިކަމެއްގެ ހުންނާނެ ހުރިހާ ކުލައަކާއި ސިފައެއް ފެންނަމުން މިދަނީ, ﷲއިންޝާ މިވެރިކަން ވަރަށް އަވަހަށް ނިމޭނެ, އަނިޔާވެރިންގެ ނިމުން ހުތިވާނެ, އިންސާފުގެ ކުރިމައްޗަށް ދާދި އަވަހަށްގެނެވޭނެ, އާރާބާރު ކެނޑި ހައްގުއަދަބުލިބޭނެ އެދުވަސް ދާދި އަވަހަށް ފެންނާނެ, ހައްގަށް ނަޞްރުލިބޭނެ,