ދަރުމަވަންތަ ސްކޫލުގެ ބާ އިމާރާތް.--މިހާރު ފޮޓޯ.
25 ޖުލައި 2016 - 06:45
1 comments
ދަރުމަވަންތަ ސްކޫލުގެ އާ އިމާރާތުގެ އަމަލީ މަސައްކަތްތައް އަންނަ އަހަރު ފަށާނެ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
އެ ސްކޫލް ބާވެ ގިނަ ގެއްލުންތަކެއް ލިބިފައިވާތީ، ދަރުމަވަންތަ ސްކޫލުގައި ކިޔަވަމުން އައި ދަރިވަރުން މިއަހަރުން ފެށިގެން ކިޔަވަމުން އަންނަނީ، ވެލާނާގޭ ކައިރީގައި ހަދާފައި ހުރި ވަގުތީ އިމާރާތުގަ އެވެ.
އެ މިނިސްޓްރީގެ ޑެޕިއުޓީ މިނިސްޓަރު އިބްރާހިމް އިސްމާއިލް ވިދާޅުވީ އެ ސްކޫލު އަޅާނެ ބަޔަކު ހޯދަން އިއުލާން ކުރަން ތައްޔާރުވަމުން އަންނަ ކަމަށާއި އަދި އެ އިމާރާތް އަޅާނެ ގޮތުގެ މަޝްވަރާތައް ވެސް މިނިސްޓްރީން ކުރަމުން އަންނަ ކަމަށެވެ.
ދަރުމަވަންތަ ސްކޫލުގެ ވަގުތީ އިމާރާތް--މިހާރު ފޮޓޯ
އޭނާ ވިދާޅުވީ ދަރުމަވަންތައިގެ އިމާރާތް މިއަހަރު ތަޅާލާނެ ކަމަށާއި އަދި ކުރެހުމުގެ މަސައްކަތް ވެސް މި އަހަރު ކުރާނެ ކަމަށެވެ.
"އަންނަ އަހަރު މަސައްކަތް ފަށާނީ. ކުރެހުމާއި ބިން ސާފުކުރުން ފަދަ މަސައްކަތް އޮންނާނެ. އެއީ ވަރަށް ގިނަ ވަގުތު ނަގާ ކަންކަން،" އިބްރާހިމް އިސްމާއިލް ވިދާޅުވި އެވެ.
އިބްރާހިމް އިސްމާއިލް ވިދާޅުވި ގޮތުގައި ދަރުމަވަންތަ ސްކޫލުގައި ފަހުން ހެދި ހޯލް ފިޔަވައި ހުރިހާ ތަނެއް ތަޅާލާނެ އެވެ. އަދި އެ ހޯލް މަޖީދިއްޔާ ސްކޫލަށް ބޭނުންކުރެވޭނެ ކަމަށް އޭނާ ވިދާޅުވި އެވެ.
ދަރުމަވަންތައިގެ ބާ އިމާރާތުގައި 40 ކްލާސް ރޫމް ހުރެ އެވެ. އެތަނުގައި ގާތްގަނޑަކަށް 1000 ދަރިވަރުން ކިޔެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަމަހަމަ
25 July 2016
ހުޅުވަނީ ހުޅުވަނީ ނުކިޔާ، އެންމެ ފުރަތަމަ ތި ތަން އެޅޭތޯ ބަލާބަލަ. ސުކޫލުތައް ހުޅުވުމަކީ ބޮޑު ސްކްރީން ފިލްމެއްތަ ހުޅުވަނީ ހުޅުވަނީ ކިޔަން. ބޮޑު ސްކްރީން ފިލްމުތަކޭ ސްކްރީން ޕްލޭ ލިޔާ ހިސާބުން އިޝްތިހާޜު ބޯޑުތަކާއި ބެނާތައް ދަމައިގެން އިޝްތިހާރު ކުރަނީ