ގާސިމްގެ ހަގު އަނބިިކަނބަލުން އައިޝާ ޖޭޕީގެ ކޮންގްރެސްގެ ނުރަސްމީ ބައްދަލުވުމެއްގައި.
22 ޖޫން 2018 - 15:17
16 comments
ޖުމްހޫރީ ޕާޓީ (ޖޭޕީ) ން މިއަދު ފަށާ ކޮންގްރެސްގައި އިންތިޚާބުކުރާ އެ ޕާޓީގެ ކައުންސިލަށް، ލީޑަރު ގާސިމް އިބްރާހީމްގެ ހަގު އަނބިކަނބަލުން އާއިޝަތު ނަހުލާ (އައިޝާ) ކުރިމަތިލައްވައިފި އެވެ.
ގާސިމްގެ ޕެރަޑައިސް އައިލެންޑް ރިސޯޓުގައި ބާއްވާ ޖޭޕީގެ ތިން ވަނަ ކޮންގްރެސްގައި އެ ޕާޓީގެ ކައުންސިލަށް 15 މެމްބަރުން އިންތިޚާބު ކުރުމަށް ވަނީ ނިންމައިފަ އެވެ. އެ މަގާމުތަކަށް ކުރިމަތިލެއްވި ބޭފުޅުންގެ ތެރެއިން އެންމެ ބޮޑު ތަރުހީބެއް ލިބެމުން އަންނަނީ މީގެ ކުރިން ސިޔާސީ މަގާމެއް ފުރުއްވާފައި ނުވާ އައިޝާ އަށެވެ.
ގާސިމްގެ ތިން އަނބިކަނބަލަކު ތިއްބަވާއިރު، އައިޝާ ފިޔަވައި އެހެން ބޭކަނބަލަކު މިފަދަ ސިޔާސީ މަގާމަކަށް މިހާތަނަށް ކުރިމަތިލައްވައިފައެެއް ނުވެ އެވެ. އައިޝާ އެންމެ ފަހުން އާންމުންނަށް ފެނިފައި ވަނީ 2013 ގެ ރިޔާސީ އިންތިޚާބަށް ގާސިމް ކުރިމަތިލެއްވިއިރު، އޭނާގެ ކެމްޕެއިންގެ ތެރެއިންނެވެ. އޭރު، ގާސިމަށް ކެމްޕެއިން ކޮށްދެއްވުމަށް އައިޝާ ބައެއް ރަށްރަށަށް ވެސް ވަޑައިގަތެވެ.
މިހާރު ކުރިއަށް ގެންދާ ޖޭޕީގެ ކޮންގްރެސްގެ ތެރެއިން، އެ ޕާޓީގެ ލީޑަރު ގާސިމްގެ ހަގު އަނބިކަނބަލުން އައިޝާ (ވ) އަދި ޖޭޕީގެ ޔޫތު ލީގުގެ މިހާރުގެ ނައިބު ރައީސް ސުވެއިބާ އެކު ފޮޓޯއެއް ނަންގަވަނީ.
މިއަދު ހަވީރުން ފެށިގެން މިރޭގެ ފަތިހާ ހަމައަށް ކުރިއަށް ގެންދާ ޖޭޕީގެ ކޮންގްރެސްގައި 30 މަގާމަކަށް މީހުން އިންތިޚާބު ކުރާނެ އެވެ. ސިއްރު ވޯޓަކުން އިންތިޚާބު ކުރާ މުހިންމު މަގާމުތަކުގެ ތެރޭގައި ޕާޓީގެ ރައީސާއި ނައިބު ރައީސާއި ހަތަރު ނައިބު ލީޑަރުންގެ އިތުރުން ޒުވާނުންގެ ލީގާއި އަންހެނުންގެ ލީގުގެ ރައީސާއި ނައިބު ރައީސާއި ސެކްރެޓަރީ އާއި ދެ މެމްބަރުން ހިމެނެ އެވެ. އަދި ކޮންގްރެސްގެ ތެރެއިން 15 މީހަކު އިންތިޚާބު ކުރާނެ އެވެ.
ޖޭޕީގެ އާ އަސާސީ ގަވާއިދުގެ ދަށުން އެ ޕާޓީގެ ރައީސާއި ނައިބް ރައީސްގެ މަގާމަކީ އަލަށް އުފައްދާ ދެ މަގާމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލަބީބު
24 June 2018
މިހާރު މަޝްހޫރު ވެފަ ހުރިލެއް ކުޑަވީ ދޯ؟
މަގޭ އައިސާ
24 June 2018
އައިޝާ ރައީސް ކަމަށް ކުރިމަތިލާ . އަހަރެން ވޯޓް އައިސާއަށް ... ޔަގީން
ނަިސް
24 June 2018
ވަރަށް ނައިސް އައިސާ. ގާސިމް . ވެއްޖެނޫ ފެމެލީއަށް ވަގުތު ދޭން
އައްޑޫ އަލީ
24 June 2018
ދެވަނަ ގްރޭސް މުގާބޭއަކަށް ނުވާނެ ކަމަށް އުއްމީދުކުރަން.
ގޯލްޑް ޑިގާރސް
23 June 2018
ގޯލްޑް ޑިގާރސް
ރީތި މޫސަ
23 June 2018
ޤާސިމް ސިޔާސީ މައިދާނަށްނުކުތީ މޮޔަކަމުން ވިޔަފާރިވެރިން ރައީސްކަމަށްއައުމަކީ ރަނގަޅުކަމެއްނޫން އެކަމުގެހެކި އެފެންނަނީ އެމެރިކާއިން ޓުރަންޕް އެޔޮށް އިނދަޖެހެނީ ވިޔަފާރިތަށް ބަނގުރޫޓުވަނީ ހަމައެހެން ޤާސިމަށް އެދަނީވަމުން ގާތުތިއެންމެންވެސް މަސައްކަތްކުރަނީ ފައިސާކޮޅެއް ލިބޭތޯ
ސލވރ
24 June 2018
Trump ގެ ވިޔަފާރި ބަގުރޫޓު ވާކަމަށަ ތިބުނަނީ ކޮން ހެއްކެއްގެ މައްޗަށް ބިނާކޮށް ހެއްޔެވެ؟ އޭނާ ވެރިކަމަށް އައި ފަހުން އެމެރިކާގެ އިގްތިސާދީ ކުރިއެރުން ޖެހުނީ ކުރިޔަށް.
ތުއްތޫ
22 June 2018
އަޅުގަނޑުމެންނާ ނުލައި އެއްވެސް ބަޔަކަށް ކާމިޔާބު ނުވާނެ
12345
22 June 2018
ކީއްވެތަ ގާސިމްގެ އެހުރިހާ ދަރިން ތިބިއިރު އޭގެން ދަރިއަކު މިކަމާ ނޫޅެނީ! ނިކަން ބައްލަވާ މައުމޫނުގެ ހުރިހާ ކުދިން އެތިއްބެވީ ބާއްޕާފުޅުގެ ފަހަތުގައި. ގާސިމްގެ އާއިލާއިން ނުފެނޭ އެހިތްވަރެއް. ޕާޓިގެ މަގާމަކުންވެސް ނުފެނޭ.
ފަހަރި
22 June 2018
ގާސިމުގެ ދަރިންނަށް ވިސްނޭ ޕާޓީއާއިގެން އުޅުމަށްވުރެ ވިޔަފާރިޔާގެން އުޅުނިއްޔާ ގާސިމަށްވެސް އެކުދިންނަށްވެސް އަދި އެތައް ސަތޭކަ މުވައްޒިފުންނާއި އެމީހުންގެ އާއިލާތަކަށްވެސް ފައިދާ ބޮޑުވާނެކަން.
ކޮސްވާހަކަ
22 June 2018
މައުމޫނުގެ ހުރިހާ ދަރިން މައުމޫނުގެ ފަހަތުގައި ތިބިތަނެއް ނުފެނޭ! އެކަކު އަދިވެސްހުރީ ސަރުކާރުގެ އިސް މަގާމެއްގައި.
އާދަނު
23 June 2018
މައުމޫނުގެ ބައެއްކުދިންތިބީ ސައިޒު ގަ!!! ވަރަށް ވާހަކ!!!
ރަށުމީހާ
23 June 2018
ކޮސްވާހަކަ ތިބުނީ ރަނގަޅައް ޣައްސާނު އެހުރީ ކޮންބޮޑުވަރިހަމައެއްގަތަ
ޢަލީމް
23 June 2018
ވެރިކަމުގެ ތަޅާފޮޅުން ޣައްސާނާ ފާރިޝްގެ ދެމެދުނެތްނަމަ ޣައްސާން އެގޮތަށް ބައްޕަދޫކޮށްފަ ނުދާނެ.
މެންގޯ
22 June 2018
ސާބަހޭ ޒުހުއްތަ!
ޕްލީޒް
22 June 2018
ގާސިމްގެ އަނބިކަނބަލުން އައިޝާ ޖޭޕީގެ ކައުންސިލަށް ވާދަކުރައްވަނީ ނަމަ އެއީ މަމެން އުފާ ކުރާ ކަމެކޭ ޒަކާތް ފެށެން ޖެހޭނީ ގޭތެރެއިންނޭ ސޯ ގާސިމްގެ ހަނގު އަނބިން ޖޭޕީގެ ކައުންސިލް ގައި ބައިވެރި ވުމަކީ އެއީ ހަމަ ރަނގަޅު ކަމެކޭ. މަމެން އުއްމީދު ކުރަމޭ ގާސިމްގެ ހުރިހާ ކުދިން ވެސް ބައްޕަގެ ދުނިޔޭގައި ޖޭޕީގެ ކައުންސިލުގެ މަގާމް ތައް އަދާ ކުރާނޭ ކަމަށް މިއަދު އަދި ގާސިމް އަށް ހުކުމެއް އައިސް ރާއްޖޭން ބޭރުގައި ހުރި ނަމަވެސް މަމެން ރާވާފައިވާ ޕޮލިޓިކަލް ގޭމް ކާމިޔާބު ވާއިރު ރާއްޖޭގައި އިދިކޮޅު ޕާރޓީ އަކަށް އޮންނާނީ ޖޭޕީ އެކަންނޭ އެމްޑީޕީ އޮންނާނީ އުވާލާފައޭ ކެނެރީގެ ނަޝީދު ނުފެންނާނެއޭ ރާއްޖޭގެ ސިޔާސީ މައިދާނުން އޭނާ ހުންނާނީ ލަންކާގައޭ ދެން އޭނާގެ އުމުރު ހުސްވަން ދެން ގާސިމްގެ މުޅި ފެމިލީގެ ބާރު ޖޭޕީ ތެރެއަށް ގަދަ ކުރަންވީ ޕްލީޒް ޑޯންޓް ގިވް އިޓް އަޕް ޕްލީޒް ޑޯން ލެޓް ސަމްބަޑީ އެލްސް ޓު ރިޕްލޭސް ޔޫ...