ފްލެޓަށް އެދެން މީހަކު ފޯމު ނަގަނީ: މިއަދުން ފެށިގެން ފޯމު ބަލައިގަންނާނީ ހައުސިން މިނިސްޓްރީގައި. --ފޮޓޯ: ނިޝާން އަލީ/މިހާރު
08 ޖުލައި 2018 - 11:17
7 comments
މި ސަރުކާރުން ހުޅުވައިލި 7،000 ފްލެޓަށް އެދޭ ފޯމު ބަލައިގަތުމާއި ދޫކުރުން، މިއަދުން ފެށިގެން ހައުސިން މިނިސްޓްރީގައި ކުރިއަށް ގެންދަން ފަށައިފި އެވެ.
މި މަޝްރޫއުގެ ފޯމުތައް މިދިޔަ ބުރާސްފަތި ދުވަހާ ހަމައަށް ބަލައިގަތީ، ދަރުބާރުގޭގަ އެވެ.
ހައުސިން މިނިސްޓްރީގެ މީޑިއާ ކޮންސަލްޓަންޓު، އަހްމަދު ފަޒާލް މިއަދު ވިދާޅުވީ ފޯމުތައް ބަލައިގަތުމަށް ޚާއްސަ އިންތިޒާމު ތަކެއް އެ މިނިސްޓްރީގައި ހަމަޖައްސާފައި ކަމަށެވެ. ފޯމު ހުށަހަޅަން މިނިސްޓްރީ އަށް ވަންނަން ޖެހެނީ އިއްޒުންދީން މަގަށްވާ ގޮތަށް ހުންނަ ދޮރުންނެވެ.
ރަސްމީ ދުވަސްތަކުގައި، ކޮންމެ ދުވަހަކު ހެނދުނު 9:00 އިން ހަވީރު 3:00 އަށް އަދި ހަވީރު 4:00 އިން 6:00 އަށް ފޯމު ބަލައިގަންނާނެ އެވެ. އަދި ރޭގަނޑު 8:00 އިން 11:00 އަށް ވެސް ފޯމު ބަލައިގަންނާނެ ކަމަށް ހައުސިން މިނިސްޓްރީން ބުންޏެވެ.
ހުޅުމާލޭގައި އިމާރާތްކުރާ ފްލެޓްތައް 17 ކެޓަގަރީއަކަށް ބަހާލައި، ފުރުސަތު ހުޅުވައިލުމުން ގާތްގަނޑަކަށް 50،000 ފޯމު ވަނީ ނަގައިފަ އެވެ. ފޯމު ހުށަހެޅުމުގެ އެންމެ ފަހު ތާރީޚަކީ އޮގަސްޓު 31، އެވެ.
އެހެން މަޝްރޫއުތަކާ ޚިލާފަށް، މިފަހަރު ފްލެޓަށް އެދެން ލުއި ގޮތްތަކެއް ހަމަޖައްސާފައިވާ ކަމަށް ވެސް ހައުސިން މިނިސްޓްރީން ވަނީ ބުނެފަ އެވެ.
ރައީސް އަބްދުﷲ ޔާމީންގެ ސަރުކާރުން ހުޅުވައިލި ބޯހިޔާވަހިކަމުގެ ފުރަތަމަ މަޝްރޫ އަށް ގާތްގަނޑަކަށް 15،000 މީހުން ކުރިމަތިލި އެވެ. އެ މަޝްރޫއުގެ ފުރަތަމަ ބުރުން ފްލެޓް ދިނީ އެންމެ 704 މީހުންނަށެވެ. އެކަމަކު، ހުޅުމާލެ ދެވަނަ ފިޔަވަހީގައި، 80،000 ފްލެޓް އަޅަން ނިންމާފައިވާއިރު، ބޯހިޔާވަހިކަމުގެ ދަތިކަން ތަހައްމަލުކުރާ ގިނަ ބަޔަކަށް ފްލެޓް ލިބޭނެ ކަމުގެ ޔަގީންކަން މި ސަރުކާރުން ވަނީ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައި
08 July 2018
ސަރުކާރުންކިތައްމެރަގަޅުފުރުސަތެއްހުޅުވާލިއަސް އެއްމެފަހުވަގުތުފުލެޓުތަށްބަހާލަނީވަކިބަޔަލކަށް އަހަރެންމަޢޫމާތެއްސާފުކޮއްލަންވެގެންހިޔާފޯމްގަ އިންނަމްބަރަށް ހެނދުނުދިހަކުންއެގާރަގަޑި ސާޅިސްފަހެއްވަނަދެންގުޅިއިރުވެސްފޯނެއް ނުނަގާމިހާވަރުންކިހިނެއްމިމީހުންދައްކާވާހަކަ ގަބޫލިކުރާނީފޯނުނުނަގާބައެއްމީ
ޞހބަ
08 July 2018
ދަރުބާރުގެ ޔާމިން ބޭނުންވީހެން ހީވަނީ
ފެހިނިރު
08 July 2018
ރިޔާސީއިންތިހާބާ ޖެހެންދެން ފޯމްލެވޭގޮތަަށް ހަދާނެ. ވޯޓް ހޯދަށް ޖަހާ މަޅި ހަންތާވެސް
ތާކިހާ ހަލީމު. އިހުގެ
08 July 2018
ފުލެޓު ފޯރމު ލައިފިއްޔާ ވޯޓު ލާން ޖެހޭނެ..އެނޫނިއްޔާ ފުލެޓު އަތުލެވޭނެ
ޖައްސާތި
08 July 2018
މާލެ ސަރަހައްދުން ފްލެޓްސް ތަކަށް އެދި ފޯރމްލާ އެންމެންނަށް ފްލެޓްސް ތައް ދޭނެ ކަމުގެ ލިޔުން އެންމެންނަށް ހަވާލު ކުރަންވީ 2019 ނިމުމުގެ ކުރިން ފްލެޓްސް ތައް ދޭނެ ކަމަށް ބުނެ. ޢެއިރަށް ހުންނާނީ ރަނގަޅަށެވެ.
ފޮނިކަލޯ
08 July 2018
ތީކޮންމެހެން ފުލެޓް ދޭން ކުރާކަމެއްނޫން ރިޔާސީ އިންތިޚާބުގެ އަޕްޑޭޓެޑް އިންފޮމޭޝަންސް ތަކެއް ހޯދުން
ހަސަންފުތު
08 July 2018
ޒަމާނުންސުރެ ސޯޝަލް ހައުސިންގް ސީކްމްގައި ފްލެޓް ދެމުން ދިޔައީ 3 ކޮޓަރީގެ އެޕާޓްމަންޓް ތަކުން . ނަމަވެސް މިހާރު ބޮޑެތި ޓަވަރު ތަކެއް އަޅާފައި 1 ކޮޓަރި އަދި 2 ކޮޓަރި އެެޕާޓްމަންޓް ތަކެއް ދޭންވެގެން މިއުޅެނީ .. ގިނަ އާއިލާތައް މި އުޅެން ޖެހެނީ މަންމަ ، ބައްޕަ އަދި ދަރިން ގޮވައިގެން .. މިފަދަ އާއިލާތަކައް 1 ކޮޓަރީގެ އެޕާޓްމަންޓް ތައް ލިބުނީމަ ބޯހިޔާވަހިކަމައް ހައްލެއް ނާންނާނެ ދޯ .. އަދި ދިގު ދަތުރު ކޮއްފައި މާލެ އަންނަން ޖެހޭނީ ވަޒީފާ އައް.. ރައީސް ޔާމީން ސަރުކާރުގެ އިސްވެރިން މިހާރުވެސް ލަގްޒަރީ ފުލެޓްތަކުން ބޮޑު 3 ރޫމް އެޕާޓްމަންޓް ތައް ހުރީ ގަނެފައި .. އާމުންނައް އަނެއްކާވެސް ކުދި ގޮޅި އެޕާޓްމަންޓް ތަކެއް މިދެނީ ..