އިލެކްޝަންސް ކޮމިޝަންގައި ބޭއްވި އިންތިޚާބާ ބެހޭ ގައުމީ ކޮމެޓީގެ ބައްދަލުވުމުގައި، އިދިކޮޅު ޕާޓީތަކުގެ އިސްބޭފުޅުން ބައިވެރިވެވަޑައިގަންނަވަނީ: ރަޖިސްޓްރޭޝަނާ ގުޅޭ ގިނަ ޝަކުވާތަކެއް ދަނީ ކުރަމުން.-- ފޮޓޯ: ހުސެއިން ވަހީދު/ މިހާރު
29 ޖުލައި 2018 - 16:21
20 comments
ވޯޓުލުމަށްޓަކައި ރީ ރަޖިސްޓްރީކުރަން ހުށަހަޅާ ފޯމުތަކުގެ ސައްހަކަން ކަށަވަރުކުރާނެ ކަމުގެ ޔަގީންކަން އިލެކްޝަންސް ކޮމިޝަން (އީސީ) އިން މިއަދު ދީފި އެވެ.
އެ ކޮމިޝަންގެ މެމްބަރު އަހުމަދު އަކްރަމް ވިދާޅުވީ އަންނަ ސެޕްޓެމްބަރު 23 ގައި ބާއްވާ އިންތިޚާބަށް، ރަށްވެހިވެފައިވާ ރަށް ނޫން އެހެން ރަށެއްގައި ވޯޓު ލުމަށްޓަކައި ރަޖިސްޓްރީ ކުރަމުން އަންނައިރު އެކަމާ ގުޅޭ ގިނަ ޝަކުުވާތައް ހުށަހަޅަމުންދާ ކަމަށެވެ. އެހެންވެ ފޯމުތައް ބަލަމުން އަންނައިރު އެ ޝަކުވާތަކަށް ބަލާނެ ކަމަށް ވިދާޅުވި އެވެ.
އިންތިޚާބަށް ރަޖިސްޓްރީކޮށްދިނުން ސިޔާސީ ޕާޓީތަކުން ވެސް ކުރަމުން އަންނައިރު، އެކަމުގައި އޮޅުވާލުމާއި މަކަރު ހަދަމުން ދާ ކަމުގެ ތުހުމަތުތައް އެއް ޕާޓީން އަނެއް ޕާޓީ އަށް ދަނީ ކުރަމުންނެވެ. ނަމަވެސް ރަޖިސްޓްރީކުރުމުގައި އެއްވެސް އޮޅުވާލުމަށް ނުހިންގާ ކަމުގެ ޔަގީންކަން ޕާޓީތަކުން ދެ އެވެ.
އަކްރަމް ވިދާޅުވީ ރަޖިސްޓްރޭޝަން ފޯމުތަކުގެ ސައްހަކަން ކަށަވަރު ކުރާއިރު އައިޑީކާޑުގެ މައުލޫމާތުތަކާއި ފިންގަ ޕްރިންޓް ދިމާވޭތޯ ބަލާނެ ކަމަށެވެ. އޭގެ އިތުރުން އެމީހާ އަށް ގުޅައިގެން ވެސް މައުލޫމާތު ކަށަވަރުކުރާނެ ކަމުގެ ޔަގީންކަން ދެއްވި އެވެ.
އަންނަ މަހުގެ 11 ވަނަ ދުވަހާ ހަމައަށް ރީ- ރަޖިސްޓްރީވުމުގެ ފުރުސަތު ހުޅުވާލާފައިވާއިރު، މިހާތަނަށް 12،000 އަށްވުރެ ގިނަ މީހުން ރަޖިސްޓްރީކުރަން ފޯމް ހުށަހަޅާފައިވާ ކަމަށް އިލެކްޝަންސް އިން ބުންޏެވެ.
"ރަޖިސްޓްރޭޝަނާ ގުޅޭ ވަރަށް ގިނަ ޝަކުވާތައް ލިބޭ. އެހެންވެ އީސީން ޔަގީންކަން ދެން، ރަޖިސްޓްރޭޝަނަށް ހުށަހަޅާ ފޯމުތަކުގެ ސައްހަކަން ކަށަވަރުކުރާނެ ކަމުގެ. މީގެ ކުރިން ވެސް ފޯމުތަކުގެ ސައްހަކަން ބަލާނެ. އެކަމަކު މިފަހަރު ލިބެމުންދާ ޝަކުވާތަކުން އެ މަސައްކަތް އިތުރަށް ކުރިއަށްގެންދާނެ،" އަކްރަމް ވިދާޅުވި އެވެ.
އޭނާ ވިދާޅުވި ގޮތުގައި ފޯމުގެ ސައްހަކަން ކަށަވަރުކުރަން އިތުރަށް ބަލާ ބެލުމުން، އެއީ ސައްހަ ފޯމެއްތޯ ޔަގީން ނުވާނަމަ އެ ފޯމެއް ބާތިލްކުރާނެ ކަމަށެވެ. އަދި އެ ފޯމް ހުށަހެޅި މީހާއަށް އެކަން އަންގާނެ ކަމަށް ވެސް ވިދާޅުވި އެވެ.
އެންމެ ފަހުން ބޭއްވި ރިޔާސީ އިންތިޚާބުގައި ސުޕްރީމް ކޯޓުގެ ގައިޑްލައިނާ އެއްގޮތަށް، ފިންގަ ޕްރިންޓްގެ ސައްހަކަން ބަލަން އީސީން ފޮނުވީ ފުލުހަށެވެ. ނަމަވެސް މިއަހަރުގެ އިންތިޚާބަށް، ފިންގަ ޕްރިންޓުގެ ސައްހަކަން ބަލަން ފުލުހަށް ފޮނުވުމާ މެދު އިލެކްޝަންސް އިން ވަކި ގޮތެއް އަދި ނުނިންމަ އެވެ.
ކުރިއަށް އޮތް ރިޔާސީ އިންތިޚާބުގައި ވޯޓުލުމުގެ ހައްގު ލިބޭ 263،000 މީހުން އުޅޭއިރު 491 ވޯޓުފޮށި ރާއްޖެ އާއި ބޭރުގެ ބައެއް ގައުމުތަކުގައި ބަހައްޓަން ވަނީ ހަމަޖެހިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހާ ރެހެންދި
30 July 2018
ރެހެންދި ސްކޫލު އޮފީސް މުވައްޒަފުންނަށް ވެސް އެތާގެ ވެރިން ހަވާލުކޮށްފަ އޮންނަނީ ތި މަސައްކަތް. މުވައްޒަފުންނަށް ގުޅާ ރީ ރެޖިސްޓަރ ކުރި މީހުންނާއި ނުކުރާ މީހުން އޮޅުންފިލުވުމާއި ފޯމް ފުރުވުން.
ބެލެނިވެރިން
30 July 2018
މޮޅު މީހެއް ތިތާ އެޑްމިނިސްޓޭޓަރަކަށް ހުންނަނީ. މުޅިން ޕާޓީ އޮފީހުން ފެންނާނީ. ޕުރިންސިޕަލު ގެ ގޮތެއް ދެން ނޭގެ
ޓޮނޭ
30 July 2018
އުފަންދުވަހުގެ ސެޓިފިކެޓްގައި ހުރި މައުލޫމާތާއި އައިޑީ ކާޑުގައި ހުރި މައުލޫމާތު ދިމާނުވާ ހާލަތުގައި ވޯޓްދޭ މީހުންގެ ލިސްޓްގައި ސެޓިފިކެޓާ އެއްގޮތަށް މަޢުލޫމާތު (އައިޑީއާ ދިމާނުވާގޮތަށް) ހިމެނިފައިހުރިކަން މިހާރު ބައެއް ފަރާތްތަކަށް ފާހަގަކުރެވިގެން ދެންހެދޭނެ އެއްވެސް ގޮތެއް ނެތިގެން އެބައުޅެއެވެ. އީސީން މިކަން ކަށަވަރު ނުކޮށް ލިސްޓް އިއުލާންކުރީ ކީއްވެބާވައެވެ. އިއްތިފާގުން ނަމަވެސް މިހެން ދިމާވި މީހާއަށް ބަލާއިރު އީސީން ތިޔަބުނާ ކަށަވަރުކަން ވެސް ހޯދާނީ ވަކި ބަޔަކަށްކަމަށް ބުނެވިދާނެއެވެ.
ދަތްނެތްކުއްޖާ
29 July 2018
ސައްޙަކަން ކަށަވަރު ކޮއްފާ ބަހައްޓާ. މިފަހަރު ހަމަ ބޮޑު ތަނުން ތަމެން ﷲގެ ވާގިފުޅާއި އެކު ބަލި ކުރާނަން. ވ ސަލާން އީ ސީ އަށް.
ކެކެ
29 July 2018
ހަމަ ޔަގީނުންވެސް ޕީޕީ ކުދން ރީ ރެގިސްޓްރީ ފޯމް ފޮނުވަނީ ޔާމިންއައް100 ޕަސެންޓް ވޯޓްޔަގީންވާ މީހުންގެ.... މީ ވަރައް މަތިންއަޑުއެހި ވާހކަޔެއް..
އޮއިކާނި
30 July 2018
ކިހާ މައްޗަކުންބާ؟
މާރިޔާ
06 August 2018
އަލްހަމްދުލިލްﷲ ދިވެހިން ހެޔޮވިސްނުންދެއްވާއިސްލާމްދީންކަމްމަތީދެމިތަބުމައްޓަކާ ރައިސްޔާމިން2018 ކާމިޔާބްކުރައްވާދެއްވާންދޭ އިންޝާﷲ
އާދަނު
29 July 2018
ސައްހަ ނޫނޭ ކިޔާފަ އެންމެފަހުވަގުތު ޔާމީނަށް ވޯޓްނުލާނެހެންހީވާމީހާގެ ފޯމް ކެންސަލްކުރާނީކީނޫން.
މާރިޔާ
06 August 2018
އިސްލާމްދީންމިގައުމުގައި ބާއްވަންބޭނުންވާމީހުން ވޯދޭނީ ޔާމިން އައްކަން ހަދާންކުރާތި ލޮބުވެތިއަހާ
ޝަހޫ
29 July 2018
ކޮބައިތަ ސަރުކާރު މިނިސްޓްރީ ތަކުގެ މުވައްޒަފުން އަދިވެސް ރަޖިސްޓްރީނުވެ. މިނިސްޓްރީން މަޖުބޫރކޮށްގެން އަހަރުމެން ލައްވާ ފޯމް ފުރުވީ. މިހާރު އެތަށްދުވަހެއްވެއްޖެ. މާލަސްވަންޏާ އަމިއްލައަށް އެހެން ފޯމެއްފުރާގެން ރަޖިސްޓްރީވާނަން.
މަރޭމިތުރާ
29 July 2018
ކާކުތޯއޭ ބުނީ ވޯޓްތައްލިބޭ އަދު ގުނަން ތިފެށީ! މާކުރިއްސުރެ ސަބަބުބުނެ ފޯނުކުރުމަށް އުޅެންތިފެށީ!
މަރިޔާއަލީ
06 August 2018
ހަމަޔާމިންހޮވާނީ އެހެންނޫތޯ
މަރޭމިތުރާ
29 July 2018
[[މަގޭ ނަމްބަރު ފޯމުގަޖެހީ ގުޅާކަށްނޫން! މަގޭ ނަމްބަރަށް އީސީން ގުޅާކަށްނޫން!]]
މަރޭމިތުރާ
29 July 2018
[[މަގޭފޯނަށް މަގޭ އަންހެނުންނަށް ނުގުޅައްޗޭ! މަގޭ ދައްތަޔާއި އަދި ކޮށްކޮމެންނަށް ނުގުޅައްޗޭ!]]
މާރިޔާ
06 August 2018
މަގޭވޯޓްއޮތީޔާމިންއައް
ރޮކެޓް ސައިންސް
29 July 2018
ވަރިހަމަ ރާއްޖޭގެ ކޮންމެ ހިސާބެއްގަ މަގޭ ނަން ރަޖިސްޓްރީ ކޮއްފަ އޮތަސް މަގޭ އަމިއްލަ ހަރަދުގަ ގޮސް އިބޫ އާއި ފައިސަލްއަށް މަގޭ ވޯޓު ދޭނަން. ރަޖިސްޓްރީ ކުރަން ބޭނުންވާ ތަންތަން ނޫން އެހެން ތަންތާގަ ރަޖިސްޓްރީ ކޮއްފަ އޮވެދާނެ އަދި އެންމެނަށް އަމިއްލަ ހަރަދުގަ ގޮސް ވޯޓު ނުދެވިދާނެ. އެހެން ވީމަ އިދިކޮޅުން މިކަމާ ވިސްނާ ފަސޭހަ ގޮތަކަށް މިކަން ހަމަޖައްސާ ދޭންވާނެ. އަދި ވޯޓް ލާން ރަޖިސްޓްރީކޮއްފަ އޮތީ އެމީހާ ބޭނުންވާ ތަނުގަތޯ ބެލުމަކީ އަމިއްލަ ޒިންމާއަކަށް ހައްދަވާ. އެންމެ ވޯޓެއްވެސް އަތުން ދޫވިޔަދީގެން ނުވާނެ. އަނިޔާ އާއި ވައްކަމާ ކަރޮޕްޝަނާއި ދެކޮޅަށް ހިތްވަރާ ތެދުވެރިކަމާއެކު އަތާ އަތްގުޅާލައިގެން ނިކުތީމަ އިރާދަކުރެއްވިއްޔާ މިކަން ފަސޭހަކަމާއެކު ނިންމާލެވޭނެ.