އެމެރިކާ އިން ކޮންމެ ފިޔަވަޅެއް އެޅިއަސް ފަހަތަށް ނުޖެހޭނެ: އުރުދުޣާން

ތުރުކީގެ ރައީސް ރަޖަބް ތައްޔިތު އުރުދުޣާން އުންޔެ ޓައުންގައި ސަޕޯޓަރުންނާ ބައްދަލު ކުރައްވަނީ. --ފޮޓޯ:އޭއެފްޕީ

ހަސަން އާމިރު، މިހާރު

12 އޯގަސްޓް 2018 - 11:38

އަންކަރާ (އޮގަސްޓް 12) - ތުރުކީން ހައްޔަރުކޮށްފައިވާ އެމެރިކާގެ ފާދިރީއެއްގެ މައްސަލާގައި އެމެރިކާ އިން ކޮންމެ ފިޔަވަޅެއް އެޅި ނަމަވެސް ފަހަތަށް ނުޖެހޭނެ ކަމަށް ރައީސް ރަޖަބް ތައްޔިބު އުރުދުޣާން ވިދާޅުވެއްޖެ އެވެ.

ތުރުކީގެ އިގްތިސާދަށް ހީނަރުކަން ގެނައުމުގެ ނިޔަތުގައި އެމެރިކާ އިން ވަނީ ތުރުކީގެ ސްޓީލް އާއި އެލްމިނިއަމް އިން ނަގާ ޑިއުޓީ މާދަމާ އިން ފެށިގެން ދެ ގުނަ ބޮޑު ކުރަން ނިންމައިފަ އެވެ. ނަތީޖާއެއްގެ ގޮތުން ތުރުކީގެ ފައިސާ ލީރާގެ އަގު ވަނީ 16 ޕަސެންޓް ވެއްޓިފަ އެވެ.

"ފާދިރީއެއްގެ މައްސަލާގައި ކުޑަކަކޫ މައްޗަށް ތުރުކީ ތިރިކުރަން އުޅުމަކީ ހެދޭ ވަރަށް ބޮޑު ގޯހެއް،" ކަޅު ކަނޑުގެ އައްސޭރީގައި އޮންނަ ޓައުނެއް ކަމަށްވާ އުންޔޭގައި ވާހަކަ ދައްކަވަމުން އުރުދުޣާން ވިދާޅުވި އެވެ.

ތުރުކީގެ ރައީސް ވިދާޅުވީ ބޭރު ފައިސާގެ އެކްސްޗޭންޖް ރޭޓް ބޭނުން ކުރަނީ ތުރުކީއާ ދެކޮޅު ހަނގުރާމައެއްގެ ގޮތުގައި ކަމަށެވެ.

ތުރުކީގެ ރައީސް ރަޖަބް ތައްޔިތު އުރުދުޣާން ނޫސްވެރިންނާ ވާހަކަ ދައްކަވަނީ. --ފޮޓޯ:އޭއެފްޕީ

"ކަލޭމެންނަށް ލިބިގެން ވަނީ ޑޮލަރު ކަމަށްވަންޏާ އަހަރެމެންނަށް ލިބިގެން ވަނީ މާތްﷲ،" ސަޕޯޓަރުންނާ މުޚާތަބް ކުރައްވާ އުރުދުޣާން ވިދާޅުވި އެވެ. "މިއީ ޑޮލަރާއި ޔޫރޯ އަދި ރަނާ ގުޅޭ މައްސަލައެއް ނޫން. މިއީ ވަޒަނާއި ބޮޑު ބަޑީގެ އުންޑަ އާއި މިސައިލުން ކުރާ އިގްތިސާދީ ހަނގުރާމައެއް."

އުރުދުޣާން ވިދާޅުވީ އެމެރިކާ އިން އަޅާ ފިޔަވަޅުތަކުން ސަލާމަތްވާނެ ގޮތްތައް އަންކަރާ އިން މިހާރު ވެސް ހޯދާފައިވާ ކަމަށެވެ.

"އެމެރިކާ އިން ވަނީ މުޅި ދުނިޔެއާ ދެކޮޅަށް އިގްތިސާދީ ހަނގުރާމައެއް ފަށާފައި. ތުރުކީއާ ދެކޮޅަށް އަޅަމުންދާ ފިޔަވަޅުތަކުގެ އަގު އެމެރިކާ އިން ދައްކަން ޖެހޭނެ،" އުރުދުޣާން ވިދާޅުވި އެވެ.

ތުރުކީ އެމެރިކާ ޑޮނަލްޑް ޓްރަމްޕް

5 ކޮމެންޓް, 69 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަޕޯޓަރ

12 August 2018

"ކަލޭމެންނަށް ލިބިގެން ވަނީ ޑޮލަރު ކަމަށްވަންޏާ އަހަރެމެންނަށް ލިބިގެން ވަނީ މާތްﷲ" ހުސް މިއިބާރާތުން ވެސް މަގޭ ލޮލުން ކަރުނަ ހިލުވައިފި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއިބޫ

13 August 2018

މަގޭ ވެސް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮކިމަސް

12 August 2018

ފާދިރީ ކުރީ ކޮންކަމެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

12 August 2018

އެމެރިކާއަކީ އަބަދުވެސް ނުރައްކާތެރި ގައުމެއް. ދުނުިޔޭގެ ސުޕަޕަވާރ ކަމަށް ތާއަބަދު ކެނޑިނޭޅި ދައުވާކުރާ ގައުމެއް. އެމީހުން ބޭނުންވާނީ އެމީހުން ނުރުހިއްޖެ ހަމަ ކންމެ ގައުމެއް ހަލާކުކޮށްލާ ނިކަމެތިކޮށްލަން. ބައެއް ދައުރުތަކުގާ އެމެރިކާގެ ރައީސްކަމަށް ލޮއީފްހިތެއްގެ ވެރިއެއް އަޔަސް އާންމުކޮށް އެއީކީ އެމެރިކާގާ ވާނޭކަމެއްނޫން. ޖާހިލުކަމުގެ އިންތިހާއަށް ގޮސްފާވާ އެމެރިކާގެ ރައީސްކަމަށް މިހާރު އައިސްފާ މިވަނީ މީން ދުވަހަކުވެސް ނުދެކޭފަދަ ޖައްބާރު ވެރިއެއް. އޭނާ ރައީސްކަމަށް އައިފަހުން އެމެރިކާގެ ރައްޔިތަކަށްވެސް ރައްކާތެރިކަމެއްނެތް. އަހަރެންވެސް އެދެނީ އެމެރިކާ އިން ޖައްސަންއުޅޭ ކޮންމެ ދަލަކުން މަމެން ސަލާމަތްވެ ތިބުން. އިރާދަކުރެއްވިއްޔާ އެމެރިކާގެ ނުބައިކަމުގެ ހިތިރަހަ އަދި އެމެރިކާއަށާ ޓްރަންޕަށް ފޯރާނެ.