އިންތިޚާބުގެ ނަތީޖާ ފޮނުވަން 500 އަށް ވުރެ ގިނަ ޓެބްލެޓް ގެންނަނީ

އެންމެ ފަހުން ބޭއްވި ލޯކަލް ކައުންސިލް އިންތިހާބުގެ ވޯޓު ފޮއްޓެއްގެ ވޯޓު ގުނަމުންދާއިރު ފުލުހުން ފޯރިމަރަނީ.-- ފޮޓޯ: ނިޝާން އަލީ /މިހާރު

ފަޒީނާ އަހުމަދު، މިހާރު

19 އޯގަސްޓް 2018 - 13:56

24 comments

އަންނަ މަހު 23 ގައި ބާއްވާ މި އަހަރުގެ ރިޔާސީ އިންތިޚާބުގެ ނަތީޖާ، ވޯޓު ލާ މަރުކަޒުތަކުން އިލެކްޝަންސް ކޮމިޝަނަށް ފޮނުވުމަށް 500 އަށް ވުރެ ގިނަ ޓެބްލެޓް ހޯދައިދޭން ފިނޭންސް މިނިސްޓްރީގައި އެދިއްޖެ އެވެ.

މީގެ ކުރިން ބޭއްވި އިންތިޚާބުތަކުގައި، ވޯޓުގެ ނަތީޖާ އިލެކްޝަންސް ކޮމިޝަންގެ އިންތިޚާބީ މައި މަރުކަޒަށް ފޮނުވަނީ ފެކްސް އާއި ނެޓްބުކް މެދުވެރިކޮށެވެ. އެކަމަކު، މިފަހަރު ނަތީޖާ ފޮނުވަން ހަމަޖައްސާފައި ވަނީ ޓެބްލެޓުންނެވެ.

ސަރުކާރުގެ އޮފީސްތަކާއި މިނިވަން މުއައްސަސާތަކުގައި ބޭނުންކުރާ ޓެލެފޯން ފިކްސްޑް ލައިންތަކުގެ ތެރެއިން، ކޮންމެ ތަނެއްގައި ވެސް އެއް ލައިން ބެހެއްޓުމަށް ފަހު، ދެން ހުރިހާ ފިކްސްޑް ލައިންތަކާއި ފެކްސް ކަނޑާލާފައިވާތީ، މި އިންތިޚާބުގެ ނަތީޖާ ފެކްސް މެދުވެރިކޮށް ނުފޮނުވޭނެ އެވެ. ރައީސް އޮފީހުން އަންގައިގެން، މިދިޔަ ޖޫން މަހުގެ ތެރޭގައި އެ ބަދަލު ގެނައީ، ދައުލަތުގެ ޚަރަދުކުޑަކުރުމުގެ ގޮތުން ކަމަށް ފިނޭންސް މިނިސްޓްރީން ވަނީ ބުނެފަ އެވެ.

ދައުލަތުގެ އެއް އޮފީހުން އަނެއް އޮފީހަށް ސިޓީ އާއި ލިޔުންތައް ފޮނުވުމުގައި ފެކްސްގެ ބަދަލުގައި މިހާރު ބޭނުންކުރަނީ އީ-ގަވަމެންޓް ނުވަތަ ޖެމްސް ސިސްޓަމެވެ.

އިލެކްޝަންސް ކޮމިޝަންގެ މެމްބަރު އަހްމަދު އަކްރަމް ވިދާޅުވީ އިންތިޚާބަށް ޚާއްސަކޮށްގެން 550 ޓެބްލެޓް ހޯދައިދޭން ފިނޭންސް މިނިސްޓްރީގައި އެދިފައިވާ ކަމަށެވެ. ޓެބްލެޓް ގެންނަނީ ކޮން ގައުމަކުން ކަމެއް އަދި އެކަން ހަވާލުކުރާނީ ކޮން ބަޔަކާ ކަމެއް ވެސް އަދި ނިންމާފައި ނުވާ ކަމަށް އަކްރަމް ވިދާޅުވި އެވެ.

"މިފަހަރު، އިންތިޚާބަށް ހޯދާ، ޓެބްލެޓުގެ ސިމް މެދުވެރިކޮށް ނަތީޖާ އިލެކްޝަންސަށް ލިބޭނީ،" އަކްރަމް ވިދާޅުވި އެވެ.

ރިޔާސީ އިންތިހާބު ބާއްވާނެ ތާރީޚް އިއުލާން ކުރަން، އިންތިހާބާ ބެހޭ މައި މަރުކަޒުގައި ބޭއްވި ރަސްމިއްޔާތެއްގައި ޕީޕީއެމްގެ ކެމްޕޭން މެނޭޖަރު އަދުލީ (ކ) އާއި ޖުމްހޫރީ ޕާޓީގެ ނައިބު ލީޑަރު ޑރ. ހުސެއިން ޓެބްލެޓެއް ހިއްޕަވައިގެން. --ފޮޓޯ/މިހާރު

Emme fixed line eh bahattanee beykaaru line thah kandaalan: Finance ministry

The most trusted news source in the Maldives

Mihaaru

އޭނާ ވިދާޅުވި ގޮތުގައި މި އިންތިހާބުގައި ޓެބްލެޓް މެދުވެރިކޮށް ނަތީޖާ ފޮނުވި ނަމަވެސް ވޯޓު ގުނުމާއި އެހެން ހުރިހާ ކަމެއް ވެސް ދާނީ، ކުރީގެ އިންތިޚާބުތަކެކޭ އެއްގޮތަށެވެ. އެހެންކަމުން ޓެބްލެޓް ބޭނުންކުރިއަސް "ކުރީގެ އިންތިޚާބުތަކާ އެއްވެސް ތަފާތެއް ނުވާނެ" ކަަމަށް އަކްރަމް ވިދާޅުވި އެވެ.

އިލެކްޝަންސުން ބުނީ ވޯޓުލާ މަރުކަޒަށް ޓެބްލެޓާ އެކު، ޕްރިންޓަރާއި އެހެން ވެސް ބޭނުންވާ ސާމާނު ފޮނުވާނެ ކަމަށެވެ. އިލެކްޝަންސުން ގެންނަ ޓެބްލެޓްތަކާ މެދު ޝައްކެއް ނުވަތަ ޕާޓީތަކުގެ އެއްވެސް ކަންބޮޑުވުމެއް އުޅޭ ނަމަ، އެ ޓެބްލެޓްތަކާއި ވޯޓުލާ މަރުކަޒުތަކުގައި އެ ބޭނުންކުރާ ގޮތް ކިޔައިދޭން ތައްޔާރު ކަމަށް ވެސް އިލެކްޝަންސުން ބުންޏެވެ.

ފުރަތަމަ ބުރުން ރައީސަކު އައްޔަންކުރާ، މި އިންތިޚާބުގައި 491 ވޯޓު ފޮށި ބަހައްޓާއިރު 263،000 މީހަކަށް ވޯޓުލުމުގެ ހައްގު ލިބިގެންވެ އެވެ. މި އިންތިޚާބު މިނިވަންކަމާއި އިންސާފުވެރިކަމާ އެކު ނުބާއްވާނެ ކަމުގެ ތުހުމަތު އިދިކޮޅު ޕާޓީތަކުން ކުރި ނަމަވެސް އިލެކްޝަންސް ކޮމިޝަނާއި ސަރުކާރުން ވެސް އެކަން ދޮގުކުރެ އެވެ.

ދިވެހި ސަރުކާރު އިލެކްޝަންސް ކޮމިޝަން ރިޔާސީ އިންތިޚާބު

24 ކޮމެންޓް, 102 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިންސާފު

20 August 2018

ޖީއެސްޓީ ފައިސާ އިސްރާފުނުކުރޭ. މިއުޅެނީކީ މިލިއަންސް ވޯޓުގުނާކަށްނޫން. ދެންކޮންފަދަ އުސްރާފެއްކުރަންތަ ތިޔައުޅެނީ. އަހަރެމެން ވޯޓްލާފަ ނުކުމެ ބުނާނަން ވޯޓުލީމިވެނިމީހަކަށޭ. ގުނާނެ މީހުން ބައިތިއްބާ. މިހާލަހުން ތިޔަކުރާ ކަންކަމުން ވޯޓާމެދު ޝައްކުއުފެދޭ. ތިޔަހެން ނުހަދާ. ވޯޓަކީ ވަރަށްބޮޑު ހައްގެއް. ތިޔަށް އަރައިގެންފިނަމަ ދެ ދުނިޔޭގައިވެސް މާފުނުކުރާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާމިން

20 August 2018

ފެކްސްލައިންތައް ކަނޑާލީ ދުރާލާ ރާވައިގެން އިންތިހާބައް އިންތިހާބުގެ ސިއްރު އެޖެންޑާ ފުރިހަމަ ކުރަންކަން މިހާރު ކަށަވަރު ވެއްޖެ . ގުޅިގެން ހިންގާ ޖަރީމާ ގެ ހިތި ކަރުބުޑުގަ ލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންމަބޭ

19 August 2018

ލޮލް.. ހަޖަމު ނުވާ ކުދިންތައް ފެނޭ.. ކާމިޔާބު ނުވާނެކަން އެންގެންޔާ ތިހެންތިބެ މޮޔަގޮވާނެ.. ފިޔަވަޅެއް އެޅިޔަސް އެއީ ވޯޓު އޮޅުވާލުން ކަމުގައި ވާނޭ.. އަހަރުން ތިބޭނަން ކަލޭމެން ތެޅޭތަން ބަލާފަ އަތް ޖަހަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނުތޫރީ

19 August 2018

އަނެއްކާ އަނެއް ގޭސްގަނޑު މިނޫންކަމެއް ނެތް ސަހަރޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަހޯބަރާ

19 August 2018

އަދި ގެނެޭ އަޑަށްވުރެ ބާރަށް ދަތުރުކުރާ ފައްސަތޭކަ ބޯޓް.. ވޯޓް ކަރުދާސް ކޮމިޝަނަށް އިތުބާރުވެރިކަމާއި އެއްކޮށް ވޯޓް ކަރުދާސް ގެންދިއުމަށްޓަކައި..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަދުރޭ

19 August 2018

ކާކަށް ބޭސް ކާންދޭން ބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

19 August 2018

ހުރިހާއޮފީހެއްގައި ފެކްސްހުރޭ. އެއީ އަޑުއަރުވަން ކުރިކަމެއް. އަގަރެމެންގެ ޖޫއެސްޓީ ފައިސާއިން ތިޔަ އިސްރާފުނުކުރޭ. ކޮންމެ ވޯޓުފޮށްޓެއްގައި ގިނަވެގެން އެއްހާސް ވޯޓުއޮންނާނީ. އެ ގުނާފަ ނަތީޖާ ލިޔެ އެ މަރުކަޒެއްގައި ހަރުނުކުރެވޭނަމަ އިސްތިއުފާދީފަ އެކަން ކުރެވޭބަޔަކާ ހަވާލުކުރޭ. ވެރިކަމަކީ ގަދަބާރުން ކުރަންޖެހޭ އެއްޗެއްނޫ. މީގެ ކުރީގެ ރައީސުންވެސް ވޯޓުން ބަލިވުމުން ބަލިގަބޫލުކޮށް ސުލްހަވެރިކަމާއެކު ބާރުތަށް ހަވާލުކުރީ. މިފަހަރުވެސް މިކަން މި މަގުން ގެންދަންޖެހޭނެ. އެއީ ދީނާ ގައުމަށްޓަކައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާ

19 August 2018

ވޯޓުލާން ބޭނުންކުރާ ކަރުދާސްކޮޅު ސައިޒުގެ ގަނޑުކޮޅެއްގައި ކެންޑިޑޭޓް 1 ، ކެންޑިޑޭޓް 2 އަދި ބާތިލް ވޯޓުގެ ނަތީޖާ ލިޔެވޭނެ....... އެހެންވީމާ ބޭނުންވާނީ 500 ގަނޑުކޮޅު..... ވޯޓުލާ ފޮއްޓާއި އެކު އިލެކްޝަންސް ކޮމިޝަނަށް މި ގަނޑުކޮޅު ފޮނުވީމަ ނިމުނީ...... ފުރަތަމަ އިއުލާން ކުރަނީ ވަގުތީ ނަތީޖާ ، މައްސަލައެއް ދިމާވެއްޖެނަމަ އަލުން ވޯޓުފޮށި ގުނީމަ ނިމުނީ........ އެންމެ ޓެބްލެޓް އެއްގެ ހަރަދުން 500 ޓެބްލެޓްގެ ހަރަދުވެސް ސަލާމަތްވީ....... ޑިޖިޓަލް ލިޔުމަށް ވުރެ ހާޑް ކޮޕީ ހުރިހާ ގޮތަކުން ވެސް ސަލާމަތް ކަން ބޮޑުވާނެ.......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލާ

19 August 2018

ކޮބާ މައްސަލައަކީ. ފެކްސްގަ އަހަރެމެން އަބަދުތިބެންވީ.. ވޯކީޓޯކީގަ ތިބެންދޯ ޖަޒީރާމެން ބޭނުމީ.. ޒަމާންކުރިއެރީމަ އެއްމެންގެންގުޅެނީ ސްމާޓްފޯނު.. ޖަޒީރާމެން ބޭނުމީ އެންޓެނާ ބައްތިފޯނުދޯ. ކޮންމެވެސް ހާސަރެ ލިޔެގެން މީހުން ވަހުމުގަ ބައިތިއްބަން އުޅޭބަޔަކު އަބަދުވެސް ޝައްކުގަބަލީގަތިބޭނީ.. ނަފްސާނީ ކަމެއަބަދު ޝައްކުކުރުމާ ވަހުމްއުފެދުމަކީ.. އެހެންވީމަ އިދިކޮޅުމީހުންނަކީ ބަލިބައެއް ނަފްސާނީ ބަލިބައެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނގޭނެ މިހާރު

19 August 2018

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޭގޭނެ ދުވަހަކުވެސް

20 August 2018

ކޮންގޮތަކުން ރަގަޅުވާނީ މިހާރުވެސް އެކިޔަނީ ފޭކު ވޯޓުކަރުދާސް އުފައްދާ ވާހަކަ.. އެއްމެ ރަގަޅީ އިލެކްޓްރޯނިކު ވޯޓިންއަށް ދިއުން.. މޑޕގެ އެތެރޭގެ އިންތިހާބު ތަކުގަ އެސްއެމްއެސް އިންވެސް ވޯޓުލާއިގެ ވަރަށް ފައްކާ އިންތިހާބުތަކެކަން ބުނަނީ.. އެހެންވީމަ ކީއްވެ އިލެކްޓްރޯނިކަށް ބިރުންއުޅެނީ.. ހަމަ ޖަޒީރާގެ ޓޯކީއަށް ދާންވެގެންދޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްނެތްކުއްޖާ

19 August 2018

އިންތިޙާބުގައި މަކަރު ހަދަން ވެގެންބާ އަނެއްކާ ތިޔަ ޓެބްލެޓް ތައް އެނބުނާ ބަޔަކު ފޯރމެޓް ކޮއްފަ ނޫންބާ ރާއްޖެ އަށް އެ ގެންނަން އުލެނީ. ޓެބްލެޓް ބޭނުން ނުކޮއް މި ޤައުމުގާ ވޯޓު ނުލެވެނީބާ! ހާދަ ޖޯކު ކަންތައްތަކޭ އަދި ދެއުލި އެއް ނުވާ ކަންތައްތަކޭ މި ވެރިން މި ކުރަނީ. ތިޔަ ގޮތައް ރޭވިއަސް ހިއެއްނުވޭ އިދިކޮލު ފަރާތުން މިފަހަރަކު ތި ކަމުގައި ދުލެއް ދޭނެހެނެއް.