އިދިކޮޅު އިއްތިހާދުގެ ލީޑަރު ޖަމީލް: އެމަނިކުފާނަށް ތުހުމަތުކުރެވޭ މައްސަލައެއް ފުލުހުން އަންނަނީ ބަލަމުން
05 އޯގަސްޓް 2016 - 15:05
75 comments
މޯލްޑިވްސް ޔުނައިޓެޑް އޮޕޮޒިޝަން(އެމްޔޫއޯ) ރައީސް ޑރ. މުހައްމަދު ޖަމީލް އަހުމަދު ދެ ހަފުތާ ތެރޭގައި ފުލުސް އޮފީހަށް ހާޒިރުވާން އަންގާފައި އޮތަސް އޭނާ ރާއްޖެ ވަޑައިގަންނަވާނީ ރައީސް އަބްދުﷲ ޔާމީން ހައްޔަރު ކުރުމުން ކަމަށް އެމްޔޫއޯ އިން ބުނެފި އެވެ.
ރައީސް ޔާމީން ހައްޔަރުކުރަން ސައްހަ ނޫން ކޯޓު އަމުރެއް ހެދި މައްސަލާގެ ތަހުގީގަށް ޖަމީލް އާއި އަކްރަމް ކަމާލުއްދީން 14 ދުވަސް ތެރޭގައި ފުލުހަށް ހާޒިރުވާން އިއްޔެ ފުލުހުން ވަނީ އަންގައިފަ އެވެ. އެކަމަކު އެ ދެ ބޭފުޅުން ވެސް ތިއްބެވީ އަމިއްލައަށް އަރުވާލެވިގެން އިނގިރޭސިވިލާތުގަ އެވެ.
އެމްޔޫއޯ އިން މިއަދު ނެރުނު ބަޔާނެއްގައިވަނީ ޖަމީލް ހާޒިރުކުރަން އުޅެނީ އެ އިއްތިހާދު ރޫޅާލަން ރައީސް ޔާމީން ކުރާ މަސައްކަތުގެ ދަށުން ކަމަށާއި އެފަދަ ޣައިރު ގާނޫނީ އަމުރުތަކަށް ތަބާނުވަން ފުލުހުންނަށް އިލްތިމާސްކުރާ ކަމަށެވެ. ޖަމީލް ހުންނެވީ ފުލުހުންނަށް އެއްބާރުލުން ދޭން ކަމަށާއި އެކަމަކު ޖަމީލް ރާއްޖެ ވަޑައިގަންނަވާނީ ދައުލަތުގެ ފައިސާއަށް ޚިޔާނާތްތެރިވުމުގެ މައްސަލާގައި ރައީސް ޔާމީން ހައްޔަރު ކުރުމުން ކަމަށް އެ ބަޔާނުގައިވެ އެވެ.
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަންގެ ކޮރަޕްޝަންގެ މައްސަލައަށް އިޝާރާތްކޮށް، އެ ބަޔާނުގައިވަނީ ސިޔާސީ ވާދަވެރިން ނައްތާލަން ކުރާ މަސައްކަތުގައި ފުލުހުން ބައިވެރިނުވެ، ކޮރަޕްޝަންގެ މައްސަލާގައި ރައީސް ޔާމީން ހައްޔަރުކުރަންޖެހޭ ކަމަށެވެ. އަދި ރައީސް ޔާމީން ސިޔާސީ ހަރަކާތްތަކުގައި ބައިވެރިވަނީ މަދު ފުލުހުންތަކެއް ކަމަށް ވެސް އެ ބަޔާނުގައިވެ އެވެ.
"މޯލްޑިވްސް ޕޮލިސް ސާވިސްގައި ގިނައީ ރައީސް ޔާމީންގެ ވަކިތަކުން ސަލާމަތްވެ ތިބެ، ފުލުހުންގެ މަސައްކަތްތައް ފަންނީ އަދި ގާނޫނީ މަގުން ކުރެއްވުމަށް ޝައުގުވެރިކަން ހުރި ސަލާމަތީ ޚިދުމަތްތެރިކަން ކަން ފާހަގަ ކުރެވޭ،" އެ ބަޔާނުގައިވެ އެވެ.
އެ ބަޔާނުގައި ފުލުހުންނަށް ގޮވާލާފައިވަނީ އިދިކޮޅު ފަރާތްތަކާއި މީޑިއާ ނައްތާލައި، ހައްގުތައް ހަނިކުރަން ސަރުކާރުން ކުރާ މަސައްކަތުގައި ބައިވެރިނުވުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުސާ
09 August 2016
އަހަރެމެންނަށް ހެޔޮ ކަލޭ ނަޔަސް ދުވަހަކުވެސް ރާއްޖެއަށް
ނޯ ވޭ
09 August 2016
އެ ބުނީ ދެން ނާންނާމޭ! މިސްވީ ހޭ؟
ފިޔާ
07 August 2016
ބާރުހުރިދުވަހު ސިފައިންނާ ފުލުހުންގެ އަގު ވައްޓާލާފަ މިހާރު އެވަރުގެ ބައެއް ނެތްދޯ!!!!
އަހުމަދު އިނާދު
07 August 2016
ޖަމީލް ، ފުވައްމުލަކު ކައުންސިލް ގޮޑިއަކަށް ކުރިމަތިލިއަސް ލިބޭނެ ކަމަށް ލަފާކުރެވެނީ 9 ވޯޓް. އެމްޑީޕީން އެންމެ ވޯޓެއްވެސް ނުލިބޭނެ.
މޫސަބެ
07 August 2016
މިވެރިކަމެއް އިރާދަކުރެއްވިއްޔާ މަގުމަތިން ނުވެއްޓޭނެ އެހުވަފެން ދކޭ މީހުން ހަމއެިން ނެއްޓިފަ ތިބެން ޖެހޭނީ
ޔަގީން
06 August 2016
ވެއްތެން ވަރައް ކައިރިވެއްޖެ.
މެންޓަލިސްޓް
06 August 2016
ޖަމީލަށް ވަރަށް ސަލާމް ، ވެރިކަމެށް ވެއްޓޭނީ 3 ހަމައެޅިގެން ، އެކަންތަށް ކުރަން ނޭންގިގެންނުންތޯ ތިޔައުޅުއްވަނީ ، މިހާޜު ޖަމީލްކުރިއަށް ނެރެގެން އުޅުނަސް ވަގުތުޖެހުނީމައި ނަޝީދު ހުންނަވާނީ ކުރީގައި ދެން މިގައުމުގެ ސްޓޭކްހޯލްޑާރސްގެ ގޮތުގައި އުޅޭބަޔަކު ބޭނުމެއްނުވޭ ނަޝީދުއަނބުރާ ވެރިކަމަށް ގެންނާކަށް ، މިހާޜުވެސް ޖެހިގެން އުޅޭމައްސަލައަކީ އެއީ ،،، އެހެންނޫންނަމަ މިހާރު މިއޮތްވެރިކަން ބަޔަކު ނިންމައިފިތާ ކިތައްމެދުވަހެށް ،،، ވަރަށް ސަަލާމް
ނީނާ
06 August 2016
ޔާމީނުއާއި އޭނާގެ ބައިވެރިން އަދި ފުލުހުންނާއި ކޯޓްތަށް ގުޅިގެން މަސައްކަތްކުރަނީ 2018 ގައި ވެރިކަމަށް ކުރިމަތިލާން ތިބި ހުރިހައި މީހުން ޖަލައްލާން، އަދި ކޮންމެވެސް ކުށެއްގައި އެމީހުން ތަޅުއަޅުވާފައި ބޭތިއްބުމަށް، ދެން އެވާހަކަ ދައްކާ މީހުންގެ އަނގައިގައި ތަޅުއަޅުން މިހާރު މަސައްކަތް ކުރަނީ، އެކަމަކު ސުވާލަކީ ރައީސް ޔާމީނުއަށް ކާމިޔާބް ލިބޭނެތޯ؟
މަރިޔަމް
06 August 2016
މަވެސް ވޯޓް ދިނީ ޑރ ޖަމީލުއަށް، އހަރެން ދަންނައެއްމެންވެސް ވޯޓް ދީފައިވަނީ ޑރ ޖަމީލުއައް، އަހަރުމެން ނުދަންނަން ތިޔަ ޔާމިނު އެއީ ކާކުކަމައް... ނަމަވެސް ވެރިކަމައް ހޮވުމާއި އެކު ތެޅިގައްގޮތުން މިތިބީ ހައިރާންވެފައި... އަހަރުމެން މިތިބީ ފުރުސަތަކައް ބަލަބަލައި މިއިއީ ފުލުހުން 2012 7 ގައި ނަޝީދު އުފުރާލި މީހުން.....
ފާތުމާ
06 August 2016
ރައީސް ޔާމީނަކީ ވަރައްހިތްވަރުގަދަ ގޮތުގައި ހުންނަވާބޭފުޅެއް މީހަކުޖަހާހާ ބެރަކައް ނުނަށާނެ...ގަޓްހުންނާނެ