މާފުށީ ސްކޫލުގެ އެންމެ މޮޅު ދަރިވަރަކަށް އަލްތާފު ހޮވައިފި

މާފުށީ ސްކޫލުން މިދިޔަ އަހަރު ހުރިހާ ގޮތަކުން އެންމެ މޮޅު ދަރިވަރަކަށް ހޮވުނު އަލްތާފަށް، ދިވެހި ބަހުގެ އެކަޑެމީގެ ރައީސް އަޝްރަފު އެވޯޑު ހަވާލުކޮށްދެއްވަނީ.- ފޮޓޯ: މާފުށީ ސްކޫލު

އާސިމާ ނިޒާރު، މިހާރު

09 ސެޕްޓެމްބަރ 2018 - 11:57

3 comments

ކ. މާފުށީ ސްކޫލުގެ އެންމެ މޮޅު ދަރިވަރަކަށް، މުހައްމަދު އަލްތާފު އަލީ ހޮވައިފި އެވެ.

މިިދިޔަ ހުކުރު ދުވަހުގެ ރޭ ބޭއްވި އެ ސްކޫލުގެ މިދިޔަ އަހަރު އިނާމު ދިނުމުގެ ހަފުލާގައި އަލްތާފަށް އިނާމު ހަވާލުކޮށްދެއްވީ ދިވެހި ބަހުގެ އެކަޑެމީގެ ރައީސް އަޝްރަފު އަލީ އެވެ.

މާފުށީ ސްކޫލުގެ އިނާމު ދިނުމުގެ ޖަލްސާގައި ބައިވެރިވި ބައެއް ބޭފުޅުން.-- ފޮޓޯ: މާފުށީ ސްކޫލު

އޭނާ ވަނީ އޯ ލެވެލްގައި ފަސް މާއްދާއިން އޭ ސްޓާ އާއި އެއް މާއްދާއިން އޭ އަދި ދެ މާއްދާއިން ބީ ހޯދައިގެން ގައުމީ ގަދަ 10ގެ ހަ ވަނައިގައި ހިމެނިފަ އެވެ. ސީއެޗްއެސްއީގައި ގްރޭޑް 11 ކިޔަވަމުން އަންނަ އަލްތާފަކީ މާފުށީ ސްކޫލުގެ މިދިޔަ އަހަރު ކެޕްޓަން ވެސް މެ އެވެ.

މާފުށީ ސްކޫލުން މިދިޔަ އަހަރު ކިޔެވުމަށް އެންމެ މޮޅު ގައިޑަކަށް ހޮވުނު ދަރިވަރަށް، ދިވެހި ބަހުގެ އެކަޑެމީގެ ރައީސް އަޝްރަފު އެވޯޑު ހަވާލުކޮށްދެއްވަަނީ.-- ފޮޓޯ: މާފުށީ ސްކޫލު

އެ ސްކޫލުގެ ޖަލްސާގައި އިނާމު ދީފައިވަނީ ގްރޭޑް އަށަކުން ފެށިގެން މަތީ ގްރޭޑުގެ ދަރިވަރުންނަށެވެ. އެގޮތުން ކްލާސް ޕްރައިޒާއި ޔުނީފޯމް ހަރަކާތްތަކުގެ އިތުރުން މިދިޔަ އަހަރު އެކި ވަނަތައް ހޯދި 25 ދަރިވަރަކަށް އިނާމު ދީފައި ވެ އެވެ.