މާރިޔާ ނޫސްވެރިންގެ ބައްދަލުވުމެއްގެ ތެރެއިން: ވިދާޅުވީ ރައްޔިތުންގެ ބާރު ސަލާމަތީ ބާރުތަކުން ދަމަހައްޓައިދީފައިވާ ކަމަށް -- މިހާރު ފައިލް ފޮޓޯ
27 ސެޕްޓެމްބަރ 2018 - 15:54
19 comments
މިދިޔަ އާދިއްތަ ދުވަހު ބޭއްވި ރިޔާސީ އިންތިހާބުގައި ރައްޔިތުން ނިންމާފައިވާ ގޮތް ދަމަހައްޓާނެ ކަމަށް ސިފައިނާއި ފުލުހުން ބުނެފައިވާތީ އިންތިހާބީ ރައީސް އިބްރާހިމް މުހައްމަދު ސޯލިހު (އިބޫ) އެ ދެ މުއައްސަސާއަށް ޝުކުރު އަދާކުރައްވައިފި އެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން އިބޫގެ ތަރުޖަމާނު މާރިޔާ އަހުމަދު ދީދީ ވިދާޅުވީ ރިޔާސީ އިންތިހާބުގެ ނަތީޖާ ބާތިލްކޮށްފާނެ ކަމުގެ ބިރު އޮތް ދަނޑިވަޅެއްގައި ރާއްޖޭގެ ސަލާމަތީ ބާރުތަކުން އިންތިހާބުގެ ނަތީޖާ ދަމަހައްޓާނެ ކަމުގެ ޔަގީންކަން ދިން ކަމަށެވެ.
"އެ ދަނޑިވަޅުގައި މި ރާއްޖޭގެ ޑިފެންސް ފޯސް އަދި ފުލުހުންގެ މުއައްސަސާއިން އަރުއްވައި ދިވެހި ރައްޔިތުންގެ ނިންމުން އެބޭފުޅުން ދަމަހައްޓަވަން ކަމަށް ވިދާޅުވެ ރައްޔިތުންނަށް އެ ދެއްވި ކަށަވަރުކަން، ރައްޔިތުންގެ ބާރު، ގާނޫނު އަސާސީއާ އެއްގޮތަށް ދަމަހައްޓައިދީފައިވާތީ އޮނަރަބަލް އިބްރާހިމް މުހައްމަދު ސޯލިހުގެ ފަރާތްޕުޅުން އެ ހުރިހާ ބޭފުޅުންނަށް ޝުކުރު ދަންނަވަން،" މާރިޔާ ވިދާޅުވި އެވެ.
"އިއްޔެ ހަވީރުން ފެށިގެން ރައްޔިތުންގެ ތެރޭގައި ވަރަށް ބޮޑު ކަންބޮޑުވުންތަކެއް އޮތް. އެމީހުންނަށް ހީވެފައި އޮތީ ކޯޓުން ނަމަވެސް އަދި އެހެން ގޮތަކުން ނަމަވެސް ވޯޓުގެ ނަތީޖާ ލަސްކުރުމަށް ނުވަތަ އެ ނޫން ގޮތަކަށް މަސައްކަތްތަކެއް ބައެއް ބޭފުޅުން ކުރައްވާ ކަމަށް."
އިއްޔެގެ ކަންބޮޑުވުންތަކާ ގުޅިގެން ލީގަލް އެފެއާޒް މިނިސްޓަރު އައިޝަތު އާޒިމާ ޝަކޫރަށް މަރުގެ އިންޒާރުތަކެއް ލިބިފައިވާ ކަމަށް އޭނާ ވިދާޅުވެފައި ވާތީ މާރިޔާ ވަނީ އެކަން ކުށްވެރިކުރައްވައިފަ އެވެ. އޭނާ ވިދާޅުވި ގޮތުގައި އިދިކޮޅު އިއްތިހާދުގެ ސަޕޯޓަރަކު އެފަދަ އަމަލެއް ނުހިންގާނެ ކަމުގެ ޔަގީންކަން އެބަ އޮތެވެ.
"އަޅުގަނޑުމެން އެއްވެސް ސަޕޯޓަރަކު މިފަދަ ކަމެއް ނުކުރާނެކަން ޔަގީން،" މާރިޔާ ވިދާޅުވި އެވެ.
މީގެ އިތުރުން ސަރުކާރުގެ ލިޔެކިޔުންތަައް ނައްތާލުމުގެ މަސައްކަތް ކުރިއަށްދާކަމުގެ އަޑުތައް އިވެމުންދާ ކަމަށް ވިދާޅުވެ މިއަދު ވެސް މާރިޔާ ވަނީ އެކަން ކުށްވެރިކުރައްވައިފަ އެވެ. އަދި ސަރުކާރުގެ ވަޒީފާތަކަށް މީހުން ވެއްދުމާއި ކެނޑުމުގެ މަސައްކަތް ވެސް ކުރިއަށްދާ ކަމަށް ވިދާޅުވެ އެފަދަ ކަންކަން ނުކުރަން މާރިޔާ ތަކުރާރުކޮށް ގޮވާލެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޮލްލް
28 September 2018
މުޒާހަރާ ތަކަށް ނިކުމެ އެމީހުނަށް ވަގަށް ގޮވިދުވަސް ހަދައިން އެބަހުރިބާ؟
ހެޔޮނުވާނެ
28 September 2018
ހެޔޮނުވާނެ ތަންފުކެއް ދޫ ފަރިތަ ، އަޑުއަހާލަން ކަންފަތަށް ފަސޭހަ ބޭފުޅެއް ތަރުޖަމާނަކަށް ލައްވަބަލަ.
ވާނުވާ
28 September 2018
މިހަރު އިހުސާސްވޭ ދެއްތޯ މުހިންމުކަން.. އުވާލަން އުޅުނު މުއައްސާގެު މުހިންމުކަން ފެނޭތޯ.. މިޤައުމުގަ މިހާތަނަށްވެސް އެންމެ ނާޒުކުދަޑިވޅުތަކުގަ ހައްލުހޯދަދިން މުއައްސަސާ އުވާލީމާ އެފަދަކަންތަށްތަށް ހަމަޖައްސަދޭނީ ކޮންބައެއްތޯ....އިންޑިޔާ ސިފައިންތާ.....ހީހީ ހަލާކު މިއުޅޭ ކުދިން ްްްްްްްްްް އުޅޭގޮތުން
މެޑަމް އައިޝާ
27 September 2018
ހެހެ ވަތަކުތޯ ޖެހީ
ސުބްރަމާނިއަމް
27 September 2018
ކީއްކުރަން ޝުކުރު އަދާ ކުރަނީ. ކަލޭމެންގެ ލީޑަރު އިންޑިއާ ކައިރިން ބެގް ކުރީ މިތަނަށް މިލިޓަރީ ކުލީ ސިފައިން ފޮނުވައިދޭން.
މައިޓް
27 September 2018
ސުބާހާނﷲ އިދިކޮޅު އިއްތިހާދުގެ ސަޕޯޓަރެއް ނުކުޜާނެ. ތިޔެއް އެގުނީހީ ބަލިވިނަމަ އިންޑިޔާ ސިފައިން އަރުވާ ހަނގުރާމާ އިއުލާން ކުރީސް.. ސަލާމަތް ވީކަން ނަސީބު ، ދެން އަގަ ޗޭ ނުކޮށް ތިބެބަލަ މާރިޔާތައް
މަރޭމިތުރާ
27 September 2018
ސަލާމަތީބާރުތަކަށް ވަރައް ގަދަރު ކުރަންޖެހޭ! މަލާމާތްތައް ކުރާބަޔަކު އެކަން މުޅިން ފޮހެލަންޖެހޭ!
މަރޭމިތުރާ
27 September 2018
ގައުމެއްގެ ކުރިއެރުމާއި އުފަލަކީ ސިފައިންނާއި ފުލުހުނޭ... ގައުމެއްގެ ރައްޔިތުން އެކުވެރިކޮށް ބަލަންތިބޭ ބަތަލުންނޭ!
ދެކޭމީހާކިޔާމީހާ
27 September 2018
ޢާޒިމާ ޝުކޫރަށްއަންނަ އެބުނާއިންޒާރުތަކަކީ އިއްތިޙާދުގެބަޔަކު ކުރާކަމެއްނޫން. ޢިއްތިޙާދުގެމީހުން ބަދަލުހިފަންއުޅޭކަމުގައި ޤަބޫލެއްނުކުރެވޭ. ފެންނަފެނުމަށް އިދިކޮޅުއިއްތިޙާދު އެއަށްވުރެމާވަރުގަދަވެފަ ހުނަރުވެރި. ޢާޒިމާމެންކުޅޭކުޅިވަރުތަކުންވެސް ވާނެކަމުގައިބެލެވެނީ އިތުރުފަޟީޙަތް! ރައީސްޔާމީންގެ ސަރުކާރުގެ މަތިފަޑީގައިތިބެ، ބޭއިންސާފުވެރިރޭވުންރާވާ ކަންކަންކުރިއެންމެނަށް ޤުދުރަތުން ލިބޭނެ. ބަޔަކުކަމެއްކުރަންޖެހޭކަމުގައި ނުފެނޭ!
މަރޭމިތުރާ
27 September 2018
[[ފުލުހުންގެ ޔުނީފޯމުތައް އަުން ވިދަން ފަށައިފިއޭ! ފުލުހުންގެ ނަން ޖަރީވެގެން ދެކެންފަށައިފިއޭ!]]