ރާއްޖޭން ބޭރުގައި ފައިސާގެ މުއާމަލާތް ކުރެވޭ ޕާސްޕޯޓް ކާޑެއް ބީއެމްއެލްއިން ތައާރަފް ކުރަނީ

ރާއްޖޭން ބޭރުގައި ފައިސާގެ މުއާމަލާތް ކުރެވޭ ޕާސްޕޯޓް ކާޑެއް ތައާރަފް ކުރުމުގެ އެއްބަސްވުމުގައި ބީއެމްއެލް އާއި އިމިގްރޭޝަނާ ދެމެދު ސޮއިކުރަނީ. - ފޮޓޯ: ބީއެމްއެލް

މުހައްމަދު ޔާމީން، މިހާރު

11 އޯގަސްޓް 2016 - 12:28

7 comments

ރާއްޖޭން ބޭރުގައި ފައިސާގެ މުއާމަލާތް ކުރެވޭ ޕާސްޕޯޓް ކާޑެއް އިމިގްރޭޝަނާ ތައާރަފް ކުރަން ނިންމައި، ބޭންކް އޮފް މޯލްޑިވްސް (ބީއެމްއެލް) އާއެކު އެއްބަސްވުމުގައި މިއަދު ސޮއިކޮށްފި އެވެ.

ޕާސްޕޯޓް ކާޑުން، ރާއްޖޭން ބޭރުގައި ވިޔަފާރީގެ މުއާމަލާތްތަކަށް ފައިސާ ދައްކައި އޭޓީއެމްއިން ފައިސާ ނެގޭނެ އެވެ. އަދި ޕާސްޕޯޓްގެ ބަދަލުގައި ގެންގުޅޭނެ ރަސްމީ ލިޔުމެއްގެ ގޮތުގައި ވެސް މި ކާޑު ބޭނުން ކުރެވޭނެ ބީއެމްއެލް އިން ބުންޏެވެ.

އެ ބޭންކުން ބުނީ ބައިނަލްއަގުވާމީކޮށް ބޭނުންކުރެވޭ ޕާސްޕޯޓް ކާޑު ފައިސާ ޖަމާކުރެވޭ ޕްރީޕެއިޑް ކާޑެއްގެ ގޮތުގައި ބޭނުންކުރެވޭނެ ނިޒާމެއް ގާއިމުކުރާނެ ކަމަށެވެ. އެ ގޮތުން ޕީއޯއެސްތަކުގެ އިތުރުން އޮންލައިންކޮށް ވެސް މި ކާޑު ބޭނުން ކުރެވޭނެ ކަމަށް ބީއެމްއެލްއިން ބުންޏެވެ.

މި ކާޑު ރާއްޖޭން ބޭރުގައި ބޭނުން ކުރުމަކީ ބޭރަށް ދަތުރުކުރާ ދިވެހިންނަށް ފަސޭހަކަމާ އެކު ފައިސާގެ މުއާމަލާތް ކުރުމަށް ލިބޭ ވަސީލަތަކަށް ވެގެން ދާނެ ކަމަށް ބީއެމްއެލް އިން ބުންޏެވެ.

ބީއެމްއެލްގެ ރީޓެއިލް ބޭންކިން ޑައިރެކްޓަރު މުހައްމަދު ޝަރީފް ވިދާޅުވީ އިމިގްރޭޝަނާ ގުޅިގެން އަލަށް ތައާރަފްކުރާ ޕާސްޕޯޓް ކާޑު މެދުވެރިކޮށް ފައިސާގެ މުއާމަލާތް ކުރެވޭ ނިޒާމެއް ގާއިމު ކުރުމުގެ ޕްރޮޖެކްޓް ކުރިއަށް ގެންދިއުމަކީ ލިބޭ ވަރަށް ބޮޑު އުފަލެއް ކަމަށެވެ.

"ރާއްޖޭން ބޭރަށްދާ ގިނަ ދަތުރުވެރިން މިދަނީ ލުއި ފަސޭހަކަމާއި ރައްކާތެރިކަމާ އެކު އަޅުގަނޑުމެން ކާޑުގެ ހިދުމަތް ބޭނުން ކުރަމުން. ޕާސްޕޯޓު ކާޑު މެދުވެރިކޮށް މިފަދަ މުހިންމު ހިދުމަތެއް ދެވިގެން ދިއުމަކީ އަޅުގަނޑުމެންނަށް ލިބޭ ވަރަށް ބޮޑު ހިތްހަމަޖެހުމެއް،" ޝަރީފް ވިދާޅުވި އެވެ.

އިމިގްރޭޝަން ބީއެމްއެލް ކޭޝް ކާޑް ޕާސްޕޯޓް ސީއީއޯ އެންޑްރޫ ހީލީ

7 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

12 August 2016

މަދުވެން 30 ނުވަތަ45 މިނިޓް ކޮޅަށްތިބެން ޖައްސާ ބޭއްކެއް. އެކައުންޓެއް ހުޅުވެނީ އެހާއުދަގުލުން. ފޯނުކުރީމާ މިއުޒިކެއް 10 މިނިޓް. ގުޅާމީހާގެ ބިލްބޮޑުވާތީ ޖެހެނީ ފޯންކަޑާލާން. މިކަން ރަގަޅުކުރެއްވުން މުހިންމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

11 August 2016

މިހާރުގެންގުޅޭ ވިސާއައި އެމެކްސް ކާޑްތަކުން ބޭރުގައި ބޭނުންނުކުރެވެނީތޯ ؟ ދެންތިޔަކާޑްހެދިމާވެސް އިތުރު ކާޑެއްނުން އިތުރުވާނީ ، ބޭނކްއޮފްމޯލްޑިވްސް އިންދޫކުރާ ބައެއްކާޑްތަށް ބޭރުގެ ބައެއްތަންތާގައި ބޭނުންނުކުރެވޭ ، އެމީހުން ގަބޫލެއްނުކުރޭ ،، އޮންލައިން ބައެއްތަންތަނުގައި ،،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިފާގު

11 August 2016

މީގެ މާނައަކީ އިމިގްރޭޝަނުން ވެސް ބޭންކްއޮފްމޯލްޑިވްސް އާއި ގުޅިގެން ކްރެޑިޓް ކާޑެއް ތައާރަފު ކުރުންތޯ؟ ޚަބަރު ކިޔާލުމަކުން އިތުރު އެއްޗެއް ސާފެއް ނުވި. ދުނިޔޭގެ ކިތައް ގައުމުގައި ޕާސްޕޯޓުގެ ބަދަލުގައި ޕާސްޕޯޓުކާޑު ބޭނުންކުރޭތޯ؟ ޕާސްޕޯޓު ކާޑަކީ ޕާސްޕޯޓުގެ ބަދަލުގައި ބޭނުންކުރެވޭ އެއްޗެއް ތޯއެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިދީދީއައްޑޫސިޓީ

11 August 2016

ބެންކަށް ގޮސް ގަޑި ދެގަޑި އެތާ ކިޔޫ ޖެހިގެން ތިބޭއިރު، އިންސާނުންނަށް ވީތީވެ، ކޮންމެހެން އެފަދަ ތަންތަނުގައި ހުންނަންޖެހޭ ޟަރޫރީ ޚިދުމަތްތައް ހަމަޖައްސަވައި ދެއްވުން ކީއްތޯ؟ އިށީނދެ ތިބެވޭނެގޮތް، ބޯލާނެ ފެންފޮދެއް ލިބޭނެ ގޮތް، ފާޚާނާ ކުރެވޭނެ ގޮތް. މިއީ ހިއުމަން ރައިޓްސް ގެ ފަރާތުން ވެސް މިހާރު ބައްލަވަން ވެއްޖެ ކަންކަން. މިފުރުޞަތުގައި، އާއްމުން ޚިދުމަތް ލިބިގަންނަން ދާ މިފަދަ ތަންތަނުގެ ތެރެއިން މިކަންކަން ފުރިހަމަކޮށްފައިވާ ތަންތަނަށް ޝުކުރު ދަންނަވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕާސްޕޯޓް

11 August 2016

އިހަށް ޕާސްޕޯޓުން ޚިދުމަތްދިނުން ފަސްކޮށްލާފަ ބޭންކުތަކުގެ ކައުންޓަރު ތަކަށް މީހުން ހަމަކުރެވޭތޯ ބައްލަވާ. ކޮންމެ ކުއާޓާ އެއް ނިމުމުން އެތަކެއް މިލިއަން ރުފިޔާ ފައިދާ ވާކަމަށް އެބަވެދާޅުވޭ. އެހެންކަމުން ކައުންޓަރުތަކަށް މީހުން ހަމަކޮށްލުމަކުން މަސަލައެއް ނެތްތާ. އެއިރުން ކޮންމެވެސް ބަޔަކަށް ވާޒީފާގެ ފުރުސަތުވެސް ދެވުނީތާ. އަދި ކިއުގަ މަޑުކުރަންޖެހޭ ވަގުތު ސަލާމަތްވާނެތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިފޫ

11 August 2016

ޚަބަރުގަ ވަރަށް ބޮޑު އޮޅުމެއް ވާހެން ހީވޭ. ބީ.އެމް.އިން ކާރޑެއް ތަޢާރަފެއް ނުކުރޭ! ކާރޑު ތަޢާރަފު ކުރަނީ އިމިގްރޭޝަނުން. އެ ކާރޑުގައި ހިމެނޭ ގިނަ ޚިދުމަތްތަކުގެ ތެރެއިން ޕޭމަންޓު ފަންކްޝަން ހިމެނުމަށް ބީ.އެމް.އެލް. އާ އެކު ޕާރޓްނަރޝިޕް އެގްރީމަންޓުގައި ސޮއިކުރެވުނީ.. އަޅުގަނޑަށް ފެންނަ ގޮތުގައި އަދި އެހެން ނޫސްތަކުން އެގޭ ގޮތުގައި ކަން އޮތީ މިގޮތަށް. އެހެންވެ ހަޤީޤަތް ގެނެސް ދިނުމަށް މި ޚަބަރު އިސްލާހު ކުރުމަށް ދަންނަވަން.